رواية طلب استغاثة الفصل العشرين 20 بقلم هبة السيد
(الفصل العشرون)
*بشركه باسم عدنان للمعمار والهندسه كانت يارا جالسه بإنتظار دورها لمقابله باسم عدنان صاحب الشركه شخصياً فقد مر شهر ونصف وانتهت مده سافره أتصلت بها السكرتيره البارحه لتؤكد عليها الزياره إلى الشركه لأنه تم اختيارها رسمياً من قبل صاحب الشركه ،فقط تبقى روتينات خفيفه عليها إجرائها. نادت عليها السكرتيرة معلنه عن دورها للدخول إلى مكتب باسم فنهضت يارا وتوجهت إلى المكتب طرقت على الباب فآتاها صوته سامحاً لها بالدخول الى الداخل. وبعدما دلفت.
يارا بخجل/ السلام عليكم.
باسم بإجابة/وعليكم السلام ,تفضلي اقعدي يا انسه يارا. ولا اه صح معلش أقصد مدام.
يارا بسذاجه/ وحضرتك عرفت منين اني اتجوزت!؟
باسم بضحك/هههه يعني انتى مثلاً مفكراني انى بشغل أي حد عندي من غير ما اعرفه لأ طبعا انا لازم استفسر وأعرف عن حياته.
*قالت فى بالها بحنق لماذا يستفسر عن حياه العاملين لديه هل سيتزوج ايهم ،ما علينا سأنتبه لحديثه كيفما كان. أعادها صوته.
باسم بتساؤل /مدام يارا حضرتك معايا.
يارا موضحه/ ايوه مع حضرتك.
باسم بعمليه/ انتى أكيد تعرفي ان شركتي شركه ناجحه وسمعتها سبقاها وطبعاً شوفتي كل اللي شغالين في الشركه عندي طريقه لبسهم وكلامهم لأنهم يعتبروا واجهه لشركتي لازم يبقى عنوانهم الآناقه والجمال فهماني؟
يارا موضحه/ أكيد فاهمه حضرتك بس انا دي مش طريقتي انا لبسي لازم يكون محتشم وده بيكون أسم الأناقة والجمال الحقيقى اما بالنسبه لشركه حضرتك وسمعتها ف أكيد مش اللبس اللي هيخلي الناس تغير وجهه نظرها أهم حاجه الكفاءه والدقه في العمل مش كده برضو ولا كلامي غلط.
*أعجب بثقتها فى نفسها كثيراً ورغم أن حديثها سريعا ولكنه مدروس ومتقن،زينت ثغره ابتسامه جانبيه ثم نظر إليها وكانت هى تحاول أن تظل هادئه ولكن بريق عيونها البنيه أوضح كم هى غاضبه الآن. أراد استفزازها مجددا فأردف.
باسم بتساؤل/ اها وبعدين.
يارا بغيظ/آسفه أنا مش هشتغل فى الشركه دى بعد إذنك.
*ثم وقفت تريد الرحيل قبل أن ترتكب جريمه مع ذلك المتخلف ليقف هو بدوره بكل هدوء وكبرياء. ليردف.
باسم بهدوء /لو سمحتى يا انسه يارا اتفضلي اقعدى.
يارا بغضب /أنا مدام وبعد أذنك سيخبر ذ أمشي احسن.
*حاول إقناعها وبالطبع نجح وجلست ليكمل هو حديثه.
باسم بعمليه/انتى اتقبلتى فى شركتى وأنا كنت بختبرك.
يارا بسذاجه/وده ليه.
باسم موضحاً/ لأنك هتكوني مهندسه فى شركتى وكان لازم أتأكد انك واثقه من نفسك ولقبه فى الكلام ولا لأ واهم حاجة كنت عايز أعرفها ذكائك وهدؤك..
يارا بابتسامة/ امممم ده اسلوب جديد لاختيار الموظفين.
باسم بثقه/ لأ ده اسلوبى انا فى اختيار الموظفين عندى… ايه رأيك تقبلى تشتغلى فى شركتى.
يارا بابتسامة/ اممم تمام.
باسم موضحاً/ليس فى شويه توضيحات لازم تعرفيها.
يارا مستفسرة/زى ايه مثلاً؟
باسم بعمليه/ طبعاً انتى أكيد عايزة تعرفى ليه بقولك آنسه بدل مدام أنا بقولك كده لأن الحاجه دى تعتبر حياتك الشخصيه مليش دعوه بيها وكلمه آنسه هتفكرك دايماً أن الشغل منفصل عن حياتك أنا مش بحب التأثير فى العلاقات والشغل عشان بيكون تأثير سلبي انتى فهمانى؟
يارا مؤيده/ لأ ياريت حضرتك ماتقلقش من الناحيه دى أنا مستحيل أهمل شغلى.
باسم موافقاً/ تمام تقدرى تستلمى شغلك من بكرة فى الفرع الرئيسي.
يارا بعدم فهم/يعنى مش هنا؟
باسم بإجابة/لأ هتشتغلى فى الفرع إللى تحت إشرافى هو مش بعيد علفكرة واقرب لقصر الصاوي من الفرع ده.
يارا بذهول/ انته تعرف عيله الصاوي.
باسم بإجابة/أعرفهم كلهم بس معرفتش أحضر فرح إيهاب لأنى كنت مسافر..عالعموم انتى عندك خبره رغم صغر سنك ،وأنا داخل مشروع جديد ومحتاج حد معايا يكون بيتكلم آلمانى كويس وانتى بتعرفى و أنا عارف انك طلعتي الأولى على دفعتك كذا مره عشان كده لازم تشتغلى معايا فى الفرع الرئيسي تمام يا آنسه يارا.
يارا بسعاده/ تمام تشرفت بمعرفتك.
باسم بابتسامة/وأنا اكتر
يارا/ بعد اذنك
باسم /اتفضلى
*بعد ذلك خرجت من الشركه وهى بقمه سعادتها كانت أحلامها ان تعمل بهذه الشركه والان ستعمل بالفرع الرئيسي لذلك هى سعيده جداا ولكنها شعرت بأن ذلك باسم غريب الأطوار نوعا ما لذلك بعدما وصلت الى القصر دلفت إلى غرفتها واخرجت الحاسوب الخاص بها لتطلع على بعض المعلومات التى تخص باسم عدنان وشركاته.
“باسم عدنان”
شاب رياضي يبلغ من العمر ال٢٩ عاماً لديه شقيقه واحده تدعى سمر يعيشوا هما الاثنان سويا والده ووالدته متوفين وهذه الشركات ميراثه هو وشقيقته.. وهو من عمل على توسيع عمله وإشهاره..
المواصفات/طويل القامه ذو بشره معتدله وشعره أسود قصير ناعم جداً ذات عيون خضراء داكنة ولحيه خفيفه تزيده وسامه مع عضلاته المقسمه التى تعطيه جاذبيه رائعه.. هو حلم كل فتاه ولكنه متفرغ للعمل ولا يكون علاقات غراميه ابدأ وكذلك شقيقته الصغرى.
*ابتسمت يارا برضا وهى تقرأ تلك المعلومات يبدو إنه شخص عملى ليس كما ظنت إنه شخص مستفز.
____________________________________ *بعدما أوصلها الى منزلها وظلت تبكى حتى تعبت دلفت إلى المرحاض لتستحم حتى تشعر بالانتعاش قليلا وبعد ذلك ذهبت إلى فراشها وغفت فى وقتها…
___________________________________
*بعد أوصلها وذهب مرة أخرى إلى المستشفى توجه إلى مكتبه وطلب من الممرضه أن تخبر ادهم بأنه يريده خرجت الممرضه لتلبى طلبه وبعد دقائق جاء أدهم..
أدهم بتساؤل/ خير يا كريم الممرضه قالتلى أنك عايزني!
كريم بإجابة/ ايوة كنت عايز اقولك حاجه.
ادهم بموافقة/ سامعك.
كريم موضحاً/ ملكش دعوه بهنا يا أدهم.
أدهم بعدم فهم/يعنى ايه مش فاهم.
كريم بإجابة/ يعني أنته متعرفش حاجه عن هنا هى حياتها كانت صعبه جدا وهى حالياً في فترة نقاهة أنا الدكتور الخاص بحالتها وهى فى الوقت الحالى مينفعش إنها تكون أي علاقات جديده.
ادهم بحيره/ فتره نقاهة من ايه بالظبط وايه علاقات جديدة أنا مش فاهم حاجه!
*طرقت الممرضه على الباب ثم دلفت للداخل .
الممرضه بعمليه/دكتور كريم المريض رقم ٣٠ فاق.
كريم بموافقة/ طيب جاى.
*نظر لادهم بتمعن ووضع يده على كتفه ثم اردف.
كريم مؤكداً/ياريت تكون فهمتنى يا ادهم.
*بادله أدهم بنظرات استغراب ليخرج كريم تاركاً اياه يتخبط بأفكاره.
___________________________________
*مر أسبوع على أبطالنا وحدث كالآتي:
يارا/كانت سعيده جدا بعملها التى استلمته منذ أسبوع… ولكنها كانت تقابل بعض المشاكل من قبل مهندسه اخرى ولكنها الآن تحاول أن تتجاهلها.
ايهاب/لا ينكر إنها توفق بين عملها وبينه تعطيه الكثير من الحب ولا تفضل عليه عملها ابدا ولكنه يشعر بالتوتر لا يعرف لماذا.
سامح/تعافي تماماً وأصبح متساهل فى بعض الأمور كالخروج بمفردها والتحدث السطحى مع البعض باستثناء الغيره عليها ،وسيخرج ذلك الأسبوع أخيراً.
رنا/مشوشه التفكير كثيرا لا تعرف ما ذلك الشعور الذى يحتل عقلها وقلبها عندما تكون قريبه منه… لمساته وهمسه لها بأنها ملكه هو فقط كل ذلك يؤثر عليها كثيراً ولكنها لا تعرف حتى تفكر أو تفسر ذلك الإحساس الذى تغرق به الآن.
هنا/إلى الآن لا تبحث عن عمل تصرف من النقود التى كانت تخفيها فى هو خزانتها منذ زمن كي تساعدها فى مصاريف تعليم يارا. لا تخرج من المنزل إلا لتذهب لصديقتها أو لتشترى بعد المستلزمات للمنزل.
كريم/مثلما هو عندما يريد الهروب من شيء ما يكثر من ساعات العمل حتى يرهق تماماً ليذهب بعدها إلى النوم سريعاً كي لا يعطى لعقله وقت للتفكير.
ادهم/ كان يحاول معرفه على شيء عن هنا وسأل كريم عليها ولكنه أجابه بحنق انه لا يعرف شئ عنها..
باسم/كان معجب كثيراً بطريقه عمل يارا لقد أنهت تخطيط ثلاث مشاريع وحضرت معه اجتماعاً للمناقشة بخصوص المشاريع الجديده وكانت آرائها ممتازة وكانت تعرض اختيارات جديده ورائعه. وكل هذا بأسبوع واحد ،لذلك حصلت على تقديره لها بنسبه لا بأس بها.
____________________________________
*استيقظت على صوت جرس المنزل نهضت من الفراش وفتحت الباب لترى صديقتها المقربة تقف أمامها. وهى تبكى.
هنا بذهول/حنين. مالك فى ايه؟!
*لتنتحب الأخرى وترتمى بأحضان هنا لتدلف بها هنا إلى الداخل بعدما أغلقت الباب. وحاولت أن تهدئها.
هنا بخوف/ايه اللى حصل يا حنين طيب؟!
حنين ببكاء /الحيوان اللي ساكن فى العماره بتاعتى حاول يتعرضلى كذا مره ويتحرش بيا وأنا كنت بمنعه ولما يأس منى طلع عليا إشاعات وقال لسكان العمارة كلهم أنى بنت مش تمام وطردونى من العمارة. وجيتلك لأنى معرفش حد غيرك.. ومش عارفه اعمل ايه.
هنا بعصبية/ ده أنا هوديه فى٦٠داهيه.
حنين بخوف/ لأ والنبى يا هنا ده خطير جدا وشغال فى حاجات وحشه أرجوكى بلاش.
هنا مطمنه/ طيب بطلى عياط.
*ثم عانقتها بحب. فهى تعلم كيف عانت حنين بحياتها بعدما هربت من زوج والدتها الذى كان يتحرش بها ويعذبها بأشد الطرق واراد أن يعتدى عليها بعدما توفت والدتها لذلك هربت منه ومن وقتها وهى تعانى من رهبه الرجال.
هنا بابتسامة/ هو الموضوع يدايق فعلا بس احسن إنه حصل كده عشان تقعدى معايا.
حنين مبرره/ لأ يا هنا أنا عارفه انك مش شغاله هاجى انا وهحط على الطين بلة…
هنا مقاطعه/ مش هقبل أى اعتراض وانتى عارفه اني عنيده.
*لتبتسم الأخرى وتومأ لها بالموافقة….. أنهوا تحضير الفطور وجلسوا وتناولوا لتسمع هنا هاتفها يرن أجابت لتنصدم بصوت شقيقتها الباكي.
هنا بخوف/ مالك يا يارا بتعيطى ليه يا حبيبتي؟!
يارا ببكاء/ه.هنا انا ع.عايزة اشوفك ضرورى.
هنا بقلق/طيب تعالي ولا أقولك انتى فين؟
يارا بإجابة/انا عند كافتريا…..
هنا بموافقة/طيب تمام مسافه السكه وهكون عندك.
*خرجت هنا من منزلها سريعاً كي ترا شقيقتها وصلت إلى المكان وكانت يارا ب انتظارها دلفوا داخل الكافيه ليتحدثوا.
هنا بقلق /مالك يا يارا في ايه معاكى ايه اللي حصل؟
يارا ببكاء/مش عارفه يا هنا أنا تعبت أنا لسه شغاله من أسبوع بس وانتى تعرفي ده بس في مهندسه معايا في الشركه مش سايباني في حالي وأنا مش عارفه أعمل إيه بحاول اتجنبها على قد ما بقدر بس هي مصممه إنها تإذيني والنهارده سرقت منى أوراق المشروع اللي هيحدد مسيرتي وأنا مش عارفه أعمل إيه، المشكله إني لو قلت لإيهاب كل ده هيقول لي اقعدي من الشغل هو أصلا كان رافض فكرة أنى أشتغل من الأول.
هنا بغيظ/ ولما هي مش سايباكى في حالك من أسبوع ما قلتليش من ساعتها ليه؟!
يارا بحزن /أهو اللي حصل بقى يا هنا ما كنتش عايزه الموضوع يكبر.
هنا الغضب/وفين الأستاذ صاحب الشركه أو المدير مش المفروض هو اللي يتصرف في المشاكل اللي زي دي!
يارا موضحه/ بصراحه انا اللي ما قولتش .
هناب استنكار/ ازاي يا يارا ما تعرفهوش حاجه زي دي!… على العموم الكلام ده دلوقتي مش هيعمل حاجه خلينا في المهم انتى حافظه المشروع اللي عملتيه يعني ينفع تجهزيه من الأول.
يارا بإجابة/ أيوه يا هنا بس مستحيل أقدر اخلصه في يوم هو المفروض يتسلم بكره.
هنا بثقه/ ومين قال لك أنك هتسلميه بكره انتى دلوقتي هتطلعي على الشركه وهتعرفي المدير كل حاجه و هتطلبي منه مده اضافيه علشان اللي حصل وتحكي له كل حاجه المهندسه دي عملته معاكي وأنا متاكده أنه هيصدقك لأن هي أقدم منك وهو أكيد عارفها مفيش مدير بيبقى مش عارف نوايا اللي شغال معاه تمام.
يارا موافقه/ تمام بس يا رب يوافق.
هنا بتأكيد/ اكيد هيوافق.
*ودعوا بعضهم ثم توجهت يارا إلى الشركه تحكي لباسم على ما حدث وما يدور.
