رواية احضان من جمر الفصل الثامن والعشرين 28 بقلم الكاتبة ناز الدليم – تحميل الرواية pdf

نرجس : كعدت الصبح ساعة بلسبعة رحت توضيت وصليت وكعدت سمر ونزلت جوة هم كعدت ماما

فتت للمطبخ اسوي ريوك بين ميكعدون طلعت بيض

وطماطة سويت مخلمة

وعدنة صمون طلعتة خليتة بلفرن يحمة بديت

اسوي المخلمة وخدرت جااي نزلت سمر حضرت

الكلاصات مال جاي

شوية واجو ماما وبابا صبينة تريكنة وكملنة غسلت المواعين اني وسمر عااد رحت الماما كتلهة علمود

انروح للصالون كالت بلعشرة كتلهة تمام بس انطي البابة خبر لان خااف يطلع كالت اوكي

صعدت فوك طلعت الفستان والغراض الاخذهن وياية

واخذت صاية حتة البسهة فوك الفستان

مر الوقت صارت ساعة بلعشرة بدلنة وكملنة وصلنة للصالون ماكو حجز هواي مجرد الي عدهة مهر والي عدهة خطوبة كملن وبدت ام الصالون بلمكياج

خلصت وبلشت اتسويلي بشعري اني طلبت بس ترفعلي شعري بف والباقي واتعوف الباقي ع طولة

_اما سمر هم بلشن بيهة واختارت مكيااج هادء وسوت

شعرهة بف والباقي برمتلهياا صار كلش حلو وماما سولهة بس مكياج

كملت رحت الغرفة التبديل بدلت لبست الفستان جانت

اكو جامة ع طولي بلغرفة ضليت اباوع ع نفسي

ضليت اتأمل روحيي اخرر شي غميت نفسي وضحك وطلعت

فاتت وراية سمر بدلت وماما هم كملنة كلشي خابرنة ع بابا واجة هم امبدل ولابس دشداشة خليجية ولاف الغترة وشايل السبح المهم

صعدنة بلسيارة شوية وكلت اعلكهة بين ماما وبابا وكلت

بشار … كولي بوية.

_ شطالع اليوم عبالك عريس.

_ سمر…بوياي اليوم البنات راح يصيرن كتل عليك.

_ نرجس… ايي والله اليوم البنات يكزكزن عليك.

رناا بضوجة … ايي بعد بعد خوو عليش هم انشوفلة مرة ونزوجة ونفض السالفة.

بشار….ايي بوية ياريت تشوفيلي كون مرة صاكة.

رناا … ايي عفية ودور صاكة هم من البداية وكول اني رايحة علمود اشوفلي مرة جان نطيتني خبر من البيت.

بشار … بوية انتي نضر عيني ماابدلج بلدنيا كلها.

رناا … يابعد عيني ونضرهة.

نرجس … اني حجيت اشو السالفة من الشقة صارت صدك عزة ولا اكعد اني يعني حتة وية اهلي اخبث.

اشو اشوية وتراضو ضحكت ع سوالفهم واحد يتغزل بلاخ ولا عبالك احنة موجودين ربي يديم محبتهم

وصلنة ساعة ب12 ونص طبينة لكينة الدنياا مكلوبة

ومنشوف بس لبنات موزعات بكل مكان هاي لتبدل وهاي لتسوي بشعرهة وهاي لتخلي مكياج بعد

مريم بعدهة مجااية من الصالون شوية وصبو غدة الكل كعدت اتغدة اني اكلت بس شوية وكمت حتة ميهبط ضغطي كملنة والبنات كامن كملن وبدلن وطبن يركصن

والي ياخذن صور والي كاعدات يحشن بلعام ويقلدن

اني وسمر ضلينة كاعدات ماكمنة بس نباوع وماما راحت يم ام مريم

سمر … كعدت الصبح بكل نشاط وحمااس ايي يابة ليش مو حمااس جاا مو عدنة عرس

كعدتني نرجس بسرعة كعدت كمزت غسلت وتوضيت

صليت ونزلت ليكت نرجس مجهزة ريوك تريكنة

كملنة نرجس كالت الماما علمود الصالون عاد كالت البابة صارت بلعشرة رحنة وبلشن ينصبن بينة العاملات

بصراحة اني كلش احب هاذ الصالون لان

كلشي بي نازك ومرتب بلشن ايخللي مكياج كملت بلشت بشعري ماطولت بي هوااي عاد اجتي العاملة

الثانية ركبتلي اضافر وصبغتهن بلون الفستان

كمت بدلت لبست الفستان وصفنت ع نفسي شوية

وكلت بويااي طالعة اخبل قل اعوذ برب الفلق هسة اطك نفسي بعين عاد عدلت وكفتي بكل ثقة وطلعت

نرجس …اشوية واجتي بنية ماعرفهة سلمت علية وكعدت بصفي سئلتي كالت انتي صديقت مريم كتلهة ايي كالت ايي مبينة لان شكلج مو من عدنة كتلهة ايي

اشو هااي كامت تحجي عن نفسهة كالت اني بنت

عمهة المريم كتلهة اتشرفت بيج كالت وبيج اكثر

ونطلقت بلحديث شوية وكامت تحجي ع مريم اتكول

يوسف جان حاجزيلة بنت عمي اللخ من جان صغير

بس خطية هية مريم ضلت تتقربلة وتنسق وياا لحد ماطيرت عقلة واخذتة من البنية

اني ضليت مصدومة يربي هااي شدتحجي شهل خرابيط ماتحملت كلامهة واتهاماتهة الباطلة

وكتلهة انتي بياا حق تجي وتتهمين مريم وتحجين عليهة بهاذة الاسلوب

ردت… يااا عزة بعينج ونتي ع شنو كبيتي اكلتيني حاصل فاصل وبعدين اني ما مجذبة

نرجس … لاا شلون واتهامج وتلفيقج للبنية اصلاً ابن عمج ماحبهة لهذيج لتكولين عليهة همة الاهل حجو عليهم وحجزوهة من جانو صغار يعني مو بارادتة

اليوسف وثاني شي يوسف هوة الي حبهة المريم

وهوة الضل متمسك ومستمر بحبة المريم يعني شنوو انتو متكدرون تشوفون شخص يزوج عن حب الة ودمرتو وشوهتو سمعتة بحجيكم وتلفيقكم الباطل

ردت … ماشالله انكلبتيلي محامية المريم وشدعوة هلكد ادافعيلهة تراا هية مجرد صديقة

نرجس… لاا حبيبتي هااي انتي تفكيرج هيج هية مو بس صديقتي هية جزء من روحي واعتبرهة اختي ويومي ميكمل ابدونهة تمام بس الضاهر انتي ماعندج

صديقة ومحاسة بمعنى الصداقة شنو

ردت … اوععع شلي بهل خرابيط والله صديقة ومدري

شنوو حبيبتي اني ماضيع وقتي ع صداقة وحدة لو

اشغل بالي بيهة اني علية بنفسي وبس

نرجس … ايي تمام هااي انتي كلتيهة عليج بنفسج وبس شكو هسة جاي تدخلين بيني وبينهة

ردت … ايي بنت وبكيفي ادخل ما ادخل انتي ميخصج

نرجس … بس اني الاعرفة بنت العم تكون سند لبنت عمهة موو كاعد تلفق وتتهمهة بشغلات مو صحيحة

ردت … اويي انتي الضاهر الحجي مينفع وياج

نرجس… بس اني ماكتلج تعااي وحجي وياي انتي الي اجيتي وحجيتي والله يالله فوك شينهة كوات عينهة

ردت … احترمي نفسج واحجي عدل وياي

نرجس … اولاً اني محترمة نفسي ومامجاوزة بكلامي

وثاني شي وخليهة ترجية بأذنج هسة انتي حجيتي ع مريم واتهمتيهة تراا هم رااح يجي يوم وينحجي عليج ويتهمونج مثل ما انتي سويت هسة والدنياا دوارة ترا

كلتلهة هيج ضلت بس تباوع علية مانطقت بحرف خلت وراحت عجيب يربي شنو من بشر هااي

نرفزتني بكلامهة حيل سمر كاعدة يمي بس ماشاركتنة بلحجي ضلت بس تباوع علينة وتحااول تسكت بينة بكل هدوء حتة متخلي العالم تنتبه علين واحنة جنة

نحجي والبنية كاعدة بصفي

يعنيي محد انتبه علينة كمت وكامت وياي سمر رحت

لغرفة فارغة طبيت وحاولت اهدي نفسي شوية اخذت شهيق وزفير عدة مراات رتاحيت شويو وعدلت نفسي

وطلعت صارت ساعة بل2 الضهر وخالة ام مريم كالت

طلعو من الصالون

البنات والنسوان كلهن التمن بلصالة

شوية وكالو وصلو علكو اغنية وعلو صوت الديجي

مريم … وصلنة للبيت اكو هواي زلم واكفين برة وعمامي ولدهم اجة عمي فتح الباب

واخوي فوت السيارة بلطرمة نزلت مرت اخوي فتحتلي الباب وسحبت البدلة شوية طلعتهة من الباب حتة اكدر انزل لان البدلة حيل ضخمة المهم نزلت وكفت وسحبت البرنص من راسي وشالتة بيدهة

طبيت للصالة رحت كعدت ع الكوشة اجتي امي باستني وعدلتلي البدلة وكالت راح اجيبلج

لفة مال كص لان مانتغدية كتلهة ماكر اكل ماشتهي

كالت لا لازم تاكلين لان هسة ضغطج يهبط هزيت راسي بقبول وراحت شوية واجتي

نرجس كعدت يمي وسلمت علية وضلت حاضنتني

وكالت ايي وجان يجي اليوم واشوف بي احلاا عروسة

كتلهة يبعد روحيي يوم الالج كالت

نرجس … لا يمة الله يبعدنة

مريم … بضحكة يعمري ربي يرزقج بلشخص الي يحبج ويسعدج

نرجس …يروحي تسلمين

جابتلي ماما الغدة اكلت ونرجس كامت كملت اكل واشرت السمر انو تجي

سمر … هاا ام كرش يعني حتة بعرسج او مانسية الاكل

مريم …عابتلج اني ماشتهي بس ماما كالت ايصير عندج هبوط

سمر … بلعافية ايي شردتي صحتيلي

مريم … شسمة كولي المام مريم تريد جااي لان متعودة

واذا مااشرب راسي يهيج علية

سمر … تمام هسة اروح اكللهة

راحت واجتي ماما شايلة كلاصة جاي شربت منة وانطيتها

ضليت اباوع ع البنات من يركصن اجتي علية مرت اخوية كومتني وكمنة نركص اني وياهة

شوية وكعدت نرجس ضلت كاعد وكلساعة ودازتلي بوسة بلهواا

صارت ساعة بل4 العصر

خابرني يوسف

سد الخط عاد اشرت النرجس تكللهم اجوي

شوية وكالو وصلو طن خواتة يهلهن وامة

وهوة طب بهيبتة وبمشية الرجولة اني وكفت

اجة وكف بصفي وباس راسي وقرب شفتة يم اذني وكال

يوسف … دخيل الله شهل جمال

مريم … جمال عيونك حبيبي

كعدنة وكمش ايدي شوية وجابو الكيكة شكلهة يجنن هوة اختارهة تلاث طوابق

كمنة وكفنة حتة نكص الكيكة شلت السجينة وخلة ايدة فوك ايدي وقطعنة الكيكة وكلني واني هم وكلتة

اخذنة صور وفديوهات وشالوهة

اجتي مرت اخوي كالت يلاا كومو اركصو اسلو كام ولزم ايدي ومشاني وياا

نزلني من الكوشة طفو الاضوية وشغلو بس اضوية اطلع الوان والكوشة بيهة كلوبات موجهة علينة فلاضاة والانضار صارت بس الية والة

الكل كعد ضلينة بس اني وياا خلة ايدة ع خصري

واني مخلية ادية ع ركبتة وخرب راسة يم راسي

حيل وانفاسة صارت ابأذني

شغلو اغنية راح اسجل روحي بأسمك

_ راح اسجل روحي بأسمك

_ حتة اضل كل عمري يمك

_ انتة بس خليك يمي

_خلي انسة وياك همي

_ انا حاير وين اضمك

_ عيني انتة وروحي انتة ودمي دمك

_ اتمنة تدري انتة عمري وحلمي حلمك

_ادعي لربي يحفضك ليا ياغالي ويسلمك

ضلينة نركص واني ادندن ويو الاغنية وهوة كلساع ومقرب راسة يم اذني ويهمس

يوسف … احبج مريومتي

مريم … واني اموت بيك يوسفي

خلصت الغنية كعدنة شوية وكال يوسف يلاا حتة يرجعون لان هوة هم مسوي جوبي يم بيت عمتي

شو هاذة كام ولزم ايدي وكومني وياا ويكلي يلاا

كتلة وين يكلي ميصير اتروحين وياي هسة

كتلة عزة شدتحجي تراا مابقة بس باجر العرس

ايي ميخالف بوياي شيصبرني منا الباجر

كتلة لاا تصبر مثل ماصبرت السنين الراحن

يوسف … يلاا بوية نصبر مناا الباجر امري لله

باسني براسي وكال ديري بالج ع نفسج واكلي زين

مو تجيني بااجر دايخة وعندي هبوط ومدري ايش

مريم … لاا حبيبي لتخاف علية اكل وانتة هم انتبه النفسك زين

راح واهلة هم راحو عاد طبن البنات يركصن لحد مصارت ساعة ب7 ونص صبو العشة طفو الديجي اتعشو شالو السفر وشغلو لحد ماصارت ساعة بل 9

اجتي يمي نرجس وكومتني طفت الديجي وكالت من رخصتكم الكل يكعد اريد اقدم هديتي المريم كعدو الكل واني واكفة بنص الصالة احساس غريب وبنفس

الوقت حلو

خلت مبايلهة ع ديجي وشغلت اغنية “اختي حبيبتي”

اجتي يمي اول شي حضنتني وبعدين لزمت خصري وكمنة نركص اني وياهة عليهة

بهاي اللحضة بجيت صحيح ماعندي اخت بس هية ماخلتني احس انو ماعندي وعوضتني عن هاذة الاحساس حضنتهة وخليت راسة ع كتفهة وكمت ابجي وهية هم بجت شوية و كامت تسكت بية وكالت لتبجين مكياجج راح يخرب وخرت راسي ابتسمتلهة

وضلينة نركص وندندن وية الاغنية

_ الفرحة اللي انا حاسس بيها

_لا انا قادر اقولها ولا احكيها

_ اختي حبيبتي وضي عيوني

_ لعريسها بأيدي هوديها

_ من يوم ما وعينا على الدنيا

_مفارقناش بعضنا لو ثانية

ركصنة واني القي نضرة ع اوجوه عماتي وبنات عماتي

مبين الحقد والغيرة بعيونهن احسهن عبالك جايات غصب لعرسي او اصلاً حت لو ماجايات بعد احسن وجودهن وعدم وجودهن عندي واحد

خلصت الغنية وشغلو اغاني ساجدة عبيد

نرجس ماخلتني اكعد كالت ضلي خل نركص شوية اني وياج

_ خالة شلون بية مادريتي

_مالومج ياخالة شما حجيتي

_ انتي الي كضيتي العمر راحة

_ لا شفتي الملامة او لا هويتي

_ شيصبر العاشك يا خالة

وحدة كابلت اللخ ونهز كتف ونسوي حركات

صارت ساعة ب 11 ونص

نرجس… صارت ساعة ب 11ونص اجتي سمر كالت

بابا يكول يلاا سلمت ع مريم ودعتهة وطلعنة

رجعنة للبيت كبل بدلت وغسلت ونمت بدون وعيي

مريم … ختمت الحفلة ساعة 12 ورحت ماما ومرت اخوي ساعدني وفلن التسريحة نزعت البدلة وفتت سبحت ولبست تراك قصير لون سمائي

كملت وطلعت لكيت ماما وخالاتي ينضفن بلبيت

كعدت واني رجلية متكسرة من الوجع لان لابسة كعب

اجتي مرت اخوي مشطط شعري ونشفتة وكوتليا

رحت كبل صعدت الغرفتي نمت لان حيل تعبانة وماحسيت بشي بعدهة

_كعدت الصبح ع صوت العصافير ع شباك غرفتي والساعة ب8 كمت غسلت ونزلت سلمت الكل كاعد ومتريكين لكيت اخواني كاعدين بلصالة فتت كعدت

يمهم ماحجو شي جابولي الريوك اتريكت وشلت الصينية خابرني يوسف حجة وسد الخط

ضليت كاعدة لحد مصارت ساعة ب 9 ونص رحت اني

ومرت اخوي وخالتي للصالون طبينة للعشرة ونص يلاا بلشت بية جنت مختارة تسريحة كلش حلوة

كملت تريحة ومكياج ولبست البدلة البيضة

وطلعنة اخوي منتضر برة

نرجس … كعدت ع صوت ماما والساعة جانت بل9

نزلت جانت سمر كاعدة بس تنتضرني اكعد حتة نتريك سوة

نزلت سوينة ريوك كملنة صعدنة فوك لساعة ب 11 كمنة تمكيجنة وبدلنة نزلنة جوة لكينة ماما بعدهة كلشي مامسوي انتضرناهة تخلص وبابا هم كملو صارت بل 1 طلعنة

وصلنة لبيتهم لكينة الزلم صايرة كتل يم باب بيتهم

دنمشي ومدتكة راسي وصلت الباب مال بيتهم دافوت

واسمع واحد يكول فديت الخجلاان

مارفعت راسي كبل طبيت كبر لفة ولا يستحي شلون اخلاق شنو ماعندة خوات هاذة

فتنة الكل مكمل الصالة بيهة ناس قليلين لان الي تاخذ صور الي كاعدة وكم بنية ديركصن ل 1 ونص اجتي مريم

فاتت بطلتهة وبجمالهة الي لفت انضار الكل ناعمة كلش

مبينة عبالك باربي

مريم… وصلنة فتت للصالة كعدت ع الكوشة اجتي ماما جابتلي مي ونطتني علج سهم لان نفسي كلش لعبت اكلت العلج حسيت بنفسي ستعدلت شوية اجتي نرجس كمنة ناخذ صور اني وياهة زكامت صور فديوهات وستوريات

كومني ركصت اشوية صارت ساعة بل 4 العصر خابر يوسف كال احنة راح نوصلكم

شوية ونسمع صوت الهورنات واصوات الطلق حرك الجو حرك

طبن النسوان وخوات يوسف وامة يهلهن ويطشن جكليت ويوسف طب وكمت وكفت وهوة وكف يمي

يصفكن ويكولن

_مبارك عرسك يلهيبة

_مبارك عرسك يلهيبة

_ عفية عليك شلون حصلتهة مثل الحمامة من القفص صدتهة

_ اووو سوو درب لام اللولدد تررييدد تلللعبببب جوللة

_ اوو كللللوووووشششش

طبو اخواني وبابا اجمي اخواني حضنوني

واجة بابا حضني واني كمت اشهك بحضنة وهوة هم بجة وصوت شهكاتة مسموعة باسني بخدي وبراسي

وكال صيري سباعي بوية ولتبجين بوية هية هااي سنة الحياة

رحت ع ماما حضنتهة وجلبت بية متقبل تهدني واني ابجي اجتي خالتي كالت كافي ياعيني هسة هية وين رايحة

سلمت ع نرجس وكالت ربي يسعدج ويهنيج انشالله

دنطلع اجة يوسف لبسني البرنص بأحكام ونزل البرنص ع عيوني كمت كلشي ماشوف سلم يوسف ع بابا

بابا: ماوصيك بمريم بعد

يوسف: ميحتاج توصي عمي مريم. احطهة بعيوني

بابا: تسلم اوليدي متقصر

لزم ايدي وطلعنة فتح باب السيارة وكعدني بلصدر

بس اني ويا بسيارة الزفة

مشت سيارة الزفة والسيارات الباقية كلهة ورانة وصوت الهورنات والطلق علك الجو علك

يوسف: هسة شكو هلبجي ياعيني

يوسف: كافي يروحي هسة كمتي تبجين لان ازوجنة

مريم: لا مو هيج بس ابجي ع اهلي

يوسف: ايي يبعد روحيي اني اصيرلج اهل

وبعدين اهلج شوكت متردين اجيبج الهم

مريم: يعمري متقصر بس والله صعبة

يوسف: انشالله تتعودين وانشالله ماقصر ويااج وماخليج تحتاجين البشر

مريم: يبعد روحيي تسلملي

نرجس … اجتي الزفة وهااي اللحضة حيل اكرهة او صعبة كلش تكون للبنية واهلهة وخصوصاً مريم لان

هية البنية الوحيدة الاهلة وتكون طلعتهة من البيت

حييل صعبة وتترك فراغ جبير بلبيت

سلمت عليهم وهية واهلهة كلهم بجو واني هم ماتحملت وبجيت رحت سلمت عليهة شوية وطلعت الزفة احنة ضلينة يم ام مريم لل6 وجان نرجع البيتنة

مريم … رحنة للستوديو اخذنة صور وبعدين افترينة شوية حتة الزفة اطول ورحنة للفندق البغداد

واهل زوجي ضلو بيت عمتي الي بغداد

فتنة للفندق وصلنة للغرفة الحاجزهة يوسف

فتت كعدت ع جرباية واني هناا كلبي يريد يطلع من

مكانة يوسف طلع من الغرف اشوية ورجع اجة كعد يمي وكال

يوسف .. تخيل تحقق حلمنا

وصرت اني من قسمتك

هيج وتتشابك ايدينا

وتلمع بأيدي حلقتك

مريم … رفعت راسي وباوعت بعيونة وكتلة صاير مغني حضرتك

يوسف… جاا شعبالج انتي سويتيني مغني وشاعر وكلش صرت من وراج

اندك الباب جابو العشة كعد هوة يسويلي لفات وايجبرني اكلهن رغم اني خايفة وما اشتهي

كملنة العشة واجمي اخذو

نرجس … يتبعععععع

التاسع والعشرين من هنا