رواية احضان من جمر الفصل الخامس والعشرين 25 بقلم الكاتبة ناز الدليم – تحميل الرواية pdf

{{ بـسـم اللَّه الـرحـمـن الـرحـيـم }}

الـكـاتـبـة: نـاز الــدليم.

لتنسون التصويت والتعليق بين الفقرات + متابعة للحساب.

سمر : اتمددت ع جرباية روتين عادي وصلني اشعار. رسالة ؏ الواتساب ؟

احمد : هلو سمر شلونج؟

سمر : شفت الرسالة احس صارت مغص بطني ترددت ارد علي رد دز

احمد: ليش اتشوفين الرسالة ومتردين عبالك مسويتلج مكسورة وخايفة تحجين ؟

– جاوبتة

سمر: لاا هستوني فتت للواتساب.

– كال بشك

احمد: هاا

احمد: ايي مجاوبتيني؟

سمر: ؏ شنو اجاوبك ؟

احمد: كتلج شلونج وماجاوبتي

سمر: لحمد الله وانتة

احمد: اني ،اني مو زين.

سمر: ليش شبيك؟

احمد: كلبي يوجعني

سمر: ليش جان رحت لدكتور شي يسويلك فحص خاف احد فايت الكلبك بلغلط

احمد: ههههه شغلتي مو مال دكتور

سمر: لعد مال شنو بلا

احمد: احب وحدة بس هاي الوحدة متحس

بية ولا تحس بحبي الهة.

سمر: سديت المبايل وما رديت عليه ادري يقصدني بكلامة.

ــ عفتة ونمت صارت ساعة بلخمسة كعدت ضليت صافنة شوية وكمت حضرت ملابس طبيت سبح وطلعت مشطتت شعري لبست شالي ونزلت الكل

كاعد بلصالة فتت للمطبخ.

سمر :ها بنات اساعدجن

رقية: لاا حبيبي قابل شمسوي هوة كيك

سمر: ايي ميخالف اريد اشارك حتة اذا كالو طيبة اكللهم اني سويتها

مها : تريدين تشاركين تعاي حضري لكلاصات

مها: شسمة لعد بيت عمو سمير شعدهم هنا شعجب اجوي

رقية: لحالهم اجوي.

سمر : لعد البنات شو ماجوي وياهم

رقية: ماعرف شعدهن عمو سمير كال شوية ويجن.

سمر: لعد بس عمو سمير ومرتة اجوي يعني الولد مو وياهم.

رقية: بلة موجودين

ــ صبينة رقية شالت الكلاصات مال ومها شالت المواعين مال كيك واني امشي وياهن واقدم الهم

قدمت الهم وكعدنة شوية ونزلت نرجس هم سلمت وكعدت ضلو يحجون شوية ونرجس كامت كعدت يم بابا وكالتلة.

نرجس: كعدت توضيت وصليت ونزلت لكيت

بيت عم سمير يمنة سلمت عليهم وطبيت كعدت

يم ماما وسمر.

ماما: هاا ماما شلون صار راسج.

نرجس: لحمد لله احسن.

ماما: لحمد لله بنيتي.

نرجس: ماما مدام بابا كاعد معندة شي راح اكلة علمود عرس مريم لان ما بقالة بس تلاث ايام

واحنة كلشي ماجهزنة ولا شترينة ملابس.

ماما: ايي روحي كليلة.

ــ كمت كعدت يم بابا وكتلة بابا.

بشار: ها بنيتي.

نرجس: بابا عرس صديقتي مريم بقالة تلاث ايام

وعزمتنة ؏ عرسهة وهية ماعدهة خوات وتعتبرني

مثل اختهة واني هم اعتبرهة مثل اختي واريد اوكفلهة كاخت بعرسهة.

بابا: ايي بوية مابيهة شي هاي بنت صديقي الغالي

لازم نوكفلهم بلعرس.

نرجس: تمام لعد زين شوكت نروح البغداد لان نريد انجيب ملابس للعرس.

بشار: بوية بنيتي اشتري ملابس منا ونروح قبل العرس بيوم.

نرجس: بابا مو اني اريد اشتري الملابس من بغداد.

حجة فهد: ليش يابة شبيهن الملابس الهنا يجككن.

نرجس: لاا مو هيج بس مو ستايلي.

فهد: ها ايي وشنو ستايلج لعد.

نرجس: ستايلي معروف.

فهد: قصدج البنطاير المشلتحة هاذة ستايلج موو.

نرجس: ايي هاذة ستايلي وبعدين مو مشلتح

هية هاي المودة.

فهد: خرا ع هيج مودة.

نرجس: خزرتة بس مارديت لان الكل كاعد وفهد صار عصبيي ايي وهوة اصلاً شمفهمة بلمودة وشمفهمة بلبناطير اوويي ابكلشي حاشر نفسة يربي ميبطل سوالفة بابا تقرب يمي وكال بابا ميصير تراددين هيج رديت بابا متشوفة والله هوة يعيل.

بابا: ميخالف بنيتي حتة اذا هوة العايل ميصير

تراددين.

نرجس: هاهية بابا متتكرر بعد بس لتزعل مني وبست ايدة.

بابا: يبنيتي ليش ازعل منج يعني ميصير اب ينصح بنتة.

نرجس: لا ليش ميصير.

بابا: ها خاف متقبلين.

نرجس بضحكة : لاا شسالفة.

نرجس: زين بابا شوكت نروح نجيب ملابس

اليوم لو باجر شوكت يصيرلك مجال.

بابا : شوكت متريدن روحن حتة اذا مو

اني الولد موجودين.

ــ كمت وجان اغمز السمر بمعنى تعاي.

كامت واحس بفرحة كلش جبيرة اجتي وكعدنة نحجي شنجيب وشنلبس والبنات اجني مها ورقية ورانة شوية وجني فيروز ونور كعدن يمنة بلغرفة

نور متغيرة كامت اتشارك بحجينة وسوالفنة وتضحك وتقلد.

نرجس بضحكة : اسمعني يبنات.

البنات: ايي نسمعج.

نرجس: شسمة ليش متروحن ويانة للعرس.

سمر: ايي والله صدك.

مها: لا وين شنوو محد يقبل.

نرجس: ليش قابل شنوو.

مها: ايي ابوج وحد احنة محد يقبل هنا

نرجس: بس عمو ماهر ماحسة متشدد وشكاك بلعكس طبعة نفس بابا بلضبط.

مها: مو قصدي بابا.

نرجس: لعد منوو.

نرجس: لاا وقابل شنو ليش يحط نفسة انتي

عندج اب هوة يتحكم بيج ع شنو يضل مدخل بصغيرة وبلجبيرة

سمر: ايي صدك شبي اخوج شسالفتة وقابل وين رايحن وية احد غريب هوة رايحات وية عمجن

قابل شنو.

رقية: هوة طبعة هيج.

نرجس: ايي وذا ع نفسة مو عليجن ميصير

يدخل وانتن ماعدجن السان تحجن بي شنو

هلتدخل ايع

مها: بنات شنسويلة قابل نعاركة لو شنو هوة هيج طبعة من قبل.

نرجس: ايي ويضل حاكمجن هييج وانتن مكيفات.

فيروز: بنات ترة فهد من قبل هيج يضل مدخل

بيهن وهنة ميحجن.

نرجس : حييل تنرفزت من جد يعني شنو هوة يضل حاكمهن ويدخل وذاا حتة لو اخوهن بس ميصير يحكمهن لطبين لطلعين لسوين هيج لتحجين هيج

سمر : يلااا بنات هاهية سدن الموضوع.

فيروز: ايي شراح تلبسن يعني ما مقرات شنو تلبسن.

نرجس: لاا والله مامقررين بس اتقد نلبس ملابس

فيروز:ههههه والله انتي سوالفج متوبين منها

مها: شوكت ترحون تشترون ملابس؟

نرجس: باجر يمكن.

سمر: نزلت جوة داشرب مي وهم اجيب للبنات وياية

بس البيت صاير صنتة محد بي طلعت بلحديقة هم ماكو احد شنو السالفة كلهم اختفو يمكن راحو وية

عمو سمير شنو السالفة ابد ميكعدون بلبيت اخذت المي وصعدت اكول بنات.

البنات: ها كولي.

سمر: ماكو احد بلبيت كلهم راحو البيت عمو

سمير اكول البلازمة بيهة نت مو.

رقية: ايي بيهة ليش.

سمر: كومن وياي.

سمرر: ايي كومن ومعليجن.

سمر: نزلت البنات وياي ورحنة للصالة اخذ

الريمونت مال بلازمة وبحثت بيهة وطلعت اغنية

ساجدة عبيد:- خالة ويا خالة.

ــ خالة ويا خالة.

ــ خالة ويا خالة.

ــ خالة شلون بية مادريت مالومج

ياخالة شماا حجيتي.

ــ انتي الي كضيتي العمر راحة ولا شفتي

الملامة و لا هويتي.

ــ شيصبر العاشك ياخالة.

ــ لا عيني او لا عيني.

ــ لا عيني بغيابة شافت النوم.

ــ او لا كلبي بجفاه تحمل اهموم.

ــ لاعني بغيابة شافت النوم.

ــ او لا كلبي بجفاه اتحمل اهموم.

ــ يلوموني بعشرتة واحمل اللوم.

ــ لوم الناس بية صار. جتالة.

ــ شيصبر العاشك.

ــ ياخالة.

ــ شيصبر العاشك.

نرجس: طبت فيروز وياهة وكالت والله ترا الركص مابي مستحة ونوب ساجدة عبيد لا عيني عيب تزعل علينة خالتنة ساجدة لازم نركص

طبت تركص سمر راحت سدت الباب ودرت مها ورقية خطية ماكالن لاا ذبن الشلات هاي التهز وهاي تفر شعر وهاي الي نزلت للكاع نور كعدت ع القنفة اتباوع وتضحك

اني هم نزعت شالي وشديت ؏خصري وبديت اهزز

فليت شعري واجتي كابلتني سمر وكمنة نفرر شعر اني وياهة وذني البنات خربن ضحك ضلينة نركص لحد ماتعبنة طفينة البلازمة وكمنة كعدنة ؏القنفات ونسمع دكة قوية مال باب او هنا صار المطافر مالة والي.

مها: يمة عزة بس لاا فهد.

نرجس: عزة بنات شالي وين.

سمر بضحكة : شادتة ع خصرج المنحوت

نرجس: يبوو نثولت اكو واحد يدك الباب هيج.

رقية: راح افتح الباب.

البنات: ايي لبسنة الشالات.

فتحت الباب وجان نشوف محمد.

محمد: كاعد برة بلحديق مال بيت عمي سمير

و اسمع صوت اغاني اني عبالي صوت من الجيران استغربت شعجب ضليت مركز ع مصدرر الصوت وطلع الصوت من بيت جدي رحت اوشفت باب

الصالة مسدود عرفتهن البنات دكيت الباب حيل واسمع هاي تكول بس لا فهد وهاي التكول شالي

وين شوية

– نفتح الباب وكفت بلباب ما فتت وعطت.

ــ محمد: شنوو السالفة الاغاني لاخر الشارع

واصلة موعيب عليجن متستحن انتن ليش ماصحتولي اركص وياجن

نرجس رفعلتلة حاجب : ايي ويعني قابل شنو

هوة اغاني المرة الجاية اشد ع خصرك وصلة وهز

محمد: يول شنو اغاني مو نفضحنة شنو

مفتحات ملهة ، وبعدين شمعرفج اني اعرف اهز

نرجس: مبينة من تصرفاتك الحلوة

محمد: ديلا شغلن اغاني بس نصنة مومعلياتة

لصوت لاخر الشارع واصل هسة عبالهم عدنة عرس.

سمر: لعد تمام هسة نعيد الاغنية بس نصيهة ها شتكول.

محمد: ايي داكسر البلازم ؏راسج.

سمر: لا والله مو توك كلت شغلن ونصنة

محمد: ايي والله اشو معاجبني غيرت رائي .

سمر: نزلت ايدي وغميتة بدون ميشوفني

محمد: موو اجيج.

سمر: رفعت ارداني وكتلة تعال هلاا بيك

محمد: الضاهر جلدج يحكج سميرة.

سمر: والله انتة صارلك هواي ماكتول تريد تنكتل

بس مستحي تكول