رواية احضان من جمر الفصل الحادي والعشرين 21 بقلم الكاتبة ناز الدليم – تحميل الرواية pdf

سمر: من بعد ماعترفلي احمد واني مارديت علي نهائياً مااجة لبيت جدو ولاا راسل ابد البنات راد يروحن البيت عمو سمير ولحن

الة اروح وياهن اني رفضت بس هنة ماقبلن يروحن الة اني اروح ويااهن اني كلبي كام يدك سريع لان احمد هنااك وخاف يشوفني بيتهم

شنو موقفي يصير كدامة لان اتجاهلتة ومارديت

علي رحنة البيتهم سلمنة وطبينة كعدنة بلصالة مجان اكو احد بيتهم بس همة.

شوية واجتي فيروز ونور سلمن وكعدن يمنة.

فيروز: شهل غيبة يولن.

مهاا: والله انتي كاطعة بعد متجين.

فيروز: والله ياعيني مشغولة.

رقية: ليش خية شعندج شركات لو شنو.

فيروز: ايي بضبط.

مهاا:لا صدك والله ليش متجين بعد خااف زعلانة علينة.

فيروز. لاا ولجج يبعد روحي ليش ازعل بس شوية مريضة ومالي خلك اطلع.

_سمر: البنات يحجن واني صافنة كلساع واكول هسة احمد يجي.

البنات يحجن ونور صاافنة تخوزر بية يربي خبلتني هااي البنية يمكن بالعة لسانهة لو بيهة توحد لو خرسة شنو سالفتهة اباوع عليهة تخوزر بية لو تشوف نرجس وجهة يكوم ينطي الوان يكول ماخة رجلهة.

رقية: هاا نرجس وين صافنة.

سمر: لا مصافنة.

رقية: بلة يولي صافنة.

سمر: لاا يولي كتلج مصافنة.

رقية: يلاا يلاا مصافنة سمر ام الاندومي.

سمر: بضحكة يول اني بلكوة نسيت السالفة

وانتي ذكرتيني شكد خبيثة.

رقية: هية سالفتج هم تنسي.

فيروز سئلت ؏شنو دنحجي وحجينالهة خربت ضحك.

نرجس: طلع فهد من الغرفة واني احسس بشعور كلش حلو ماعرف اوصفة بس بنفس الوقت خاايفة ماعرف ليش عدلت نفسي شوية ونزلت جوة لكيت عمة دتصب بلغدة كتلهة اسلعدج كالت ايي بنيتي بس سوي الزلاطة سويت الزلاطة ورحت وديت السفرة ودنكت فرشتهة رفعت راسي واشوف فهد يخوزر بيهة

رحت ماهتميتلة اشو هاذة لحكني للمطبخ يمة عزة بعيني غيرت طريقي وصعدت الغرفتي كلت اكيد راح اترزل بس ماعرف ع شنو.

صعدت الغرفتي وقفلت الباب واسمع فهد يدك بلباب وبصوت ناصي يكول افتحي.

نرجس:يمة عزة هاذة شبي والله ماسويت شي.

فهد: نرجس افتحي الصخاام.

نرجس: فهد شبيك شتريد.

فهد: عيونة الفهد بس افتحي الباب عندي حجايتين اكولهن واطلع.

نرجس: زين متكدر تكولهن من ورة الباب.

فهد: لاا ميصير.

نرجس: رحت فتحت الباب وجان يطب فهد للغرفة وكتلة فهد ترا ميصير كلساع وجاي للغرفة اذا شافنة احد شيكول علينة.

فهد: عوفي هااي السالفة اكول انتي مو تشوفين مصطفى ومحمد كاعدين ليش دنكتي كدامهم من حطيتي السفرة.

نرجس: ايي وذاا لعد شلون انبطح واخلي السفرة.

فهد: نرجس لتعصبيني داكلج الولد كاعدين وانتي دنكتي كدامهم.

نرجس:عليت صوتي وكلت اووويي فهد يعني وذاا قابل شنو.

فهد: علت صوتهة علية اني تعصبت وجريتهة من ايدهة وكتلهة صوتج ميعلة بوجهي.

نرجس: فهد شبيك ايدي.

نرجس: فهد هد ايدي حباب اني شسويت قابل.

فهد: رااح اعديلجياهة هااي المرة بس المرة الثانية مااضملج نفسي.

نرجس: ايي هوة يلاا هد ايدي وبعد لتحجي ويااي.

فهد: هديت ايدهة وكتلهة لاا تحجي وغصباً عنج.

نرجس: برطمت وكتلة روح والله ماحجي ويااك بعد.

فهد: اني شفتهة برطمت تصرفاتهة طفولية كتلهة اوووف يجمرة كلبي اسف لان اذيتج بس والله ماتحملت انتي عصبتيني شتريدين اسوي يعني.

نرجس: فهد هااهية روح.

فهد: ايي ست نرجس رااح اروح واني اعرف شلون اراضيج.

نرجس :هوة لا اراضيك ولا تراضيني.

فهد: نشوف منو الميرضة راح انزل 5 دقايق الكاج نازلة وراية.

نرجس: ديطلع وعيبت علي نننن.

فهد: السانج يولي.

فهد: يرادلة كص.

نرجس: لا والله.

فهد: يلاا كافي مثل مكتلج 5 دقايق الج الكاج نازلة واذا منزلتي اجي انزلج بطريقتي.

نرجس: عفتة مارديت يربي شكد غثيث اوويي نزل ونزلت وراا شفتة كاعد بمكانة باوعلي وضحك عفتة ورحت يم عمة ميسون صابة الاكل وحاطتة بلصينية دتودي اني كلت هوة

مو ميقبل ادنك خل هوة يكوم ايشيل الصينية ويصب رحت كدام الكل وكلت فهد بلاا زحمة عليك تعال شيل الصينية الكل صد علية فهد

صد وضل صافن كلتلة يلاا حيبرد الاكل علاد كام دنمشي وكاال سويتيهة وحدة بوحدة موو كتلة لااا ابد موقصدي.

فهد: ايي مبين ابدد مو قصدج ست نرجس.

نرجس: ايي يعني وذاا لو شلت الصينية مركد قابل عزة بعيني جفصت بأم السالفة.

فهد: سمعتهة كالت مركد واني مدري شصار بية عصبت اريد الزمهمة رااحت تركض للمطبخ وكفت يم امي باوعت علية وسويتلهة حركة بايدي يعني بسيط اني اعلمج.

نرجس : يريد يلزمني واني طرت اركض وكفت يم عمة ميسون حتة ميجي علية سويت نفسي داساعدهة بس هية كلشي مكملة عزة باوعت علية شفتة يتوعدلي يربي يعني هسة الساني يضل يجفص ميعرف شيحجي اخذ فهد الصينية وراح ومحمد كاام يوزع بلمواعين ع سفرة والتمو وتغدو لمينة المواعين ومحمد كاام شالهن اني وماما غسلنة المواعين وعمة ميسون ماقبلت بس احنة اصرينة سوت جااي بين ماغسلنة المواعين خدر الجاي وصبت وراحت وزعتة شربنة الجااي وفهيدان يباوعلي ويخزر بية كملنة جااي صعدت لغرفتي شوية واجني المسعداات وضلن يسولفن فوك رااسي يبوو لو ماجايات احسن.

سمر: جنة كاعدين وجاان يطب احمد اني جمدت ابمكاني انوب باوعت صارت عيني بعينة يبوو يالله شستحيت طب وكال اكول البيت منور اليوم.

فيروز: هااا هااا احمد.

احمد: هااا فيروتي هااا.

فيروز: ايباه فيروزتك لاا لاا السالفة بيهة انة.

احمد: بيهة انة وبيهة كأنة.

سمر: ادري بي هوة ديقصدني.

احمد: طبيت وشفت سمر بلصالة كبل كلبي كام يدك سريع ونوب هية رفعت راسهة صارت عينهة بعيني يبووو شايلة موش عيون عيونهة سحلن كلبي سحل طبيت وكلت اكول البيت امنور هية رفعت راسهة عرفت هية المقصودة وفيروز هم شكت بلموضوع ولحت بلسالفة.

فيروز: ايي حميدان البيت منور بيمن.

احمد: منو حميدان ولج.

فيروز: انتة اكو غيرك يعني.

احمد: مو اكوملج لجج.

فيروز: ايي متكوم هلاا بيك.

احمد: هااا فيروز متاكدة.

فيروز: هاا لاا احمد دااشاقة شبيك.

سمر: ضل احمد وفيروز يتناكرون ايكول مو اخوان ضراير شوية وكاام احمد ورة تقريبان 10 دقايق صااح الفيروز.

احمد: كمت ورة 10 دقايق صحت الفيروز وكتلهة فيروز.

احمد: بااعي تكدرين اتدزين سمرر علساس اجيبلج شاحنة او ايي غرض من غرفتج.

فيروز: لااا ليش.

احمد: ليش لاا دزيهة قابل شنوو ترا عادي.

فيروز: لااا ماكدر اعذرني.

احمد: زين واذا انطيتج 25 تكدرين.

فيروز: هااا ايي اكدر.

احمد: كبرر لفج ام فليس يلااا روحي سوي مثل مكتلج.

فيروز: والفلوس.

احمد: خرب بحضي هسة دروحي سوي مثل مكتلج انطيجياهة لتخافين.

فيروز: يلااا رايحة واذا مانطيتنياهة افضحك تررا.

احمد: موو راح اجيج يولي.

فيروز: رحت وكلت السمر.

سمورة تكدرين اتجيبيلي شاحنتي بلغرفة مالتنة.

سمر: ايي حياتي عاادي.

سمرر: كمت دااجيب الشاحنة طبيت للغرفة صليت ادور مالكيتهة فتحت الجرارات مال ميز وهم ماكوو اني دادور بس احس شخص طب وقفل الباب انداريت واشوف احمد واكف اكبالي اني من الجفلة رجلية ارتخن وكعت بلكااع شافني وكعت اجة ركض علية وكومني كعدني ع الجرباية وكالل.

احمد: هاا سمرشبيج.

احمد: يابة متحجين اشايفة عزرائيل متكليلي.

سمر: كمت امتمت وكلت لاا بس جفلتني.

احمد: عسااا محد يجفلج غيري.

احمد: لاا يابة ماكلت شي.

سمرر :كمت اريد اطلع وجلب بيدي وكال اريد احجي ويااج.

احمد: كامت تريد تطلع وجلبت بيدهة كتلهة اريد احجي ويااج وكالت احمد هد ايدي اريد اروح وبعدين ليش قفلت الباب هسة البنات يجن هناا شيكولن علينة كتلهة معليج اني

متفاهم وياهن.

سمر: كال متفاهم ويااهن عرفتة هوة الداز فيروز كتلة هااا يعني سالفت الشاحنة من تدبيرك انتة موو.

احمد: ايي من تدبيري اني.

سمر: ماشالله وليش سويت هيج.

احمد: سمر اريد احجي ويااج واريدج تسمعيني.

سمر: ايي احجي اسمعك.