نرجس: بعد ماكملنة وشربنة جااي الولد راحو للمضيف واحنة ضلينة كاعدين يمهم وجدو وبابا وعمو ماهر وماما وعمة ميسون كلهم ضلو كاعدين ويسولفون وجدة كامت تحجي ؏ ايام قبل وجانت موجهة الحجي النة احنة البنات وتكول.
الجدة:اني من جنت بكدجن البيت كلة علية اكعد من الخمسة الصبح اخبز واركب وهسة انتن مسعداات تكعدن ؏لوقت اليعجبجن وهم لو تكعدن مصحصحاات تكعدن كالبات الخلقة
ومعبساات وكاعداات اوجوهجن تطرد النعمة اول متكعدن.
نرجس: يمة اني طكيتهة بضحكة من كاالت اوجوهجن تطرد النعمة.
مهاا: هااا جدة هااي شنوو شو نزلتي بينة دوسة ونص اووبعدين وكتكم يختلف عن وكتنة.
الجدة: يااا وكت هاذة شنو التغير بس انتن فااهياات كلشي متعرفن اتسون بشنوو فالحات بي انتن هوة بس اكل ونوم.
سمر: شسمة جدة تررا اني مو مثلهن اعرف اطبخ.
الجدة: ايي سمورة شنوو تعرفين تطبخين شوفو بس هااي نادرة.
سمر: اا جدة اني اعرف اسوي اندومي.
نرجس: عزة هية كالت اندومي لو كلهة فحطت من الضحك.
مهاا: بضحكة عزة بعينج فضحتينة ولجج يااندومي لو ضالة سااكتة احسلج.
الجدة:شنوو هاذة اندومي.
سمر: شسمة لاا جدة هااي اكلة تركية مشهورة اعرف اسويهة.
ـ عود دتكحلهة عمتهة.
الجدة: وشجابج ؏ الاتراك انتي.
سمرر:هاا مو جدة اني احبهم.
الجدة: حبتج حية.
نرجس: عزة والله فحطتتنة سمر ونوب جدة نزلتلهة دوسة ونص.
الجدة:سميرة مو تكولين اعرف اطبخ باجر الغدة عليج.
سمر: لاا جدة شسمة اني جنت اشاقة والله مو قصدي.
عمة ميسون:عوفيهة عمة البنية تشاقة شمعرفهة بلطبخ.
الجدة: ايي والله نسوان اخرر وكت مافالحاتلي بس بلنوم.
ايي وانتي ست نرجس شنو تعرفين تطبخين.
نرجس: سمعت اسمي بلقائمة وكلت جااك الموت ياتارك الصلاة
اا جدة اني اعرف اسوي دولمة وبامية.
الجدة: ايي هااي المعدلة طالعة علية سباعية لعد باجر انتي اسويلنة الغدة وخل ناكل من طبخج.
نرجس: عزة بعيني هوة اني مو زين اعرف اسوي اكلي بيض واسوي اندومي الله يسامحج ماما ماعلمتينة لاا ؏ طبخ ولاا ؏ شي وهسة وكعنة بيهة رديت ؏جدة وكتلهة ايي جدة ادللي بااجر تاكلين اطيب اكل واني اكول بكلبي هااي اذا تغديتو بااجر.
كملنة سوالف وضحك بصرااحة الكعدة جانت اتجنن وشبعنة ضحك ؏كولت جدة سميرة ام الاندومي كامو جدة وجدو رااحو الغرفتهم نامو
وبابا وماما راحو هم وعمة ميسون وعمو راح الغرفتهم وضلينة احنة البنات ورقية كلساعة عايدة سوالف سمر وجدة وتقلد وتضحك ؏سوالفهن صارت ساعة ب11 ونص مهاا كالت راح اكوم اسوي جاي وكتلهة اني حجي ويااج
رحننة للمطبخ سوت جااي وانيي حضررت اكلاصات وخليت الشكر شوية ونفتح الباب وطبو الولد فهد ومحمد ومصطفى راحو كعدو بلصالة ومهاا كالت ضيف انوب كلاصات للولد ضفت وخدر الجاي وصبت شالت الصينية وكالت اني امشي وانتي قدمي كتلهة تماام
طبينة اول واحد كاعد يم الباب محمد شلت الكلاص ونطيتهيا وكاعد بصفة مصطفى انطيتة الكلاص وكال يوم نجاحك وكتلة تسلم وصل الدور لضرتي فهيداان نطيتة الكلاص وكال تسلمين ابتسملتة ورحنة انطينة للبنات وكعدنة ضلينة انسولف وجاان رقية تنط من يمهة
رقية: اكول يولد.
رقية: اكول تراا باجر الغدة ؏نرجس.
محمد: شنو عليهة.
رقية: يعني هية رااح تركب بااجر.
فهد: لعد بااجر انموت من الجوع.
نرجس: كالتلهم رقية وفهد كال انموت من الجوع اني صحيح مااعرف اطبخ بس سويت نفسي ؏ اساس اني منال العالم وهاايي وكتلة
ليش تموت من الجوع واني الي رااح اطبخلكم بااجر واحجي بغرور وهااي اليسمعني يصدك.
كملنة سوالف والبنات كامن لغرفتهن واني وسمر صعدنة الغرفتنة وهية ساعة ب1 صايرة مبايلي جنت حاطتة ع شحن اخذتة ورحت ؏جربايتي اتمددت وفتحت مبايلي شفت هوواي دازيلي رسائل ؏الواتساب اني عبالي مريم فتحت الرسائل واشوف هاذة رقم غريب كاتب.
هلو نرجس. شلونج. شخبارج. اني عبالي وحدة من صديقاتي ال بلمدرسة مغيرة رقمهة ورديت علرقم وكلت هلااا منوو.
واخيراً رديتي. يهمج تعرفين.كلت ايي اكيد وكال.
شوفي نرجس بصراحة اني معجب بيج.كال هيج بسرعة شمرت المبايل وصارت عندي خوفة وسمر كالت شبيج كتلهة لاا شفت مقطع يخوف وكالت هاا.
شبيج صافنة.اني بدون مارد كبل انطيتة حضر وطفيت المبايل وحطيت راسي ؏المخدة وافكر يربي هاذة ومنين يعرفني يربي خاف وحدة من صديقاتي مسوية بية مقلب حطيت هيج احتمالات ونمت كلت اكيد وحدة من صديقاتي.
كعدت الصبح ساعة ب10 وسمر بعدهي نايمة اخذت ملابس وطبيت سبحت وطلعت صليت ورحت كعدت سمر بلكوة كعدت عفتهة ورحت امشط بشعري كملت ونتضرتة ينشف ولميتة وحطيت الشاال ورشيت عطر ونزلت وكلهم كاعدين بلحديقة رحت سلمت وكعدت يمهم
شويو وجاان فهد يكول
فهد: جنة كلنة كااعدين بلحديقة شوية واجتي نرجس العطر سابقهة وشعرهة الكالعة من الشال ولابستلي البس الضيك كم مرة حذرتهة ؏ شعرهة مطلعة من لشال بس ميفيد ببيهة
سلمت وكعدت وشوية وكتلهة نرجس مو علساس اليوم الغدة عليج لو تراجعتي وكالهة
بأستهزاء.
نرجس: ومنو كالك ترااجعت اصلاً وجاان اكوم طبيت للمطبخ واني حاايرة شسوي شلون اكيد
الاكل رااح يطلع مو طيب اجتي مهاا ورقية يمي
وكالن.
مهاا:هاا نرجس اشو حايرة شبيج.
نرجس: ايي والله حايرة يمكن اليوم متتغدون.
مهاا: لا ياابة شسالفة اني موجود وهسة ننساعدج.
نرجس: خوش لعد شنسوي هسة.
مهاا: انتي شتردين تطبخين بضبط.
مهاا: ايي ميرادلهة شي روحي طلعي اللحم البثلاجة المهم طلعنة اللحم وطبختة وسوينة كلشي وهية تعلم بية سوي هيج وهية وكملت المركة ويويت التمن وهية هم علكتني استوة البنات سون زلااطة وثبينة رقية صاحتلهم ع الغدة غسلو واجمي بدو ياكلون اني ضليت خايفة ومرتبكة انتضر بس واحد يكلي الاكل طيب حتة ارتااح وحجت جدة.
الجدة : ايي هاذة الاكل الزين.
نرجس :كالت هيج احس ميبارد ونزل ؏ كلبي.
محمد: جدة منيلة الاكل الزين وين اكو مركة لو برتقالي.
كاال هيج اني تنرفزت منة وكتلة.
نرجس : بيك خيرر جاان انتة كمت ركبت يبووو علية كلت هيج لو الكل سكت وصارت صنتة بس صوت النفس ينسمع والوجوه كلهة تباوع علية اني هناا اتمنين الكاع تنشك وتبلعني من الفشلة وماما خزرتني اخير شي حجة فهد.
فهد: هسة رتاحيت محمد انتة متصير ادمي الة ايفشلونك.
محمد: خوية اني شحاجي قابل ترا كلمت الحق تنكاال.
فهد: بس هسة انتة جذبت ماكلت الحق.
محمد ضل ساكت من ورة الفشلة.
كملو وكامو يحمدون بلاكل والفضل كلة يرجع المهاا هية علمتني.
كملو وشربو جااي وكلمن راح الغرفتة جدو وجدة ناامو واحنة البنات صعدنة لغرفتنة ومها ورقية ويانة وماما وعمة ميسون وبابا وعمو ماهر ضلو كاعدين يسولفون.
نرجس: ضلينة كاعدات لحد كااذن العصر وصلينة ونزلنة ومحد موجود هاذة الطالع لشغلة وهاذة اليفتر وهاذة الرايح البيت عمو سمير المهم انتهة اليوم نمنة وكعدنة ساعة ب9 نزلت اني وسمر سوينة ريوك وتريكنة وغسلنة المواعين نفس الروتين ماتغير شي
البنات راحن البيت عمو سميرمااني قبلت اروح ضليت كاعدة بلمطبخ.
فهد: كعدت الصبح ساعة ب8 الكل كاعد ماعداا الشالعة كلبي والبنات نايمات امي سوت ريوك وكعدنة اتريكنة كمت صعدت الغرفتي طبيت سبحت ولبست دشداشة خليجية لون زيتوني وسبحة زيتونية ولفيت الغترة ورشيت العطر بعدني فوك واباوعلهن من الدرج شفت نرجس كااعدة بلمطبخ والبنات يريدن يروحن البيت عمي سمير ونرجس ماقبلت تروح راحن البنات شفتهة كاامت تريد تصعد الغرفتهة اني كبل طبيت الغرفتهة كلت هااي فرصتي لازم احجي ويااها سمعت صوت خطوات قريبة ؏الباب عرفتهة اجتي فتحت الباب ومانتبهتلي كبل سدتة وصدت علية وجفلت حطيت ايدي ؏ حلكهة حتة متعيط وكتلهة اسمعي لتخافين بس احجي ويااج واروح شوية هدئت وخرت ايدي وكتلهة اهدي بس احاجيج وكالتلي انتة شلون فتت للغرفة
ــ نرجس:فهد شسوي هنا.
ــ فهد:اجيت اشوفج.
ــ نرجس: فهد شبيك انتة هسة يجي احد يشوفنة شيكولون علينة.
ــ فهد: مااكو احد لتخافين وحتة اذا سئلون عاادي.
ــ نرجس: فهد حباب اطلع لتسويلنة سالفة.
ــ فهد: مااطلع مناا اذا متسمعيني.
ــ نرجس: حباب فهد احجي بسرعة والله هسة احد يجي وبعدين عيب عليك تدخل للغرفة بدون استئذان.
ــ فهد: وانتيي هم عيبب عليج تدخلين كلبي بدون استئذاان.
نرجس: جمدت بمكاني من حجة هيج احس نفسي صخنت مااعرف شرد عليي ضليت ساكتة
ومنزلة رااسي وكاال.
فهد: ليش متردين نرجس افهم منج يعني السكوت علامت الرضى يولي والله احبج احبج تعرفين شنو احبج.
نرجس: الصراحة اني هم بدت مشاعري تتغير اتجاه فهد يعني دااشوفة يحااول وياية
بكل الطرق يعني احس نفسي بديت احبة
لاان اسلوبة وتصرفااتة تغيرن واحسة بس
يريد يكسبني حتة احبة ومن كاال.
وانتيي هم عيبب عليج تدخلين كلبي بدون استئذاان.
ماادري حسيت فرحة صاارت بكلبي يربي
معقولة هاذة نضرتي اتجاهة اتغيرت حيل
وكلت مداام هوة هيج يحبني ومصرر ليش
مابادلة نفس ابشعور فضليت سااكتة وهوة كال
افهم منج السكوت علامت الرضى وكال يولي والله احبج احبح تعرفين شنو احبج عزة اني هناا وجهي كام ينطي الوان وصرت حمرة وكتلة هسة اخذت الجوااب اطلع مناا.
فهد: ايي ايي اطلع بوية ليش لاا.
