مها: صاحلي فهد وكاال برحة روحي صيحيلي نور بدون محد يدري وجيبيهة هناا اني نصدمت كتلة شلون خااف متقبل تجي كال كليلهة فهد يريدج كتلة تمام رحت لبيتهم طبيت نور لكيتهة بغرفتة كاعدة وصاافنة كتلهة هلو.
مهاا: شسمة فهد يريدج.
نور: من كالت فهد يريدج نهبطت ضليت امتتمت وبين الخوف ع وجهي ليش ماكلج شيريد.
مهاا : لا والله ماكال. يلاا كومي ينتضرنة كال جيبيهة ويااك.
نور: اني كمت بس خاايفة افكر ليش صاحلي خااف راح تصيرلي سالفة من ورة سالفة نرجس وكلت اوويي اني شعلية قابل شمسوية هية نرجس موخوش اني شكو.
كملت ورحت وياا مهاا كالت فهد فوك بغرفتة كتلهة شلون اروح كالت عاادي ترا قابل شنو دكي الباب وفوتي مو هوة صاحلج شكوو خايفة هلكد كتلهة لا مخايفة قابل اني شمسوية بس لاان استحي فكلت هيج.
رحت صعدت فوك عدلت شالي وكرصت خدودي حتة يصيرن حمر اترددت ادك الباب بس كلت اني شمسوية قابل هوة صاحلي مو اني اجيتة دكيت الباب وجاان يعيط فوتي نور اني خفت من صوتة والعيطة مالتة
فتت وخليت الباب مردود كام هوة باتجاهي وراح سد الباب كتلة فهد شدسوي كاال انتضري هسة تعرفين سد الباب ورأسن اجة بدون ميحجي كلمة وحدة ضربني راشدي ووكعني بلكااع من القوة مالتة وبعدين نزل المستواي ولم فكي حيل وكاال.
فهد: تدرين من ورة تصرفج الغلط وسوء فهمج وغبائج الة شوية جاان ذبحتة النرجس بيدي لج اني مااخفتي ع بنت عمج من اتهمتيهة هاذة الاتهاام وانتي مامفتهمة الموضوع وتدرين هاذة الموضوع بي ذبح تدرين بسبب تصرفج وغبائج ضربتهة النرجس ايي ضربتهة ع خطاء هية مارتكبتة.
نور: لازم فكي بقبضت ايدة الحديد احس فكي راح ينكسر من ورة ايدة واني لزمت ايدة احااول اخرهة من فكي بس ماكدرت اباوع ع عيونة صايرات دم وشعرة مخربط وجهة ميكصة السيف وخرء ايدة وكتلة والله اني معلية هية حجت وياا اني شعلية رجع انوب عت شعري وكومني من الكااع وكاال نرجس محاجية وية الكواد التحجين علي نرجس جانت تحجي وية مريم صديقتهة بس هنة يكولن حبيبي وحياتي نوب كتلة لا فهد نرجس جذاابة مو صديقتهة هااي اني متأكدة اني كلت هيج لزم معصم ايدي ولواهة ورة ضهري احس ايدي رااح تنكسرر وكال نور ديربالج تعيدين هاذة الموضوع واذا اسمعج حاجية كدام ايي بشر او حتة وية نفسج بهاذ الموضوع تدرين شسوي بيج ادفنج بكااعج فتهمتي لو لاااا اني مارديت ضليت بس ابجي واكلة ايدي حتنكسرر عوفني بس ولا عبالك احجي عادهة مرة ثانية وضط ع ايدي حيل وكتلة ايي فتهمت عاد هد ا يدي ودفعني بلكاع وكعت فتح الباب وطلع واني ضليت ابجي ولازمة ايدي احسة مكسور من الوجع الصار بيهة بس حقدت ع نرجس اكثر من اني حاقدة عليهة وكرهي زااد الهة اني لجج اني انضرب من فهد و بسبب منو بسبب هااي الاسمهة نرجس والله لانتقم منج ينرجس وكول نور ماكالت.
فهد: بعد مضربت نور وفهمتهة انو نرجس بريئة من اتهامهة واانو السبب كلة جاان منهة لاانو مافهمتت الموضوع بس جانت مصرة انو نرجس حاجية وية ولد اني هنااماتكمالكت نفسي.وكالت نرجس جذابة هااي موصديقتهاا اني متأكدة كالت هيج اني تخبلت ولزمت ايدهةولويتهة ورة ضهرهة وكتلهة ديربالج تعيدين هاذة الموضوع واذا سمعتج حاجية كدام اي بشر او حتة وية نفسج بهااذة الموضوع تدرين شسوي بيج ادفنج بكاعج افتهمتي لو لاا هيوظة ماردت عدتهة مرة ثانية وكالت ايي فتهمت عااد دفعتهة بلكاع وطلع.
نور: طلع فهد وسد الباب وررا اني كمت وايدي موتنتني من الوجع احسهة مكسورة عدلت نفسي ومسحتت وجهي وعدلت شاالي وطلعت نزلت جوة كبل رحت البيتنة.
سمر: صاارت دنية المغرب كمت صعدت فوك وشفت نرجس ناايمة رحت عليهة كعدتهة بس كتلهة نرجس جان تكمز بخوف وكاالت شكوو كسرت كلبي شفتهة عيونهة مورمات وصايرات حمر من ورة البجي وكلت بكلبي الله لا يوفقك يفهد عدلت كعدتهة وخلت شعرة ورة اذانهة كتلهة كومي حبيبتي دنيا المغرب ميصير تنامين بهيج وقت كاالت رااح اكوم هسة كتلهة تمام اني حنزل لعد.
نرجس:ماحسيت بنفسي شوكت غفيت وكعدت ع صوت سمر ابسرعة كمزت بخوغف وكلت شكو بعد الي صار وياي اليوم صارت عندي خوف ماعرف ليش رغم انو اني قوية وميأثر بية شي واصلاً اني مااسمحح النفسي انو اخاف من احد او انكسر بس الي سوا فهد اليوم هيج صار بية بس حجيت بيني وبين نفسي وكلت معقولة نرجس انتي البنت القوية الي محد يكدر يغلط وياها بكلمة وحدة تنكسرين وتضعفين معقولة اني البنت القوية اضعف واقهر نفسي بسبب غلط اني مارتكبتة اصلااً بسبب معقولة اكسر روحي وشخصيتي القوية علمود الشي السوا بية فهد لاا مو اني التنكسر اني اذا انكسرت ارجع اقوة من قبل بعد اني بأنكساري اصنع قوتي ومراح اخلي فهد يتغلب علية فهد ميعرف منو نرجس عبالة اني مثل البنات الباقيات الي تنكسر وتنعزل عن العالم بسبب كلام او بسبب موقف لاا غلطان اصلاً .
كمت رحت غسلت وجهي وتوضيت وصليت العصر لانو نمت بدون صلاا وكملت مشطتت شعري ولميتة شعري وسويت بف خفيف وطلعت خصلة من كذلتي منا ومنا وخليت مااسكارة وتنت ورشيت عطرر ولبست الشاال
ولبست الشال ورجعتة ليورة وخليت شعري يبين خليت الشال بأاهمال مالفيتة ونزللت لكيتهم كلهم كاعديين بلصالة بابا كاعد يم جدو وماما وسمر هم يمة وفهد والولد من الجهة الثانية فهد كاعد وجهة مقابيل بابا طبيت سلمت ورحت كعدت يم بابا وحنتة حيل وبستة وكاال هلا ببنيتي الحلوة وكتلة هلا بيك يروحي وكتلة بابا تدري شكد احبك كاال شكد كتلة بكد رحمت الله وكالي رحمت الله وسعت كل شي كتلة ايي وانيي احبك بكدهة لرحمت الله وكال ربي يحفضج ويخليج
وباسني براسي واني بست ايدة جدو صافن يباوع علينة وكال.
الجد: هااا ولك بشاار شدتحجي انتة ونرجس خل نسمع وياكم.
بشاار:والله يابة بنيتي الحلوة طلعت تحبني بكد رحمت الله.
الجد: ونعم بالله. واني شكد تحبيني ولج.
نرجس: انتةوبابا معزتكم عندي نفس الشي كلمن الة معزة خاصة بكلبي وشددت ع هااي الكلمة.
الجد: بارك الله بيج بنيتي.
نرجس: حبيبي جدو ربي يحفك النة.
خلصنة حجي وضليت اباوع الهم من يحجون ومبتسمة الهم وفهد يبااوعلي يغضبب وكلت يعني كل السوااا مابطل مخاازر ايي عااادي لحالة عبالة راح ااخاف منة واني هم بااوعت عليية وخليت عيونيي بعيونة ومااا نزلتهن ومبتسمة موو اني لانكسر بسسبب شي مارتكبتة اني اصنع قوتي بنفسي انكسرت عاادي هاذة الانكساار راح يرجعن اقوة من قبل.
فهد: جنة كلنة كاعدين ويحجون واني ولاا يمهم بس افكر بلسويتة واباوع العمي يصد بصفحة وميباوع بوجهي وام نرجس وسمرر هم ميباوعلي حقهم اصلاً اااني السويتة مو شوية بس جاانت نرجس ماموجودة ورة شوية كامت سمر 10 دقايق واجتي ورة ربع سااعة نزلت نرجس والعطر مالتهة ساابقهة اني تخبلت ليش تغرك نفسهة بلعطر اجتي مطلعة شعرة والشال حاطتة بأهماال وسلمت وكعدت يم عمي ضلت تحجي وياا وتبتسم وعمي هم مبتسم ويحجي وعاد عمي باس راسهة وهية باست ايدة وجدي كال هاا ولك بشار شدتحجي انتة ونرجس كالة يابة بنيتي الحلوة طلعت تحبني بكد رحمت الله وجدي كال ونعم بالله واني شكد تحبيني ولج وكالت معزتكم نفس الشي وكلمن الة معزة خاصة بكلبي وسدتت ع هاي الكلمة ادري بيهة قصدتني اني من شفت شعرهة طالع تخبلت ومن كالت الابوهة احبك بكد رحمة الله اني هناا مدري شصاار بية احساس غريب ماحاسة من قبل معقولة اغار ع نرجس من ابوهة شديصير بحالي شسويتي بية ينرجس.
سمر: صارت ساعة ب8 والبنات كامن ايصبن العشة واني كمت وياهن الولد كلهم موجودين واحمد هم موجود وياهم وكل ما ارفع راسي الكة احمد ايباوعلي كمت داساعدهن ماقبلن البنات كالن ماعدنة شي مخلصين بس انصب وكالن ايدج ميصير روحي اكعدي ماناقشتهن ورحت كعدت صبن العشة وضحك وشقة ونرجس هم شاركت ويانة احنة شفنة نرجس هييج حيل فرحنة لان نرجس واحنة عائلتي يعني اول مرة نمر بهيج موقف فخفنة عليهة حيل كلنة خاف يأاثر عليهة الشي الصاار بس نرجس طلعت اقوة من هيج واجهت يومهة بقوة وبفرح وما اعزلت نفسهة ولاااا اكتئبت اني بصراحة حيل احب شخصيتهة النرجس تصنع من انكسارهة قوة وهاذة الشي هوة الصح ميصير نوااجه مشاكلنة بلعزلة لوو بلبجي لو بفقداان الشغف للحياة لاا بلعكس لازم نتعلم دائماً نواجه كل صعوبات الحياة بابتسامة لان ماكو شي راح يبقة ع حالة كلشي مع مرور الوقت يتغير فلازم انواجه صعوبات الحياة بنفسنة ومنعتمد ع احد بشي المهم كملنة عشة والبنات نضفن المواعين وعمة سمااح اجتي قبل لنصب جااي طبت سلمت وكعدت ضللت تحجيي وية بابا وحاضنتة يربي حيل انقرهرر عليهة اني من ااشوفهة هييج
عمة ميسون صبت جااي وكام محمد قدمة وحجي وسوالف وضحك صاارت المة تجنن ونرجس همم تضحك بس فهد بعدة يباوع النرجس ويخوزر بيهة هاذة ميتوب ابدد عابتلة.
……………………………..
هلاا حبايبي صراحة تعليقاتكم تجنن وكلامكم صح الغلطان فهد لان لازم يسمع من الطرفين وميتسرعة بحكمة ع نرجس.
