ـ فهد: كمت وكامو وياي الولد رجعنة للبيت اني ومحمد او ولد عمي سمير مصطفى واحمد وسيف محمد ماخلة واحد ماحشش علي يمشي ويقلد ويضحك بعلو حسة رزلتة ومافاد بي
وصلنة شارعنة ونسمع ضحك مال بنات والصوت طالع من بيتنة وكدرت اميز صوت وحدة من البنات صوت نرجس ضحكتهة جانت فضيحة وجانت تضحك بصوت عالي اني هناا عقل مااضل براسي
العالم كلهة نااايمة شمطلعهن البناات برة بهل وقت وفوكااههة يتمضحكن وصوتهن واصل السابع جار اني هنا زدت سرعتي بس اريد اصل البيت راسي كام يفور احس عيوني كامن يطلعن نار والولد هم تخبلو من سمعو صوتهن
ـ نرجس: سمعنة صوت مال مشي كلنة اكيد الولد رجعو شوية ومنسمع بس وااحد عااط بينة شمطلعجن براا وشنوو هاذة الصوت والضحك فضحتنة اباوعة علي بس عوزة يشررب من دمنة عيونة حمرر دم وشعرة مخربط نازل ع عيونة وجهة ميتفسرر من ورة الغضب.
ـ فهد: وانتي عيني ست نرجس ضحكت واصلة السابع جار شنو انتي متستحين متكولين عيب العالم نايمة لو عندج عادي ميهمج بس نفسج ترا انتي مو بغداد حتة تاخذين راحتج هناا كلشي بحدود فحاولي تتعودينن.
ـ نرجس :هوة كال هيج لو اني احس راسي كام يفور وعيوني صارن نار من الغضب ماكدرت اسكتلة رزلني وهاني كدام البنات وكدام ولد عمي ومع العلم مو بس اني ضحكت البنات كلهن ضحكن وحجن بس رزلني رزالة خاصة بأسمي وااانطاني محاضرة بكد راااسة .
ـ كلتلة اولاً احنة كاعدين بلبيت مكاعديين بلشارععع وبعدين وذا لو حجينة اوضحكنة شي طبيعي تراا مالة داعي تكبر الموضوع وبعدين موبس اني ال حجيت او ضحكت شدعوة محمل ع الموضوع قابل شنو شصار وذا لو ضحكنة نكلبت الدنياا مثلاً وثانياً هاذة صوتي وهاي ضحكتي ماغيرهة والموعاجبة
صوتي يسد اذانة محد مجبور يسمعة بنات عمي ضللن صافنات عليية وياأشرلي حتة اسكت واني ولاازعبالك ولا اهتميت نطلقت الة حجيت يلاا رتاحيت والله نررفزني هل فهيدان هاذة شنو سالفتة وياية ليش هلكد شايل حقد علية شمسويتلة
ماادري صار ينتضرني ع اصغر خطأ بس حتة يرزلني ويلقيلي محاضرة الهة اول مالهة تاالي بس لحالة عبالة اني ضعيفة شخصيية ومادافع عنن نفسي
ولا اخذ حقي بس لاا غلطان.
ـ فهد: هية كاالت هيج اني تخبلت هااي الضاهر
ناوية ع نفسهة اليوم اضاهر ماراح تعدي اليلة علة خير بلكوة تمالكت وسيطرت ع نفس ماضربهة لان البنات جانن واكفات والولد ما كدرت اهينهة واضربهة كدامهم.
ـ الكل كدامي جوة والي اشوفهة طالعة عتبت
هاذة الباب اكسر رجليهة سمعتن لو لا وانتي ست نرجس سمعتي.
_ نرجس: خزرتة وطبيت جوة.
ـ طبن البنات واني ضليت افور عليهة وبلكوة ماسك نفسي ضليت افتر برة والجكارة بيدي وافر بلسبحة راح تخبلني هاي البنية عليم طالعة عوبة ولا عبالك احجي وياهة بكلمة تردني بعشر كلمات بس اني اعلمهة مناا وهيج بسيطة ام السان اصبريلي وشوفي فهد شيسوي.
ـ محمد : بعد ماخلصت محاضرة فهد للبنات والرزالة مال فهد النرجس ..ونرجس ماقصرت تحجي علي مو السان عبالك رشاشة انطلقت اشوف البنات يأشرن الهة حتة تسكت بس ولا عبالك ولا اهتمت الة كملت حجيهة وهية سكتت من وحده.
ــ احمد: هااي بنت عمنة عليمن طالعة السان.
ــ محمد: والله ياحمد علمي علمك مادري.
احمد: هاي نرجس الة تاخذ حكهة مربع
يلاا ترتااح متعوف حكهة يروح.
ــ سمر: وكعت بيهة نرجس وهية اكلت الزرالة بلنيابة عن الكل سكتت نرجس طبت جوة واني لحكتهة وفيروز ضلت تلم بلكلاصات مال كهوة ومها ورقية طبن ونور ضلت يم فيروز تنتضرهة طبينت للغرفة لكيت نرجس نايم ع جربايتهة ومغطية راسهة رحت عليهة .
ــ سمر: لضوجين من كلام فهد معليج بي لتهتميلة.
ــ نرجس :شلون ما اهتملة هوة بس يدور حجة حتة يكعد يرزل بية اريد اعرف اني شمسويتلة ماادري اذا اول يوم وهيج صار شلون راح يخلص الاسبوع حتة نرجع للبيت.
_سمر: ميخالف تحملي علمود بابا.
ــ نرجس: لتكولين الماما علمود فهد ورزالتة الي.
ــ سمر: لاا شلون اكول.
اجتي فيروز ومهاا ورقية ونور ضلت واكفة باب الغرفة ما طبت.
ــ مهاا:نرجس امانة لتزعلين اصلاً كلنة متفاجئين
من فهد وشلون حجة هيج وياج.
ــ نرجس :لاا حبيبي عادي عشنو ازعل.
ــ فيروز :اني هنا بلكوة ماسكة نفسي حتة ماضحك اخير شي ما تحملت وطكيتهة بضحكة والبنات هم كلهن كامن يضحكن اني اضحك واكول. خطية نرجس وكعت بيهة بس كفوو منج بنت عمي اخذتي حقنة ماقصرتي هههههه .
ــ نرجس: ادللي اني بلخدمة .
ــ ضلن البنات فيروز ونور باتن يمنة بلغرفة خطية هنة فرشن بلكاع واحنة كلمن بجربايتهة نور وفيروز نامن سوة ورقية ومها سوة وحدة بصف الخ الغرفة جبيرة رااحت فيروز ومها يجيبن افراش الهن من جوة وجابن النور ورقية وياهن وفرشن بس فيروز خبلتنة تسكت وترد تضحك تكول الموقف ميروح من بالي.
ــ رقية : مهاا من يمج طفي الضوة.
ــ مهاا: ماطفي متكومين انتي.
ــ رقية: يلاا عيني وين دزيناج قابل هية هاي خطوتين
ــ مهاا: اذا خطوتين انتي كومي.
ــ رقية: كمت طفيت الضوة ونمنة.
ــ نرجس: نايمة وكعدت ع دكت المبايل المتصل مريم
ــ هلو نرجس شلونج.
ــ نرجس :هلاابيج حبيبتي انتش شلونج.
ــ مريم: لحمد لله
ــ نرجس:شو كاعدة من الصبح شعجب
ــ مريم: يااا من الصبح ولج الساعة ب 10 هسة.
ــ نرجس: ياا صدك مامنتبهة للوقت.
ــ مريم :اكلج انتي وين
ــ نرجس: بلبصرة.
ــ مريم: يااا شسوين ولج بلبصرة.
ــ نرجس :نسيت اكلج والله مو بابا اتراضة وية اهلة وجدو دز علينة.
ــ مريم: بفرحة صدك تراضوو.
ــ نرجس: ايي والله شبيج مامصدكة.
ــ مريم: لا والله بس تفاجئت ايي كليلي متونسين لاا
ــ نرجس: ايي والله كلش ونسة هناا واني اكول بكلبي ليشوف فهد هم يشوف ونسة.
ــ مريم: مااشي حبيبتي سلميلي.
ــ نرجس: ماش حبيبتي يوصل.
نهت المكالمة واني كمت توضيت وصليت
ورحت شفت البنات كاعدات بس اني وسمر
نايمات ماكعدونة رحت اكعد بسمر متكعد حاولت وياهة بس ماكعدت عفتهة وحطيت الشال ع راسي باهمال ونزلت جوة صبحت عليهم. صباح الخير.
الكل. صبااح النور.
ماكو احد الولد طالعين جانت بس جدة وعمة سماح وعمة ميسون كاعدات بصالة كعدت يمهن شوية.
_ ميسون : كومي تريكي لو انتي مسوية اضراب ع الاكل.
ــ نرجس: لاا عمة هسة اكوم اتريك بس انتضر سمر تكعد ماعرف اكل وحدي اني داحجي جان تفوت سمر صبحت عليهم وكعدت يم ماما.
ــ شفت سمرر كعدت كلت خل اكوم اسوي ريوك لان صدك جوعانة من البارحة واني كلشي ماماكلة بس اشرب ببسي.
ــ طبيت للمطبخ جايبين صمون رحت حميت الجاي وطلع اجبان وكيمر خليتهن بلصينية وصبيت داشيل الصينية وسمعت صوت واحد يكول اوكفي.
ــ فهد جنت طالع بشغلة رجعت للبيت ونفس الشي هم حاطة الشال وشعرهة طالع دشيل الصينية وكتلهة اوكفي.
ــ وكفت ونداريت وطلع فهيد افندي كتلة خيرر محتاج شي.
ــ فهد: اولاً احجي عدل ولتنترين
ــ وثانياً لاا عبالج سالفت البارحة عبرتلجيااهة لااا اني سكتتلج لان البنات والولد واكفين.
ــ نرجس: كل الكلت البارحة وطلعت ساكتلي اذا هيج وساكتلي اذا حجيت شلون.
ــ المهم اني علية كتلج اخرر انذارر هاذة اذا مجرين عدل قسم بذاات الله اندمج.
ــ نرجس هوة كال هيج اني رديت وكتلة شتريد اسوي سوي واعلة مابخيلك اركبة.
ــ فهد: يعني هسة انتي تحديتيني.
ــ نرجس: شتريد اعتبرة اعتبرة.
ــ فهد: ماشي لعد اتحملي الراح يصيرلج
ــ نرجس اخذت الصينية وكعدت يم سمر اتريكنة وشلت الصينية وعزلتهة.
ــ سمر: وشالت الصينية اني رحت وراهة وكتلهة نرجس شبيج وجهج ينطي الوان.
ــ نرجس: شبية يعني اكو غير ابو راس انطاني محاضرة وراح.
ــ سمر: ادري هوة ليش هيج يسوي.
ــ نرجسس: اوويي شسويلة اني مو بحالة اصلاً شيريد ايسوي خل يسوي مخايفة منة اصلاً وجهة صاير لطول هم ازرك ويتفيك بزراكة عشتو المدهور
