{ بـسـم اللَّه الـرحـمـن الـرحـيـم }}
الـكـاتـبـة: نـاز الــدليم.
لتنسون التصويت والتعليق بين الفقرات + متابعة للحساب.
ــ احمد : رجعت المبايل وضليت افكر بيدهة هسة توجعهة قررت اراسلهة اخذت الرقم صارت ساعة بـ 1 راسلتهة وماردت رديت راسلتهة هم ماردت يطلع متصل بس مجاوب اخير شي كتلهة يبا ردي اني احمد.
ــ سمر : قبل لا احضر كتب ردي اني احمد اني هنا احس شي بارد صعد ع راسي اول مرة امر بهيج موقف ولد ايراسلني فخفت هم مارديت ودزلي.
ــ احمد: اراسل متجاوب اتشوفهة ومترد شلعت
كلبي اخير شي كتلهة شبيج صافنة متردين.
ــ سمرر : هااا.
ــ احمد: بعد وكت مو جنتي صافنة.
ــ سمرر : شتريد؟؟
ــ احمد: شلونج.؟
ــ سمر: لحمدلله.
ــ احمد: ايدج شلون صارت.
ــ سمر: شوية احسن.
ــ احمد اخذتي العلاج.
ــ سمر: ايي اخذت.
ــ احمد: تمام لعد يلاا طفي النت ونامي.
ــ سمرر: ما غفي.
ــ احمد: ميخالف طفي النت وحاولي تنامين.
ــ سمرر: طفيت النت ونمت
كعدت الصبح ع وجع ايدي نايمة عليهة والشاش لازك عليهة كمت افرك بيدي ع كيفي لان تحكني شوية هودت وكمت غسلت وتوضيت وصليت شفت الساعة بلعشرة بدلت ونزلت لكيت توهم كاعدين اول مرة يتأخرن بلنومة لكيت ماما وعمة ميسون يسون ريوك وعمة سماح رايحة لبيت رجلهة.
ــ رنا: ها ماما ايدج بعدهي اتأذيج.
ــ سمر: لاا احسن شوية
ــ ميسون: حبيبتي بس ديربالج تغسليهة
بلمي لان تلتهب
ــ سمر: ايي ادري.
كملن الريوك واخذت الصينية ماما خلتهة يم جدة وجدو وفهد طالعين من الصبح يكولون عدهم فصل اتريكنة وكمنلنة ضليت كاعدة يمهن وجدة كلساع سألتني ايدج توجعج ايدج تأذيج واني اكللهة لحمد الله اشوة.
ــ احمد: كعدت كمت غسلت وصليت وبدلت لبست دشداشة لون نيلي احنة متعودين ع لبس الدشاديش وفيروز سوتلي ريوك كملت اخذت اسويج السيارة وطلعت ورحت لدكتور جبت شاش ولزك مال جروح ورحت مباشرة لبيت جدي فتت لكيتهم كاعدين بلصالة سلمت عليهم وطلعت وكفت بلمطبخ وصحت سمر
ــ سمر: واجة احمد سلم وطلع خمس دقايق وصاح. ابلع بريكي بخوف ماما كالتلي كومي شوفي احمد شيريد كمت وشفتة كاعد بلمطبخ ع ميز الطعاام وحاط شاش ولزك مال جروح.
ــ سمر: هاا احمد صحتلي.
ــ احمد: ايي تعاي اكعدي.
ــ سمر.: لاا اريد اروح.
ــ احمد: سمر كتلج اكعدي بدون اعناد.
ــ سمر : شفتة عكد حواجب وعصب من
كتلة اريد اروح عاد كعدت وكتلة ها شتريد.
ــ احمد: جيبي ايدج.
ــ سمرر: شسوي بيهة.
ــ احمد: اريد اكلهة. شسوي بيهة مثلااً غير اغيرلج الضماد حتة الشاش ميلزك ع حرك.
ــ سمر: يمة اخاف تكوم توجعني ايدي.
ــ احمد :بوية لازم اغيرلج الضماد اذا ماغيرة تلتهب وتكوم اذب جراحة انطيني ايد ولتخافين مأذيج.
ــ سمرر: كال هيج خفت صدك لتروح تلتهب بزايدفوك ماهية ملتهبة انطينتة ايدي ولزم ايدي جان اسحبهة بسرعة.
ــ احمد: شبيج بوية بعد ماكلنة بس الله وسحبتي ايدج.
ــ سمرر: لا لا غيرتي رئي عوفهة هيج.
ــ احمد: سمر انطيني خل اغير الضماد لاا والله اكوم اربطج هنا
ــ سمر: خفت من كلامة لان صار عصبي وهوة هم جر خلك وياي فكلت خل يضمدهة احسن ميربطني.
ــ احمد: انطتني ايدهة اول مالزمت ايدهة رجفت وتعابير الخجل انرسمو ع وجهة المهم فليت الشاش ع كيفي بس الشاش لازك ع الحرك ذبيت اشوية ديتول حتة الشاش ينكع وينشال بدون ميئذيهة.
ــ سمر: حاول ايشيل الشاش بس لازك ع ايدي حط ديتول لشاش حتة ينكع وينشال كبة ديتول ونتضر شوية ينكع عاد ششوية وكام يشيل لشاش وجان اعيط الشاش لازك ع الحرك بعدة فرفحت روحي احس الالم يدك بكلبي كتلة امانة عوفة لتشيل الله ليوفقني لو منتبهة ولا هلمصيبة
ــ احمد: عفتهة شوية ونطيتهة مي كلتلهة اشربي شوفي وجهج صار اصفر ماتوقعتج خوافة اشو نرجس اتكط عرامة وانتي يكول
ــ سمرر: اني اخاف من جكت الدنبوس دا انوب حرك.
ــ احمد: اخذت ايدهة وشلت الشاش ع كيفي بحذرر واباوع عليهة اشوف نضرات خوف بعيونهة المهم شلتة وعقمت ايدهة بلديتول وحطيت العصار الي انطاهيا الدكتور وشوية نشفت ولفيتهة
ــ سمر: كمل وتشكرتة ابو راس مربع لو ماشي عدل بدل هلبهذلة
ــ احمد: بس شكراً .
ــ سمر لعد شتريد اكلك.
ــ احمد: لاا يابة ماريد شي هاهية.
ــ سمر: بصوت ناصي بعد احسن.
ــ احمد: لا كلتي شي يلا احجي شكلتي.
ــ سمر: اوييي مو كتلك ماكلت شي.
ــ احمد: راح اكوملج تررا.
ــ سمرر: ايي متكوم اني شعلية.
ــ احمد: متأكدة.
ــ سمر: يمكن ماما صاحتلي راح اروح.
ــ احمد: اي اي اني هم سمعت صاحت المايعة
ــ سمر: درت وجهي وفتت ابتسمت ع الخجل الي عندي شني هاي حتة وجهي صخن ادري منو قابل توم كروز
ــ احمد : راحت وضحكت عليهة وع برائتهة وطفوليتهة بلكلام خليت ورحت.
ـــ نزلت شو البيت صنتة محد اكو يمن راحو لبيت عمو سمير بس شفت سمر كاعدة بلمطبخ ع طاولة وصافنة صبحت عليهة وكلت ليش محد اكو بلبيت كالت راحو البيت عمو سمير ورقية ومها بغرفتهن ينضفن بيهة كعدت يم سمر كتلهة شلو صارت ايدج
سمرر: لا زينة لحمد لله واحمد غيرلي الشاش.
نرجس: احمد غيرلج الشاش ؟
سمر: ايي ليش وذا
نرجس: هاا لا بس تفاجئت.
سمر:ايي عبالي.
سمر: مثل الي بالج.
نرجس:اووي خل اكوم اكل انتي متفيديني.
ـــ حميت بس الجاي وجايبين صمون اكلت بس صمون وجاي كملت ورحت للغرفة وشفت مبايلي ايدك: مريم صديقتي فتحت عليهة خط وعاطت باذني
مريم: ولججج هلاااو عوبة
مريم: هلاا بيج صار سااعة ادك عليج وينج ادري وين كاعدة بلصحراء لاحس ولا خبر
نرجس: والله جنت اتريك والمبايل بغرفتي فوك واني جوة.
مريم: هااا حبيبتي عادي بلعافية.
نرجس : الله يعافيج ضلت تحجي شلونج وشخباارج شسويتي ماسويتي لازم اشرحلهة يومي بتفصيل يلااا ترتاااح.
مريم: اكول نرجس.
نرجس: هاا حبيبي.
مريم: ترجعوون البيتكم موو.
نرجس. ايي حبيبي لعد وين نروح غبر نرجع.
مريم. هااا تمام لعد.
نرجس. تمام حبيبي ونهت الاتصاال باب غرفتي جان شوية مفتوح بس اشوف خيال يروح ويجي من الباب مال غرفتي بس ماعرفت منوو عاد عفت كلت جوز ديصعدون وصار خيال.
سمر: من راحت نرجس اني كمت رحت للستقبال شغلت البلازم واكلب بلبلازما ايي برنامج يطلع كدامي اتابعة المهم ضليت كاعدة وحدي وماما
وجدة وعمة ميسون رايحات بيت عمو سمير وماما خابرتني كالت راح اندزلكم غدة وية فيروز كتلهة تمام.
ــ عطشت داشرب مي فتت المطبخ ماحس بس
باب المطبخ اندفر حيل اباوع يربي هاذة فهد عيوني يجدحن نار وجهة ميكصة السيف مبين عصبي حييل اني خفت كلت اكيد صاير شي مو
زين وما اسمع بس عيطتة.
فهدد: ووولجججج نررررجسسس اليييوووم اذبححججج بيييددييي.
