رواية احضان من جمر الفصل الثالث والعشرين 23 بقلم الكاتبة ناز الدليم – تحميل الرواية pdf
مريم : ماضل شي اربع ايام لموعد زواجنة واني طايرة من الفرح مو قصة اريد ازوج لا بس انو راح اخذ شريك حياتي الشخص الحبيتةالي وكف وياي وساندني باسوء ايامي الي متهون علي دمعتي المهم
هاي الفترة المرت اني جهزت وخلصت كلشي وحجزت بدلات بقة بس الحفافة قبل العرس بيومين كلت اروح احف وفترت الخطوبة يوسف كلساعة لو ساعتين وخاابر عليية جنت كااعدة اعزل بملابس الجهاز ودك يوسف
يوسف : هاا حبيبي شلونج.
مريم: بخير لحمدلله شنو انتة كل خمس دقايق تكولي شونج
يوسف : ايي حبيبي اني اريد اعرف اخبارج مو كلساعة لاا كل ثانية اصلاً .
مريم ; يروحي انتة.
يوسف :شعندي غيرج بنيتي.
يوسف : ها يروحة اليوسف.
يوسف : اموت عليج يولي.
مريم : هم يجي يوم وتمل مني.
يوسف : امل من روحي وما مل منج.
مريم : احبك يوسفي.
يوسف : واني هم احبج مريمي.
_ شسمة حضري روحج.
يوسف : اني جاي بطريق البغداد وعازمج ع عشة بلمطعم.
مريم : تمام لعد بيش ساعة توصل.
يوسف : بلخمسة انشالله.
مريم : تمام يروحي توصل بسلامة.
يوسف : حبيبي الله يسلمج يلاا وصلت
سيطرة راح اسد الخط.
مريم : تمام بايي.
يوسف : باي حبيبي.
سد الخط واني كمت طبيت سبحت وطلعت شسورت شعري ومشطت بين ما سبحت صارت
ساعة بـ 4 ونص نزلت ع ماما وكتلهة حنطلع
نتعشة كالت تمام صعدت الغرفتي بدلت لبس
فستان بينصل
وحطيت مكياج خفيف حتة ملامحي متتغير
ولفيت الشال ولبست ساعة وسوار جان جايبليا يوسف بلخطوبة هدية ولبست حذاء كعب كملت وحطيت عطر ونزلت صارت ساعة ب5 وربع دك
علية يوسف وصلت اني مكملة ربع ساعة دك
هورن طلعت
هوة نزل طب سلم ع ماما ولزم ايدي وطلعنة وماما طلعت ورانة وكالت ربي يحفضكم ويبعد عنكم عيون الحساد صديت عليهة شمرتلهة بوسة بلهوة واشرتلهة بيدي بمعنى بيباي فتحلي باب السيارة وصعدنة
وضل لازم ايدي والايد الثانية يسوق وشغل اغنية
ــ راح اسجل روحي باسمك.
ــ حتة اضل كل عمري يمك.
ــ انتة بس خليك يمي خلي انسة وياك همي.
ــ انة حاير وين اضمك.
ــ عيني انتة وروحي انتة ودمي دمك.
ــ اتمنة تدري انتة عمري وحلمي حلمك.
اني اسمع وادندن وية الاغنية وهوة كلساعة وبايس ايدي يوسف انتبه للطرق
يوسف: منتبه منتبه لتخافين كتلة
مريم: ايي مبين انتباهك المهم وصلنة للمول نزلنة وكتلة شو اجينة للمول كال ايي خل نتونس وبعدين نروح نتعشة
مريم: كتلة تمام ضلينة نفتر ونفوت المحلات وكف يم محل مال اكسسوارات ضل يباوع لحد ماعجبة اسوار كلش ناعم وحلو لبسنيا وكال ايي
هسة تمام حاسب ابو المحل وطلعنة ضلينة نفرفر لحد ماصرت ساعة ب7 ونص كال انروح لفلان مطعم
مريم: براحتك طلعنة صعدنة بسيارة وصلنة للمطعم صعدنة بطابق الثانية وهوة طلب كباب ولفات مال كص ومقبلات وببسي اني اكلت بس لفة وحدة مال كص وشبعت.
يوسف: شنو شبعتي.
مريم: ايي شبعت.
يوسف: والكباب منو راح ياكلة.
يوسف: بس اني كالولي عليج ام كرش تاكلي متشبعين.
مريم: خزرتة عزة منو كلك هيج.
يوسف: جماعة كالولي.
مريم: كلي منو هذولة الجماعة داروح اهد عليهم.
يوسف: ايي تهدين عليهم شسويلهم مثلاً
مريم: معليك اني اتصرف وياهم.
يوسف: بنيتي اعصابج ترة اشاقة وياج.
مريم: بخزرة بعد لتشاقة هيج يوسفي.
يوسف: تمام حبيبي.
بس هاي الخزرة مالتج لتعيديهة بعد اوكي.
مريم: ما والله اعيدهة.
يوسف: ايي براحتج خل نزوج واني اخليج اتبطليهة بطريقتي.
مريم: ها يوسف بعدنة مامزوجين وهيج.
يوسف : يي شكلت اني كتلج بطليهة وانتي عاندتي شعلية اني.
مريم: يوسف ترا ابطل مازوجك.
يوسف: ايي حتة اموتج غير ولج بابا اني ماصدكت من الله انو خطبتج وصرتي حلالي خطية نوب علية تبطل غير اعلكج بلبنكة.
مريم: منو يعلكني بلبنكة.
يوسف: انيي منو يعني.
مريم: ايي نشوف منو يعلك منو بسيطة يوسفي بسيطة.
يوسف: ها مريمي شو منهسة بدت السيطرة.
مريم : ايي احسن.
يوسف: ايي يصير خيرر مريم نزوج وكل سوالفج اطلعلجياهن بسيطة.
مريم: هاي شبيك يوسف عصبت ترا اشاقة اني.
يوسف : لا عيوني ريلاكس ..ضحك بوجهي
وطلعنة وهوراح بات بيت عمتي الي بغداد
.ما قبل يضل يمنة
نرجس: صبيت ونطت نور تكول هاي المن الجاي اني ستغربت اول مرة نور تحجي وياي ومبتسمة اني بتسمتلهة وكتلهة الفهد شوهية كمزت وكالت خل اني اودي اني ضجت بس مابينتلهة انطيتهة الجاي ودتة
فهد: اختة من ايدها ليش مو كلت النرجس شو انتي جبتي
نور: لا هية نرجس كالتي سوي جاي وصبي الفهد
لان هية كاعدة يم البنات تسولف.
فهد: ضجت حيل يعني تجاهلت كلامي بسيط خير نشاء الله.
نور: فهد تريد شي.
فهد : لا سلامتج.
نرجس: تصرفهة هية جان كاعدة وتخوز شو من سمعت بفهد بسرعة نطت من مكانهة شنو سالف هلبنية مادري كعدت يم البنات.
فيروز: اكول نرجس لعد شوكت تستلمين النتيجة.
نرجس: والله مادري همة يكملون تصحيح وينشرون الموعد مال استلام النتائج ع تلي.
اجتي نور وكعدت يمنة احسهة طاايرة من الفرح كلت بكلبي خاف هاي لبنية تحبة لفهيد شغلتهة مو راحة كعدت يمنة وشاركتنة بلحديث اني كمت اصعد فوك ماحس الة انجريت من ايدي ونشحطت
للصالة.
فهد: عود شنو تثبتين بهاذة تصرفج.
نرجس: انعتيت ونركعت بلحايط باوعت شفتة فهد بسرعة نترت ايدي منة اويي فهد شبيك ركعتي شمسوي اني ويا تصرف.
فهد: متعرفين يا تصرف موو.
نرجس: اهو فهد شنو السالفة شمسوية.
فهد: نرجس نصي صوتج لا السانج اكصة.
نرجس: استغفر الله فهد يا تصرف شسالفة.
فهد: ليش مخلية نور هية التسويلي جاي واني الطلبت منج انتي لتسويلي.
نرجس: شبيك ترا ني السويت وهية اجتي اخذتة مني وكالت اني اودي.
فهد : شنو انتي سويتي وهية تكول اني سويت الجاي ونرجس كاعدة يم البنات.
نرجس: بصدمة يا عزة والله اني سويتة وهية اخذتة مني.
فهد: تعاي اخذي الجاي وصبيلي من جديد وانتي الجيبي بايدج.
نرجس: بخزرة فهد كلشي ماسوي وبعدين انتة ليش انتة ليش تسرع بحكمك شوف ايدي شلون صارت من وراك.
فهد: نرجس بنيتي من اكلج او اطلب منج شي
اريدج انتي اتسوي بنفسج تمام وهسة اريدج
تنسين السالفة.
نرجس: انتة هم بعد لتسرع بحكمك افهم السالفة من الشخص وبعدين احكم علي.
فهد: ماشي بوية ماشي.
نرجس: خوش اني راح اروح.
فهد: وين ترحين.
نرجس: وين رايحة غير الغرفتي.
فهد: روحي بوية روحي امري لله.
نرجس: ايي هوة رايحة.
فهد: صحت المها تسويلي جاي ماشربت الجابتة نور وجذبتهة ما عديلهيا بسيطة نو افندي اني اعلمج.
نرجس: صعدت الغرفتي مامصلية العصر توضيت ورحت صليت بس ضجت حيل من تصرف فهد
تمددت عجرباية ماحسيت ع نفسي ونمت.
سمر: صعدت للغرفة شفت نرجس نايمة كعدتهة لان ميصح اتنام المغرم كامت بسرعة غسلت انتضرتهة ونزلنة سوة كلهم كاعدين بلصالة نرجس راحت حضنت بابا وكعدت يمة
بابا: هاا بنيتي شو مختفية اليوم.
نرجس: جنت نايمة بابا.
بابا: شبيج بابا خاف مريضة.
نرجس: لا بابا مابية شي.
شوية وكمت فتت للمطبخ شربت مي وكعدت ع طاولة واشوف ماما وعمة ميسون شلون وحدة تساعد اللخ حست بفرحة بداخلي ماعرف ليش ضليت كاعدة لحد ماا كملن واجني البنات ويصبن وكمت ساعدتهن وصبينة العشة كملنة كمت
طلعت برة وكعدت بلحديقة وحدي احس بضوجة
مادري لان نمت العصر واجتي سمر كعدت يمي
سمر: اكول نرجس.
نرجس : ايي حبيبي كولي.
سمر: باعي نرجس انتي اختي وتدرين احنة منضم شي عن بعض.
سمر: شوفي احمد ابن عمو سمير.
نرجس: انتي شمدريج بي يحبج؟
سمر: والله هوة كلي وحتة راسلني اذا تردين اقري الرسائل.
نرجس: شوفي حبيبتي اذا هوة يحبج وصادق بحبة مابيهة شي الحب مو حرام بس اذا هوة هيج حبج مجرد تسلية او يضيع وقت اتركي.
سمر: لا خية شنو تسلية لا والله مو هيج.
نرجس: تمام حبي براحتج.
ضليت كاعدة ورافعة راسي واباوع ع سمة وعنجوم المنضر يجنن لحد مصارت ساعة بلعشرة صعدت الغرفتي رجعت نمت مادري شنو السالفة احس نفسي متكسرة نمت وكعدت ساعة ب 1 ونص نزلت جوة الكل نايمة فتت للمطبخ فتحت الثلاجة شربت مي
سديت الثلاجة دامشي ونطفت الكهرباء تخبلت اخاف من ضلمة وحدي بلمطبخ كمت امشي وانركع لو بلحايط لو بلكاونتر شوية وحسيت احد وراية قطرت دم مابقة بجسمي يمة جني طلعلي بضلمة لاا جوز حرامي ماحس الة نعتيت من ايدي ردت اعيط بس ايد انحطت ع حلكي .
