رواية حبيبي اغلي من عمري الفصل الحادي عشر 11 بقلم شيماء حسين
الفصل الحادى عشر / حبيبتك خدها غيرك
استيقظت شيماء على صوت نور وشرى
شرى / شيماء قووووومى الساعه بقت 10
شيماء وهى تضع المخده على راسها / سبينى فى حالى انا نمت الفجر
نور / شكلها كده مش هتقوم بالذوق شكلنا هنستخدم معاها العنف
شيماء وهى تنهض / افففففف انتوا زننين قوى
شرى / ايوة كده ناس مبتجيش غير بالعافيه
توجه الى المرحاض واخدت حمام وادت فريضتها وجهزت نفسها للذهاب الى صالون التجميل اصر سليم انه يوصلهم وجلست شرى بجانبه
وعندما وصلوا هبطت شيماء ونور وظلت شرى جالسه بجانب سليم
سليم/ عارفه لو الفستان طلع قصير او مفتوح مش هيحصلك كويس
شرى / هو ايه دا بقى انت هتتحكم فى لبسى كمان
سليم / انا عليا قولتلك فستانك يكون طويل وفيهوش فتحه وحده والا هحكم عليكى متحضريش الخطوبه
شرى / دا على كده دا مش فستان سليم انا مبحبش الراجل الخنيق سليييييم ماشى ي سليم
سليم ينظر امامه /………..
شرى وهى تهبط من السياره / براحتك متردش وانا هعمل اللى انا عايزاه
*****************
ذهبت الى بنات فى الصالون
نور/ ايه ي بنتى اتاخرتى ليه
شرى / ………….
نور/ مالك ي شرى
شرى / اتخانقت انا وسليم ومش هلبس الفستان اللى جبته
شيماء / انا كنت عارفه انه مش هوافق انك تلبسيه بس قولت اسيبك منك ليه
نور/ هو هيتحكم فيها من دلوقتى
شيماء / من حقه لانها خطيبته
شرى / انا هروح
شيماء / هتسبينى وتمشى
شرى / معلش ي حبيبتى هاجى بليل سلام
وذهبت شرى الى منزلها وبعد ذهابها بحوالى ساعه هاتف سليم شيماء
سليم// الو شيماء فين شرى
شيماء/ ش شرى فى البيت
سليم / فى البيت ايه هو انا مش لسه موصلكوا من شويه وقلتلكوا لو احتاجتوا حاجه ترنى عليا وانا هجيبها
شيماء بتردد/ اصل اصل
سليم / اصل ايه ماتتكلمى
شيماء/ شرى زعلت من خناقتك معاها وقالت هتيجى على بليل
سليم / والله روحت من غير ما تقولى ماشى انا هوريها
شيماء/ سليم اهدى واعقل بلاش تخانقها فى يوم زى دا انت لسه واصل امبارح
سليم/ انا خايف عليها وبغير عليها من نسمه الهواء وهى مفكره ان انا بتحكم فيها
شيماء/ قولها كده فهمها وجه نظرك وصدقنى قبل ما تعمل اى حاجه هتسال نفسها اذا كانت الحاجه دى هتزعلك ولا لا
سليم / تمام انا هروحلها واكلمها
شيماء / تمام وابقى طمنى
***************
واغلق الهاتف معها وذهب الى مول واشترى احلى فستان فى المول كله وتوجه الى منزلها
عندما علمت بحضوره خرجت له وهى مستعده الى الخناقه الجديده بتاعته
سليم / قعدى ي شرى
جلست على الكرسى المواجه له
سليم / بصى انا مش هقولك انتى غلطى لما جيتى لوحدك من هناك لحد هنا من غير ماتقوليلى وكمان اشتريتى فستان مبين رجلك وضهرك وايديكى
شرى/ طيب ما انا علطول بلبس كده
سليم / حبيبتى يرضيكى وانا قاعد فى الفرح يجى واحد ويقولى خطيبتك جسمها حلو قوى او عندها حسنه فى مكان كذا او كذا
شرى / لا طبعا ميرضنيش
سليم/ يبقى احنا ليه نلبس كده فيها ايه لما تجيبى فستان شيك وطويل وميبينش اى حاجه من جسمك
شرى / طيب ما شيماء ونور جيبين زىى
سليم/ ملناش دعوه بحد انا ليا انتى اانا بغير عليكى من نفسك
شرى بقتناع / معاك حق انا اسفه ي حبيبى انى فهمتك غلط
سليم وهو يعطيها الفستان الجديد / اتفضلى ي ستى احلى فستان لاحلى بنوته
شرى وهى تفتح الفستان / وااااااو دا حلو قوى
سليم / وعليكى هيكون احلى
شرى بكسوف / ميرسي
سليم / لا لا انا كده ممكن اتهور قومى ي هانم البسى علشان اوديكى عند اختك لازم تكونى جنبها دلوقتى
اخذها وذهبوا الى صالون التجميل
*************************
عند ادم فى المنزل كان بيجهز نفسه ومعاه كرم صاحبه
كرم / الف مبروك ي دومه وعقبال ما اباركلك حقيقى
ادم / ليه هو انت مش بتباركلى دلوقتى حقيقى
كرم / مباركه ناقصه ي صاحبى بس حاسس من كلامك عن خطيبتك انها هتغير تفكيرك وهتخليك تحبها
ادم/ يادى الحب اللى انت واجع دماغى بيه ارحمنى ي كرم مش كل الناس زيك انت ومراتك
كرم / والله انا ما عارف هى وفقت عليك ليه
ادم/ لانها زىى برضو مبتفكرش فى الحب والكلام دا
كرم بقتضاب / والله اه وان شاء الله بقى هتتكلموا فى ايه طول الخطوبه انتوا الاتنين فى الاحوال السياسيه للبلاد
ادم / ظريف قوى
كرم / زيك يلا ي خويا خلينا نمشى زمانها مسنتياك
********************
عند البنات فى الصالون
نور / اهدى بقى ي بنتى انا ل عاشر مره اظبطلك الميك اب
شيماء ببكاء / مش قادرة استحمل اكتر من كده انا طول اليوم ماسكه نفسى بالعافيه من العياط علشان شرى متخدش بالها بس خلاص جبت اخرى
نور بحنان / طيب واخرتها ايه
شيماء / خايفه خايفه اول ما اشوفه فى الخطوبه اتهور واجرى عليه واقوله ياخدنى من المكان دا كله ل مكان تانى اكون انا وهو بس
اتت شرى من الخارج وسمعت الجمله دى
شرى/ الله الله يبختك ي عم ادم مين قدك النهارده
نور / انتى ي بنت بتتسنطى علينا
شرى/ لا ي اختى انا كنت جايه اقولكوا ان العريس على اول الطريق وداخل على هنا
شيماء وهى تمسك يد نور / ليه جه بسرعه كدا
نور وهى تضغط على يدها / مش بدرى ولا حاجه دا المعاد اللى اتفق عليه معاكى
فى تلك اللحظه دخل ادم الصالون بحليته السوداء التى زادت من وسامته واتجه باتجاها وانكجها وخرجوا من الصالون من دون اى كلمه وانظار الجميع عليهم واستقلت السياره بجانبه وذهبوا الى الفندق
ادم / شلك حلو قوى زى ماتوقعت
شيماء/ ميرسى على ذوقك
ادم / لا دى حقيقه انتى شكلك فعلا عامل زى الملاك
شيماء قلبت طماطم /…………
وظلوا طول الطريق صامتين الى ان وصلوا الى الفندق
عند دخولها الى القاعه حست ان قلبها بيدق جامد ظلت نتظر حولها وقعت عينها عليه كانت نظراته مصوبه ناحيتها نظرات لم تراها من قبل ولم تستطيع تفسيرها ابتعدت بنظرها عنه خوفا من ضعفها امامه
ذهبت هى وادم وجلسوا على الكوشه واشتغلت موسيقى لاول رقصه سلو
وفقوا فى منتصف القاعه عندما وضع ادم يده على خصرها حست ان الدنيا كلها بتلف بيها احاسيس كتيره كره نفور غيظ نفسها تسيب المكان كله وتمشى وفى نفس الوقت نفسها تروح تضرب يوسف بالقلم وتقوله انت السبب لكل دا
ادم انقظها من تفكيرها/ لو فضلنا ساكتين اكتر من كده الناس ممكن تفتكر انا مغصوبين على بعض
شيماء/ هنقول ايه يعنى
ادم/ والله مخطبتش قبل كده بس انا بشوف العرسان بيفضلوا يتكلموا كتير
شيماء/ لان فى حاجه بتجمعهم ببعض
ادم/ طيب ايه رايك نخلى فى بينا حاجه
شيماء / اللى هى ايه
ادم / اصدقاء نتعامل وكاننا اصدقاء هنتعرف على بعض اكتر
شيماء/ فكره حلوة ي صديقى
ادم/ طيب ايه رايك نتكلم على المعزيم
شيماء/ مفروض المعزيم هم اللى يتكلموا على العرسان مش العكس
ادم / ي ستى نعكس احنا وهنا داس على الفستان بتاعها
شيماء ببتسامه / شوفت كنت هتوقعنى
ادم / اسف مش قصدى والله انتى اللى جايبه فستان طويل ي قزعه
شيماء / مش احسن ما اكون عمود
ادم/ تعرفى ان كل البنات القصيره اللى موجوده فى القاعه هنا هيتخطبوا
شيماء / ي سلام انت بتنجم
ادم/ لا مش بنجم المعروف ان البنات القصيره بيتخطفوا بسرعه
شيماء/ على كده بقى نور هتتخطب
ادم (قلبه دق بسرعه )/ دى توقعات انا مقولتش اكيد
**************************
عند يوسف كان بيراقب حركاتها مع ادم وكل ما تبتسم قلبه بيوجعه اكتر يحبها بل يعشقها هى حلم جاهد لتحقيقه منذ سنوات منذ ان راها طفله قرر ان تكون هذه الطفله ان تكون له مر السنوات ونضجت الصبيه وازدادت بهاء ورقه بعيونها العسليه وشعرها الذى يشبه سواد الليل الدى يحتضن وجهها ليعطيها براءه الاطفال ارادها كزوجه له وظن انه يمكنه تحقيق ذلك كانت تلك سذاجه من يستطيع ان يعترف بذلك الان فهو كان يظن ان حبه لها سيذهب بمجرد ان يرتبط احدهم بشخص اخر ولكن العكس يزداد حبه لها وغيرته عليها جاء سليم وربط على كتفه
سليم / ربنا يصبرك ي صاحبى
يوسف / شكلها فرحانه معاه ربنا يسعدها
سليم / امين ي رب ويسعدك انت كمان
يوسف/ انا سعدتى هتكون سعادتها هى
***********************
دخلت والدته نور القاعه بفستانها الاسود الفخم وتوجهت الى حيث يجلس والد شيماء والعائله
اميره وهى تمد يدها ل عز الدين / الف مبروك
عز الدين / الله يبارك فيكى عقبال نور
اميره / ان شاء الله قريب وجلست على الكرسى المجاور له من دون ان تسلم على نجلاء
نجلاء / ايه ي اميره مش هتسلمى
اميره باستعباط / اوووه سورى ينجلاء مخدتش بالى منك اصلك متغيره تخنتى قوى انصحك تعملى رجيم
نجلاء / انا عاجبه جوزى كده
اميره / بجد ممكن
نجلاء / لا مش ممكن دا اكيد امال جوزك فين مجاش معاكى يعنى
اميره / اصله مشغول مش بيحضر الكلام الفارغ دا كمل ان تكمل كلامها دخل زوجها من الباب
نجلاء وهى تنظر لها نظره ذات مغزى / مش هو دا برضوا اللى مش فاضى
اميره بغيظ / اكيد خلص شغله بدرى وجه
***********************
خلصت رقصه السلو وجلسوا فى اماكنهم وذهب الاهل ليسلموا على العرسان
سلم الجميع واقترب يوسف ليسلم عليهم (يوسف وادم بقوا صحاب من وقت ما يوسف اشتغل معاه )
يوسف وهو يسلم على ادم/ مبروك ي ادم
ادم / الله يبارك فيك عقبالك ي شريك
يوسف/ ربنا يخليك الف مبروك ي بنت عمى
شيماء (قلبك قاسى قوى )/ الله يبارك فيك
جت نور وسلمت على شيماء
نور بفرحه / مبروك ي قلبي
شيماء / بتبركيلى على ايه على حفله الخطوبه اللى نفسى اختفى منها فورا ولا العريس اللى مش عارفه ولا فاكره اقوله حاجه كل اللى انا عارفاه انه مش حبيبى اللى قعدت عمرى كله اتمناه
نور/ اهدى ي شيماء الناس هتاخد بالها
شيماء/ ياريت ياخدوا بالهم دى حفله خطوبه دى حفله موتى
انتهت الحفله على خير وذهب الجميع الى منزله
