{{ بـسـم اللَّه الـرحـمـن الـرحـيـم }}
الـكـاتـبـة: نـاز الــدليم.
لتنسون التصويت والتعليق بين الفقرات + متابعة للحساب.
ــ سمر: رحنة للدكتور وصلنة دانزل.
ــ احمد: البسي الشال عدل.
ــ سمر: لابستة عدل.
ــ احمد: لا هاي نص شعرج طالع.
ــ سمر: مابية حيل اتناقش ويا عدلت الشال ونزلت
ــ طبينة للدكتور واحمد شرحلة وكال الدكتور اكعدي كعدت وشاف ايدي وكال حرق بسيط لتخافون بس احمد سئل الدكتور كلة اذا حرق بسيط ليش فركست كال الدكتور ابني طبيعي اتفركس بس كلة يروح وية العلاج.
ــ سمر : روحي فرفحت كتلة دكتور انطيني
مسكت ايي شي الحك ايدك بكلبي.
ــ الدكتور: هسة بابا خل اضمدهة وانطيج علاج تستمرين علي حتة متلتهب.
ــ سمر : هزيت راسي بقبول.
ــ احمد :خلص وصمدهة وانطاهة علاج ودفعتلة وطلعت صعدنة بلسياارة سئلتهة بعدهة ايدج توجعج.
ــ سمرر: ايي بعدهي.
ــ احمد : بس بلبداية اخذي علاج وتهود.
ــ وصلنة للبيت نزلت فتت بلمطبخ وشفت ماما
وعمة ميسون وعمة سماح بلمطبخ كاعدات ماما شافتني اجتني مرعوبة وعيونهة تتفحص ايدي سئلتني بخوف وقلق عزة شبيهة ايدج.
ــ ماما لتخافين مابيهة شي.
ــ فات احمد للمطبخ وسلم ع ماما وكاللهة عمة لتخافين بس تكبة ع ايدهة الجاي وديتهة للدكتور كال حرق بسيط لتخافون.
ــ رنا : تعاي ماما اكعدي.
ــ سمر: ماما حيل تخاف علينة من كلشي حتة متخلينة نطبخ تكول اخاف تحتركن خطية هية شافتني وتعابير الخوف ولقلق منرسمت ع وجهة عاد احمد فهمهة وفوتتني جوة جدة شافتني هم سئلت شبيج وشلون صارت ايدج وشلون وشلون خليتهم وصعدت فوك لكيت نرجس كاعدة وتكلب بلتليفون.
ــ نرجس: كاعدة اكلب بلتليفون وفاتت سمر مضمدة ايدهة كمت عليهة بسرعة عزة شبيهة ايدج.
ــ سمر: شرحتلهة كلشي وكالتلي بعدهي توجعج كتلهة ايي هوة حرق بسيط بس احس الوجع ايدك بكلبي لان اني من صبيت الجااي جنت هستوني مطفيتة من الطباخ يعني الجاي جان يفور وصبيت بكلاص جبير.
البنات كلهن اجني يمي وكلساع وحدة سألة بعدهة ايدج توجعج واني اكللهم لا احسن وهية صدك شوية هودت لان نطاني مسكن مال الام خطية ضلن يمي لحد ساعة ب 1 بليل فيروز ونور رجعن للبيت ورقية ومها راحن الغرفتهن واني حاولت انام.
ــ نرجس راحن البنات واشوف سمرر بس تتكلب متكدر تنام الحرق يموت اني لو انجك بدنبوس اكلب الدنيا مو انوب حرق.
ــ احمد: عمري 29 سنة بشرتي حنطاوية عيوني كبار وحادات وحواجبي ثخان ملامحي حادة حيل اني صف ثالث متوسط وبطلت من المدرسة مالي واهس بيهة بطلت وكمت اشتغل وية فهد وجدي بلمزرعة اني لا سمين ولا ضعيف جسمي رياضي
ــ كعدت فتحت مبايلي شفت الساعة ب9 وسمر ماكو كاعدة قبلي كمت غسلت وتوصيت وصليت وحطيت ماسكارة ولبست الشال ونزلت شفتهم كلهم ملتمين بلصالة رحت كعدت يم ماما وسمر.
ــ نرجس: ها سمر ايدج شلون صارت.
ــ سمر: زينة لتخاافين.
رفعت راسي شفت فهد يباوعلي وصارت عيني بعينة نضراتة جانت غير عن نضراتة من رزلني نضراتة كلش متغيرة نضراتة متتفسر ضليت كاعدة شوية وكمت دااحمي بلجااي وسمعت واحد يتنحنح وراية صديت وشفتة فهد.
ــ فهد : داصعد الغرفتي شفت نرجس تشغل بلطباخ وبدون سابق انذار رحت علييهة وتنحنحت وباوعتلي ورجعت صدت.
ــ كتلهة ديربالج بوية لتحتركين صدت علية وتباوعلي باستغرااب متفاجئة من كلاامي.
ــ نرجس :باوعتلة التقت عيوني بعيونة شفت مرسوم الخوف عليهن اني هناا ضليت مستغربة يربي شو فهد مرة يرزلني مرة يخاف علية مافتهمت سالفتة شنوو
ــ فهد : هيج ، داصعد وسمعت اكلاص انكسر رحت اركض عليهة شفت كزاز بلكاع ها نرجس بيج شي.
ــ نرجس. : شلت الكلاص داصب جان يوكع من ايدي وشفت فهد ركض علية وعلامات الخوف مرسومة بعيونة مابية شي بس الكلاص وقع بلغلط كال فدوة الج بوية يلاا انتبهي زين.
ـــ فهد :صعدت لغرفتي فتت كعدت عجرباية ونتجيت ع تاج الجرباية واني بالي مشغول وافكر ونرجس متطلع من بالي تنهدت وستغفرت ربي
وطلعت باكيت الجكاير وشربتلي جكار خلصت ورثتلي ثانية خلصت ضميت الجكاير بجيبي تنهدت
واستغفرت ربي ع تفكيري
ــ نرجس: لميت الكزاز من الكاع وجبت كلاص ثااني وصبيت جاي ورسويتلي لفة اكلتهة ورحت يمهم كعدت وشفت الحبيبات بعدهن كاعدات يسولفن شوكت تخلص سوالفهن مادري.
ــ فيروز : ماما راح اروح البيت جدو
ــ سناء: روحي يمة.
ــ فيروز: وصلت للبيت سلمت عليهم وكعدت يم
سمر نحجي ونرجس كامت تحجي ع ايامهة قبل مال مدرسة بس جانت شوية وكحة ومشاغبة.
ــ نرجس: واني كمت احجي مواقفي بلمدرسة مرة من المرات رحت للمدرسة وصديقتي المقربة الي هية مريم تعاركت وية غير بنية من غير شعبة اجتي مريم تبجي وكالتلي اني سويت نفسي سباعية وينشد بية
الضهر كتلهة امشي دليني عليهن واني اعلمهن
رحتة وكالتلي هاي البنية اني داحجي وية البنية بنات صفهة كلهن فزعولهة واني واكفةبس اني ومريم ،مريم طلعت برة ضليت احجي وياهة اجني خلصن علية من الكتل وطلعت من الصف مكسرة بلكوة وصلت الصف سكطني يعني رحت للموت برجلي نكتلت ورجعت واني الممنونة
ــ فيروز: فحطتت من الضحك خطية مريم ام المشكلة طلعت منهة وكعدت بيهة نرجس حصلتلهة كتلة وهية الممنونة.
ــ سمر: بذاك الوقت اجتنة نرجس مكفوشة من شعرهة ومتربة وتعرج من رجلهة اني كتلهة مينلامن بيج حتة بعد متفزعين خلي كل واحد ياخذ حقة بيدة انتي ع شنو فزعتي ودكيت صدرج ادري هم الزلمة ما فازعة مثل فزعتج ورحتي انكتلتي واتشكرتي منهن ورجعتي
كملنة سوالف ورحنة صعدنة بلغرفة مالتنة وفيروز ومها ورقية اجني بس نور ماجتي ضلت بيتهم بيهة توحد مدري شنو
ــ فيروز :اكول سمر عندج واتساب.
ــ سمر: ايي عندي.
ــ فيروز: انطيني رقمج
ــ فيروز: اوك صار حراسلج واحفضي رقمي عند.
ساعة وحدة ونص الضهر
ــ نرجس: كاعدين وسمعنة عمة ميسون تكول
تعالن تغدن.
ــ كمنة وسمر كالت ماريد ماشتهي بس جبرناهة
تكوم تاكل حتة تاخذ العلاج نزلنة كلنة وفتنة لكيناهمم مجهزين كلشي وصابين رحنة كعدنة
احنة البناتة وحدة بصف اللخ.
جدو: سمر شلونج بابا.
ــ سمر :لحمدلله جدو.
ــ سمر :لحمدلله جدو.
جدو: ايدج شلون صارت.
_ سمرر : زين لحمدلله.
كملنة اكل والبنات نقلن المواعين
وفيروز جابت الجاي وقدمت للكل شربو
وطلعو كلهم للمضيف
مر اسوعين البيت هادء يعني بس اكل ونوم وسوالف وهاهية
فيروز :جنت كاعدة بليل ضايجة كلت اخابر سمر ااسئل عليهة خابرت ضلينة نسولف واني احشس حتة اضحكهة.
احمد : كاعد بغرفتي نزلت جوة داطلع برة اغير جوة اسمع فيروز تحجي وتضحك وسئلت عرفتهة تحجي وية سمر طلعت ورجعت ساعة ب11 للبيت رحت ع فيروز كتلهة نطيني مبايلج شوية
فيروز: ليش كتلهة
احمد: نزلت برنامج بمبايلي بس ميفتح اشوف
يفتح بمبايلج لو لا فتحت الرمز وانطتنيا ربع
ساعة ورجعت الها
– الوقت متاخر مجايني نوم لفلت نفسي بلطانية غطيت راسي حتة انعس وصلتني رسالة سحبت تليفوني رسالة من رقم ما مسجل عندي
– الوقت متاخر مجايني نوم لفلت نفسي بلطانية غطيت راسي حتة انعس وصلتني رسالة سحبت تليفوني رسالة من رقم ما مسجل عندي
سمر : غريب اني هنا نهبطت اول مرة تصلني رسالة من رقم غريب راسل كاتب هلو اني عفتة مارديت رد انوب راسل وكال شبيج صافنة اني شفتهة وهم مارديت كلت خل انطي حضرر اكيد مخربطين بلرقم قبل لانطي حضر كال
:- ردي شبيج اني ؟
**************
هلاا حبايبي شخباركم ماشتاقيتولي شو اني اشتاقيتلكم.
حبايبي هاذة البارت هدية الكم تعويض عن البارت القبلة لان ذاك البارت قصير.
ــ يلااا وهسة بعدكم زعلانين لو لاا.
ــ منو تتوقعون راسلهة السمر؟
