رواية التضحية بالحب الفصل الرابع والعشرين 24 بقلم أروي عادل
نسرين ٠٠٠ أنا كنت عارفه ان إللى اسمها تمارا دى بنت مش ساهله . وانا إللى كنت خايفه٠٠ انها ترسم على حسام و تخليه يحبها .. طلعت أذكى و بترسم على مراد
نسرين ٠٠٠ أدخلى
تمارا ٠٠٠ نعم حضرتك عايزانى
نسرين ٠٠٠ اتفضلى الفلوس دى
وضعت نسرين بعض النقود على المكتب فقالت تمارا بأستغراب
تمارا ٠٠٠ أيه دول
نسرين ٠٠٠ دول قبض شهرين أعتبريهم مكافأة نهاية الخدمه .. بس فى المقابل مش عايزه اشوف وشك هنا تانى
قالت تمارا بذهول و عدم تصديق
تمارا ٠٠٠ حضرتك بتكلمينى انا
نسرين ٠٠٠ هو فى غيرك قدامى…
تمارا ٠٠٠ طيب ليه انا عملت ايه عشان تقوليلى كده
نسرين ٠٠٠ عشان فكرتى انك ممكن تحلمى بواحد من ولادى .. ولا انتى فاكره انى نايمه على ودانى مش عارفه انك بتحاولى توقعى مراد فى حبك .. بس احب اقولك ان كان غيرك اشطر مراد مش بتاع حب .هو اخره يتسلى بواحد زيك
أتصدمت تمارا من كلام نسرين كان كلامها مثل السكين الحاد الذى انعرز بقلبها رون رحمه ولا رأفه
لذلك قالت بألم
تمارا ٠٠٠ حضرتك غلطانه انا معملتش حاجة من إللى انتى بتقوليها.. وانا
و مراد بنحب بعض
هنا طلعت نسرين مبلغ من المال و قالت
نسرين ٠٠٠ أنا كنت عارفه انك مش هتمشى بسهوله و تطلعى من المولد بلا حمص. عشان كده عملت حسابى .خدى الفلوس دول كمان كده يبقى ٢٠٠٠٠ الف اظن كده حلو أوى انك تمشى من هنا
من سكات
شعرت تمارا بالاهانه لذلك قالت بغضب
تمارا ٠٠٠ كفايه أهانه بقى ولا انتى فاكره نفسك مين ٠ عشان تحكمى عليا ..ومين قالك اساسآ انى حابه الشغل هنا .. انا أكتر من مره فكرت اسيب الشغل هنا لكن كنت برجع فى كلامى عشان خاطر حسام لأنه كان بيترجانى أنى افضل هنا
نسرين ٠٠٠ طيب متشكرين .. خدى الفلوس و اتفضلى بقى .. و ياريت تبعدى خالص عن مراد فاهمه
قالت تمارا بتحدى
تمارا ٠٠٠ ياريت تقولى الكلام ده لأبنك .
خليه هو يبعد عنى لو تقدرى يعنى
نسرين ٠٠٠ قصدك ايه أنتى بتتحدينى. انتى لو آخر واحده فى الدنيا مستحيل ابنى يرتبط بيكى
ضحكت تمارا وقالت بهدوء عكس النار إللى كانت تشتغل بداخلها
تمارا ٠٠٠ بلاش الثقه الزيادة أوى دى . . مش لم تعرفى رأي أبنك الأول
قالت جملتها ثم اتجهت للباب عندما كانت على وشك الخروج رجعت
ل نسرين واخدت من النقود ٢٥٠٠ جنيه فقط ثم قالت
تمارا ٠٠٠ معلش متعودش اسيب حقى
و ٢٥٠٠ دول حق نص الشهر اللى انا اشتغلته
قالت آخر عبارتها ثم رحلت و تركت نسرين تلعن هذه التمارا و لسانها السع
بقلم٠أروى٠عادل
بينما ظل حسام ينتظر تمارا كثير لذلك قرر يذهب يبحث عنها داخل القصر لكنه لم يعثر عليها لذلك صرخ على أمل
فى ذلك الحين جاء كل من حور و يوسف على صوت حسام
حسام ٠٠٠ أمل . أمل . أمل
حور ٠٠٠ فى ايه يا حسام
حسام ٠٠٠ حور مشوفتيش تمارا
حور ٠٠٠ لا مشوفتهاش هو فى حاجة
حسام ٠٠٠ كنت معايا جات أمل أخدتها عشان ماما عايزها و مرجعتش من ساعتها
يوسف ٠٠٠ أهدى يا حسام هتروح فين يعنى
جاءت أمل تركض
أمل ٠٠٠ نعم يا حسام بيه
حسام ٠٠٠ فين تمارا
أمل ٠٠٠ أنا شوفتها من شويه وهى خارجه من باب القصر يمكن تكون فى الجنينة أو راحت لغرفة الجيم
حسام ٠٠٠( بأستغرب) انا لسه جاي من هناك هى مش فى الجيم ولا فى الجنينة
يوسف ٠٠٠ هتروح فين يعنى أكيد هنا ولا هنا القصر كبير
حور ٠٠٠ طيب رن عليها
حسام ٠٠٠ رنيت مش بترد
يوسف ٠٠٠ آمال راحت فين
هنا جاء صوت نسرين من خلفهم وهى تقول
نسرين ٠٠٠ مشيت من هنا
حسام ٠٠٠ يعنى ايه مشيت من هنا
و ازاى تمشى من غير ما تقولى.
يوسف ٠٠٠ هو في ايه يا نسرين
نسرين ٠٠٠ عادى تمارا اخدت بقيت حسابها و مشيت
حور ٠٠٠ قصدك سابت الشغل
نسرين ٠٠٠ بالظبط كده .. سابت الشغل نهائى
قال حسام بصدمه و كأنه فقد السيطره على عقله
حسام ٠٠٠ لاء . لاء . لاء مستحيل تمارا تسبنى أكيد انتى عملتلها حاجة خليتيها تمشى
وهنا بدأ حسام يصرخ فى نسرين
حسام ٠٠٠ اه اكيد انتى زعلتيها انا عرفك بتكرهيها. قوليلى عملتى ليها ايه انطقى تمارا مستحيل تسيبنى و تمشى من نفسها قوليلى عملتى فيها ايه
هنا جاء مراد على صوت صراخ حسام.
و أتصدم عندما قالت نسرين
نسرين ٠٠٠ أيوه انا طردتها . البنت دى مش كو………
قبل انا تكمل عبارتها صراخ فيها حسام مثل المجنون بدأ بتكسير كل شئ أمامه
الجميع كانوا فى حالة صدمه من رد فعل حسام المبالغ فيه
بينما ركض مراد و يوسف ليقوموا بتهدئته حسام لكنه دفعهم بعيد عنه فى حين ذلك فقده حسام السيطرة على عكازه فسقط و اصطدمت رأسه بالارض بقوة و فقد الوعى بدأت الدماء تخرج من رأسه بكترة. هنا صرخت نسرين و حور بينما أسرع مراد و حمله و ذهب بها إلى اقرب مشفى معه يوسف
بينما ذهبت نسرين و حور خلفهم
بقلم٠أروى٠عادل
فى منزل ميرفت
~~~~~~~~~~~
كانت ياره بتحكى ل ميرفت و سلمى عن أسلام وما حدث فى مقابلة والدته
جاءت تمارا للمنزل أثناء حديثهم و ذهبت مباشرتآ لغرفتها لذلك قالت سلمى
سلمى ٠٠٠ مالها دى كمان . هى مش المفروض دلوقتى تكون فى الشغل
ياره ٠٠٠ شكلها فى حاجة مضايقها
ميرفت ٠٠٠ ادخل أشوفها مالها
فى غرفة تمارا
~~~~~~~~~~~
و ظلت تبكى وهى تتذكر كل كلمة قالتها لها نسرين وعندما دخلت ميرفت و ياره و سلمى
أزاحت تمارا دموعها لكن قالت ميرفت بخوف عليها
سلمى ٠٠٠ انتى بتعيطى .. فى ايه مالك
تمارا ٠٠٠ مافيش . ممكن تسيبونى لوحدى دلوقتى
ميرفت ٠٠٠ طيب رايحينى الأول
و قوليلى مالك
سلمى ٠٠٠ فى حد فى القصر قالك حاجة ضايقتك
ياره ٠٠٠ طيب مراد زعلك .. اتخنقتوا مع بعض تانى
ميرفت ٠٠٠ أيه هو إللى اسمه مراد لسه بيضايقها
لعنت ياره زلة لسانها انها اتكلمت عن مراد أمام والدتها لذلك قالت
ياره ٠٠٠ أنا عارفه بقى . ماهى لو تتكلم
و تبطل عياط هنعرف مالها
ميرفت ٠٠٠ تمارا متتعبيش قلبى عليك قوليلى حصل ايه
قالت وهى تبكى
تمارا ٠٠٠ ماما انا اتهنت أوى
ميرفت ٠٠٠ ما عاش ولا كان إللى يهينك و امك عايشه على وش الدنيا
تمارا ٠٠٠ طالعتنى انسانه وحشه أوى
يا ماما
ميرفت ٠٠٠ مين دى اتكلمى
تمارا ٠٠٠ حاضر يا ماما هقولك على كل حاجة
ثم بدأت تحكى لها عن علاقتها بمراد ثم حكت لها كل ما حدث بينها وبين نسرين
ياره ٠٠٠ بس احسن انك رديتى عليها ماسكتلهاش
ميرفت ٠٠٠ هو ده إللى فارق معاكى ..انتو ايه إللى جرالكم كل واحده فيكم رايحه تحب واحد لا هو شكلنا ولا شبهنا .. ده انا لسه بستوعب كلام الست ياره عن إللى أسمه أسلام. تيجى انتى كمان يا تمارا بمصيبه اكبر
ياره ٠٠٠ ليه بس يا ماما و اللهى مراد بيحبها
ميرفت ٠٠٠ يا بنتى الحب مش كل حاجة ساعات العايلة بتكون عليها عامل أكبر من الحب نفسه و خصوصآ عايلة زى عايلة مراد فاكرين نفسهم فوق الناس كلها
ياره ٠٠٠ ماما مراد و اسلام ولاد عم يعنى من نفس عايلة
ميرفت ٠٠٠ بس الأم تختلف. شوفى أم أسلام عملت معاكى ايه لم عرفت ان ابنها بيحبك . أم مراد عملت ايه مع تمارا لما عرفت ان ابنها بيحب تمارا
سلمى ٠٠٠ ماما عندها حق تمارا انتى لازم تبعدى عن مراد ز عن العايلة
دى كلها
تمارا ٠٠٠ بس مراد مختلف عن أمه
ميرفت ٠٠٠اسمعى كلامى يا تمارا كل واحد بيطلع شبه أهله فى الاخر. و نفس الطبع…
كانت ميرفت بتتكلم بمرارة عن تجربة قديمة لها
تمارا ٠٠٠ بس يا ماما مرا……..
قطعت ميرفت عبارتها وقالت بحده
و خوف على بناتها انهم يقعوا ضحية للحب كما فعلت هى من قبل
ميرفت ٠٠٠ تمارا خلاص الموضوع انتهى مش عايزه حد يتكلم فيه تانى و اقولكم كمان هاتى التليفون بتاعك .و انتى كمان يا ياره هات تليفونك ..عشان التأكد أنكم مش هتتكلموا معاهم خالص
ياره ٠٠٠ طيب وانا مالى ..أسلام و عايز يتقدملى
ميرفت ٠٠٠ و ماله لما يجى يتقدم رسمى ابقى أرجعلك التليفون
بقلم٠أروى٠عادل
فى المستشفى
~~~~~~~~~~•
كانوا الجميع فى انتظار خروج الطبيب من الغرفة لأطمئنان على حالة حسام
و عندما خرج الطبيب ركضوا جميعآ إليه
يوسف ٠٠٠( بقلق) طمنى يا دكتور حسام عامل ايه
الطبيب ٠٠٠ بالنسبال الجرح إللى فى رأسه ده مافيش من خوف ده جرح ساطحى.. بس للأسف عنده إنهيار عصبى . عشان كده انا استدعيت دكتور نفسى و هو جاى دلوقتى
نسرين ٠٠٠( بدموع) انا مش فاهمه حاجة يعنى حسام كويس ولا لاء
الطبيب ٠٠٠ جسديآ هو كويس بس نفسيآ لأ دلوقتى الدكتور النفسى هو إللى هيوضح لكم كل حاجة عن أذنكم
بعد ما انصرف الطبيب فى خلال دقائق جاءه الطبيب النفسى و بعد ما فحص حسام خرج لهم وقاله
الطبيب ٠٠٠ هو عنده إنهيار عصبى حاد.
حور ٠٠٠ ده جاله من ايه
الطبيب ٠٠٠ ده غالبآ بيكون نتيجة تعرض المريض ضغط أو توتر عصبى شديد . أو فقدان حد عزيز عليه . او أزمة من أي نوع هنا المريض مابيقدرش بيستوعب إللى بيحصله و ساعتها ينهار
مراد ٠٠٠ طيب حالته هتفضل كده كتير
الطبيب ٠٠٠ مقدرش احدد وقت . بس غالبآ المريض النفسى بيخف و يبقى كويس لما الحاجة إللى كانت السبب فى مرضه تنتهى
نسرين ٠٠٠ طيب انا عايزه اشوف حسام يا دكتور
الطيب ٠٠٠ حاليآ مش هينفع انا أديته حقنة مهدئه مش هيفوق منها قبل بكره الصبح.. اه صح مين تمارا دى
أستغرب مراد من ذكر الطبيب أسم تمارا
يوسف ٠٠٠ دى الممرضة بتاعت حسام
الطبيب ٠٠٠ واضح انه متعلق بيها أوى لانه كان بيردد أسمها بأستمرار
حور ٠٠٠ صح هو حسام متعلق بتمارا
شعر مراد بضيق لكنه لم يخطر على باله ان تعلق حسام بتمارا نتيجة الحب
الدكتور ٠٠٠ طيب كويس أوى . يمكن لما تيجى و يشوفها حسام حالته النفسيه تتحسن
نسرين ٠٠٠بس دى سابت الشغل و احنا منعرفش مكانها
الطبيب ٠٠٠ خساره دى كانت هتفرق فى حالته أوى . على عموم حسام هيفضل معانا هنا فى المستشفى كام يوم تحت الملاحظة عن أذنكم
وهنا نظره يوسف ل نسرين و قال بغضب
يوسف ٠٠٠ عجبك الحالة إللى فيها حسام دى . ياريت تكونى ارتحتى بعد ما طردتى تمارا
ظلت نسرين تبكى و هى تشعر بذنب اتجاه حسام
مراد ٠٠٠ ممكن افهم إيه إللى بيحصل . تمارا مالها بحالة حسام . و ليه طردتيها من الشغل
هنا صرخت نسرين وفى مراد
نسرين ٠٠٠ أنت تسكت خالص كل إللى حصل ده بسببك
قال مراد بسخريه و بغضب
مراد٠٠٠ طبعآ لازم انا اكون سبب فى مشاكل الكون كله
قال عبارته ثم غادر المشفى كله لذلك قال يوسف
يوسف ٠٠٠ انتى عايزه ايه بالظبط مش كفايه إللى نايم تعبان جوه .. بتدورى على التانى
نسرين ٠٠٠ أنت مش فاهم حاجة مراد هو ….
قطع عبارتها و قال بحده
يوسف ٠٠٠سيبى مراد فى حاله بقى .
و انسى إللى حصل زمان عشان ترتاحى و ترياحينا
قال عبارته ثم انصرف أيضآ
بقلم٠أروى٠عادل
كان مراد يقود سيارته بسرعة و هو بيحاول يتصل على تمارا ليفهم ماذا حدث لكنها لم ترد عليه لذلك اتصل بأسلام
( المكالمة )
مراد ٠٠٠ أسلام ممكن تدينى رقم ياره
أسلام ٠٠٠ نعم أديك رقم ياره ليه
مراد ٠٠٠ هيكون ليه يعنى . عايزه أسألها عن تمارا
أسلام ٠٠٠ خير حصل ايه تانى
هنا حكى مراد ما حدث لذلك قال أسلام
أسلام ٠٠٠ طيب أدينى دقيقه واحده افهم من ياره ايه إللى حصل و أرد عليك
مراد ٠٠٠ هو انت خايف تدينى رقم ياره ولا ايه
أسلام ٠٠٠ لاء يا حلو ياره مابتردش على أرقام غريبه .
مراد ٠٠٠ طيب انجز اتصل عليها ..بعد كده رد عليا
(إنتهت المكالمه )
حاول أسلام الاتصال على ياره لكن دون جدوى لذلك رجع اتصل على مراد و قال
( مكالمة)
مراد ٠٠٠ أيه عملت ايه
أسلام ٠٠٠ ما بتردش
مراد ٠٠٠ يعنى ايه مابتردش
أسلام ٠٠٠ مش عارف مع انى كانت معايا النهاردة الصبح هى و تمارا
مراد ٠٠٠ تمارا كنت معاك ليه الصبح
أسلام ٠٠٠ أنا مش قولتلك انى ماما عايزه تقابل ياره .المقابلة كانت النهاردة الصبح و تمارا جت مع ياره .
مراد ٠٠٠ طيب لاحظت حاجة على تمارا
أسلام ٠٠٠ لاء كل حاجة كانت طبيعيه . حتى ماما وافقت على ياره طلبت منها تحدد ميعاد مع مامتها عشان نروح نقدم لها
مراد٠٠٠ آمال ايه إللى حصل .. انا بفكر اروح ل تمارا على البيت و افهم منها كل حاجة
أسلام ٠٠٠ أوعى تعمل كده .. انا اعرف ان مامتهم ست محافظة أوى و مش هتقابل بحاجة زى كده
مراد ٠٠٠ آمال اعمل ايه
أسلام ٠٠٠ مافيش حل غير انك تسأل طنط نسرين ايه إللى حصل بينها و بين تمارا
مراد ٠٠٠ صح هو مافيش غير الحل ده . يلا سلام انت دلوقتى
بقلم٠أروى٠عادل
فى المساء
القصر
~~~~~~~~
رجع مراد للقصر و سأله أمل
مراد ٠٠٠ أمل فين ماما
أمل ٠٠٠ لسه راجعه من المستشفى
و راحت على جناحها
هنا توجه مراد للحناح الخاص بنسرين بعد ما طرق الباب سمحت له نسرين بدخول وقالت بسخرية
نسرين ٠٠٠ أيه ده الأستاذ مراد بنفسه فى جناحى .ياترى خير
مراد ٠٠٠ من غير تريقه انا عايز أعرف ايه إللى حصل النهاردة
نسرين ٠٠٠ أيه هى الهانم حبيبت القلب
ما قالتش ليكى
بذهول و أستغراب من حديثها .
مراد ٠٠٠ تقصدى مين
نسرين٠٠٠ هو في غيرها .. ولا انت عندك اكتر من حبيبه
مراد ٠٠٠ ماما ياريت تتكلمى على طول .. بلاش الطريقة المستفزه دى
نسرين ٠٠٠ طيب اسمع بقى يا مراد انت تقطع علاقتك بأللى اسمها تمارا دى نهائى إللى اقسم بالله……
قطع عبارتها مراد بحد وقال
مراد ٠٠٠ من غير ما تحلفى انا مستحيل اقطع علاقتى بيها . لانى بحبها بجد
نسرين ٠٠٠( بصراخ) أنت اتجننت تحب ممرضة . دى مش من مستوانا
مراد ٠٠٠ و مين هى بقى إللى من مستوانا هايدى مش كده
نسرين ٠٠٠ أيوه على أقل عارفين هى مين و بنت مين و من نفس مستوانا
.و بتحبك
مراد ٠٠٠ وانا بحب تمارا . و مستحيل اتخلى عنها
نسرين ٠٠٠ و آنا مستحيل أقبل ان تكون ليك علاقة بالبنت دى فاهمه
مراد ٠٠٠ وانا مش مستنى منك انك تقبلى او ماتقبليش.. بس من باب العلم بالشيئ. انا هتجوز تمارا . حتى لو العالم كله وقف قصادى بردوا هتجوزها
قال جملته ثم انصرف ترك خلفه نسرين عاجزة أمام إصرار أبنها
بقلم٠أروى٠عادل
بعد مرور يومين فى المشفى
~~~~~~~~~~~~~~~~~~
كانت كل عائلة مهران مجتمعون فى المشفى ليتفقدوا حالة حسام الذى كانت تسوء كل يوم عن اليوم إللى قبله و كأنه تمارا أصبحت هى الحياة بالنسبال لحسام . لذلك قال لهم الطبيب أن يحضروا تمارا لكى يراها حسام
و تتحسن حالته
الطبيب ٠٠٠ بصراحة الحاله زى ما هى رافض ياكل او ياخد أي علاج .كأنه رافض يعيش كمان
يوسف ٠٠٠ الحالة دى جات له قبل كده من خمس سنين تقريبآ بس ماكنتش بنفس الدرجة دى
طبيب ٠٠٠ مفهوم لان تانى مره بتكون اصعب من المره الاوله
يوسف ٠٠٠ طيب ايه يا دكتور هنسيبوا كده
الطبيب ٠٠٠ ما انا قولتلكم قبل كده شوفوا هو عايز أيه و اعملوا
نرمين ٠٠٠ طيب هو عايز أيه
الطبيب ٠٠٠ الممرضة بتاعته هو رافض ياخد علاج من أيد أى حد غيرها
أسلام ٠٠٠ طيب لو هى رافضت ترجع الشغل تانى هيفضل حسام بالحالة دى
الطبيب ٠٠٠ للأسف فى الحاله دى العلاج بياخد وقت طويل . ده فى حالة انه وافق أصلآ ياخد علاجه
ملك ٠٠٠ ( بألم) يعنى علاج حسام. هى تمارا
الطبيب٠٠٠ بالظبط كده
نسرين ٠٠٠ مافيش حل تانى يا دكتور
الطبيب ٠٠٠ فيه.. و هو العلاج. بس هو رافض العلاج..عشان اكون صاريح معاكم اكتر لازم تعرفوا ان حسام عشان مأحدتش العلاج بدأ يدخل فى مرحلة أكتئاب ..و ده إللى انا كنت خايف من. لأنه لا قدر الله ممكن حسام يفكر يأذى نفسه أو ينتحر أو…….
صرخت نسرين بألم قبل أن يكمل الطبيب حديثه وقالت وهى تبكى
نسرين ٠٠٠ لاء لاء بالله عليك ما تقول كده حسام أقوى من أنه يفكر يعمل فى نفسه حاجة حسام مش ممكن يعمل كده
الطبيب ٠٠٠ ده فى حالته الطبيعية. لكن مريض الاكتئاب . مابيفكرش بعقله .. او تفكيروا مش بيكونش متزن
ملك … يبقى تمارا لازم ترجع الشغل تانى
يوسف ٠٠٠ حور انتى مش عارف بيت تمارا
حوار ٠٠٠ أنا كنت اعرف بيتها القديم بس هى نقلت لبيت جديد
نرمين ٠٠٠ أسلام يعرف بيتها .
أسلام ٠٠٠ اه صح انا اعرفه
حور٠٠٠ تبقى تيجى معايا نروح نتكلم مع تمارا و نخليها ترجع الشغل
ملك ٠٠٠ و آنا كمان جايه معاكم
ذهبوا الثلاثة للمنزل تمارا بينما ظلوا الباقيا فى انتظارهم
كل هذا كان يحدث أمام مرأى ومسمع مراد الذى كان يتابع ما يحدث وهو
لا يفهم شئ كيف يكون حياة أخيه بين يد حبيبته. لكنه كان يتهرب من أي فكره تأتى فى رأسه ان حسام ممكن يكون بيحب حبيبته
بعد ساعة راجعوا الثلاثه بخيبة أمل كبيرة
يوسف ٠٠٠ فين تمارا
حور ٠٠٠ رافضت ترجع الشغل
ملك ٠٠٠ دى حتى رافضت تسمع مننا
اي كلام
نسرين ٠٠٠ يعنى ايه حسام هيفضل كده . انا هروح لها بنفسى تعالى معايا
يا أسلام
ذهب أسلام مع نسرين للمره الثانيه
بقلم٠أروى٠عادل
فى منزل ميرفت
~~~~~~~~~~~~
ميرفت ٠٠٠ تمارا افتحى الباب
تمارا ٠٠٠ هو مافيش حد يفتح الباب فى البيت ده غيرى
عندما فتحت تمارا الباب اتسعت عينيها بصدمه عندما رأت نسرين أمامها
نسرين ٠٠٠ أيه هتسبينى واقفه على الباب كتير كده
تمارا ٠٠٠ لاء ازاى . احنا ناس نفهم فى الأصول اتفضلى يا هانم
دخلت نسرين و معاها أسلام ثم قالت
نسرين ٠٠٠ متهيألى انتى عارفه انا جايه هنا ليه . حور و ملك قولولك
تمارا ٠٠٠ ( بخبث) اه قولولى بس احب اسمعها منك تانى
نسرين ٠٠٠ ماشى انا جايه عشان أرجعك الشغل تانى
تمارا ٠٠٠ أسفه انا مش هرجع الشغل تانى
أسلام ٠٠٠ تمارا حسام فى المستشفى تعبان أوى . و رافض الأكل و رافض ياخد العلاج. حالته بقت صعبه أوى ..
و الدكاترة بيقولوا انه ممكن يفكر بأذى نفسه
تمارا ٠٠٠ لا حول الله يارب . ربنا يشفيه. بس انا مش هقدر ادخل القصر ده تانى
نسرين ٠٠٠ طيب حتى روحى شوفيه فى المستشفى. هو لو شافك يمكن يبقى كويس
برغم جبروت نسرين الإ انها صعبت على تمارا لذلك قالت
تمارا٠٠٠ طيب هشوف .بس انا لازم أستأذن ماما الأول
نسرين ٠٠٠ تمارا حسام تعبان و انتى إللى بأيدك تخليه كويس
تمارا ٠٠٠ هاتى عنوان المستشفى.
و ماما لو وفقت انا هاجى اشوفه فى المستشفى
بعد ما أعطت نسرين العنوان ل تمارا
و كانت على وشك الانصراف جاءت ميرفت وقالت دون انت تعلم أن لديهم زائرين
ميرفت ٠٠٠ تمارا بقالك ساعة بتفتحى الباب
هنا اتجمدت ميرفت مكانها عندما رأت نسرين بينما اتسعت عين نسرين بصدمه عندما رأت ميرفت وقالت
