تمارا ٠٠٠ طيب أخدنى و رايح على فين٠٠ ٠
مراد ٠٠٠ هنتكلم في العربية
مراد ٠٠٠ خلاص أشيلك
تمارا ٠٠٠ لاء . لاء همشى خلاص
برغم عصبية مراد إلا أنه ابتسم على هيئة تمارا التى تبدو مثل الأطفال عند غصبهم
و عندما وصلوا لسيارة صعدت تمارا السيارة ثم مراد هنا قال مراد
مراد ٠٠٠ أحكيلى بقى على كل حاجة من أول ما خرجتى من القصر لحد دلوقتى
تمارا ٠٠٠ قولى انت الاول .. انت بتشك فيا
مراد ٠٠٠ أنا لو كان عندى ذرة شك فيكى كان زمانى خنقتك بأيدى دلوقتى
تمارا ٠٠٠ هى حصلت .. مراد أنت ممكن تعمل كده فيا فعلآ
مراد ٠٠٠ أنا حذرتك من غيرتى يا تمارا وقولتك. غيرتى زى النار بلاش تيجى جانبها
تمارا ٠٠٠ وانا عملت ايه لكل ده
مراد ٠٠٠ يعنى كل ده مش عارفه عملتى ايه
تمارا ٠٠٠ مراد انت بتتصلى عليا أحنا كنا بنشترى شبكة سلمى ماكنش ينفع ارد عليك عشان كده كنسلت ولما اتصلت تانى اكتر من مره خوفت حاتم ياخد باله عشان كده قفلت التليفون . هو ده كل إللى حصل الموضوع ماكنش مستاهل كل الشوشره إللى انت عملتها
مراد ٠٠٠ و فيها ايه ما تردى قدام حاتم . انتى خايف منه ليه
تمارا ٠٠٠مش خوف بمعنى الكلمة هو احترام وبعدين انت كنت عايزنى اقول لحاتم ايه معلش يا أبن خالتى حبيبى بيتصل عليا ممكن ارد عليه
هنا ابتسمت مراد وقال و كأنه تلاشى كل غضبه وهو يقول
مراد ٠٠٠ تعرفى انا ممكن انسى كل إللى حصل بسبب كلمة زى دى
لما تنتبه تمارا ماذا قالت
بقلم٠أروى٠عادل
تمارا ٠٠٠ كلمة ايه دى
مراد ٠٠٠ حبيبى..مش غريبه يوم ما تقولى انى حبيبك تقوليها بصدفه و انت متعصبه
تمارا ٠٠٠ لا واللهى انت فايق بقى
مراد ٠٠٠ لاء و اللهى لسه متغاظ و هولع منك بس اعمل ايه بحاول السيطر على عصبيتى و غضبى عشان مش عايز اخسرك
تمارا ٠٠٠( بسخرية ) ننننعم كل إللى عملته ده وانت بتحاول تسيطر على غضبك و عصبيتك
امال لما حاولتش تسيطر عليهم كنت عملت فيا ايه قتلتنى
مراد ٠٠٠ مش بعيد كنت أعملها
تمارا ٠٠٠ ليه بقى انشاء الله كل ده عشان ماردتش على مكالمتك
رجع الغضب يظهر على ملامح مراد من تانى وهو يقول
مراد ٠٠٠ لاء مش المكالمة هى سبب غضبى
تمارا ٠٠٠(بأستفسار) آمال ايه
مراد ٠٠٠ أنتى اخدتى تذاكر من مازن ليه
هنا أرتبكت تمارا لانها أصبحت تعرف ما هى عواقب غيرة مراد لذلك قالت تمارا بأرتباك
تمارا ٠٠٠ مراد خلينى افهمك ..ايه إللى خلانى أخد التذاكر من مازن
مراد ٠٠٠( بسخرية) هتقولى ايه فى دى كمان .. ايه اخدتى التذاكر منه غصب عنك
تمارا ٠٠٠( بتوتر) لاء ما اخدش التذاكر غصب عنى بس… انا…. كنت… م……
عندما رأه مراد توترها قال
مراد ٠٠٠ أيه مالك . مش عارف تقولى ايه ولا تبررى انتى ليه اخدتى منه التذاكر صح
تمارا ٠٠٠ لاء مش صح.. بس مش عايزه اكدب واقول ايه كلام ..
مراد ٠٠٠ هو الموضوع كبيرة لدرجة يستاهل انك تكدبى عليا
تمارا ٠٠٠ لا يا مراد مافيش موضوع من أساس بس انتى موترنى بعصبيتك دى
مراد ٠٠٠ طيب انا مش هتعصب نهائى . اتفضلى اتكلمى
تمارا ٠٠٠ تمام .. من يومين و آنا داخل بيت قابلت مازن سألنى عن رجلى . ولما قولته انى كويسه عزمنى انى احضر لحفلته. و أدانى التذاكر
مراد ٠٠٠ و قبلتى تخدى التذاكر منه ليه
تمارا ٠٠٠ .ساعتها واللهى رافضت بس هو صمم اتحرجت و اخدت التذاكر . بس انا ماكنتش ناويه اروح الحفله خالص.. عشان كده لما سمعت حور بتتكلم انها انها بتدور على تذاكر نفس الحفله . أدتها التذاكر
مراد ٠٠٠ يعنى وقفتى و اتكلمتى معاه . وانا حذرتك قبل كده.يا تمارا و قايلك مش عايزك تتكلمى ما البنى آدم ده تانى
تمارا ٠٠٠ مراد الكلام ده قبل ما نرتبط. انا كنت فاكراك بتهزر
مراد ٠٠٠ لاء يا تمارا الموضوع ده مافهوش هزار
تمارا ٠٠٠ بس لازم يكون عندك ثقه فيا .
مراد ٠٠٠ الموضوع مالهوش دعوة بالثقه .. لانى يثق فيكى لأبعد الحدود. بس مش بثق فى نوايا إللى اسمه مازن ده..
تمارا ٠٠٠ ليه بس انا ما شوفتش منه حاجة وحشه
مراد ٠٠٠ وانا مش هستنا لما تشوفى منه حاجه حلوه ولا الوحشه .. بعدين انتى مابتعرفيش تقولى حاضر بس
تمارا ٠٠٠ يعنى اقول حاضر و آنا مش مقتنعة باللى بتقوله
مراد ٠٠٠ و مش مقتنعة ليه يعنى..ولا هيفرق أوى معاكى انك متتكلميش مع الشخص ده تانى
تمارا ٠٠٠ مراد الموضوع مالهوش علاقة بمازن او غيرو لان مافيش حد هيفرق معايا غيرك و لازم تكون عارف كده كويس .. بس انا إللى متعودش اعمل حاجة انا مش مقتنعة بيها
مراد ٠٠٠ و لو قولتلك انا مش مرتاح للشخص ده
تمارا ٠٠٠ حاضر يا مراد انا هعمل إللى انت عايزه . بس الأول توعدنى انك مش هتتعصب عليا ولا تخوفنى منك تانى
مراد ٠٠٠ تمارا انتى خوفتى منى بجد
تمارا ٠٠٠ اه خوفت . خوفت من غضبك
و عصبيتك خوفت من تهورك من جنانك
تأثر مراد بكلام تمارا لذلك شعر مراد بضيق. لعنه نفسه لأنه جعلها تخاف منه لذلك أمسك مراد يد تمارا و قبلها .كنوع من الاعتذار وقبل أن يتحدث انتفضت تمارا قالت بحده. و هى تسحب يدها من مراد
بقلم٠أروى٠عادل
تمارا ٠٠٠ مراد انت اتجننت سيب ايدى
مراد ٠٠٠ فى ايه خضتنى
تمارا ٠٠٠ أنت ازاى تعمل … على فكرة عيب أنا متوقعتش منك كده
مراد ٠٠٠ فى ايه أنتى ملبوسه هو انا عملت حاجة
تمارا ٠٠٠ تبوس ايدى و تقولى معملتش حاجة
مراد ٠٠٠ والله يخربيتك انتى مجنونه كل ده عشان بوست ايدك أمال لو بوستك من شفايفك هتعملى
بدهشه وخجل قالت
تمارا ٠٠٠ أنتى قليل الأدب ازاى تقولى كده
ثم فتحت باب السيارة بأنفعال وخرجت منها وتجاهلت مراد وهو يقول
مراد ٠٠٠ تمارا رايحه فين . تمارا استنى هنا تمارا . انتى يا بت
عندما لم ترد عليه تمارا كمل عبارته وقال
مراد ٠٠٠ أيه البت الهبله دى .كل ده عشان بوست أيدها. آمال هتعمل ايه لما نتجوز . شكلها هتورينى ايام سوده
قال جملته ثم خرج من السيارة و ذهب خلف تمارا
أول ما وصلت تمارا ل ياره قالت لها ياره
ياره ٠٠٠ قوليلى عملك حاجة
هزت تمارا رأسها بالنفى
ياره ٠٠٠ طيب يلا سلمى اتصلت عليا عشان نروح اتأخرنا
بقلم٠أروى٠عادل
منزل مازن نور
~~~~~~~~~~~~
عندما وصلوا أمام باب المنزل قالت سلمى
سلمى٠٠٠استنوا انادى ماما
ياره ٠٠٠ ليه هى ماما فين
سلمى ٠٠٠ عند طنط نوال
تمارا ٠٠٠ مين طنط نوال دى
سلمى ٠٠٠ دى مامت مازن نور
تمارا ٠٠٠ و ماما بتعمل ايه عندها
ياره ٠٠٠ أنتى متعرفيش .ان طنط نوال
و ماما بقوا صحاب اوى
تمارا ٠٠٠ صحاب أوى .. فى حاجات بقيت بتحصل فى العايله دى من ورايا
هنا رنت سلمى جرس منزل مازن فتحت الخادمه سعاد الباب و أول ما شافت سلمى قالت
السعاد٠٠٠ اتفضلى يا أنسه سلمى
سلمى ٠٠٠ لأ متشكره ممكن تقولى لماما اننا جينا
هنا جاء صوت من خلف الخادمة يقول
مازن ٠٠٠ مين على الباب يا سعاد
سعاد ٠٠٠ ده الأنسه سلمى و الانسه ياره
هنا خرج لهم مازن و قال
مازن ٠٠٠ واقفين ليه على الباب اتفضلوا
حاتم ٠٠٠ لاء متشكرين يا فنان .. معلش أحنا جينا بس ننادى على خالتى
مازن ٠٠٠ يبقى انت حاتم صح
حاتم ٠٠٠ حضرتك تعرفنى منين
مازن ٠٠٠ من طنط ميرفت طبعآ .. بس احنا هنفضل واقفين كده اتفضلوا
دخل حاتم و سلمى و ياره منزل مازن
أما تمارا تذكرت تحذير مراد لها بأبتعاد
عن مازن لذلك ظلت واقفه مكانها فقال مازن
مازن ٠٠٠ أيه يا تمارا مش هتدخلى
تمارا ٠٠٠ لاء انا تعبانه هروح ارتاح
لم تعطى مازن فرصه للرد عليها قالت جملتها و ثم ذهبت لمنزلها مباشرتآ.
فى أثناء وجودهم فى شقة مازن قال
مازن ٠٠٠ صح يا حاتم طنط ميرفت قالتلى انك مهندس شاطر أوى . قولت استغلك و استشيرك فى حاجة
حاتم ٠٠٠ أنا تحت أمرك
مازن ٠٠٠ أنا عايز ابنى فيلا بس عايزها تكون تصميم جديد متميز على الطراز الحديث تقدر تعملى حاجة زى المواصفات دى
حاتم ٠٠٠ فهمت انت عايز . و طلبك عندى بس لازم تشرفنى فى المكتب بتاعى
مازن ٠٠٠ تمام .. بكره انا مشغول .يبقى بعد بكره اجيلك المكتب . . خد رقم تليفونى عشان تبعتلى اللوكشن
ياره ٠٠ وانت هتسيب الشقه دى يا فنان
مازن ٠٠ والله انا بقالى سنتين بتحايل على ماما هى اللى مش عايزه تسيب الشقه ده واخيرآ وفقت..
ثم تذكر تمارا لذلك قال
مازن٠٠ بس انا دلوقتى اللى مش عايز اسيب الشقه
بقلم٠أروى٠عادل
فى منزل أم عصام
~~~~~~~~~~~~
عندما كان عصام يراقب حاتم رأه تمارا و ظل خلفهم …و منذ رأى تمارا مع مراد وهو ثائر مثل المجنون
أم عصام ٠٠٠ يا أبنى فهمنى لما انت عرفت مكانها متعصب ليه بقى
عصام ٠٠٠ بقولك السنيورة ماشيه على حل شعرها مع الواد الظابط إللى جه هنا الحاره يوم الخناقة
أم عصام ٠٠٠ نهار ابوها اسود يعنى عشان كده كانت عايزه تسيب الحارة عشان تعمل إللى عايزه من غير ما حد يعرف
عصام ٠٠٠ لا و ايه دول ساكنين في الزمالك
أم عصام ٠٠٠ الزمالك حته واحده
عصام ٠٠٠ أه ياما حته واحده . لاء وايه الشقه تمليك مش ايجار
أم عصام ٠٠٠ جابوا منين فلوس لشقة فى الزمالك
عصام ٠٠٠ اكيد من الواد إللى ماشية معاه . لاء مش هى بس.. دول أخواتها كمان كل واحد ماشية مع واحد و آخر مسخره. اكيد مدورينها امال هيجيبوا فلوس شقة فى الزمالك منين
أم عصام ٠٠٠ يا ضنايا يابنى يعنى بنت ميرفت تسيبك انت عشان تمشى على حل شعرها .
عصام ٠٠٠( بحزن) أصبرى بس عليا ياما يوم الحساب قرب .و دينى و ما أعبد لا أربيكى يا تمارا من أول و جديد و أعرفك ان الله حق
أم عصام ٠٠٠ متزعلش يا ضنايا هى فى ناس كده مالهمش فى الطيب نسيب..
و هى هتلاقى احسن منك فين خليها تغور فى داهية طالما مشيت فى السكة دى
عصام ٠٠٠ وانا مش هسيبها ياما . تمارا دى بتاعتى انا يعنى و تخصنى ..بعدين انا عارف تمارا أكيد الواد ده لعب فى دماغها بس هى مالهاش فى الغلط
أم عصام ٠٠٠ أيه لسه باقى عليها بعد ده كله
عصام ٠٠٠ مش بأيدى ياما .. القلب لما يريد بس اقسم بالله لا اخليها هى إللى تترجانى عشان أرضه اتجوزها تبوس ايدى كمان
أم عصام ٠٠٠ يعنى هتعمل ايه يا قلب أمك
عصام ٠٠٠ استنى بس انتى عليا ياما و بكره تشوفى
أم عصام ٠٠٠ هستنا لأمتى ده يوم المنى إللى أشوفها مذلوله قدامى
عصام ٠٠٠ هتشوفيها . بس أصبرى. الموضوع هياخد وقت لانه محتاج تخطيط و تظبيط عشان لما تقع متعرفش تقوم منها تانى
بقلم٠أروى٠عادل
بعد مرور شهر
فيلا توفيق عم مراد
~~~~~~~~~~~~~~
نرمين٠٠٠ خير يا أسلام ايه الموضوع المهم إللى انت عايزنى فيه
أسلام ٠٠٠ ( بأرتباك) بصراحه بقى من غير مقدمات انا فى بنت بحبها و عايز ارتبط بيها
نرمين ٠٠٠ ( بفرحه) أخيرآ هفرح بيك قولى هى مين . بنت مين . اكيد أمها دعيلها عشان انا هبقى حماتها
أسلام ٠٠٠ لاء انتى متعرفهاش..
نرمين ٠٠٠ طيب هى بنت مين . يمكن اعرف أهلها
أسلام ٠٠٠ ما أظنش انك تعرفى أهلها . انتى تعرفى اختها
نرمين ٠٠٠ هو لغز ..ما تتكلم على طول
يا أسلام هى مين
أسلام ٠٠٠ أسمها ياره.. هى أخت تمارا
نرمين ٠٠٠ تمارا مين .. أوعى تكون بتتكلم على تمارا الممرضة بتاعت حسام
أسلام ٠٠٠ أيوه هى
سكتت نرمين ثوانى وهى تفكر فى فرق المستوى الاجتماعى .. لذلك قال أسلام
أسلام ٠٠٠ سكتى يعنى . بتفكرى بأيه
نرمين ٠٠٠ أنت مش شايف ان فى فرق كبير المستوى الاجتماعى بينكم
أسلام ٠٠٠ أنتى يا ماما إللى بتفكرى بالطريقه دى .
نرمين ٠٠٠ يا حبيبى ساعات بيكون فرق المستوى الاجتماعى سبب اساسى فى فشل اي علاقه بين اتنين
أسلام ٠٠٠ اهو انتى قولتيها ساعات يعنى مش أكيد
نرمين ٠٠٠ بس يفضل احتمال موجود ممكن يحصل
أسلام ٠٠٠ ماما يعنى انتى عايزانى إبنى حياتى على احتمال ممكن يحصل و ممكن مايحصلش
نرمين ٠٠٠ أسلام انا خايفه ان الفرق الاجتماعى يأثر علي علاقتكم بعض. بعد كده
أسلام ٠٠٠ متخافيش انا و ياره بنحب بعض وبعدين الفرق الاجتماعى مش كبير اوى زى ما انتى فاهمه
نرمين ٠٠٠ ماشى طيب هى خريجت ايه
أسلام ٠٠٠ كلية تمريض
نرمين ٠٠٠( بدهشة) يعنى ممرضة عايز تتجوز ممرضة
أسلام ٠٠٠ لا إله إلا الله يا ماما هى الممرضة حاجة عيب و لا حرام .. بعدين انا بقولك انها خريجت كليه
نرمين ٠٠٠ اه بس كلية تمريض
أسلام ٠٠٠ و فيها ايه دى .. بعدين انا بحبها زى ماهى . و الله يا ماما ياره بنت ممتازه فى كل حاجة وانتى لو شوفتيها هتعجبك
نرمين ٠٠٠ خلاص اشوفها الأول .. بس لو عجبتنى تبقى مبروك عليك ولو مش عجبتنى تبقى تنسى الموضوع ده خالص . وانت عارفنى انا مابظلمش حد . و دايمآ حكمى على الناس بيكون صح
أسلام ٠٠٠ عارف.. و متأكد أن حكمك على ياره هيكون حكم عادل
فى أحد الكافيهات
~~~~~~~~~~~~
حاتم ٠٠٠ معلش يا سلمى انا عارف انى مقصر معاكى بقالى فتره حتى ميعاد خطبتنا أجلته
سلمى ٠٠٠ لا يا حبيبى عادى المهم دلوقتى شغلك . انا عارفه انك الفترة دى مشغول بالفيلا بتاعت مازن
حاتم ٠٠٠ اه يا سلمى انتى تعرفى ان الفيلا دى بعد ما تنتهى هتنقلنى فى حته تانيه خالص انا فعلآ تعبت فى تصميمها و تنفيذ التصميم كان صعب جدآ .كمان لازم اتابع كل حاجة بنفسى
سلمى ٠٠٠ هانت كلها كام أسبوع
و تشطيب الفيلا تخلص و ترتاح
و تفضالى بقى
حاتم ٠٠٠ واللهى انا مش عارف من غيرك كنت عملت ايه . دايمآ بتهونى عليا ..محسسانى ان كل حاجة سهله و بسيطه
سلمى ٠٠٠ عشان فعلآ كل حاجة سهله
و بسيطه طالما احنا مع بعض
بقلم٠أروى٠عادل
فى مساء
منزل ميرفت
~~~~~~~~~~~
تمارا ٠٠٠ ياره بالله عليكى تطفى النور
و تروحى أوضتك عايزه انام
ياره ٠٠٠ هو انتى بجد هتنامى
تمارا ٠٠٠( بسخريه) لا بتفسح على السرير يمكن اروح السينما كمان
ياره ٠٠٠ ما تردى عدل
تمارا ٠٠٠ يعنى واحد نايمه على السرير و حاطه رأسها على المخدة و الساعة واحد بعد نص الليله هتكون بتعمل ايه يعنى غير انها هتنام . يا أم الذكاء كله انتى
ياره ٠٠٠( بضيق) خلاص عرفنا نامى
هنا اتعدلت تمارا و جلست على السرير
و وضعت يديها على خدها و قالت
تمارا ٠٠٠ هو انا عارفه مافيش نوم
الليلة دى هاا قولى مالك
ياره ٠٠٠ لاء خلاص نامى
تمارا ٠٠٠ ياختى قولى مالك و خلصينى
ياره ٠٠٠ إسلام عايز يعرفنى بأمه
تمارا ٠٠٠( بفرحه) بجد طيب دى حاجة كويسه معنى كده انه اخد موضوعكم جد
ياره ٠٠٠ بس انا خايفه من المقابلة دى
تمارا ٠٠٠ ليه بس ..
ياره ٠٠٠ حاسه انى مش هعرف اتعامل معاها طيب هقولها ايه . و هتقولى ايه . هتحبنى ولا لاء . يمكن تكون……
قطعت تمارا عبارتها وقالت
تمارا ٠٠٠ياره . ياره الموضوع مايستهلش الخوف ده كله أهم حاجة تكونى واضح
و صريحه معاها ..و خليكى على طبيعتك.
ياره ٠٠٠ تفتكرى هتحبنى ولا لاء
تمارا ٠٠٠ أنا عارفه والدة أسلام دى ست محترمة و جدعه . و صدقينى لو عملتى إللى قولتلك عليه هتحبك . و بعدين هى هتلاقى زيك لأبنها فين ده انتى تقولى للقمر قوم وانا اقعد و اتربع مكانك
ياره ٠٠٠ تعرفى رغم انك اختى الصغيره بس بحب اخد نصيحتك أوى لان بحس انك عندك خبره فى الحياه بتفهمى الدنيا عنى
تمارا ٠٠٠ يلا اي خدمة
ياره ٠٠٠ يبقى تيجى معايا بعد بكرة وانا رايحه اقابل والدة أسلام
ياره ٠٠٠ حاضر ياستى هروح معاكى
ياره ٠٠٠ طيب سيبك منى و قوليلى عامله ايه مع مراد
تمارا ٠٠٠ واللهى بقالى كام يوم ما شوفتهوش. بس بنتكلم فى التليفون على طول
ياره ٠٠٠ ليه بس . ده انتى بتشتغلى فى نفس البيت معاه
تمارا ٠٠٠ أنتى ناسيه ان الدراسه بدأت بقالها كام يوم . دلوقتى بروح الشغل بعد ما بخلص الكليه بيكون هو فى شغله .. و بالليل بروح قبل ماهو يجى من الشغل
ياره ٠٠٠ هو بيتأخر ليه فى الشغل كده
تمارا ٠٠٠ عنده قضية كبيرة بيشتغل عليها الايام دى .. ده غير شغله فى الشركة ..
ياره ٠٠٠ بس اكيد هتشوفيه بكره عشان انتى بكره الخميس عندك اجازه
تمارا ٠٠٠ أيوه انا بكره اجازه عندى بس هو عنده شغل بكره . هشوفه الجمعة بقى
ياره ٠٠٠ ده ايه الاتنين إللى مش عارفين يقابلو بعض دول.. يلا اسيبك تنامى بقى
تمارا ٠٠٠ وانتى طالما جبتى سيرة مراد هعرف انام
بقلم٠أروى٠عادل
فى اليوم التالى فى القصر
مساءآ
~~~~~~~~~~~~~~~~~
كانت تمارا فى الفتره الاخيره شكه فى مشاعر حسام أتجاها لكنها كانت بتكدب نفسها . وبرغم ذلك كانت بتحاول تتعامل مع حسام برسمية اكثر
انتهى اليوم العمل لذلك قالت تمارا
تمارا ٠٠٠ أنا هروح عايز حاجة منى
حسام ٠٠٠ مالك يا تمارا بقالك فترة معاملتك معايا متغيره ليه ..هو انا ضايقتك فى حاجة
قالت كاذبه و هى تعرف انه عنده حق فيما قاله لذلك قالت
تمارا ٠٠٠ لاء مافيش حاجة من دى ..انت بس إللى متهيألك
حسام ٠٠٠ متهيألى بردوا .. ده انتى حتى بطلتى تقرى ليا زى الاول
تمارا ٠٠٠ بس كده لو على القرأه هروح اجيب كتاب من المكتبة و هقرأ ليك تمام كده
قالت عبارتها و انصرفت لتجلب الكتاب من المكتبة
و عندما وصلت للغرفة المكتبة و قبل أن تدخل الغرفة أتصدمت عندما وجدت
يد قوية أمتدت سحبتها لداخل الغرفة
و أغلقت الباب و قبل أن تصرخ فجأت بيد توضع على فمها لمنعها من الصراخ
