رواية التضحية بالحب الفصل العشرين 20 بقلم أروي عادل
(( العوده من الفلاش باك ))
**********************
مراد ٠٠٠ مصدر الطرشة يعنى ايه
تمارا ٠٠٠ يعنى عامل فيها من بنها
مراد ٠٠٠ يعنى ايه بردوا . و بعدين وانا هعمل من بنها ليه يعنى
تمارا ٠٠٠ يعنى عامل فيها عبده العبيط
مراد ٠٠٠ مين عبده العبيط ده . انتى بتقولى إيه
تمارا ٠٠٠ يوووو بقى انت بتفهم بصعوبه أوى على فكره
مراد ٠٠٠ أنا بردوا إللى بفهم بصعوبة ولا انتى إللى الواحد محتاج قاموس للغويه عشان يفهم كلامك … بعدين استنى انتى تقصدى ايه بأنى عامل فيها عبده العبيط يعنى انا عبيط
تمارا ٠٠٠ يا راجل حمدالله على السلامه لسه فاهم
مراد ٠٠٠ لمى لسانك احسن اقصهولك
تمارا ٠٠٠ متقدرش على فكره
مراد ٠٠٠ ليه بقى .. جايبه الثقه دى منين
تمارا ٠٠٠ لانى عارفه أنى مش ههون عليك
مراد ٠٠٠ فى دى عندك حق عمرك ما تهونى عليا . بس ده مش معناه انك تسوقى فيها. و تطولى لسانك
تمارا ٠٠٠ أنا بردوا.. ده حتى لسانى بينقط عسل
مراد ٠٠٠ ( بسخريه) اه انتى هتقوليلى دا انا اكتر واحد عارف انه بينقط عسل
. و عسل اسود كمان
تمارا ٠٠٠ انت بتتريق صح
مراد ٠٠٠ طبعآ بتريق لانى عارف لسانك مابيرحمش. ولا نسيتى إللى عملتى فيا
تمارا ٠٠٠ خلاص بقى مابيقاش قلبك اسود . وبعدين ما انتى ماكنتش ملاك كنت ما بتسكوتش بردوا
مراد ٠٠٠ خلاص إللى فات مات.. صافى يا لبن
تمارا ٠٠٠ حليب ياقشطة
بقلم٠أروى٠عادل
فى المساء
أمام القصر
~~~~~~~
انتهت تمارا من يوم العمل عندما كانت على وشك الانصراف جاءت لها رساله من مراد انه فى انتظارها أمام القصر
بالفعل خرجت تمارا من القصر
تمارا ٠٠٠ واقف كده ليه
مراد ٠٠٠ مستنيكى عشان أوصلك
تمارا ٠٠٠ ما انت عارف البيت قريب مش محتاج عربية . ده يادوب خطوتين بكون فى البيت
مراد ٠٠٠ أيه مش محتاجه حد يمشى معاكى الخطوتين دول..
تمارا ٠٠٠ لو الحد ده اسمه مراد مهران يبقى أوكى
ظلوا يتحدثوا طول الطريق حتى وصلوا للمنزل تمارا وهنا قالت تمارا
تمارا ٠٠٠ أيه ده انت هترجع لوحدك
مراد ٠٠٠ عادى ايه المشكله هتخطف يعنى
تمارا ٠٠٠ تحب أوصلك
مراد٠٠٠ يبقى مش هنخلص أنا أوصلك وانتى توصلينى صح
تمارا ٠٠٠ عادى احنا ورانا حاجة
مراد ٠٠٠ تمارا اطلعى على بيتك يلا
تمارا ٠٠٠ ماشى انت الخسران على فكره
يلا سلام
ضحك مراد على أسلوب تمارا . ثم ظل ينظر لها إلى أن اختفت من أمامه
ثم انصرف
كانت على وشك فتح باب منزلها لكن أوقفها صوت مازن نور هو يقول
مازن ٠٠٠ الجميل أخباره ايه
نظرت تمارا يمين ويسار ثم قالت
بقلم٠أروى٠عادل
تمارا ٠٠٠ أنت بتكلمنى انا
مازن ٠٠٠ هو فى جميل غيرك فى العماره كلها
تمارا ٠٠٠ ده مجامله ولا معاكسه
مازن ٠٠٠ هو فى فرق بينهم
تمارا ٠٠٠ طبعآ لو مجامله ممكن هعديها ليك كجارى عادى . انما لو معاكسة يبقى تستاهل طولت لسانى
مازن ٠٠٠ ياستر يارب ليه كده بس
و بعدين فى جاره تطول لسانها على جارها بردوا
تمارا ٠٠٠ماهو بردوا مافيش جار يتعدى الأصول مع جارته
مازن ٠٠٠ فى دى عندك حق . يبقى نمشيها انها كانت مجرد مجامله بريئه
تمارا ٠٠٠ تمام وانا هعديها كمجاملة
مازن ٠٠٠ قوليلى رجلك عامله ايه
تمارا ٠٠٠ بقت تمام الحمد الله
مازن ٠٠٠ يعنى تقدرى تروحى حفله
بأستغراب قالت
تمارا ٠٠٠ حفله .. حفلة ايه دى
مازن ٠٠٠ الحفله بتاعتى يوم الجمعة إللى جاية انا هكون مبسوط لو حضرتى
تمارا ٠٠٠ بس انا عمرى ما حضرت حفله . وكمان انا ماليش فى جوه الحفلات و الهيصه و الدوشة ده
مازن ٠٠٠ تقصدى ان حفلاتى هيصة دوشة الله يسامحك
تمارا ٠٠٠ لاء و اللهى انا مش اقصد كده. انت عارف ان الحفلات دى بتبقى فيها زحمه كتير و آنا بتخنق من الزحمة
مازن ٠٠٠ متخافيش الحفله هتكون منظمة مافيهاش زحمه . ايه رأيك هتيجى
حاولت تمارا تتهرب منه لذلك قالت
تمارا ٠٠٠ بس انا عندى شغل و ماقدرش ألغيه
مازن ٠٠٠ الحفله يوم الجمعة
تمارا ٠٠٠ اه صح . طيب ابقى اشوف
اخرج مازن ثلاث تذاكر ثم قال
مازن ٠٠٠ طيب اتفضلى
تمارا ٠٠٠ أيه دول
مازن ٠٠٠ تذاكر الحفلة . ولا هتيجى الحفلة من غير تذاكر
تمارا ٠٠٠ كنت هشترى التذاكرة عادى
مازن ٠٠٠ تشترى ايه بس . التذاكر خلصانا من أسبوعين فاتوا
تمارا ٠٠٠ بس دول تلاته تذاكر
مازن ٠٠٠ اه عشان لو حد حب يجى معاكى .اخواتك او صحابك
تمارا ٠٠٠ اه تمام يلا تصبح على خير
قالت جملتها و دخلت المنزل لذلك مازن لنفسه
مازن ٠٠٠ تقيله و جامدة و عشان كده عجبانى
بقلم٠أروى٠عادل
صباح اليوم التالى
فى منزل ميرفت
~~~~~~~~~~~~~~~
ميرفت ٠٠٠ أنا اتفقت مع خالتكم على ميعاد شبكة سلمى و حاتم
ياره ٠٠٠ شبكة ايه يا ماما مش لما يجوا يتكلموا عليها الأول بعد كده نتفق و بعدين نقرأ الفاتحة
ميرفت ٠٠٠ أنا اتكلمت مع خالتك فى كل حاجة
تمارا ٠٠٠ واللهى حلوه جواز التليفونات ده لاء مش مكلف كمان
سلمى ٠٠٠ ممكن تنقطينا بسكاتك .. كملى يا ماما اتكلمتى ما خالتى فى ايه
ميرفت ٠٠٠ اتفقنا على كل حاجة . هيجوا الشهر إللى جاى نعمل الشبكة
و بكره ولا بعدو خدى أخواتك و انزلى مع حاتم تختارى الشبكة
سلمى ٠٠٠ و انتى مش هتنزلى معانا
ميرفت ٠٠٠ لاء انا بنام بدرى كمان حاتم أستأذن منى عشان تخرجوا بعد ما تجيبوا الشبكة
تمارا ٠٠٠ مبروك يا سلمى هتبقى عروسه
سلمى ٠٠٠ عقبالك يا تمارا و انتى كمان
يا ياره
ياره ٠٠٠ انتم السابقون و نحن اللاحقون
ميرفت ٠٠٠ تقصدى ايه باللاحقون
يا مفعوصه. انتى لسه صغيره على الكلام ده
ياره ٠٠٠ ماما انا عندى ٢٢ سنه ولسه بتقوليلى مفعوصه و صغيره
ميرفت ٠٠٠ ولما يبقى عندك ٣٠ هتبقى بردوا مفعوصه
ياره ٠٠٠ خلاص خلينا أعنس جنبك طالما لسه مفعوصة
تمارا ٠٠٠ ياره صلى على النبى انتى ايه إللى بتقولى ده .. مسروعه على ايه
ميرفت ٠٠٠ لاء سيبها شكل الشبشب وحشها
هنا مسكت ياره يد ميرفت و قبلتها وقالت
ياره ٠٠٠ لاء شبشب ايه اهدى يا أوفا ده انا بهزر
ميرفت ٠٠٠ أيوه كده اظبطى ..
تمارا ٠٠٠ اه صح .. بقولكم ايه انا معايا تلات تذاكر لحفلة مازن نور تحبوا تروحوا
ميرفت ٠٠٠ مين مازن نور ده
تمارا ٠٠٠ ده المطرب جارنا
سلمى ٠٠٠ جبتى التذاكر من فين انا اعرف ان التذاكر دة بتكون غاليه أوى
ياره ٠٠٠ هى غاليه و بس .ده مش أى حد يقدر يجيبها
تمارا ٠٠٠ عشان تعرفوا اختكم وصله أوى
سلمى ٠٠٠ بجد يا تمارا جبتى التذاكر دى منين
تمارا ٠٠٠ مازن نور بنفسه هو إللى أدانى التذاكر .
ياره ٠٠٠ ايشمعنا يعنى أداكى انتى التذاكر
تمارا ٠٠٠ عادى الراجل أدانى التذاكر
و عزمنى على حفلته
ميرفت ٠٠٠ من امتى احنا بنقبل أى حاجة من حد .. بكره ترجعيله التذاكر
تمارا ٠٠٠ أرجعها ازاى يعنى و اقوله ايه
ميرفت ٠٠٠ قوليله احنا مش بتوع حفلات .. بعدين أختك بتقول التذاكر دى غاليه . وهو يجيبلك حاجة غاليه ليه
ياره ٠٠٠ ماما هو اكيد مش مشترى التذاكر دى. هو المطرب يعنى بيخدها ببلاش .. و بيهديها لأى حد
ميرفت ٠٠٠ وهو يهديها ليكى ليه
تمارا ٠٠٠ عادى يا ماما الناس دى مش بتفكر زينا
ميرفت ٠٠٠ تمارا انا خايفه عليكى . انتى متعرفيش الناس دى بتفكر ازاى او ايه نواياهم حقيقيه
ياره ٠٠٠ ماما . تمارا دى ميتخافش عليها يتخاف منها بس
سلمى ٠٠٠ اه يا ماما تمارا دى تخوف بلد لوحدها
ميرفت ٠٠٠ متهيألك تمارا دى صوت على الفاضى و قلبها صافى مافيش اطيب منه و بتثق فى الناس بسهوله
حضنت تمارا ميرفت ثم وضعت رأسها على قدم ميرفت و قالت
تمارا ٠٠٠ حبيبتى يا أوفا اكتر واحد عارفانى فى الدنيا
ميرفت ٠٠٠ طبعآ مش أمك يا عبيطه
اره ٠٠٠ دلعى. دلعى فيها ماهى حبيت أمها أخر العنقود
تمارا ٠٠٠ طيب و انتى متغاظه ليه
يارا ٠٠٠ وانا هتعاظ ليه ربنا يهنى سعيد بسعيدة ياختى
ميرفت ٠٠٠ بس انتى وهى
سلمى ٠٠٠ سبيك منهم يا اوفا متوجعيش دماغك بالأشكال دى
ياره ٠٠٠ أيوه انتى ياحنينه يا أم قلب كبير
تمارا ٠٠٠ هو فى ايه أنتى مش عجبك حد النهاردة ولا ايه
هنا نظرت تمارا الهاتفها فقالت
تمارا ٠٠٠ يا خبر انا اتأخرت على شغل
بقلم٠أروى٠عادل
بعد مرور يومين
القصر
~~~~~~~~~~~~
اليوم الفحص الشهرى لحسام لذلك اصرت تمارا ان دكتور سمير يحضر جلسة العلاج الطبيعى يرى بعينه تحسن حالة حسام
د٠سمير ٠٠٠ ممتاز . ممتاز انا كده اقدر اقولك ان الكرسى معدش له لازمه
حسام ٠٠٠ بجد يا دكتور
د٠سمير ٠٠٠ طبعآ بجد يا بطل..احنا فى الأول هنبدأ نمشى على عكازين بعد كده عكاز واحد و انشاء الله واحده واحده هنستغنى عن العكاز خالص
حسام٠٠٠ امتى يجى اليوم ده يا دكتور
سمير ٠٠٠ بالاردة و العزيمه هيجى انشاء الله شوف انتى كنت فين و بقيت فين . اساسآ يعتبر وصلك للمرحله دى إنجاز
حسام ٠٠٠ الفضل كله يرجع ل تمارا
تمارا ٠٠٠ بس انا معملتش غير شغلى
د٠سمير ٠٠٠ لاء يا تمارا . حسام وصل للمرحله دى بفضلك انتى بعد ربنا
حسام ٠٠٠ عندك حق يا دكتور
د٠سمير ٠٠٠ طيب انا هروح أبلغ نسرين هانم. بأخر تطورات حالتك يا حسام اكيد هتفرح أوى
كان القصر بكل ما فيه فرحانين بعد ما اخبارهم دكتور سمير تحسن حالة حسام
انه أخيرآ سوف يستغنى عن الكرسى المتحرك
فى المساء
~~~~~~~~~
ظلت تمارا معظم اليوم وهى بتمرن حسام على استخدام العكازين
حسام ٠٠٠ خلاص يا تمارا مش قادر تعبت
تمارا ٠٠٠ معلش كل حاجة فى أولها صعبه . وبعدين اعمل حسابك مافيش كرسى تانى
حسام ٠٠٠ أمرك هو انا اقدر اقول غير كده
تمارا ٠٠٠ طيب يلا كمل تمرين و بطل دلع
حسام ٠٠٠ حرام عليكى انا بدلع
هنا جاءت حور وقالت بفرحه و معاها ملك
بقلم٠أروى٠عادل
حور ٠٠٠ تحبى أساعدكم
تمارا ٠٠٠ ياريت عشان أخوكى تعبنى مش عايز يكمل تمرين
ملك ٠٠٠ معلش هو اكيد تعب
حسام ٠٠٠ قولى لها هى مش حاسه باللى انا حاسس فيه
ملك ٠٠٠ معلش كل حاجة بتبقى صعبه فى أولها و بعد كده هتتعود
تمارا ٠٠٠ أنا لسه قايله نفس الكلام
حور ٠٠٠ حسام ده بطل و قدها و قدود كمان مش كده يا حسومى
تغيرت ملامح حسام لضيق عندما تذكر عندما كانت تنادى عليه زوجته السابقه بهذا الاسم
عندها قالت ملك عندما شعرت بضيق حسام
ملك ٠٠٠ مالك يا حسام فى حاجة ضايقتك
حسام ٠٠٠ لاء بس تعبت و عايز ارتاح شويه
ملك ٠٠٠( بضيق ) طيب يلا يا حور نسيب حسام يرتاح
انصرفت ملك و حور ثم قالت تمارا
تمارا ٠٠٠ هو حصل حاجة
حسام ٠٠٠ لاء
تمارا ٠٠٠ آمال وشك قلب فجأه ليه
حسام ٠٠٠ لاء وشى لا قلب ولا حاجة ..يلا نكمل تمرين
تمارا ٠٠٠ أنت مش قولت انك تعبان و عايز ترتاح
حسام ٠٠٠ اه لانى ماكنتش عايز اكمل تمرين و همآ موجودين. بحس انى مش بكون براحتى لما حد يكون موجود
تمارا ٠٠٠ ليه بس دى أختك و بنت عمك يعنى مافيش حد غريب عليك
نظر لها حسام بأعجاب وقال
حسام ٠٠٠ عارف بس انا مش بكون براحتى غير معاكى انتى بس
لاتعرف تمارا لماذا شعرت بضيق من جملة حسام و طريقة نظراته لها لذلك قالت لتغير الحوار
تمارا ٠٠٠ اه صح انا لازم امشى دلوقتى
حسام ٠٠٠ هتمشى من دلوقتى مش لسه بدرى
تمارا ٠٠٠ معلش النهاردة بس رايحه مع سلمى اختى تجيب شبكتها
حسام ٠٠٠ ده بجد . مبروك و عقبال
تمارا ٠٠٠ و عقبالك انت كمان
حسام ٠٠٠ ميرسى
تمارا ٠٠٠ ممكن امشى
حسام ٠٠٠ تمام اتفضلى بس متتأخريش عليا بكرة
تمارا ٠٠٠ انشاء الله مش هتأخر يلا باااى
فى جنينة القصر
~~~~~~~~~~~~
عندما كانت تمارا خارجه من القصر سمعت
تمارا حور وهى تقول ل هايدى الذين كانوا يجلسون فى الجنينة
حور ٠٠٠ فين يا ست هايدى تذاكر الحفلة إللى قولتى هتجيبها
هايدى ٠٠٠ هعمل ايه التذاكر كلها خلصت
حور ٠٠٠ كنتى قولتى انك مش هتعرفى تجيبى التذاكر. كنت ساعتها اتصرفت هقول ايه لملك دلوقتى انا وعدتها هوديها حفلة مازن نور فى عيد ميلادها
هنا تدخلت تمارا وقالت
تمارا ٠٠٠حور لو حابه تحضرى حفلة مازن نور انا معايا تلات تذاكر
هايدى ٠٠٠ ( بسخريه) تلات تذاكر حته واحده طيب ازاى واحده زيك تكون معاها تذاكر حفلة زى دى
أخرجت تمارا التذاكر من شنطتها وقالت وهى تتجاهل كلام هايدى
تمارا ٠٠٠ خدى التذاكر ايه
حور ٠٠٠ أيه ده.. ده بجد . ده كمان فى الصف الأول
هايدى ٠٠٠ التذاكر ده ممكن تكون مزوره
ضحكت تمارا وقالت
بقلم٠أروى٠عادل
تمارا ٠٠٠ خيالك واسع اوى على فكره
هايدى ٠٠٠ طيب انا واحده خيالى واسع .. قوليلى انتى بقى جايبه التذاكر دى منين
حور ٠٠٠ صح يا تمارا جبتى التذاكر دى منين
تمارا ٠٠٠ مازن نور هو إللى أدهالى
ضحكت هايدى و قالت بسخريه
هايدى ٠٠٠ هنبدأ كدب من أولها
حور ٠٠٠ أدهالك ازاى يعنى
تمارا ٠٠٠ بأيده . وقالى تعالى احضرى الحفلة
هايدى ٠٠٠ ده انتى إللى طلع خيالك واسع اوى أوى أوى كمان
تمارا ٠٠٠ واللهى التذاكر ايه عايزينها ولا لاء انا كده كده مش رايحه الحفلة
حور ٠٠٠ طبعآ عايزينها .. قوليلى عايزه فيهم كام
تمارا ٠٠٠ هو انا دفعت فيهم حاجة عشان اخد فيهم فلوس
هايدى ٠٠٠ يعنى هتديها لينا ببلاش
تمارا ٠٠٠ أيوه لانى اخدتهم من مازن ببلاش
هايدى ٠٠٠ هتقولى مازن تانى
حور ٠٠٠ بجد يا تمارا انتى جايبه التذاكر دى منين
تمارا ٠٠٠ ياستى مازن نور جارى ساكن فى نفس العماره اللى انا ساكنه فيها
و أدانى التذاكر دى عشان احضر بيها الحفلة و آنا ماليش فى الحفلات بس هى دى كل الحكاية
حور ٠٠٠ بس انا اعرف ان مازن نور ساكن فى الزمالك وانتى مش ساكنه فى الزمالك
تمارا ٠٠٠ لاء انا انتقالت لبيت جديد هنا فى الزمالك . انتى مش فاكره اننا كنا بندور على شقة جديد
حور ٠٠٠ اه صح
تمار٠٠٠ الشقة دى بقى طلعت نفس العماره إللى ساكن فيها مازن نور
حور ٠٠٠يا بختك .. تعرفى انا من عشاق مازن. انتى لازم تعرفينى عليه
تمارا ٠٠٠ حاضر من عينى .. يلا عن أذنكم
بعد ما انصرفت تمارا جاءت ملك من داخل القصر وفى نفس الوقت مراد من خارج
وهنا قالت حور لملك بفرحه
حور ٠٠٠ ملوكه شوفتى تمارا أدتنى تلات تذاكر لحفلة مازن نور
ملك ٠٠٠ بجد احلفى
حور ٠٠٠ من غير ما احلف التذاكر اهى
ثم رفعت التذاكر فى وجه ملك لتراها
وهنا قال مراد
مراد ٠٠٠ و تمارا جابت التذاكر دى منين
حور ٠٠٠من مازن نور نفسه هو إللى أدهالها
مراد ٠٠٠( بغضب) انتى جبتى الكلام ده منين
حور ٠٠٠ تمارا لسه قايله ليا الكلام ده
ملك ٠٠٠ وهى تمارا تعرف مازن نور منين
حور ٠٠٠ طلع جارها .. و أداها التذاكر بنفسه عشان تحضر الحفلة .. دى كمان فى الصف الاول
بدأ الغضب يظهر عليه هو يسأل على تمارا ولم يهتم بنظراتهم له
مراد ٠٠٠ هى فين تمارا
هايدى ٠٠٠ بتسأل عنها ليه
تجاهل مراد حديث هايدى وقال
مراد ٠٠٠ حور فين تمارا
حور ٠٠٠ لسه ماشية قبل ما تيجى على طول
تركهم مراد و انصرف وهو عابث الوجه
و قامه بالإتصال بتمارا لكنها كنسلت عليه مما جعله مثل البركان من شدة الغضب
بينما قالت هايدى
هايدى ٠٠٠ شوفتوا بيسأل عليها ازاى
حور ٠٠٠ بصراحة غريبه . كمان هو ايه إللى ضايقه بالشكل ده
ملك ٠٠٠ متكبروش الحوار .. بعدين مراد على طول أما مضايق او متعصب او غضبان ايه الجديد يعنى
بقلم٠أروى٠عادل
فى نفس الوقت
محل المجوهرات
~
~~~~~~~~~~~
كانت سلمى تختار شبكتها
سلمى ٠٠٠ أيه رأيك يا تمارا فى الخاتم ده
تمارا ٠٠٠ تحفه بس مش مهم رأي المهم رأى عريسنا
هنا رن هاتف تمارا عندما رأت هويه المتصل أرتبكت و كنسلت لذلك اتصل مراد مره أخرى فكنسلت عليه لتانى مره و هنا قالت سلمى
سلمى٠٠٠ ردى على تليفونك لا تقفليه ولا تعمليه صامت
تمارا ٠٠٠ حاضر
هنا جن مراد عندما كنسلت تمارا مكالمته و تصاعد غضبه اكثر عندما قفلت تمارا هاتفها
بعد ما انتهوا من شراء الشبكة خرجوا جميعآ من محل المجوهرات
حاتم ٠٠٠ أنا مستأذن من خالتى عشان نخرج. كلنا سوا .. قولولى عايزين تروحوا فين
ياره ٠٠٠ أي مكان المهم أننا نخرج
هنا تغيرت ملامح تمارا فجأة وهى تقول
تمارا ٠٠٠ عصام ؟؟؟؟
