بعد ما انتهت هايدى من جملتها بحركه غير أرادية نظره مراد ل تمارا التى كانت هى ايضآ تنظر له بعد ما سمعت كلام هايدى
ظلوا ينظرون لبعض .. لكن سرعان ما انزلت
بينما أراده حسام ان يتركهم لوحدهم لذلك قال
حسام ٠٠٠ تمارا كفاية كده النهاردة يلا بينا أحنا
هزت تمارا رأسها بأيجاب ثم نظرت نظره اخيره على مراد قبل أن تغادر
بينما ظل مراد ينظر إليها حتى تلاشت من أمامه لذلك قالت هايدى بغضب بعد ما لاحظت نظرات مراد ل تمارا
هايدى ٠٠٠ أيه عجباك لدرجدى مش قادر تشيل عينك من عليها
مراد ٠٠٠ أنتى بتخرفى بتقولى إيه
هايدى ٠٠٠ بقول إللى شايفاه بعيوني
مراد ٠٠٠ ابقى شوفى كويس بعد كده
هايدى ٠٠٠ ( بصراخ) مراد من فضلك تكلمنى بطريقه كويسه عن كده .إلا واللهى هقول لطنط نسرين
قال مراد بغضب عارم بصوت أرعب هايدى
مراد ٠٠٠ أولآ وطى صوتك و انتى بتكلمينى ثانيآ لسه ما أتخلقتش إللى تهدد مراد مهران لانى مابخافش. و دلوقتى اخفى من وشى
هايدى ٠٠٠( بخوف) مراد واللهى انا مقصدش
بس انا كنت….
قطع عبارتها بتحذير حاد فقال
مراد ٠٠٠ قولتلك اخفى من وشى احسنلك
خرجت هايدى من الجيم و هى تركض و تبكى
بقلم٠أروى٠عادل
فى جنينة القصر
~~~~~~~~~~~
كانوا يجلسون شباب عائلة مهران يتبادلون أطراف الحديث إلى أن خرجت تمارا مع حسام
حسام ٠٠٠ طالما انتى مروحه جايبنى هنا ليه
تمارا ٠٠٠ عشان تقعد مع الشباب بدل ما تقعد فى الأوضة لوحدك
حسام ٠٠٠ يا ستى انا اشتكتلك.
تمارا ٠٠٠ أحنا مش قولنا نسمع الكلام
حسام ٠٠٠ حاضر بس خليكى معايا شويه
تمارا ٠٠٠ اليوم خلص
حسام ٠٠٠ متبقيش بايخة بقى
تمارا ٠٠٠ النهاردة الجمعة ده اليوم الوحيد إللى بقعد فيه مع ماما و اخواتى
حسام ٠٠٠ بس يا تمارا
قبل أن يكمل جملته قالت
تمارا ٠٠٠ مافيش بس . و زى ما اتفقنا بكره الساعة قبل الساعة ٨ الصبح هكون عندك
حسام ٠٠٠ تمام بس هتفطر سوا بكره
تمارا ٠٠٠ ان شاءالله
عندما وصلت تمارا الطاولة الذى يجلس عليها شباب العائله ألقت عليهم تمارا والتحية وقالت
تمارا ٠٠٠ حسام جاي عشان يقعد معاكم
لؤى ٠٠٠ معقوله حسام مهران بحاله هيتكرم و يقعد معانا هى الدنيا حصل فيها ايه
حسام ٠٠٠ لؤى بطل الشويتين دول ولا هتعملهم عليه
لؤى ٠٠٠ عيب يا باشا هو انا اقدر
حور ٠٠٠ بجد يا حسام انا فرحانه انك قررت تطلع من الوحده إللى عايش فيها
ملك ٠٠٠ بس نا شايفه ان صحتك بقيت أحسن
حور٠٠٠ الفضل يرجع ل تمارا
تمارا ٠٠٠ لاء الفضل يرجع أرادة حسام و عزمته و التزامه بالعلاج
ملك ٠٠٠ عندك حق حسام طول عمره قوى و قدها
اسلام ٠٠٠ طيب تعالوا يا شباب نقعد مع بعض و نسيب البنات بيتكلموا براحتهم
لؤى ٠٠٠ ليه بس دى حتى قعدت البنات
تفتح النفس و تطول العمر
أسلام ٠٠٠ يلا يا رخم قوم معايا بدل ما اقصرك عمرك انا دلوقتى
لؤى ٠٠٠ امرى لله عن أذنك يا أنسه تمارا
قال جملته ثم ذهب مع الفتيان و جلسوا على طاولة أخرى و تركوا الفتيات مع بعض وهنا قالت ملك
ملك ٠٠٠ تمارا هو انتى شايفه حسام بيتحسن فى أمل يرجع يمشى تانى
تمارا ٠٠٠ طبعآ حسام دلوقتى بقى يقدر يحرك أطراف رجله . كمان بقى يقدر يقف على المشاية . ان شاء الله فى خلال شهرين حسام هيقدر يمشى تانى على رجله
ملك٠٠٠ ( بفرحه) بجد يا تمارا
تمارا ٠٠٠ اه طبعآ بجد
حور ٠٠٠ واللهى يا تمارا لو ده حصل ليكى عندى هدية كبيرة أوى.. على مجهودك و تعبك مع حسام
هايدى ٠٠٠ هدية ليه ما هى بتاخد فلوس تمن مجهودها ده يعنى مابتعملش حاجة ببلاش
شعرت تمارا بضيق فقالت وهى تبتسم
تمارا ٠٠٠ عندك حق انا يقبض تمن المجهودى
لان ده شغلى زى شغل حضرتك كده .مش بردوا يتقبضى تمن مجهودك ولا بتشتغلى لوجه الله
نظرت لها هايدى بغضب على ردها . وقبل أن ترد هايدى قالت تمارا
تمارا ٠٠٠ عن أذنكم ميعاد شغلى خلص
قالت جملتها ثم انصرفت
فقالت حور
بقلم٠أروى٠عادل
حور٠٠٠ ايه الكلام المستفز إللى قولتى ل تمارا ده
هايدى ٠٠٠ أيه هو انا قولت حاجة غلط هى مش بتاخد فلوس على شغلها
مالك ٠٠٠ ده طبيعى أى حد بيشتغل بياخد تمن شغله
هايدى ٠٠٠ ده إللى انا قولته . بعدين يعنى هى سكتت ماهى ردت رد مستفز بردوا
حور ٠٠٠ ما انتى كنتى عايزها تسكت. تمارا ما بتسكتش لحد
هايدى ٠٠٠ ( بغضب)خلاص عرفنا أن إللى أسمها تمارا دى فيها كل الصفات الواووو
حور ٠٠٠ هو فى ايه يا هايدى
هايدى ٠٠٠ فى انى اتخنقت و حاسه انتو بقيتوا أوفر أوى فى مدح ست الممرضة خلاص مبقاش ورانا حاجة نتكلم عنها غير إنجازات الست تمارا
حور ٠٠٠ انتى حاطه تمارا فى دماغك ليه
هايدى ٠٠٠ وانا هحط واحده زى دى فى دماغى ليه . انا بس مدايقه من الحوار إللى عملتو مع لؤى قبل كده
حور ٠٠٠ اذا كان لؤى نفسه مش مدايق. بالعكس ده هو بنفسه راح و أتأسف على إللى حصل
هايدى ٠٠٠ ده عشان هو واحد غبى
ملك ٠٠٠ فى ايه يا هايدى . انا عارفاكى كويس فى حاجة تانيه مدايقكى. انتى من ساعة ماجيتى من الجيم وانتى مدايقه هو مراد قالك حاجة
قالت بحزن كأنها ما صدقت حد يسألها
هايدى ٠٠٠ مراد بيعملنى وحش أوى .. وانا مستحمله عشان بحبه .
حور ٠٠٠ أيه الجديد مراد بيعامل الكل وحش
هايدى ٠٠٠ بس النهاردة طول ما انا بتكلم معاه عينه ما نزلتش من على إللى اسمها تمارا دى
لما وجهتو بالكلام ده اتعصب عليا
ثم حكت كل ما حدث بينها وبين مراد
حور ٠٠٠ أنتى اتجننتى .ده كويس انه اتعصب عليكى بس
ملك ٠٠٠ بعدين يا هايدى انتى عايزه تفهمينى ان مراد عينه من تمارا
هايدى ٠٠٠ انا ماقولتش كده
ملك ٠٠٠ بس معنى كلامك كده
هايدى ٠٠٠ لا انا قولت انه كام بيبص عليها بس
حور٠٠٠ عادى على فكره ممكن يكون كان بيبص على حسام انتى ليه فكرتى انه بيبص على تمارا
هايدى ٠٠٠ من الطريقه إللى كان بيبصلها بيها عليها
حور ٠٠٠(بسخريه) أيه كان بيبصلها بطريقة أربعه اتنين اربعه
ملك ٠٠٠ هاها دى اكيد طريقة حسن شحاته
حور ٠٠٠ لاء و انتى صدقه دى طريقة حسام حسن . او إبراهيم
هايدى ٠٠٠ انتو فايقين أوى بتهزروا. بقولكم كان بيبص عليها
ملك ٠٠٠ يعنى هنقولك ايه بس .. كلنا عارفين ان مراد جد مش بتاع الحاجات دى
حور ٠٠٠ قوليلها الهبله دى . بعدين مراد و تمارا ده الاتنين مش بيقبلوا بعض . أصلك انتى ماشوفتيش خلافاتهم مع بعض. ده لو على مراد كان طرد تمارا من أول يوم ليها فى الشغل
هايدى ٠٠٠بجد يا حور يعنى تفتكرى انا متهيألى
حور ٠٠٠ طبعآ متهيألك.
هايدى ٠٠٠ بجد يا حور انتى طمنتينى
بقلم٠أروى٠عادل
فى قسم الشرطه
~~~~~~~~~~~
أم عصام ٠٠٠ قولى يا ضنايا انت عامل ايه
عصام ٠٠٠ كويس ياما اطمنى. قوليلى حد دايقك فى الزيارة
أم عصام٠٠٠ انت عارف العساكر و رخمتهم بس ولا يهمك متخافش على أمك
عصام ٠٠٠ ماعرفتش أى حاجة عن تمارا
أم عصام ٠٠٠ من ساعة ما سابوا الحارة ولا حس ولا خبر .و كأن فص ملح و داب . ده حتى العفش بتاعهم لسه فى الشقة ما اخدوش غير هدومهم معاهم بس
عصام ٠٠٠ هيروحى منى فين . ماشى يا تمارا انا وانتى و زمن طويل
أم عصام ٠٠٠ أيه يا عين أمك لسه قلبك ميال ليها بعد كل إللى عملته فيك وفى امك
عصام ٠٠٠ تمارا ليا هتفضل ليا طول العمرها
أم عصام ٠٠٠ قطع الحب و سنينه لسه باقى عليها و عايزها يا عصام
عصام ٠٠٠ عايزها عشان اذلها و اكسر مناخيرها. و رحمة أبويا لأخليها تبجى تركع تحت رجلك ياما
أم عصام ٠٠٠( بفخر) ابنى و تربيتى. انا كنت عارفه انك هتاخد حق أمك من ميرفت و بناتها و خصوصآ تمارا
عصام ٠٠٠ المهم المحامى قالك هخرج من هنا امتى
أم عصام ٠٠٠المحامى بيقول قريب انشاء الله . بعدين دى مشاجرة يعنى اخرتها شهرين تلاته
عصام ٠٠٠ هانت يا تمارا يوم الحساب قرب
و كله بأوانه
فى إحدى الكافيهات
~~~~~~~~~~~
سلمى ٠٠٠ فى ايه يا حاتم انت جايبنى هنا النهاردة عشان تأنب فيا
حاتم ٠٠٠ لانى زهقت بصراحة . قولتلى استنا نجيب الشقة استنيت. قولتلى أصبر عليا شويه صبرت بس خلاص يا سلمى معندتش قادر . انا متمرمت بين هنا و اسكندريه عشان خاطرك وعلى قلبى زى العسل . بس خلاص نفسى استقر نفسى يكون ليا بيت يجمعنا
سلمى ٠٠٠ و أنا مش عايزه اضغط على ماما و اشيلها هم تجهيزى
حاتم ٠٠٠ أنا قولتلك انا هساعدك فى كل حاجة
سلمى ٠٠٠ طيب وانت ذنبك ايه
حاتم ٠٠٠ ذنبى انى بحبك . واجبى كمان لأنك بنت خالتى
سلمى ٠٠٠ مش عارفه أقولك ايه .. طيب حتى أدينى فرصة . اتكلم ماما
حاتم ٠٠٠ مافيش لا فرصه تانى .. انا هطلع من هنا اكلم ماما و اخليها تكلم خالتى ميرفت
سلمى ٠٠٠ خلاص انا عارفاك طالما قولت كلمة يبقى مش هترجع فيها
حاتم ٠٠٠ طيب كويس انك عارفه
سلمى٠٠٠ طيب قولى سألتلى فى حوار الشقة تانى
حاتم ٠٠٠ زى ماقولتلك قبل كده الشقة فى المنطقة إللى انتم ساكنين فيها مش اقل من أتنين مليون جنية .. انا مش عارف ازاى انتم اشتريتوها مليون بس . ده كمان غير العفش
سلمى ٠٠٠ طيب ليه الراجل يبيع الشقة بأقل من نص تمنها انا حاسه الموضوع فى حاجة غلطة
حاتم ٠٠٠ و الحاجة دى يعرفها إللى اسمه مراد مش هو إللى جايب الشقة
سلمى ٠٠٠ مش يمكن صح يكون صاحب الشقة باعها بسعر ده عشان مستعجل و عايز يسافر بسرعه زى ما مراد قال
حاتم ٠٠٠ لو أنى مش مقتنع بس يمكن الله أعلم
بقلم٠أروى٠عادل
أمام العمار
~~~~~~~~~~~
كانت تمارا على وشك صعود السلم عندما اتفتح الأسانسير و قال شاب فى أواخر العشرين
مازن٠٠٠ اتفضلى طالعه فوق
تمارا ٠٠٠ لا متشكره اتفضل حضرتك
مازن ٠٠٠ ليه الأسانسير فاضى ولا انتى مابتركبيش الأسانسير مع حد متعرفهوش
تمارا ٠٠٠ لا واللهى انا ما بركبش الأسانسير من أساس
مازن ٠٠٠ أه انتى من الناس إللى بتخافى من الأسانسير. تعالى اركبى و اطمنى انا معاكى
تمارا ٠٠٠ وانت مين اساسآ عشان اطمن وانا معاك
مازن ٠٠٠ أيه ده مش معقول انتى متعرفنيش
تمارا ٠٠٠ لا واللهى ماحصليش الشرف
مازن٠٠٠ انا مازن نور .
سكتت تمارا و هى تنظر له بعد فهم لذلك قال
مازن ٠٠٠ أوعى تقولى انك متعرفيش مين هو مازن نور
تمارا ٠٠٠ ليه يعنى هو حضرتك اخدت جائزة نوبل مثلآ و آنا معرفش
ضحك مازن ثم قال
مازن ٠٠٠ مش لدرجه أنا مازن نور المطرب
تمارا ٠٠٠ اه يعنى بتغني طيب ما تقول كده من الأول ..على عموم ياسيدى تشرفنا
مازن ٠٠٠ طيب ايه مش هتركبى الأسانسير
تمارا ٠٠٠ لاء بردوا مش هركب . كمان انا ساكنه فى الدور التالت
قالت جملتها ثم تركته و صاعدة على السلالم
وعندما وصلت تمارا لدور الثالث وجدت مازن فى انتظارها بعد ما صاعد فى الأسانسير وقال
مازن ٠٠٠ يبقى انتى الجاره الجديده أنا ساكن فى الشقة إللى قدامك
أومات تمارا له برأسها بأبتسامة ثم فتحت باب الشقة و قفلت الباب خلفها
هنا قال مازن لنفسه
مازن ٠٠٠خشيمة .بس حلوه أوى .. بس معقوله متعرفنيش
بقلم٠أروى٠عادل
اليوم التالى
منزل ميرفت
~~~~~~~~
ميرفت ٠٠٠ صاحية بدرى خير
تمارا ٠٠٠ رايحه الجامعة
ميرفت ٠٠٠ دلوقتى الساعة لسه ٧
تمارا ٠٠٠ ما انا عايزه أروح الشغل الأول اعمل جلسة ل حسام بعد كده أروح الجامعة
ميرفت ٠٠٠ مش تعب عليكى كده
تمارا ٠٠٠ ولا تعب ولا حاجة عادى
ياره ٠٠٠ صباح الخير ..
ميرفت ٠٠٠ صباح الفل .. يلا روحوا صلوا بعد كده تعالوا افطروا
بعد ما انتهوا من أداء الصلاة قالت ياره أثناء تناول الفطار
ياره٠٠٠ صح يا تمارا مش المطرب مازن نور طلع جارنا فى الشقة إللى جنبنا
تمارا ٠٠٠ اه عارفه شوفتوا أمبارح ..
ياره ٠٠٠ بجد شوفتيه ايه رأيك فيه
تمارا ٠٠٠ ولا حاجة انا أصلآ معرفهوش
ياره ٠٠٠ ازاى ده انتى كنتى حتى بتحبى الاغنية بتاعته الأخيره
تمارا ٠٠٠ أنا اغنية ايه دى
ياره ٠٠٠ التضحيه بالحب
تمارا٠٠٠لا واللهى هو ده إللى بيغنى الاغنية دى .بس ده كان شكله مختلف و ضارب شعره اصفر فى الأغنية
ياره ٠٠٠ ما انتى عارفه المطربين اليومين دول كل ساعة بشكل
ميرفت ٠٠٠ بطلوا كلام و كلوا
تمارا ٠٠٠ امال فين سلمى
ميرفت ٠٠٠ سلمى نايمه عندها شفت بعد الضهر
يارا ٠٠٠ يابختها هتنام براحتها
ميرفت ٠٠٠ صح يا بنات خالتكم طلبت أيد سلمى ل حاتم
تمارا ٠٠٠( بمزحه) طلبت ايدها بس طيب
و باقى جسمها هنوديه فين
ياره ٠٠٠ يمكن تطلبه على دوفعات يعنى كل يوم تطلب حته منها
تمارا ٠٠٠ ده كده عايزه على أقل سنه على ما تطلبها كلها
ميرفت ٠٠٠ لمى نفسك انتى و هى بدل ما اقوملكم بالشبشب
تمارا ٠٠٠ لأ و اللهى ما انتى قايمة و خلى الشبشب مرتاح مكانه .قلبك ابيض يا أوفا
ميرفت ٠٠٠ تبقى تخفى عسلك انتى وهى
ياره ٠٠٠ حبة جد .. قوليلى يا ماما انتى رأيك ايه
ميرفت ٠٠٠ طبعآ موافقه هو حاتم ده بترفض ده زينة الشباب
تمارا ٠٠٠مين يشهد للعريس اكتر من خالته
ميرفت ٠٠٠ طبعآ ابن اختى حبيبى كمان
سلمى ٠٠٠ قالت ايه لما عرفت
ميرفت ٠٠٠ لسه متعرفش هى رجعت متأخر امبارح من المستشفى و مقولتهاش . لما تصحى ابقى اقولها واعرف ردها
تمارا ٠٠٠ من غير ما تسأليها هى موافقة
لعنت تمارا زلة لسانها فقالت
تمارا ٠٠٠ قصدى يعنى أكيد هتوافق
ميرفت ٠٠٠ وانت متأكده كده ليه
ياره ٠٠٠ ما انتى قولتى يا ماما حاتم
ما يترفضش
ميرفت ٠٠٠ أه صح
تمارا ٠٠٠ طيب انا هروح البس و أمشى
عندما دخلت تمارا القصر كان حسام انتظارها
فى جنينة القصر
تمارا ٠٠٠ صباح الخير . ده انا قولت هلاقيك نايمة
حسام ٠٠٠ لاء انا صاحى بدرى عشانك يلا نفطر سوا . وقولت ل أمل تحضرلنا الفطار
تمارا ٠٠٠ لاء بس انا فطرت مع ماما و ياره
حسام ٠٠٠ أنا مش قولتلك هنفطر مع بعض
تمارا ٠٠٠ أسفه و اللهى نسيت .. على العموم تتعوض بكره. و الفطار كمان هيكون عليا
حسام ٠٠٠ تمام . يلا تعالى أقعدى وافقه ليه
تمارا ٠٠٠ لا انا هروح اظبط الجهاز عشان الجلسة عقبال ما تفطر و تحصلنى
حسام ٠٠٠ تمام هفطر و أحصلك
بقلم٠أروى٠عادل
غرفة الجين
~~~~~~~~~~
بعد ما جهزت تمارا كل شئ خاص بالجلسة
وقفت تمارا على المشاية الرياضية و قامت بتشغيلها و السير عليها. ثم قامت بتزويد سرعتها بدأت تمارا بركض لم تنتبه لدخول مراد
بينما مراد أستغرب من وجود تمارا فى ذلك الوقت المبكر من الصباح .لذلك وقف خلف تمارا وقال
مراد ٠٠٠ أنتى بتعملى ايه هنا من الصبح كده
انتفضت تمارا بخضه عندما سمعت صوت مراد خلفها فوقفت فجأة على المشاية وهى تنظر للخلف لذلك فقدت السيطرة على قدميها فنزلقت قدمها لذلك صرخت
بينما أسرع مراد و جذبها إليه من على المشايه قبل أن تسقط و تصطدم بالأرض
فأستقرت تمارا بين أحضان مراد
و بحركه عفوية كان مراد محاوطها بذراعيه
بينما تمارا كانت تمارا قبضة بيديها على تيشرت مراد بقوة و خوف
بينما قال مراد بخوف عليها وهى مازلت بين ذراعيه
مراد ٠٠٠ أنتى مجنونه فى حد يقف على المشايه وهى شغالها .. كان ممكن يجرالك حاجة لا قدر إلله. . المهم انتى كويسه
هنا ارتجفت فجأه تمارا عندما انتبهت انها بين أحضان مراد لذلك ابتعدت عن مراد بخجل لكن فجأة صرخت بألم وقالت
