رواية التضحية بالحب الفصل الثامن عشر 18 بقلم أروي عادل
عصام ٠٠٠باقلى تلات ايام من ساعة ما خرجت من السجن و آنا ما سيبتش مكان كانت بتروحو مادورتش عليها فيه . حتى الكليه بتاعتها روحتلها هناك مالقيتهاش
عصام ٠٠٠ و ده لو يعرف مكانها هتقولى يعنى
أم عصام٠٠٠ بس اكيد يعرف مكان خالته
و بناتها . و لازمآ و لابد هيروح يزورهم فى أيتها وقت . و يمكن همآ كمان يزوره
عصام ٠٠٠ تصدقى عندك حق انا ازاى مافكرتش فى كده.. انا من بكره الصبح مش هتعتع من قدام مكتبه . و هخلى عينى عليه بيروح فين و بيجى منين لما اشوف هتروحى منى فين يا تمارا
أم عصام ٠٠٠ عصام انت لازم تجيب تمارا هنا مذلوله و مكسوره . و تردلى اعتبارى فى قلب الحاره . انا عمرى ما هنسا إللى عملته فيا هى و أمها و مد ايدها عليا فى وسط الشارع
عصام ٠٠٠ كل إللى. انتى عايزه هيحصل
يا أم عصام و حياتك هيحصل بس ألقيها
بقلم٠أروى٠عادل
فى منزل ميرفت
~~~~~~~~~~~~
تمارا٠٠٠ ياره حبيبتى . اختى و حته من قلبى
ياره ٠٠٠ بطلى سهوكه و قولى عايزه ايه على طول
تمارا ٠٠٠ بتظلمينى على فكره . ده انتى اختى و حبيبتى و …….
قطعت ياره عبارتها وقالت
ياره ٠٠٠ تمارا هاتى من الاخر عايزه ايه
تمارا ٠٠٠عايزه منك خدمه صغنونه خالص
ياره ٠٠٠ هاااا قولى خدمة ايه دى
تمارا ٠٠٠ تروحى تعملى جلسات علاج طبيعي ل حسام الفترة دى لحد بس لما اقدر امشى على رجلى
ياره ٠٠٠ ننننعم ياختى اروح فين
تمارا ٠٠٠ و حياتى . و حياتى عندك توافقى
ياره ٠٠٠ اوافق ايه لا طبعآ استحالة. انتى عايزانى أروح القصر بدالك . بعد إللى سمعتو
منك عن معاملة اللى عايشين قصر ليكى
تمارا ٠٠٠ لاء انتى هتروحى بس ساعة كل يوم تعملى الجلسات علاج طبيعي ل حسام بس .و مالكيش دعوة بأى حاجة تانى
ياره ٠٠٠ طيب افرض حد اتكلم معايا بطريقة مستفزة أو دايقنى
تمارا ٠٠٠ مش هيحصل .. كمان انا هتكلم مع حسام محدش له دعوة بيكى خالص
ياره ٠٠٠ طيب و شغلى
تمارا ٠٠٠ أنتى هتروحى ساعة واحده قبل ماتروحى الشغل
ياره ٠٠٠ لا انا مش هروح مستحيل
بقلم٠أروى٠عادل
اليوم التالى
فى القصر
~~~~~~~~~~~~
نسرين ٠٠٠ مين قالك
سهى ٠٠٠ أنا بعينى دول شايفه مراد بيه وهو مسندها و اخدها فى العربية
نسرين ٠٠٠ طيب متعرفيش ايه إللى حصل
للرجلها . أو رجلها مصابه من ايه
سهى ٠٠٠ لاء يا هانم معرفش بس همآ كانوا طالعين من الجيم يمكن تكون فى حاجة وقعت على رجليها
نسرين ٠٠٠ يعنى رجلها اتكسرت ولا حاجة خفيفه
سهى ٠٠٠ معرفش بردوا بس هى لحد دلوقتى لسه ماجتش
نسرين ٠٠٠ طيب روحى انتى دلوقتى
و كأن أصابة تمارا كان بمثابة طوق النجاة
ل نسرين لكى تتخلص من تمارا .. لأنها ليست مطمئنه لتعلق حسام بتمارا . و لديها شكوك حول مشاعر حسام ل تمارا
لذلك قامت نسرين بأتصال بالدكتور سمير
ثم ذهبت لكى تتحدث مع حسام
بقلم٠أروى٠عادل
فى غرفة حسام
~~~~~~~~~~~
نسرين ٠٠٠ صباح الخير يا حبيبى عامل ايه النهاردة
حسام ٠٠٠ الحمدالله انا كويس
نسرين ٠٠٠ طيب الحمدالله
عندما شعر حسام ان نسرين تريد أن تقول شئ قال
حسام ٠٠٠ خير يا ماما انتى عايزه تقولى حاجة
نسرين ٠٠٠ ليه بتقول كده انا جيت أشوفك عادى. ايه فيها حاجة دى
حسام ٠٠٠ لاء بس غريبة انا مش متعود انك تيجى أوضتى من الصبح كده اكيد فى حاجة
نسرين ٠٠٠هو اه فيه .. انا سمعت عن إللى حصل ل تمارا .. أكيد مش هتقدر تيجى تانى .عشان كده كلمت دكتور سمير يشوف لينا ممرضة جديدة.. و الدكتور سمير قالى ساعة و الممرضة الجديدة تكون هنا
قال حسام بغضب حاد
حسام ٠٠٠ و مين قالك تصرفى من دماغك
نسرين ٠٠٠ ماهو لازم يكون فى ممرضة تاخد بالها منك
حسام ٠٠٠ ما تمارا موجوده
نسرين ٠٠٠ بس هى مش هتقدر تيجى عشان رجلها
حسام ٠٠٠ وحتى لو مش هتقدر تيجى انا مش هقبل بأى ممرضة غير تمارا
نسرين ٠٠٠ طيب ازاى يا حبيبى و هى رجلها مصابه
حسام ٠٠٠ كلها يومين او تلات ايام و ترجع هنا تانى
نسرين ٠٠٠ أنا مش عارفه تفرق ايه تمارا عن أى ممرضة تانيه
حسام ٠٠٠ ( بعصبيه) تفرق كتير أوى مافيش حد زى تمارا
بدأت تتأكد نسرين من شكوكها لذلك قالت
نسرين ٠٠٠ بصراحة بقى انا مش عايزه تمارا دى هنا تانى . انا هجيبلك ممرضة احسن منها و أشطر كمان
حسام ٠٠٠ لاء يا ماما .. و لو جيبتى ليا ممرضين العالم كله. بردوا لاء ..انا مش عايز غير تمارا وبس و ده اخر كلام عندى
نسرين ٠٠٠ بس اسمعنى………
كمل ان تكمل عبارتها وقال بصراخ
حسام ٠٠٠ مش عايز اسمع ولا كلمة تانى
هنا دخل مراد و حور على صراخ حسام
حور ٠٠٠ فى ايه
نسرين ٠٠٠ أخوكى مش موافق اجيب له ممرضة جديدة
حور ٠٠٠ طيب و تمارا مالها بس
حسام ٠٠٠ مش عاجبه نسرين هانم
حور ٠٠٠ ليه يا ماما تمارا ممرضة كويسه أوى و كلنا أتعودنا عليها
نسرين ٠٠٠ بس مش هتقدر تيجى اليومين دول . قولتله اشوف ممرضة غيرها
حسام ٠٠٠ نسرين هانم بتتعامل معاها زى خيل الحكومة إللى يتعب يتخلصوا منه
و يضربوا بالنار ..عشان كده أول ما عرفت ان تمارا رجلها تعبانه قررت تستغنا عنها
شعرت نسرين بأحراج من كلام حسام لذلك حاولت تبرر موقفها و قالت
نسرين ٠٠٠أنا كل إللى يهمنى صحتك يا حسام
طيب مين هياخد باله منك .فى اليومين إللى تمارا تعبانه فيهم
حسام ٠٠٠ هو انا عيل صغير محتاج حد ياخد باله منى
نسرين ٠٠٠ طيب الجلسات ..مين هيعملك الجلسات العلاج الطبيعى
مراد ٠٠٠ متقلقيش أخت تمارا هتيجى تعمله الجلسات كل يوم . انا اتكلمت معاها و هى ماعندهاش مانع
قالت نسرين بصوت غير مسموع
نسرين ٠٠٠ هو انا عارفه اخلص من تمارا لما تيجى كمان اختها
حور ٠٠٠ بتقولى حاجة يا ماما
نسرين ٠٠٠ لاء ولا حاجة
حور ٠٠٠ خلاص كده يبقى الحوار اتحل طالما أخت تمارا هتيجى لحد ما تمارا تخف
قالت نسرين بضيق و حزن
نسرين ٠٠٠ اه اتحل
هنا دخلت أمل و قالت
أمل ٠٠٠ فى واحده بره بتقول انها أخت تمارا
مراد ٠٠٠ اه خليها تتفضل
أمل ٠٠٠ لا هى بتقول انها مستنيا حسام بيه فى الجنينة
حسام ٠٠٠ طيب قولى لها انى جاى
بقلم٠أروى٠عادل
فى جنينة القصر
~~~~~~~~~~~~~
كانت تسير ياره فى الجنينة و هى تنظر بتأمل فى كل ركن فى القصر بأنبهار كانت شارده فى جمال المكان لم تنتبه ل أسلام عندما قال
أسلام ٠٠٠ الجميل بيعمل ايه هنا
لم ترد عليه ياره لانها كانت شارده لذلك قال بصوت عالى
أسلام ٠٠٠ أنتى يا باشا روحتى فين
قالت ياره بدون مقدمات و بخضه
ياره ٠٠٠ الله يخربيت خضتنى ياحمار
أسلام ٠٠٠ إلله يخرب بيتى و حمار . ده ايه الرقه و الذوق ده .. ده انتى طلعتى لسانك اطول من لسان تمارا
ياره ٠٠٠ طيب ليه الغلط بقى
أسلام ٠٠٠ غلط ايه ده انتى لسه قايله عليا انى حمار هو فى غلط اكتر من كدخ
ياره ٠٠٠ مش انت اللى خضتنى فقولت أول حاجة جات فى بالى
أسلام ٠٠٠ اول حاجة جات فى بالك انى حمار
ياره ٠٠٠ ما خلاص بقى .. بعدين هو الحمار حاجة وحشة .طيب واللهى انا بحب الحمار اوى لأنه حيوان طيب و كيوت و غلبان
و فى حاله
أسلام ٠٠٠ بتحبى الحمار
ياره ٠٠٠ اه بحب الحمار فى حاجة دى
أسلام ٠٠٠ طيب ما انا بردوا طيب .و كيوت
و غلبان اوى واللهى .وفى حالى كمان. يعنى نفسه أوصاف الحمار ماتحبينى انا أوله
ابتسمت ياره بخجل و هى تخفض رأسها
هنا جاء حسام
حسام ٠٠٠ صباح الخير انا حسام .
ياره ٠٠٠ اهلا بحضرتك انا ياره أخت تمارا جيت عشان اعملك الجلسات بدل تمارا
حسام ٠٠٠ اه عارف لسه تمارا مكلمانى
هنا أرده حسام يعرف أسلام على ياره وهو لايعلم أنه اتعرف عليها يوم ما أشتروا الشقه
حسام ٠٠٠ اه و ده ابن عمى أس…….
قبل أن يكمل عبارته قال أسلام
أسلام ٠٠٠ أنا الحمار
نظر له حسام بعدم فهم بينما ضحكت ياره
عندها قال أسلام بأعجاب
أسلام ٠٠٠ مشاء الله تبارك الله ماصلى على النبى ايه الضحكه الحلوه دى
حسام ٠٠٠أيه ماتهدى يا أستاذ شويه و أحترم و جودى
أسلام ٠٠٠ هو انا عملت حاجة دلوقتى
قالت ياره بخجل وهى تتفادى النظر ل أسلام الذى كان يتأمل بملامحها بأعجاب
ياره ٠٠٠ طيب يلا يا أستاذ حسام نبدأ الجلسه
توجهت ياره و حسام لجيم لعمل الجلسة
بينما توجه أسلام ل مراد
بقلم٠أروى٠عادل
جناح مراد
~~~~~~~
أسلام ٠٠٠ تعرف انا عذرتك دلوقتى . فى اعجابك بتمارا . بصراحه العايله دى شكلها فيها مغناطيس يسحب الواحد ليهم
مراد ٠٠٠ الله يخربيتك. وطى صوتك لحد يسمعك.
أسلام ٠٠٠ اصلك ماشوفتهاش ولا شوفت ضحكتها ولا عينيها ولا…..
قطع مراد عبارته و قال بحده
مراد ٠٠٠ أنت بتتكلم على مين أوعى تكون بتتكلم على تمارا
أسلام ٠٠٠ تمارا ايه بس بتكلم على اختها ياره ايه الجمال و الرقه دى .. خلاص انا وقعت محدش سمى عليا .
مراد ٠٠٠ فى ايه ماتظبط نفسك كده .و تعقل
أسلام ٠٠٠ اظبط ايه انا مش قادر اتلم على نفسى البت هبلتنى
مراد ٠٠٠ انت بتتكلم بجد ولا بتهزر
أسلام ٠٠٠ ده شكل واحد بيهزر
مراد ٠٠٠ كده من أول مره تشوفها فيها
أسلام ٠٠٠ انت ناسى انى شوفتها يوم ما كانوا بيشتروا الشقة . بصراحة من يومها وهى عجبانى . بس النهاردة اول مره اتكلم معاها . فسحرتنى بكلامها
مراد ٠٠٠ ليه قالتك ايه لخبطتك كده
أسلام ٠٠٠ قالتلى يا حمار
ضحك مراد وقال
مراد ٠٠٠( بسخريه) قالتلك حمار طيب
و اللهى البنت دى طلعت بتفهم ..
أسلام ٠٠٠ انت بتتريق صح
مراد ٠٠٠( بسخرية) لاء يا راجل بتريق ايه مافيش الكلام ده .. بس تصدق عندها حق انت فيك ملامح من الحمار
أسلام ٠٠٠( بزعل) تصدق انا غلطان انى بتكلم معاك انا ماشى
مراد ٠٠٠ خلاص اسمع بس يا أسلام ..طيب تعالى متزعلش
انصرف أسلام وهو يتجاهل كلام مراد لأسترضائه
بقلم٠أروى٠عادل
بعد مرور خمس ايام
فى القصر
~~~~~~~~~~~~~~
مرت خمس ايام و خلال ذلك الفتره كان أسلام بيحرص يكون موجود عندما تكون ياره موجوده ولا يمل من القاء على مسامع ياره بعض كلمات الغزل
:
بينما طول هذه الفتره كان مراد يقوم من الحين للأخر يتصل بتمارا لأطمئنان عليها
:بينما كان حسام دائم الاتصال بتمارا
كانت ياره خارجه من القصر بعد ما انتهت من عمل الجلسة ل حسام
بينما كان أسلام فى انتظارها خارج القصر
لذلك قال عندما رأها
أسلام ٠٠٠ اتأخرتى ليه انا بقالى ساعة مستنيكى
ياره ٠٠٠ مستنينى ليه
أسلام ٠٠٠ بصراحه جعان و ماليش نفس أكل
فقولت اكتر حاجة تفتح نفسى على الأكل هى ايه مالقتش غير وشك القمر ده يفتح نفسى على الاكل
ياره ٠٠٠ ده على أساس أن و شئ طبق مخلل
يفتح نفسك
أسلام ٠٠٠ فى ايه انا جربت كل حاجة معاكى كلام حلوه و حنيه و اهتمام رومانسيه
جرى ايه مافيش حاجة نافعه معاكى . طيب اعمل ايه تانى
ياره ٠٠٠ تيجى معايا سكه و دوغرى احسنلك و احسنلى
أسلام ٠٠٠ تمام سكة و دوغرى انا معجب بيكى لاء معجب بيكى ايه انا بحبك
أتسعت عينيها بذهول من حديث أسلام ولا تعرف بماذا تجيب و كأنها فقدت النطق لذلك قال
أسلام ٠٠٠ أنتى هتفضلى مبرقه كده كتير مش هتقولى حاجة
ياره ٠٠٠ أنا عايزه أروح
أسلام ٠٠٠ ياريتك ما اتكلمتى. هو انا بقولك بحبك عشان تقولى عايزه أروح
بكل براءه قالت
ياره ٠٠٠ طيب عايزنى اقول ايه
أسلام ٠٠٠ قولى اي حاجة حتى لو قولتلى حمار تانى انا موافق بس بلاش تسكتى
كان أسلام يتأمل بها لذلك خفضت رأسها بخجل ثم قالت
ياره ٠٠٠ لو سمحت متبصليش كده
أسلام ٠٠٠ مش قادر اشيل عينى من عليكى
ياره ٠٠٠ إسلام لو سمحت متحرجنيش اكتر من كده
أسلام ٠٠٠ الله هو أسمى حلو اوى كده . طيب واللهى طالع منك زى انغام الموسيقى
ياره ٠٠٠ بس بقى يا أسلام
أسلام ٠٠٠ اقسم بالله انتى هتجننى أسلام
احمر وجهها من شدة الخجل لذلك وضعت يدها على وجهها و هى بالكاد تستطيع التقاط انفاسها
بينما رفع أسلام يديها من على وجهها وقال
أسلام ٠٠٠ أنا مش عايزك تتكسفى منى
ظلت ياره صامته و هى تستمع لكلمات أسلام
أسلام ٠٠٠ هتفضلى ساكته كده
ياره ٠٠٠ أنا همشى اتأخرت على شغلى
أسلام ٠٠٠طيب هقابلك هنا بكره
ياره ٠٠٠ احتمال يكون ده اخر يوم ليا هنا
تمارا ممكن ترجع بكره
أسلام ٠٠٠ يعنى انا مش هشوفك بكره.. طيب ممكن اخد رقم تليفونك عشان اعرف أوصلك
أخذ أسلام رقم هاتف ثم عرض عليها يوصلها لعملها
أسلام ٠٠٠ تعالى أوصلك لشغلك
ياره ٠٠٠ لاء شكرآ مش عايزه اعطلك
أسلام ٠٠٠ مين قالك انك هتعطلينى وافقى انتى بس و آنا أوصلك كل يوم
ذهبت ياره لعملها مع أسلام بالسيارة
بقلم٠أروى٠عادل
صباح اليوم التالى
منزل ميرفت
~~~~~~~~~~~~
ياره ٠٠٠ يابنتى خليكى النهاردة و آنا هروح بدالك
تمارا ٠٠٠ لا انا زهقت من القاعدة
سلمى ٠٠٠ انتى رجليكى لسه بتوجعك
تمارا ٠٠٠ لاء. الوجع بقى بسيط خالص
ياره٠٠٠ طيب كنتى استنيتى يومين كمان بعد كده كنتى روحتى الشغل براحتك
هنا دخلت ميرفت وقالت عندما رأت تمارا ترتدى ملابس الخروج
ميرفت ٠٠٠ أيه ده لابسه و رايحه فين
تمارا ٠٠٠ الشغل
ميرفت ٠٠٠ و رجلك إللى وجعاكى
تمارا ٠٠٠ و اللهى رجلى دلوقتى كويسه
ميرفت ٠٠٠ آمال بتعرجى عليها ليه
تمارا ٠٠٠ دى حاجة بسيطة يا ماما متخافيش عليا يلا سلامه عليكم
خرجت تمارا بسرعة من غير ما تعطى فرصة لأحد للأعتراض أكثر لذلك قالت
ميرفت ٠٠٠ دماغها ناشفه مابتسمعش الكلام
ياره٠٠٠ عندك حق يا ماما
بقلم٠أروى٠عادل
فى القصر
~~~~~~~~~
كانت الفرحة حسام لا توصف عندما رأه تمارا
وهو يقول
حسام ٠٠٠ أنا بجد مش مصدق نفسى انى شايفك دلوقتى
تمارا ٠٠٠ أيه بقى دول كلهم خمس ايام و بس
حسان ٠٠٠ تصدقنى لو قولتلك انهم مروا عليا كأنهم عمر بحاله
تمارا ٠٠٠ ياااااه ليه يعنى الأوفر ده
حسام ٠٠٠ مش أوفر ولا حاجة انتى إللى مش عارفه انتى ايه بنسبالى
تمارا ٠٠٠ لاء ازاى انا عارفه كل حاجة
ظن حسام انها عارفه حقيقة مشاعره أتجاها لذلك شعر بالسعاده وهو يقول
حسام ٠٠٠ عارفه ايه
تمارا ٠٠٠ عارفه انك بتعتبريتى صديقتك المقربة مش كده بردوا
شعر حسام بضيق من حديثها ثم قال بحزن
حسام ٠٠٠ اه هو كده
تمارا ٠٠٠ مالك وشك اتغير فجأة فى حاجة ضايقتك
قال بألم لانها لا تفهم بماذا يشعر
حسام ٠٠٠ لأ مافيش حاجة
تمارا ٠٠٠ طيب يلا نعمل الجلسة عشان الحق اروح الكلية
حسام ٠٠٠ روحى انتى و آنا جاى وراكى
تمارا ٠٠٠ طيب بسرعة
قالت جملتها و ذهبت للجيم
بينما ظل حسام ينظر لها بألم وحزن لانها مازالت تظن أن مشاعره لها مجرد مشاعر صداقة
بقلم٠أروى٠عادل
فى الجيم
~~~~~~~
ذهبت تمارا للجيم و بداخلها شوق لكى ترى مراد لكنها خاب أملها عندما لم تجد مراد بالجيم كعادة
ثم بدأت بتجهيز أدوات التى تستخدمها فى الجلسة إلى حين أن يأتى حسام ..
ولم تنتبه عندما دخل مراد الجيم و ظل ينظر لها بتأمل ثم أقتربه منها و واقفه خلفها و همس فى أذنيها وقال
مراد ٠٠٠ تعرفى انك وحشتني
