رواية سامحيني الفصل الحادي عشر 11 بقلم ضحي وائل
لم اطلب منك يوما اهتمام
لم اطلب منك ابدا المبادره ب اي شئ
ولكن لا اعلم لماذا بادرت بعدما رحلت
ولماذا اهتممت بعدما تركت
ولكن كل ما اعلمه انه قد فات الاوان .
2
نبدأ عند خديجة ف الشركة بعد ما حضرت الاجتماع الي كان معمول عشان كل مهندس يعرض تصميمه حاز تصميم خديجة علي نسبة اعجاب كبيرة جدا حتي من مدير الشركة والكل اجمع ان تصميمها هو الي هيتنفذ وهي الي هتشرف عليه وطلعت من الاجتماع فرحانة جدا وسط مباركات زمايلها ف الشركة ومن ضمنهم حسن بعد ما دخلوا مكتبهم …..
2
حسن : الف الف ميروك يا خديجة التصميم هايل .
خديجة: الله يبارك فيك يا حسن حقيقي فرحانه اوي .
حسن : الصراحة تستحقيها واكتر مبروك تاني يا خديجة .
خديجة : ربنا يخليك يا حسن والله علي الكلام المشجع ده.
وبدأوا شغل تاني لحد ما خلصوا كل الشغل وجه معاد الانصراف من الشركة .
+
حسن : يلا سلام بقا يا خديجة واقابلك بكرا ان شاء الله .
خديجة : سلام يا حسن متنساش الي اتفقنا عليه ها .
حسن بابتسامة : حاضر مش ناسي مع السلامه .
5
وخرج حسن من المكتب وفضلت خديجة تجمع حاجاتها كلها وبعد ما خلصت اخدت شنطتها وطلعت من المكتب وركبت الاسانسير وبعدين خرجت من الشركة خالص ولسه هتوقف تاكس عشان تروح تاخد الولاد ويروحوا …
سمعت صوت حد بيناديها: خديجة
استغربت هي تعرف الصوت ده كويس اوي وبتعشقه هو وصاحبة استدارت واتصدمت انه رامي .
+
خديجة بصدمة: رامي؟؟؟؟
رامي طلع من العربية وراحلها : خديجة ازيك عامل اي ؟!
خديجة باستغراب : انا ….. انا كويسه الحمد لله بس انت بتعمل الي هنا ؟؟!!!!!
رامي : جاي اوصلك .
خديجة بصدمة: توصلني ؟؟ انت جاي عشان توصلني .
رامي : ايوا يا خديجة جاي اوصلك مستغربة ليه .
خديجة : غريبة يعني جاي من مكتبك لحد هنا عشان توصلني ليه التعب انا هاخد تاكس واخد الولاد واروح مكنش ليه لزوم التعب ده كله .
رامي : ولا تعب ولا حاجه ياخديجه وبصلها في عيونها:تعبك راحه ياخديجه .
خديجه بصتله باستغراب معقوله هو ده رامي رامي اللي عمره ما اهتم بأي حاجه تخصها بالعكس هي اللي كانت بتهتم هو لا وعمره ما فكر انه يهتم اصلا اي بقا دلوقتي.
+
رامي:خديجه خديجه انتي معايه.
خديجه:اه اه معاك .
رامي:طب يالا يالا اركبي .
خديجه:ايوا بس ……………….
رامي:من غير بس يالا عشان نلحق نجيب الولاد .
خديجه باستسلام: يالا.
وركبت معاه عشان يوصلها وفصلت الطريق كله تبص من الشباك بتهرب من نظرات رامي اللي كانت حاسه بيها .
اما رامي كان مل شويه يبص على خديجه ومش قادر يشيل عينه من عليها وافتكر اي اللي جابه عند خديجه الشركه .
+
Flash pack:
اول ما وصل رامي المكتب بعدها بشويه دخل عليه حمزه .
حمزه:اهلا اهلا بعم النشيط اللي جاي بدري اووي .
رامي:اهلا بعم الكسول .
حمزه:ماشي ياعم مقبوله منك.
راني:يالا اقعد بقى وابداء شغل .
حمزه:ماشي.
وفعلا قعدوا الاتنين يشتغلوا لحد ما رامي حس بجوع شديد اوووي عشان هو مفطرش الصبح .
+
فرفع سماعه الفون وطلب اكل وطلب لحمزه معاه.
حمزه:اي ده اي ده اول مره تطلب اكل من بره كنت دايما تستنى تروح البيت عشان تاكل .
رامي: لا ابدا بس حسيت اني جعان .
حمزه:اصلها غريبه كنت بتيجي تشتكي من خديجه عشان مش بتخليك تنزل من البيت من غير ما تفطر .
+
وعند النقطه دي رامي افتكر خديجه فعلا خديجه عمرها ما نزلته من البيت من غير فطار وعمره ما طلب منها تعمله اي حاجه ابدا كانت دايما تعمل من غير اي طلب من قبل حتى من قبل ما اللي هو عاوزه يجي على باله اصلا.
انما دلوقتي حياته عباره عن فوصى وعدم نظام مفيش فطار حتى الغدا بيكون دليفري من غير اي طعم وهدومه حتى مش مغسوله في البيت والبيت نفسه مش مترتب كل خاجه اتلخبطت ومش في مكانها .
+
حمزه:رامي رامي جرى اي روحت فين كله ده .
رامي:ابدا والله معاك هفطر بس و افوقلك .
حمزه:الله ده انت كمان مفطرتش انت متغير اليومين دول اووي . وصمت قليلا ثم تابع :المهم انا رايح المحكمه دلوقتي عشان عندي جلسه سلام بقى واشوفك بكره.
رامي:مع السلامه والتوفيق .
ومشي حمزه وساب رامي لوخده مش بيعمل حاجه غير انه بيفكر في خديجه وبس حاول يشتغل معرفش عشان عاوزه يشوف خديجه بأي طريقه لحد ما شوقه غلبه وافتكر انه فضلهت ربع ساعه وتطلع من الشغل فلم حجته وقرر انه يروح يوصلها.
The end of flashback.
+
رامي : خديجة.
خديجة بصتله: نعم يا رامي .
رامي : انتي كويسه اصل انتي ساكته من اول الطريق .
خديجة : ابدا والله انا كويسه بس هقول اي .
رامي: اي حاجة زي مثلا عاملة اي ف الشغل .
خديجة : الشغل كويس اوي والتصميم الي انت شوفته الي قولت عليه كويس عجبهم واتقبل .
+
رامي بفرجة لفرحتها : بجد اتقبل .
خديجة : اه والله وانا هشرف علي تنفيذه الحمد لله .
رامي : التصميم روعة يا خديجة تسلم ايدك بجد والف مبروك .
خديجة : الله يبارك فيك يا رامي .
+
وبعد دقائق كانوا واصلين وخديجة نزلت تجيب الولاد ونزلت تاني لرامي .
+
مالك : بابي وحشتني اوي .
رامي وهو بيبوسه : وانت كمان يا قلب بابي
ومسك مليكة من مامتها وباسها وساق بيها طول الطريق ف حضنه .
+
لحد ما وصلوا البيت وخديجة نزلت ونزلت الولاد .
واحت عن بابا البيت وطلعت المفاتيح وفتحت .
واستدارت لرامي وقالت بابتسامة: شكرا يا رامي علي الترصيله .
رامي : علي اي يا خديجة ده واجبي .
خديجة: طب عن اذنك .
رامي : اتفضلي .
وقفلت الباب وهو فضل واقف شويه وبعدين اتنهد وطلع هو كمان .
+
فتح باب البيت لقا الانوار مقفله ففتحها ولقا البيت زي ما هو مفيهوش شئ اتغير و فضل ينادي علي داليا بس ملقهاش زي ما كل يوم بيجي بيلاقيها خرجت لحد ما طفح منه الكيل .
+
ودخل الاوضه اخد دش وغير هدومه .
وهو طالع سمع صوت الباب بيتفتح ودخلت داليا .
+
رامي : ما لسه بدري يا ست هانم .
داليا بخضة : بسم الله الرحمن الرحيم .
رامي بسخرية: اي شوفتي عفريت .
داليا : لا مش قصدي بس اتخضيت .
رامي : كنتي فين واي الي اخرك كدا .
داليا : منا كنت مع رنا ف النادي يا رامي قولتلك .
رامي : وانا علي ما اتذكر قولتلك ارجع البيت الاقيكي .
داليا بتوتر : معلش معلش والله الوقت سرقني .
+
رامي : الوقت سرقك؟؟ والبيت المعفن ده مين يروقه ومفيش اي حاجة اطفحها والغسيل مش نضيف ومفيش اي حاجة اروح بيها الشغل بكرا والمواعين الي بقالها اسبوع ف الحوض دي .
الي يشوف منظرك وانتي متزينه كدا وعلي سنجة عشرة ميشوفش البيت الي انتي عايشه فيه والمفروض انك ست البيت ده .
1
داليا : رامي ….
رامي : بلا رامي بلا زفت دي مبقتش عيشة يا شيخة البيت زي الزفت حتي مفيش كوباية نظيفه اعمل فيها شاي وانتي شغالة خروجات مع اصحابك وسهر معاهم علي الفيس بوك والبيت يولع .
داليا : منا قولتلك انا معرفش اطبخ واروق وقولتلك هات خدامة .
1
رامي بغضب : وانا قولتلك اتعلمي اعملي كل حاجة وخدامة مش هجيب انا مش قاعدلك علي تل فلوس كفايا اوي الي انتي عماله تسحبيه علي فسحك وخروجاتك ومكياجيك انتي اي يا شيخة مبترحميش .
داليا : ده حقي يا رامي اومال اخد من مين مش انت جوزي .
رامي : وطالما انا زفت جوزك فين حقوقي انا ها فين ابسط حقوقي اني ارجع البيت ملقيش المنظر القذر ده و*وهو بيشاور علي البيت * مفيش راجل ف الدنيا يستحمل المنظر ده يبصله بس مش يعيش فيه .
داليا بتسمعه وساكته ومش عارفه ترد عليه.
رامي: ما تردي يا ام حق صوتك راح فين لو كلامي غلط قوليلي .
+
داليا : يا رامي انا مش بعرف انا ……
رامي بغضب : انتي …… انتي تخرسي خالص هتقولي يا شيخة ده انا عشت مع خديجة 7 سنين عمري عمري ما دخلت البيت ولقيت قشايه علي الارض وكانت نضيفه وبتهتم بنفسها بردو انتي بقا الي يشوفك ميشوفش الزريبه دي .
+
داليا بغضب: ايواااااا ست زفته دي كل لما تنزل عندها تقلب عليا عايزاك تسبني وترجعلها .
رامي: احترمي نفسك وانتي بتتكلمي علي خديجة واسكتي .
داليا بغضب: لا مش هسكت انا واحده حره وراقية وبحب النوادي والخروجات والفسح ومبحبش الخانقه بتاعت البيت انا مش زيها كانت مجرد خدامة ليك و…….
ولسه مكملتش الجملة ولقت قلم قوي جدا نازل علي خدها من رامي .
داليا بصدمة: بتضربني بتضربني علشانها .
رامي : واكسر دماغك كمان لو اتكلمتي عليها كلمة واحده كمان انتي شكلك اتجنيتي .
داليا بجنون: طب والله والله منا قاعدالك ف البيت ثانيه واحدة وهلم هدومي وهروح عند بيت اهلي .
+
رامي: يلا مع ستين سلامه انا الي عملت ف نفسي كدا ولما يبقوا يعرفوا يربوكي من اول وجديد ابقي ارجعي .
داليا بغضب : مش راجعه مش راجعة.
رامي : يبقا احسن .
داليا : ماشي يا رامي ماشي اما دفعتك تمن كل كلمه قولتها مبقاش انا داليا .
+
وفعلا دخلت الاوضة ولمت هدومها وطلعت وبصت لرامي بغضب شديد وهو قابل نظراتها ببرود .
1
ومشيت وسابته وهو بعد ما مشيت قعد وبص علي منظر البيت المبهدل قدامه شبه حياته بالظبط وقعد وحط راسه بين ايده شويه وبعدها قام ومسك الفون واتصل ……….
1
وباااااااااااس كدا يكون البارت خلص اسفه علي الاخطاء الاملائية يارب يارب يارب البارت يعجبكوا ومتنسوش الفوت وتعليقاتكوا الي بتفرحني نتقابل بكرا ف بارت جديد باذن الله enjoy ❤😍😍❤😍💥💥💥💥❤❤😍😍❤❤❤❤❤❤
+
