وقفنا البارت الى فات ومامت ليلى بتهديها يالا نكمل
نامت ليلى فى حضن مامتها نوماتها مامتها وباستها من جبنها وطلعت قعدت فى الصاله بتتذكر الى حصل من سنتين فلااااااش باااااك
رجعت ليلى من مدرساتها كانت لسه فى تانيه ثانوى
ليلى: ماااااااما انت فين انا ميته من الجوع
امينه وهى طالعه من المطبخ: خلاص خلصت يا حبيبتى قومى غيرى لحد ما احط الاكل على السفره
دخلت ليلى اوضتها وغيرت هدمها وطلعت لمامتها وهما بياكلوا
امينه: ليلى كنت عايزكى فى موضوع كده
ليلى: خير يا ماما عايزانى فى ايه
امينه وهى متوتره: كنت عايزه اقولك
ليلى: فى ايه يا ماما قلقتينى
امينه: بصراحه كده انا هتجوز
ليلى وفتحت عنيها من الصدمه: ايه هتتجوزى ازاى انتى حالا نسياى بابا الله يرحمه
امينه وهى متوتره: لا طبعا انا مقدرش انسى ولدك بس والدك ليه سنه متوفى وانا الصراحه عايزه حد ياخد بالوا منى
ليلى ولسه زى ما هى مصدومه: ايه ياخد باله منك ؟؟؟ وانا يا ماما انا روحت فين
امينه وهى بتحاول تقنعها: يا حبيبتى انتى مش هتعيشى معايا على طول اكيد هتتجوزى وتسبينى
ليلىى: لا طبعا يا ماما انا عمرى ماهسيبك حتى لو وصلت انى متجوزش
امينه: متقوليش كده يا حبيبتى اكيد هتتجوزى وتفتحى بيت
ليلى: طب فى حد معين ولا لا
امينه وهى متوتره جداااا: الصراحه فيه واحد بيحبنى جدااااا
ليلى وهى بتضحك: بيحبك جداا على العموم يا امى ده حياتك وانتى حره فيها بس الى عيزاكى تعرفيه انى مش موافقه على الجوازه ده وسابتها ودخلت اوضتها
فضلت مامتها قاعده وهى مقتنعه انها كده بتحمى ياه بنتها لانه هيبقا ليها اب بس الى متعرفوش انها كد بدمر ياه بنتها للابد مش بتحميها
صحيت امينه من ذكيتها على رن جرس الباب قامت وفتحت الباب لقتها شهيره جراتها
شهيره: ازيك يا ام ليلى عامله ايه
امينه: كويسه الحمدالله خير يا شهيره
شهيره : خير انشاء الله دخلت شهيره وامينه البيت
عند ادم قاعد وبيفكر فى الى سرقت قلبه من اول نظره بس باين عليها انها عصبيه وعنيده جداااا صحى ادم على صوت اخته
يارا: ايه يا عم الحبيب من الى واخد عقلك
ادم وهو بيعتدل نفسه: يعنى هيكون مين غيرك يا لورا
يارا: يا راجل ادخل عليا بالحنين يا خويا ادخل
ادم: هو انا اقدر برضه يا حبى
يارا: ماشى ياعم الحج
ادم: حج انتى متاكده يابت انتى انك فى اعلام
يارا وهى بتضحك: اه والله حتى ادخل اجبلك كرنيه الجامعه عشان تصدق
ادم: لا ياختى مصدق المهم انتى عامله ايه فى الجامعه
يارا: اه ماشين اصلها اول سنه فغدته شويه بس ربنا معانا
ادم: ماشى يا لورا ربنا معاكى اسيبك انا بقا عشان هعدى على ادهم
يارا وهى بتقوم: ماشى يا حبيبى بس مش هتعدى منى بالساهل لما ترجع هتقولى كنت بتفكر
ادم وهو ماشي ناحيه الباب : ماشي يا شبر ونص انت
يارا وهى بتضرب رجليها على الارض زى الطفله :على فكره انا مش شبر ونص انا طويله اهو
ادم وهو بيضحك على برائت اخته: ماشي يا ست الطويله سلام
يارا: سلام مشى ادم لادهم وقعد يرن الجرس لحد ما فتح ليه ادهم
ادم:ايه يا عم كل ده بتعمل ايه جوه
دخل ادهم ودخل ادم وراه: ادهم انت لازم تفوق من الى انت فيه انت ليك 3 سنين مش بتكلم ابوك
ادهم وعينه احمرت من كتر العصبيه وبص لادم: متقولش ابوك انا معنديش اب انت فاهم
ادم حاول يهدى عشان يعرف يتكلم معاه: هى لعبه يعنى ايه معندكش اب
ادهم وقف وعطى ضهره لصاحبه: بص لو انت جاى عشان كده فيلا مه السلامه
ادم والغضب اتملك منه: انت ايه ياخى معندكش قلب 3 سنين وابوك نفسه يشوفك ونفسه يسمعك انت عمرك
ماتبقى انسان الانسان بيبقا عنده مشاعر بس العيب مش عليك العيب عليا انى شايفك بضيع ومش قادر امنعك
ادهم وهو بيبص لصاحبه: انت عايزنى انسى انسى ايه ولا ايه انسى انى بيبتى ماتت وانا مش مهاها ولا انسى
انى الراجل الى بتقول عليه ابوى كان هو السبب فى موتها انت مش حاسس بيا انت فاكر انى مبسوط بحالتى ده
انت فاكر انى مش عايز ارجع ادهم الى بيضحك ويهزر انت فاكر انى مش عايز اشوف بابا واترمى فى حضنه
بس مش قادر مش قادر انسى اصلا انا لحد دلوقتى مش متقبل فكره انها ماتت انها مش هتبقى مراتى انت عارف
ادهم صوته بدا يقطع ومش قادر ياخد نفسه: انى كنت هعرض عليها الجواز بعد ماترجع من عند خالتها زى مانا
كنت فاكر سكت ادهم وادم واقف مش عارف يعمل ايه كل ده شايله صاحبه جواه مشي ووقف جمبه
ادم: هتنسى يا ادهم لازم تنسى عشان تعرف تعيش
ياترى ادهم هيسامح باباه ولا لا وليلى ايه حكايتها كل ده هنعرفه البارت الجاى
