وقفنا البارت الى فات على ان ليلى قالت لمامتها على ادم
عدي يومين وجيه يوم التلات اليوم ده ليلي كانت متوتر جداا دخلت عليها مامتها
امينه مامت ليلي : ايه يا ليلي الي صحاكي بدري الساعه لسه سابعه انتي عندك كليه النهارده
ليلي : لا يا ماما النهارده مفيش محاضرات بس سلمي و ايلين اتاخروا
امينه اتاخرو ايه يابنتي الساعه سابعه اتاخرو ازااي بس
ليلي : معرفش بقا يا ماما
امينه : طب قومي خدي دوش وفوقي نفسك
ليلي : حاضر يا ماما قامت ليلي واخدت دوش
عند سلمي صحيت الساعه 9 قامت وغيرت هدومها وطلعت
حازم : ماشيه فين يا سلمي
سلمي : ماشيه لليلي علشان هتشتري شويه حاجات ليها
حازم : تمام بس متتاخريش
سلمي : تمام يا زوما ورمحت من قدامه
حازم : ياخربيت اسم زوما ده
نزلت سلمي ومشيت علي بيت ايلين تقرط علي الباب فتح ليها اياد
اياد : ازيك يا سلمي عامله ايه
سلمي : تمام الحمد الله اومال فين ايلين
اياد : نايمه جوه
سلمي : كنت عارفه والله
اياد : ادخلي صحيها بقا
سلمي : ربنا يستر دخلت سلمي ل ايلين
سلمي : ايلين قومي الساعه 10 اتاخرنا
ايلين: خمس دقايق يا سلمي وشديت الغطاء عليه
سلمي وشالت الغطاء : لا خمسه ولا عشره قومي ديه سلمي هتنفخنا قولنا ليها هنكون عندك علي 9 ودلوقتي عشر
قامت ايلين وهي شبه وعيه : تمام قومت اهو خلاص
سلمي : طب كويس يالا بقا علشان تجهزي نفسك بصتليها لقتها نايمه تاني
سلمي : ااااايلين
ايلين : خلاص قومت اهو خلاص قامت ايلين وجهزت نفسها ونزلت هي وسلمي وراحو ل ليلي وصلو البيت و دخلوا
ليلي : يا جزم الساعه عشره ونص
سلمي : معلش يا ليلي انتي عارفه ايلين ونومها
ليلي : خلاص ماشي يالا ننزل بقا عشان نجيب الفساتين
ايلين: والله مانا عارفه انتى الى هتتخطبى ولا انا
ليلى: ماشى يا خفه قومى بقا عشا نمشى
نزلوا البنات واستروا الفساتين وروحوا البيت الساعه 2 ونص
امينه: اتاخرتوا اووووووى يا بنات
ليلى:معلش يا ماما ملقناش حاجه حلوه فقعدنا ندور لحد ما لقينا
امينه: تمامادخلى اجهزى علشان هما هيجوا الساعه 4
سلمى: تمام يا طنط هنجهزها حالا
امينه: تمام يا بنتى ادخلوا
دخلوا البنات الاوضه وعملوا مسكات لليلى وليهم
علشان ينقوا البشره من اى حاجه ولبسوا الفساتين وجهزوا
سلمى: بسم الله ماشاء الله يا ليلى زى القمر
ليلى: مرسى يا روحى وانتو كمان حلوين اوووووووى
ايلين: بس تصدقى اول مره اشوف صحاب العروسه
يحضروا معاها لما يجوا يطابوا ايدها ويتفقوا على الحاجات
ليلى: يا حبيبتى ننحن نختلف على الاخرون
سلمى: اه طبعا وهو ده فيه كلام
جاءت الساعه 4 ووصل رافت وفريال وادم ويارا
امينه: اهلا وسهلا نورتونا
رافت: بنور حضرتك بصى بقا يا ست الكل انا دخل فى الموضوع
على طول انا عايز اطلب ايد بنتك ليلى لابنى ادم على سنه الله ورسوله
امينه: والله وانا معنديش مانع بس نسمع راى العروسه الاول
يارا: انا هقوم اجبها
قامت يارا جابت ليلى والبنات ودخلوا
فريال: بسم الله ماشاء الله زين من اخترت يا ادم
امينه: موافقه يا بنتى
ليلى: الى تشوفيه يا ماما
امينه: هو انا الى هتجوز ولا انتى يا حبيبتى
ليلى: موافقه
ادم كان هيموت من الفرحه ادم: خلاص الخطوبه وكتب الكتاب بعد اسبوعين والفرح بعد شهر
امينه: بالسرعه ده يابنى
رافت: ما دام الولاد موافقين فخلاص مفيش مانع
امينه: على خيره الله
فريال: يبقا بكره ينزل ادم مع ليلى وينقوا الشبكه
امينه: باذن الله
مالت سلمى على يارا هما: هما مين دول مش باباكى ومامتك ميتين
يارا: ده بقا انكل رافت وطنط فريال عايله ادهم
وهو جم علشان بيعتبروا ادم وانا زى ولادهم
سلمى: اه فهمت بصت لرافت وفريال لقد ادى ايه هما
حزينين برغم الابتسامه الى على وشهم
اتفقوا على كل حاجه وتانى يوم نزل ادم مع ليلى علشان يختاروا الشبكه
ادم: ايه رائيك فى ده يا ليلى
ليلى: جميل اوووووى يا ادم
ادم: طب تمام كده كويس ولا فيه حاجه ناقصه
ليلى: لا كده كويس اووى يا ادم
ادم: تمام وحاسب ادم على الحاجه واخد ليلى ورجعوا البيت
عند ادهم لبس وركب عربيته منطلق لشرقه الشرقاوى
دخل لقا الكرتيره موجوده
ادهم: عايز اشوف وليد الشرقاوى
السكرتيرة: معاك معاد سابق مع حضرته
ادهم: لا بس قوليه ادهم الصياد
بالفعل السكرتيره اتصلت بوليد وقالته انى ادهم عايز يقابله وقالها دخليه حالا
السكرتيره: اتفضل يا فندم مستر وليد مستنيك جو دخل ادهم لوليد
وليد: ادهم الصياد بنفسه لا مش مصدق يا جماعه
دخل ادهم وقعد قصاده وحط رجل على رجل
ادهم: اصل سمعت انى فى دبانه كده غلسه بضايق اختى
فحبيت اجى احزرها بدل ما انسفها من على وش الارض
وليد وابتسم لادهم: مش غلط لما تيجى تهددنى فى مكانى
ادهم: ومش غلط لما تهدد اختى برده
وليد: اصلاها حلوه اووووى الصراحه وانا……. مكملش كلامه
لان ادهم قام ووقفه اقدامه وقرب من ودنه
ادهم: اقسم بالله لو جبت سيره اختى على لسانك لاهيكون اخر يوم ليك فى عمرك
والصور هتجبيها حالا والا انتى عارف انا ممكن اعمل ايه اقل حاجه هرفع عليك قضيه
وانا ادهم الصياد يعنى بصباعى الصغير اكسب القضيه وهتفعك مبلغ محترم
ده غير انك مش هتقدر تبيع اى حاجه فى السوق لان الى هيشترى منك كانه
بقا عدو عيله الصياد وانت عارف كويس الناس هتعمل ايه فاهم ولا اعيد تانى
وليد بخوف: فاهم فاهم
سابه ادهم ووقف قدامه: تبعت دلوقتى حالا حد يجيب الصور
وليد: تمام تمام اتصل وليد بالسكرتيره
هتولى صوره ساره الصياد الى هتمشى المسابقه حالا
دقايق وكانت الصور على المكتب قرب ادهم من المكتب واخد الصور
ادهم: لو سمعت اسمك تانى قدامى او لو عرفت انك تحاول تكلم
ساره اعتبر نفسك مش موجود على وش الارض فاهم وسابه وطلع
طلع على طول على ساره اتصل بيها واتفقوا انهم يتقابلوا فى مطعم ………0
وصلت ساره المطعم لقت ادهم مستنيها
ساره: اتاخرت عليك
ادهم: لا عادى انا لسه جاى
ساره: خير يا ادهم
حط ادهم الملف قدام ساره
بصت ساره ليه باستغراب: ايه ده
ادهم: افتحيه وانتى هتعرفى
فتحت ساره الملف لقت الصور الى كانت بعتها للمسابقه
بصت لادهم باستغراب ومتكلمتش
ادهم:انا عارف انك مستغربه بس انتى اختى يا ساره والى يجى عليكى
انسفهمن على وجه الارض وغير كده الصور ده تعب الشهور الى فاتت
سهرتى عليها ورسمتيها فحرام لما مجهودك هيتسرق انا لو اى حد جيه
وقالى سعدنى فى الموضوع ده كنت هساعده من غير اى كلام مابالك
بقا انتى اختى الى بعشقها اكتر من روحى وعايزك تعرفى حاجه انا
هفضل سندك وضهرك حتى لو انتى قادره تحلى مشاكلك فاهمانى يا ساره
ساره ومش قادره تتكلم من بعد كلامه: بجد انا مش عارفه اقولك ايه بس بجد انا
محظوظه انى ليا اخ زيك انت هتفضل سندى وضهرى على طول اا مش عارفه
من غيرك منت هعمل ايه يا ادهم انتى رجعتلى حقى الى مقدرتش ارجعه
ربنا يخليك ليا يا ادهم ويحميك عل طول
ادهم: ويخليكى ليا يا ساره يالا بقا عشان متتاخريش
ساره: تما بس انتى هتوصلنى هههه
ادهم: ماشى يا لمده هوصلك يالا قدامى
وصل ادهم ساره البيت وطلع على بيته على طول
يوم الخميس اخد اياد عايلته ومشيوا لادم دخلوا البيت
وبعد السلامات والترحبيات والازى منه
محمد: بص يابنى انا طالب ايد اختك لابنى اياد على سنه الله ورسوله
ادم: وانا موافق يا عمى بس نسمع راى العروسه الاول ولا ايه
محمد: اكيد يابنى
دخل ادم ليارا لقاها قاعده على السرير فى اوضتها ومتوتره جداااا
ادم: يالا يا عروسه مستنينيك بره
يارا: والنبى ما تقول عروسه علشان بتوترنى اكتر
ادم: طب ماشى يالا بقا
قامت يارا:طب مش ممكن تطلع انت وتقولهم انى موافقه
ادم ضحك على اخته: لا يا حبيبتى مينفعش
يارا: يوووووووه بقا
طلع ادم ويارا مع بعض
ادم: موافقه يا يارا
يارا: الى تشوفه يا ابيه
ادم: تمام يبقا على بركته الله
يارا: بس انا عندى شرط
محمد: قولى يا بنتى
يارا: انى اتجوز مع ادم فى نفس اليوم
اياد: تمام وانا موافق يبقا الشبكه بعد اسبوعين
مع ادم ونكتب الكتاب كمان ونعمل الفرح معاه ايه رائيك يا ادم
ادم: والله انا معنديش مشكله
سعاد: يبقا على خيره الله واتفقوا على كل حاجه
تانى يوم نزل اياد ويارا مع بعض فى العربيه
اياد: هتفضلى ساكته كده كتير
يارا: عيزنى اقول ايه
اياد: اى حاجه
يارا: امممممم هو انت عندككام سنه
اياد: 26 سنه
يارا: انا عندى 20 سنه
اياد: العمر ليكى يا حبيبتى
يارا وشها حمر اوووى من الكسوف
اياد: ايه ده كل ده عشان قولتلك حبيبتى امال لو حضنتك هتعملى ايه
يارا: بس بقا يا اياد
اياد: ماشى ماشى كلها شهر وهتبقى معاى على طول يا لورا
مشيوا ونقوا الشبكه وروحوا
عند ادهم قاعد وسرحان وكان بيفكر فى كلام سلمى فعلا
يمكن باباه عنده عذر قعد يفكر لحد ما لقى تلفونه بيرن
ياترى مين الى بيرن على ادهم؟؟؟
وادم وليلى هيعملوا ايه ؟؟؟
كله ده هنعرفه البارت الى جاى
