رواية حب رغم الصعاب كامله وحصريه بقلم دعاء سالم
قصه حب رغم الصعاب البارت الاول تعريف الشخصيات 1:سلمى بنت هاديه جداااا بتحب كل الناس وبتحب تساعدهم وبتحب قرايه القصص والروايات
2:ايلين بنت مجنونه شويه لا مش شويه كتيييير مبتفكرش قبل ما بتتصرف بتحب اللعب والمغامرات صحبه سلمى فى اوله صيدله
3:ليلى بنت عاقله جداااااا بتحب الاطفال جدااا ومش بتثق فى الناس خاااالص وبالذات الرجاله وصحبه سلمى وايلين فى اوله صيدله
4:ادهم شخصيه قاسيه وعصبيه جداااا هو مكنش كده بس حصلت ليه حاجه خلته بالشكل ده عايش واحده على ان ساره هترجع مصر يالا نكمل
5:جاسر شخص واخد كل حاجه فى الدنيا هزار بيحب العب والسهر وطبعا البنات دخل الكليه عشان اهله فرضوا عليه ده صاحب ادهم وعايش مع اهله ادم شخصيه عاقله جدااااا بتعرف تتصرف فى الامور كويس اوووى عشان كده اغلب صحابه لو وقعوا فى مشكله بيلجوا ليه باباه ومامته متوفين وعايش مع اخته يارا لوحدهم والشباب فى كليه صيدله سنه 3
نبدا البارت صحيت سلمى على صوت مامتها زينب
ام سلمى : قومى يا سلمى قومى يا بنتى هتتاخرى على الكليه من اول يوم كده اصحى الساعه :7:30
سلمى وصوتها غالب عليه النوم : حاضر يا امى هقوم اهو بس خمس دقايق بس
زينب: لا خمس دقايق ولا عشره قومى يا بت يالا
قامت سلمى واتصلت على ليلى صحبتها
سلمى: الو يا ليلى ازيك عامله ايه
ليلى: تمام الحمدالله لبستى ولا لسه
سلمى: بالبس اهو يبقا رنى على ايلين عشان اكيد لسه نايمه ده بقره نوم
ليلى وهى بتضحك: معاكى حق والله فاكره لما نامت فى امتحان العربي فى الثانويه وكان هيروح عليها بس الحمدالله ربنا ستر وصحناها وحلت وعدت
سلمى: اه والله ربنا ستر طب رنى عليها وانا هجاهز وارن عليكى
ليلى:اوكشنز
سلمى: متقوليش الكلمه ده عشان بتعصبنى
ليلى: مانا عارفه عشان كده بقولهالك
سلمى: طب ماشي يا رخمه رنى عليها بقا عشان منتاخرش ليلى: تمام
قفلت سلمى مع ليلى وطلعت لمامتها عشان تساعدها فى تحضير الفطار
سلمى: صباح الخير يا ماما
زينب: صباح النور يا حبيبتى
سلمى: اساعدك
زينب: ياريت يا حبيبتى خد الاطباق ده وحطيها على السفره سلمى: حاضر يا ماما
واخدت الاطباق وحطتها على السفره
نمشي بقا لمكان تانى خالص فى اوضه مفهاش اى نور يرن التلفون رد الشخص الى النايم ادهم والنوم غالب على صوته: الو …..
ادم: انت لسه نايم يا ادهم قوم يالا بسرعه هتتاخر على الجامعه
ادهم واتعدل فى قعدته وابتسم: انت ازاى عارف انى لسه نايم انت بتشم على ضهر ايدك يالا ولا ايه
ادم:لا عشان عارفك وحافظك وعارف انك لسه نايم عشان ده اول يوم
ادهم: طب ماشي يا سيدى اتصلت بجاسر ولا لسه
ادم: لا اتصلت وهو هيسبقنا على الجامعه
ادهم: طب تمام سلام بقا عشان اقوم اجهز
ادم: تمام سلام
قام ادهم لواقعه الاليم برغم انو عد 3 سنين على موتها بس هو لغايه دلوقتى مش مصدق انها ماتت نزلت دمعه من عينه غصب عنه فسمحها بسرعه ولبس وش البرود الى لو كان ليه جايزه اكيد كان هياخدها ادهم من غير منازع جهز ونزل ركب عربيته ومشي على الجامعه
فطرت سلمى ونزلت تستنى ليلى وايلين يجولها بعد شويه
و سلموا على بعض وركبو العربيه ومشيوا للجامعه وصلوا الشباب الاول كل واحد بعربيته بس وصل ادم وجاسر الاول ووقفوا يستنوا ادهم
جاسر: هو هيجى امتى ده دنا بقيت زى المخلل
ادم: اخرس يالا دلوقتى تلاقي جاي
قطع كلامهم ادهم: هو مين الى جاي
ادم: لا عادى كنا مستنينك
ادهم: تمام يالا ندخل بقا قبل مالدكتور يدخل وهما ماشيين سمعوا صوت خناقه جامده جدااا وصوت عالى فمشيوا يشوفوا فى ايه؟
ياترى من الى بيتخانق وايه قصه ادهم ومين دي الى مش مصدق موتها كل ده هنعرفه البارت الجاى استنونا وياريت تقولوا رائيكوا فى البارت بصراحه
