رضيه:: خابرت مروة مرت سعيد تسئل اعله سعيد گتلها ماهو طالع كتلها شنو مالج نيه تردين
مروة:: خيه انه ماعدي شي اردن بس هو مايرد اعليه
_مروة خيه سعيد ما تلگين منه لاضلين تاخذين بحچي النسوان تره يخربن بيتج ويحرمنج من رجلج وجهالج
_اي خيه حسيت بغلطي انه بس اخوج مايرضى يرد اعليه حاجوا هذا ابني كلش مريض
_خوش من يجون انه اخلي امي تاحجيهم سديته منها ورحت اجهز الغده هسه همه اعله جيه اليوم ماكو دوام مرتاحين امي ورجوى راحن لبيت عمي عدنان يشوفون جدي كملت كلشي
وكعدت اقرا علما يجون نص ساعه واجت امي ورجوى وابوي رد من الشغل هو وسعيد واسعد وياهم ضل بس عباس نخابر اعليه مايرد گالت امي راح اعله عزام خابر سعيد اعله عزام گله مـَـا اجاني وانه متاني من زمان ومخابر اعليه مارد ضلينه بقلق شوي واجه عزام وبيتنه نخبص خبص ندگ اعله عباس مايرد عزام ركض وگال انه رايح ادور اعليه خافن ابن خلف مسويله شي ركض وراه ابوي وسعيد واسعد
خابرو اعله عمامي ولد عمامي كلها طلعت ندگ وماكو امي لبست عبايتها وطلعت شايطه محد يحصله طلعوا يدورن بين البساتين الي داير مداير الديرة حيل بطلوا اعلينه ضلينه نلوب انه ورجوى كلساع نعياين من الباب
ماكو نص ساعه واجوو ولد عمي بسلاحهم وامي تصرخ بنص الشارع والهوسه گبت بصفحتنه ضلينه نبجي اعله صريخ امي فتحت شويه من الباب اعاين امي بالگاع ونسوان عمامي يمها يگومن بيها زدت بالبجي دخلن امي تلطم ودگ اعله راسها ؏
_عبيس يمه مات ابني صخام صخمني ولجج رضييه راح اخووج رضييييه يمااااااا صخاااام صخمنيي سوده بوجهييييي عبيس يماااااا
نعيمة:: هدي يخيه كولي يالله مابي شي ان شاءالله
_ولج شهدي ام سلوان خيه شهدي سابح بدمه وليدي عمت عيني عبيس يمه
سلوى:: دهر صابهم ولا يبطلون طلايب منا يتكتلون كلهم
نعيمة:: شوو سدي حلگج سلوى احنه بيا حال
_والله جا شني لو ماعباس متعارك وي ابن خلف وكاتله جا مو وصلنه لهاي الحاله وولد عمه يسكتون
_سلوى حجايه لو حجيتي بعد اعله عباس اخلي دمج بطولج شووو طلعي عني انه بيا حال ابني ميت عدل وهاي حايرة بحجيهااا الماصخ
رضية:: طلعت ضايجة كعدنه يم امي تبجي واحنه نبجي وياااها شوي وعلگ الرمي حرگ الجووو حرگ وعباس ماندري عنه ميت عدل تالي طاحت امي وگمنه نتصارخ اعليها طبت جدة وي طيحت امي ومحد من الولد والرمي عالگ
نعناعة:: صخام ولج كومنها الله ولحد اعليك ابن خليف وموت الخذاك كومي يمه نعيمة ذبن اعليها ميه خلنها تكوم نروحلهم للمستشفى
رضية:: كعدن امي گوة وخذنها بيبي گالت تعالن لبيت جدجن سارة وحدها لو سكت الرمي طلعن واحنه مابطلنه بجي طب اخوي اسعد يبجي كعد بنص الحوش ركضنه يمه وهو يصيح
_ماتت عباس ماتت سابح بدمه انه انه شفته يبووويه راح اخوي بووويه
_ولك اسعد احجي صدك ميت لو لا
_شفته رضيه اكلج انه شفته جنه ندور اعليه بنص البساتين انه ولد عمي وعمامي كلمن رايح بصوب وانه شفته مدد وغارگ بدمه حجايته ما حاجاني وركضت اصيحلهم ولا واجو شالوو وخذو للمستشفى ماخلوني اروح وياهم كالو رد لخواتك وحدهن
_سودة اعليه خويه عباس انه سبب كله مني ولج رضيه انه كتله اعله ابن خلف لو مات اخوي اموتن وراه ولج يممممه كله مني لو صامه حلگي وماحجيت لعباس ماراح اخوي مني ولك خويه عباس خووويه
_ان شاءالله مابي شي هدوا خل نروح لبيت جدي جدة كالت خاف يصير رمي
قفلت الباب ولبسنه عبينه انه وروجوى ورحنه وصلنه اسعد ورجع لشارع الـي عرفناه من اسعد من رمو عمامي بيت خلف محد جان بي الضاهر جان عدهم علم وشاردين همه وعوائلهم يا نار ڪَلبي اعله اخوي سلمنه اعله سارة وگعدنه يمها جابت النه ماي تهدي بينه واحنه ولا بطلنه بجي تالي نوب گابلتنه وكامت تبجي ويانه
رجوى:: سارة تليفون جدة هنا خابري اعله أي واحد بلكي يطمنه اعله عباس
راحت سارة تجيب التليفون سمعنه دگت باب قويه رجعت سارة تفتح الباب عماتي اجن يصارخن سامعات خبر عباس مكتول
_عمه ماندري ميت عدل راحوا للمستشفى ولهسه ماكو خبر عمامي ولد عمامي وجدي وجدة كلهم غاد
حنان ::خيه ام عماد خابري انه نسيت نقالي بالبيت
خابرت عمتي حذام محد يرد اعليها تالي خابرت سلوان رد اعليها وصاير اعصاب
_يمه سلوان گلوبنه راحت طمنه ابن عمك شلونه
_عمه ماندري دخلوا عمليات وانه موش بالمستشفى
سد الخط منها وردت تخابر حاجها عمي عدنان وگلها بعده بالعمليات ان شاءالله يصير زين
سلوان:: نهد حيلنه واحنه ندور اعله ابن خلف وطلعوا حتى اهله شاردين نص بالمستشفى ونص يدور كلنه محزمين ومسلحين ردينه للمستشفى والمستشفى نترس بس ازلامنا طلع جدي كوة يمشي وعمي عدنان يتجيله كعدنه بساحه المستشفى وحجه جدي
فليح:: عدنان اخذ اخوتك ولدكم ورحو لعشيرة خلف وگلوله احنه وياكم كوم ولو مات ابنه ماتنحل اله بدم مناف وعزام يضلون اهنانه
سلوان:: ركبنه كلنه ورحنه وبلغنه عشيرتهم لو صار اعله ابنه شي احنه وياكم گوم تخبصو خبص سعيد وعمي مزهر قدمو شكوى اعليه بالمركز وهو شارد وردينه للمستشفى خلصت عملية عباس نازف دم هواي عزام متبرعله بس بعده ما منتبهه الحمدلله ضربته مو بمچان خطر
لليل اجن عماتي موصلهن عماد الدنيا مگلوبه بالمستشفى انتبهه عباس وكال الدكتور يضل يومين تحت المراقبه اذا وضعه زين يطلع رجعنه للبيت ضل يمه بس عزام وسعيد
طبيت للبيت تلاگت وياي سارة وبنات عمي مزهر العيون مورمه من البجي گتلهن خويه مابي شي وتعالن اوصلجن للبيت امجن وابوجن رجعوا
رضيه:: جيب اليوصلني للبيت الطريق كله بس صوت شهگاتنه مسمعوعة
_كولن يالله خويه مابي شي وهسه يومين ويطلعونه
وصلنه للبيت ركضنه اعله امي عماتي يمها ونسوان عمامي حضنت امي وابجي مزلغه وجها حجت عمتي حذام
_كومي عمه سوي عشي لامج حيل تعبااانه واحنه باجر نمر اعليكم
كمت اسوي عشه امي چلبت بنسوان عمامي وعماتي للعشه مـَـا رضن يضلن جهزنه العشه انه ورجوى محد بينه يشتهي ياكل ابوي صله ونام وامي هم راحت لغرفتها خابرت اعليه مروه تسئل اعله عباس گالت باجر الصبح تجي يجيبها ابوها سديته منها وعيوني تصبح وحدها اخ ياخويه شحالك هسه كمت صليت صلاة العشه ودعيت الله يكومه بسلامه ثاني كعدت ب6 صبح امي گاعده گبلي وتلبس بجورايبها
_ها يمه صباح الخير
_صباح النور يمه انه رايحه لاخيج ابوج متانيني
_يمه جا ترحون بلا ريوك
_لايمه سويت ستكان جاي وهو من يشهتي واخوج ماندري عنه يايمه و خذت لخوج وعزام ريوك ديري بالج اعله البيت لو كعد اسعد سويله ريوك وخل يدير باله اعله الحلال
طلعت امي كمت نضفت البيت ورتبت الغرفه لعباس يكعد بيها بلكي يطلع اليوم كعد اسعد ورجوى سويتلهم ريوك اسعد راح للحلال يعلفهن وانه كعدت اركب الغده ورجوى تنضف البيت ب9 ندگ الباب رحت فتحته طبت مروة هيه وجهالها وصلها اخوها ورجع سلمت اعليها وطبت لغرفتها شويه وطلعت تسئل اعله عباس سولفتها السالفه وجهالها خبصو البيت خبص ما چنه توه نضفنا كملت طبخ الغده ومحد بين اذن صليت صلاة الضهر والعصر ورحت اصب غده مروة لگيتها
العصر اجه سعيد وشاف مروة غلس ما حاجاها بس باس جهاله وگلي جيبيلي ملابسي اريد اسبح مروة تباوع صفح عافتنه وطبت الغرفتها طبيت وراها طلعتلي ملابسه واطتني ياهن
مروة:: هسه انه زعلت وانه رديت غير حسيت بغلطي شني مجاهلني هيج
_عذري مروة اخو بالمستشفى وتعبان ورانه طلابه كود الله تنحل هم اعله كيفج وياه شويه شويه يلين بس انتي حتى سلام ماسلمتي اعليه اروح اسلم اعليه واتحمد لاخو بسلامه وتعذري منه وشوفي شلون يردج وهسه الملابس انتي اخذيهن ولاتصيرين فاهيه هو يحبج بس اغلاطج هوايه وياا
عفتها وطلعت شفتها خذت الملابس وراحت للحمام ادعي الله يصلحهم هو يحبها بس هيه تمشي بحجي خواتها وبنات عمها ويوميه متعاركة ويا اعله شي بسيط وتافهه
كمت اسوي عشه باجر دوام وراي تحضير لليل ب9 ردو امي وابوي سئلتهم اعله عباس كالو شوي احسن وباجر يطلعونه ضليت محتارة شلون ادوام وباجر عباس يطلع وهوسه الناس گلت لرجوى كالت انه مـَـا اداوم قررنه نغيب اليوم والله كريم رحت نضفت الديوانيه وغيرت الزوالي وحطيت بيها فراش لعباس خاف تجي ناس وعطرتها وطلعت تلاگت وياي امي
_گواج الله يمه كافيج تعبتي البيت كله انتي وعدج دراسه گلي لمرت اخوج تنضف
_كملت يمه وماعدي شي وباجر ما اداوم لا انه ولا رجوى خاف تجينه ناس ومروة وحدها ماتكدر
_لاييمه روحي هو دوامج صباحي تردين ب11 الصبح ماعدنه شـَيء بس الغده وانه اطبخه لو اجتنه وادم
_خوش جا اروح احضر ملابسي رحت غسلت ملابس المدرسة وغسلت ملابس اسعد هم عد دوام صف اول متوسط انه رابع ورجوى ثالث
يوم الثاني تريگنه ورحنه للمدرسه كل مره نروح مشي بس من صارت هاي السالفه سعيد وصلنه وكال بس افرغ اشوفلجن يحيى ابن عمي عدنان عده كوستر ياخذ بيها حملات وبوقت الدوام يشتغل خط اذا عده مجال اسجلن ويا وصلنه للمدرسه ورجع
سارة:: الصبح جدة كعدتني گالت رايحه لبيت عمج مزهر انه وامج سوي ريوگ لجدج لو گعد البارحه ما نام من وجع گلبه وديري بالج اعله البيت موش تغفلين عنه واطي الدجاجات علف واسگي المشاره مال الخضره راحن وانه احجي وي روحي شنو الجديد جدة يوميه انه اسوي كل ذني هسه لو عدنه جناين جان ساعدني رحت طلعت الدجاجات واطيتهن علف وسكيت الخضره وعيني اعله جدي كلساع اروح اشوفنه دگ موبايل جدة ناسيته هنا عفيه نقال دوم منسي مكتوب ابني مردان رديت واجاني صوت عمي ياابه صار شكد ما سامعه صوته سلمت اعليه
_بويه شلونج سارة اهلج شلونهم
_زينين عمي انتم اشلونكم البنات عمتي كريمة
_كلحنه زينين بويه اكلج عباس شلونه انه متاني رافد يرد واجي لبيت عمج مزهر
_هلا بيك عمي ماتمر صوبنه لو جيت مشتاقين لشوفتك
_بويه وانه هم مشتاقلكم بس مامطول العصر اردن
_البنات شلونهن عمي مايجن وياكم
_لابويه عدهن دوام بس عمتج كريمه تجي شني جدتج وين
_راحت لبيت عمي مزهر ونست نقالها هنانه
_ها خوش بويه سلميلي وياج وادعناكم
_هلا بيك عمي الله يسلمك الله وياك
سديته منه واجت بالي الساعه الي راح بيها عمي مردان من الديرة شكد بجينه اعليه بيته لحد الان مقفول محد گاعد بي كلش بصف بيتنه 7 سنين عمي ما طاب لديرة بس هسه راح يجي بلكي ويتصالحون هو وجدي كله من عمي عيدان الصار موش هين اعله عمي وجدي بساعتها تعب گلبه وهاليعاني منه كل هالمدة
سمعت صوت جدي يگح رحت لحجرته لگيته گاعد جبت ماي وطشت كعد يغسل گتله اسويلك ريوك حتى تاخذ علاجك
_وينها جدتج ليش مـَـا كعدتني
_راحت من صبح هيه وامي لبيت عمي
_اخوتج وينهم
_جدي سلوان وعزام بالمستشفى بس يحيى وحميد نايمين بديوانيه
_كومي بعد جدج گعديهم ونضفي الديوان خاف ناس تجينه
رحت حضرت صينيه الريوگ الجدي وديتها اله وگعدت يحيى وحميد سويتلهم ريوك تريكو وراحو نضفت الديوان وعطرته وقفلت الباب وطلعت گبل للغده گصصت الدجاجات وطبختنهن تشريب ونگعدت التمن وانه بالي بعمي مردان لو اجه وشاف جدي وعمي عيدان شراح يصير أســـر يجي وياهم لو لا كملت الغده واجه جدي گال رايح لبيت عمج قفلي الباب واذا ندگ الباب لا تفتحينه هسه اوديلج واحد من الولد يضل يمج شني ضاله وحدج ردت اگله خل اروح وياك بس ادري بي مايرضه
أســـر:: من سمعنه بطلابه بيت عمي مزهر وعباس مصوب ماتحملنه عبيس عزيز انه رحت للمستشفى يمهم وابوي متاني رافد يجي ويروح وياا وياهم بالمستشفى بس لو شفت عمي عيدان وجدي اطلع حتى مـَـا اخليهم يشوفوني مو مال نتعارك بالمستشفى بس سلوان وعزام وسعيد وعمي مزهر يدرون انه هنانه بس من طلعوا عباس ردت اردن للبصره بس ماقبلوا الولد وسعيد حلف لو رحت مااحجي ويـَاك صح المشكله الصارت قبل 7 سنين بعدتنه عنهم بس ضلينه محافظين اعله خوتنه انه ولد عمي عدنان ولد عمي مزهر بس مناف ابن عمي عيدان حاول يصالحني بس انه مارضيت هو هم جان صاحبي واخوي بس الصار ما انساه وصار 7 سنين مانتحاجه بس علاقتي بولد عمامي الباقين زينه اله يحيى انه ويا ما نتلاكة بفرد مچان
من طلعو عباس طلعت وياهم سمعت ابوي ورافد وامي راح يجون اليوم مو مال اروح عمي عيدان وابوي اذا تلاگوا مو خوش سالفه هاي طبينه لديوانيه بيت عمي خلينه عباس بفراشه هالحجي ب8 صبح شويه وسمعت صوت جدي بساحه ضليت كاعد
سلوان:: أســـر مانريد مشاكل عباس مريض مانريد تصير هوسه
_لا شلي شغل بيهم
_اسر سبع سنين مو كافي جدك مقهور جي انتم بعيدين عنه وهو يحبكم بس لو ما السالفه الصارت
_سعيد خويه انه وانته وكلنه ندري بسالفه وجدي لونه يحبنه ويريدنه يمه ماصف وي الباطل وخله اهل الحق ينطردون من الديرة
_ادري خويه كلشي ادري بس احنه اهل مو مال نضل هيج الغرب تضحك اعلينه
_ابوي مايرضه يرد وغاد تعودنه بعد هسه خل نحير بهاي الطلابه ابن خلف لو الزمه يااابه اگطعه ودز وذر
وي حجايتي طب جدي وگفو الولد بس انه ضليت گاعد باوعلي ونصدم من شوفتي اجه يم عباس سلم اعليه وگعد يسولف يمه انه طلعت نقالي وضليت اگلب بي
_اشلونك جدي أســـر
_گبل هاي الساعه جنت بخير
_اسررررر
خزرني سلوان جدي سكت ماحجه وگفت گتلهم انه طالع سوولي طريق طلع وياي سعيد هو يحجي وياي جدك وميخالف واكبر منك وانه اهز براسي اي ما عاجبني الوضع بس خل يجي ابوي حتى نرد سوه صارت ب10 وصلوا ابوي وامي ورافد سلموا اعله عمامي بس عمي عيدان ماموجود لحد الان مناف شافني مره بالمستشفى بس ما حاجاني لان يدري بيه ارده عيني اعله ابوي وجدي اول مره يتلاگون من بعد سبع سنين رافد سلم اعله جدي بس ابوي سلم وگعد حجه جدي بس مايعاين لابوي بس يحجي والحجي مبين يگصد بي ابوي
فليح:: اسمعو ولدي خابرونه جبير عشيرة خلف وراده منه گعده حتى نشوف الحگ من الباطل ولدي اريدنكم حجايه وحده ومتسمعونها مني وانه اعرفن ربيت خـوش ازلام حجي ومصايح بديوان ما اريدن انه الحجي وعمكم مزهر باجر العصر الگعد بمضيف شيخ خيرالله
_انه اروحن ارتاح العصر ارد اشوفك عبيس
_لابويه وين رايح غداك هنانه وين ماشي
_لا ابو سعيد اروحن اتغده بيتي عدك خطار انته ابو رافد عندي ويـَاك حجايه انطرك بره البيت
أســـر:: طلع جدي وانه عيني اعله ابوي ضل ساكت وعمامي يگلوله صالح ابوك وهو تعبان وانه عيني اعله ابوي الي يهز براسه 7 سنين بوويه طالع من الديرة وهيج بسهوله تصالح جدي احجي وي روحي طلع ابوي وانه طلعت وراه صاح اعليه عمي مزهر اردن رديت كعدت ضليت الوب شراح يگله وابوي يرضه وياه
انه مو مااريد يرضه ويه ابوه بس وكفت جدي بوجه ابوي وطرده من الديرة وصار 7 سنين ماحاول يصلح الصار تالي هسه من رد ابوي لجل ابن اخو كام يدور صلح ربع ساعه طب ابوي وجهه مگلوب وعيونه حمر باوعلي ويهز براسه مافهمت شي الناس گامت تجي تتحمد لعباس بسلامه وترد ماطول
رضيه:: صارت ب11 ومحد رد ياخذنه جنهم نسونه
رجوى:: امشيلنه خل نرد جا شني نضل واكفين كتلتنه الشمس
_اكلج رجوى مودة مامداومه اليوم
_ما ادري عنها اكرها من وراه امها خو الطاف يااابه اشوف دم ضروسي ولااشوفنها هالحيه نسيتي گبل لا يبطلونها سوت بينه ما جنها بت عمنه گبر لفها ولف امها عائله كلها غثه
_اعله كيفج ام لسان اكلتي الودام اكل شني هو سؤال سئلتج امشي امشي مو صوجج
وصلنه للبيت ب11 وربع شافنه سعيد كال شنو رديتن وحدجن
_والله خويه كتلتنه الشمس ومحد اجه اعلينه وامي هنانه وحدها هالجينه
_يالله خويه خوش طبن عدنه وادم
رضيه:: طبيت لگيت عماتي ونسوان عمامي وجدة كلهن كاعدات بالهول يسولفن سلمت اعليهن ومرت عمي مردان هم هنانه باوستها انه ورجوى ورحنه نبدل
_هاي كلها هنانه خاب راح ينكسر ضهري بالمواعين
_انتي شمالج غير ناس جاي تشوف اخوج حتى بيت عمي مردان الي صار سنين ماطابين الديرة اجو
بدلنه وطلعنه مروة بالمطبخ رحت أساعدها اشوف شني عدها ضلينه نحضر الغده اجن عماتي وامي ويانه وگمنه نصب الغده لديوانيه سمعت عمي مردان ولده رافد واسر هنانه فرحت كلش بجيتهم طلعت عمه حذام تجيب السمج من التنور الطين وامي تصب سوب لحم اجه سعيد واسعد ياخذون الاكل والولد كلها هنانه بس عمي عيدان ولده ماكو لان عرفوا بعمي مردان هنا ما اجو بيبي طلعت گالت جدجن رايح وانه رايحه اصبلنه غده مشت هيه مرت عمي عدنان ملت امي منهن ماقبلن يضلن گالن يتغدن ويردن گلت لعمّه نعيمه تجيب وياها ساره نشوفها
بعد ماخلصنه غده رجوى ومروه يعزلن ويغسلن اماعين وانه اصب جاي واردن ليوره عمه حذام خذت المكناسه وراحت تكنس الهول صبيت الهن جاي وديته
كريمة:: والله خيه موتتني هالچنه هاي خيه خايسه و24 س بغرفتها لو يم اهلها ردتلي وحيده من بناتجن بس ماصارت وهسه لو يقتنع أســـر ازوجه مايقبل
حنان:: خيه كلها تعاني من الجناين انه هسه مرت عماد زينه بس مرت موسى شالعة گلبي ردت رضيه بس ماطاها عود اخوي عشتوا
ام سعيد:: خيه لاتزعلين من اخوج تراه مانطاها زغيره جانت ورجلج ومزهر مايتلاگون وتردينه يطيكم
رضيه:: اوزعلهن جاي واسمع سوالفهن طبن جدة وعمه ام سلوان وسارة سلمن وگعدن صحت لسارة مم بطلها عمي عدنان من المدرسه ماشفتها بعد جنه انه وياها نفس الصف ولج ماقنعتي عمي تردين
_اعله حظي غير جدة گالت اقنع ابوج وصارت هاي الطلابه خليها اعله السنه تجي بعد فاتت هاي السنه
ضلينه نسولف انه وياها طب عمي مردان يسلم اعلينه نگلبت مناحه عماتي شابكته ويبجن وجده تنوعي وتبجي رد عمي حظن جدة وباس راسها
نعناعة:: شلعت ڪَلبي مردان يمه بعيد اعليه ومو اشوفنك اله بالحسرة هيج جازيني مردان خاب ربيت وتعبت تالي ماتحن اعله امك وتجي تشوفها
مردان:: بسج ييمه جا مو سلوان يجيبج يمي بين فترا وفترا جا انه يهون اعليه فراگج عزيزتي انتي بسج لاتبجين ان شاءالله تهون
گعد يمنه يسولف وشحلات سوالفه صارت ساعه ب4 العصر وگال لعمتي كريمه يالله جدة ماقبلت يرحون بس كلها البيت محد بي بس البنات ومروان مشو بيت عمي مردان والولد هم راحو أســـر ورافد طشن عماتي ضلت بس جدة يمنه وبيتنه مافرغ من الولد ونكسرت ضهورنه من الوگفه جاي وماي نوب چلبنه بالعشه رجوى شردت عدها متحان باجر وعافتنه بنص الهوسه
مرت سعيد مبين اعليها التعب وتشتغل گوه ضاله بس تافخ جاي نسوي العشه طب سعيد وعيونه اعله مروة
_گواهن الله
_الله يگوي حيلك خويه رايد شي
_شني تعبتن اليوم
_كله يهون خويه يحجي وعينه اعله مروة طب لغرفته وصاح اعليها شوويه وطلعت البتسامه شاگه حلگها باوعلي سعيد وغمزلي ضحكت انه گتلها ها واخيراً شفنه ضحكتج من صالحج سعيد
_اي ولج طگ گلبي هسه اشتغل وانه مرتاحة
_جا دام هيج خليني اروح اصلي واجيج رحت توضيت وصليت ورجوى نايمه اعله الكتب رفستها گومي صلي شني كافره يهوديه
_ما اريد ولج رجليه صايرات خيوط خليني انامن عدي متحان اريد اگعد الفجر اقرا عفيه حتى عشه ما اريد
عفتها وكملت صلاتي خطيه لان وزاري شادة حيلها وتخاف لا ترسب عدنه الترسب تودع المدرسه سارة طاحت ب3 دروس وعمي كلها دوام ماكو بعد واحنه شادين حيلنه كلنه نخاف لا نرسب ويبطلونه
سلوان:: يوم الثاني صارت الگعدة بديوان شيخ خيرالله الودام رادو يحلونها بكل صوره بس من جدي حجه ضلو ساكتين خلف واخوانه موجودين
فليح:: من رخصه الناس الخيرة الگاعدة ابن خلف من طگ حفيدي ناوي يموته ولون صاير اعله حفيدي شي محد يخلصكم من شري وابنك هو العايل ومتحارش ببنياتنه وهنه ردات من المدرسه جا عمي شني ابنكم طالبنه بطلابه لا احنه يمه ولا مگربين صوبه
خلف:: من رخصه شيوخنه وعمامي انه اگلكم ابني عايل وغلطان وشتفصلون احنه نلبس
مزهر:: وشني يضمن ابنك مايرد يعيدها لون ميت ابني انه شحصل
جبيرة عشيرة خلف:: لو عاداها انه اسلمه الكم بيدي وهو هم مو بوعيه نوبات من وره هذا السم الياخذه
عيدان:: لونكم تردونه تنحل هيج بسهوله ودم ابنه الي نهدر وصل الموت لو تسلمونه لدوله لو تطون فصل
_شنو طلبون احنه بخدمتكم بس مانريد ابنه يدخل السجن
_فصل 50 مليون ونتنازل عن الدعوى
شيخ خيرالله:: هاهيه يبو مزهر نحلها بالفصل بس موش 50 يبو مناف
_عمي الزلمه حالته تعبانه وماعده وعيشته اعله الزرعات
فليح:: هاهيه يبو محسن 25 مليون ونتنازل ولو عاداها يبو محسن انه مـَـا اكض احفادي هالتشوفهم نار وداوين لو انه موش موصيهم
سلوان:: اتتفقوا نتنازل عن الدعوة وينطون فصل اعله طعنه عباس ونسدت السالفه رحنه تنازلنه عن الدعوة وانطو الفصل مر سبوع عباس بده يتحسن وردينه كلمن لشغله انه وسعيد ومناف نبيع خرفان بالصفا عزام وحسن مخلينهم اعله الگيعان كل سنـه نزرع بانيه ونبيعها لو اجه موسمها الحلال لعد جدي ماعد بشر وموزعه اعله ولده امي وجدة يسون جبن عرب وگيمر عرب وناخذه نبيعه اعله الامحال بس حصة عمي مردان يمه ويخليني انه اداريهن رديت من شغل تعبان طبيت سبحت وگلت لسارة تصبلي غده علما اصلي
حطت الغده سارة بالهول وكعدت يم جدي گاعد اعله الاخبار وجده يمه بصفها قوري الجاي وتصب الوضع بالعراق موش زين بدايه دخول داعش والوضع كلش متأزم كعدت اكل وعيني اعله الاخبار
_اضنها راح تنعاد حرب ايران والعراق بس هسه موش ايران دول الخليج بس المرجعية ماضن تسكت الموصل سقطت ويردون يدخلون بغداد
_اي جدي والله لو تحجي المرجعية وتطي جهاد كفائي كلها تمشي انه اولهم
نعيمة:: يمه استر اعليه وين رايح اوديك لحلگ الموت شني يمه اوديك بيدي للموت
_شني نعيمة اذا المرجع انطه امر جهاد شنو موخوش زلم مربين ومايمشون الگاع عزيزة تردين الغريب دوس گاعج وتسكتين
_لاعمي مـَـا اگصد هيجي انه بس ما اتحمل افارگ بزري
_لاييمه كلش بيد ربج وحلاتها الشهادة لو متت وانته تحامي گاعك
كملت غده ورحت لغرفتي انامن گلت لازم اشوفن سارة تردلي خبر من مودة حتى اخطبها سنين وانه متلوع بعشگها من جانت زغيره وكبرت وضلت بالي نمت والعصر گلت لامي ماخذ سارة ورايح لبيت عمي عيدان طلعنه وانه اوصي بيها نويت ﭑمشي للحرب لو رفضت بس يطي المرجع الفتوى طبت سارة لبيت عمي وگتلها ساعه وامر صوبج
سمـانــة:: ايام تمر علينه عاديه بس بابا وضعه قالقني كلساع يخابروله لو هو يخابر ويطول بالمكالمة سئلت ماما كالت ما اعرف ما سئلته مابقه شي ؏ الشعبانيه سبوع زواج عبدالله قرب بدينه نحضرله بابا كال نسوي عرس بسيط لان مانعرف ناس هواي هنا بس اصدقاء بابا بالحوزة وأصدقاء عبدالله وشكم عائله عراقيه نعرفهم وگال اذا رحنه للعراق نسوي عزيمه لعمامنه وناسنه الي نعرفهم شترينه غرفه ورتبناها وطلعنه تسوگنه كلشي
اني السادس ماخذ نص وقتي وزهراء همات خطيه تجي يمنه من نحتاجها بليل جاي اسوي عشه سمعت موبايل امي يدگ يمي بالمطبخ خذت الموبايل ورحت لغرفه امي وابوي جاي ادگ الباب واسمع صوت بچي امي وهيه تحجي وي ابوي
العلوية:: جنك ناوي عليها سيد واحنه منو النه لو رحت
وگفت بمكاني واني اسمع ابوي يگلها……..
