رضية:: من بعد ما عباس طگ ابن خلف اجانه شارد وگال رايح لبيت عمي مردان للبصره وعود اذا الولد مات گلولي ام ضلت تلطم اعله وجها وتصرخخ
ام سعيد:: صخمت وجهي عبيس يمه كون الولد ميت جدك ماله حيل طلايبكم هالنايم بالفراش ياهو اليحله
مزهر:: كافيج انه رايح اشوفن شني الوضع ولو رد سعيد يلحكني هاي وراها كعده عشائرية شني ولكم مامليتوا يوميه طلابه الله واكبر اعليكم
رضيه:: راح ابوي ولحكه سعيد حتى يشوفون الولد مات لو لا احنه بيته شوي ابعيد عن بيت جدي وعمامي لو سمع جدي السالفه تكبر ضلينه متانينهم وهذا عبيس مشه وماندري عنه ردوا ابوي وسعيد گالوا ماخذينه للمستشفى سعيد سائل ولد جيرانهم
سمع جدي بسالفه وده حميد ابن عمي عدنان اعله ابوي راحووا هو وسعيد وامي تاكل بروحها تخابر اعله عباس مايرد ضلينه بقلق
فليح:: يريد يموتوني يدرون بيه مريض وكلساعه مسويلي طلابه غمان امداكم وامده خلفتكم
مزهر :: بويه والله الولد عايب وغالط اعله بناتنه وهو واحد سكير
فليح:: جا شني السكير ماله رداد
عدنان:: وشني محد اجه اعليكم
سعيد:: الضاهر مادروا عباس طاگه لو دورا جاا هسه تلگاهم مچلچين اعله بابنه
فليح:: وهسه عباس وينه وين وله
_جدي گال رايح لبيت عمي مردان للبصره
سلوان:: نجاب طاري عمي مردان وجدي دار وجها وگلهم بله مايعاين اعليهم
_لو صار شي فزع خوانك وهمه يجونك گتلك تعال ابني يمنه شارد هناك شعدك خوانك يمك لو مثل اخيك
_بويه الصار بمردان ماهو هين وانته گسيت گلبك وياا ومردان اخونه وتدري شكد حنين
_لونه حنين جا مازعل من ابو كل هاي السنين اسكت اسكت حير بطلايب ابنك وعوف سالفه مردان سلون جدي اخذني لحجرتي خل ارتاحلي ساعه
سلوان:: خذت جدي بحجرته وطلعت تلگتني جدة تسئل اعله السالفه كتلها ماكو شي خليني ارد يم عمي عفتها ورجعت لديوانيه حجه ابوي وگال
_خابر اخوتك ماردوا من شغل خافن كلشي يصير وهذا الولد يموت وخابر ولد عمك هم بلغهم ساعه السودة اي والله ديرة بس طلايب
سلوان:: طلعوا عمي وسعيد ورحت وياهم وخابرت اعله الولد بلغتهم وصلنه قريب اعله بيت عمي مزهر وشفنه بيت خلف يمهم هوسه مال ودام مشينه صوبهم سلمنه وسئل عمي زلمه واگف سوينه روحنه ماندري
_شني بوويه شصاير
_والله خويه هذا ابنهم مدري ياهو طاگه وهذوله عمامه طبوا يردون يعرفون ياهو الطاگه وهوه مايرضه يحجي وهالمسودنين
_اودعناك عمي امشينه عمي
_خاب شني اضنها السالفه راح تكبر ياسلوان
_وشني جديدة اول طلابه تجينه عمي شايف ديرتنه هاي اذا مر سبوع مابيها عركة ورمي نحسبها مو من عمرنه
_الله يكفينه الطلايب بوويه انه لا اريدنها ولا اتمناها بس تجيك وطيح اعله راسك وجيب اليحله بلايا دموم
رضية:: رد ابوي وسعيد وسلوان وياهم ضل شويه يمنه ومشه وابوي سولف لامي حتى يهديها وخابرنه عباس گال انه وصلت عد بيت عمي مردان حجه وياا ابوي وگله شمالك شردت جا انته مو تگول انه زلمة تعال وحل طلابتك يا زلمتنه
ضلت امي تسكت بي خذت النقال وحاجته وگلتله لايجي تخاف اعليه گلها اردن بس باجر وارد وهيه ضلت تحجي اعله ابوي
أســـر:: گاعد يم صحباني قريب اعله المدرسة مالت البنات جنت ملثم وكل وكتي من اگعد هنانه اتلثم صارت الحلة وطلعن البنات عيوني عليهن وادور اختي وحالف لو شفتها وي هاي الساقطة اكتلها بنص الشارع
عمار:: خااااب شنوو هالجمال غزاله مو بنيه
_ايععع ذوقك خايس مثل جهرتك
موسى:: واللّٰـہ بس انته ذواق بينه شوفلنه وحده من ذوقك ونطبقهن
_جاا شني انته مو مصاحب وحده من هاي المدرسة
_شني اضحك عليها صدكت اصاحب وحدها جانت مصاحبه گبلي بس اخلص وكت وياها اريدن وحده احبنها من صدك
_غير يستقر شكلك مال حب انته
_كافي سدو حلكم خل نعاين انه ذني كلهن مايدخلن بدماغيي
_بالله شنو يدخل دماغك استاذ أســـر
_عيونها اريدهن حادات حتى كلما تباوعلي صفح اكتلها
_طيح الله حظك هذا هم حب
_هذا الموجود والله
_ياهي تحبك انته وهذا وجهك
_عمار ليش ماتسد حلگك الخايس
عفتهم ومشيت مسافه صحت اعله موسى ليله ابات يمك احسب حسابك
_شنو مالك نيه تصالح ابوك ترد لبيتكم مكلف بيك انه
_اي مو هيه بكيفك تسد الباب اطفر من سياج تلكاني نايم بحظنك
_انته وين مولي
_البنات كلها طلعت شعدنه باقيين رايح اتغده واروح ادورلي شغله
_تعال غداك يمنه
_لا مـَـا اكلف عليكم انته امك ماتحب يجيها خطار
_ أســـر خاب انجب شوو جفص كمت
_والله جا شني مجذب غير سمعتها من تغديت عدكم امس تگلك شني هذا الهتلي تجيبه للغده
_خاب شبيك والله تشااقه
_لا أســـر انته وعمار غداكم يمي انه امي ميته بس خواتي ومرت اخوي تعالووو
_والله ولا اجي رايح اتغده بسوك واردلك
عفتهم ومشيت طلعت لسوگ طبيت لابو لفات طگيتلي 3 لفات فلافل وببسي جلاب ولا اجو وراي دفعت الحساب وريت امشي هسه انه وين الگه شغل لعب روحي من سالفه يوميه متعارك ومبطل من شغل امشي بسوگ الضهريه ناس تعزل وناس بعدها مفتحة شفت واحد كاتب احتاج عامل دخلت للمحل
_السلام عليكم
_وعليكم السلام
_محتاجين عامل
_اي والله انته شنو جنت تشغل قبل هالمره
_والله كلشي شتغلت وابطل لان الشغل ما يعجبني
_شنوو جاا هم تريد اشغلك ونوب تعوفني وتبطل
_لا والله شغلك مبين حلوو بس ابيع غير
_لا والله تنضف المحل وترتب الاحذيه الي يتخربط مكانها
_ها خوش وشكد الـيومية
_هسه انطيك 20 الف واذا عجبني شغلك احسبلك 25 باليوم وتريدها شهريه لو سبوعيه بكيفك
_اها خوش شوكت ابلش
_بكيفك تكدر تبلش من هسه اذا ماعندك شي
_اي والله ياريت لان جنت رايح لبيت صاحبي كاعد لاشغله ولاعمله
وبده شغلي بمحل الاحذيه وانه ادعي ما ابطل وهذا الحجي مبين خوش زلمه بس انه ادري نفسيتي زباله هسه اتعارك وابطل مثل كل مره
يعلمني اعله الاسعار مال الاحذيه وانه احاول احفظهم الى ان دخلت مره هيه وبتها بووويه اعليها جمال موش طبيعي سئلتني المره اعله سعر الحذاء انه من حماسي گتلها الج بلاش گح االزلمه واجه گلي روح رتب الاحذيه وانه ابيايعهم
ضليت انه عين اعله الاحذيه وعين للبنيه ابو المحل ضاج مني كلش وبس يخزر بيه والله بي كتله طلعت المره ماشترت شي اجه اعليه متعصب
_شنو انته ماتستحي تباوع هيج للبنيه
_شني عمي مـَـا مباوع هيه حلوة جا هيه گوه
_ أســـر اخر فرصه انطيك لو عدتها اطردك
_شني عمي جا هيه هيج
_اسر اشتغل وانته ساكت واي زبون لاتقرب يمه فهمت لاتخربها من اول يوم
ضجت منه واللّٰـہ بي دفره اله اطيحه بنص السوگ رتبت الاحذيه مو كلش مخربطه كعدت فتحت جهازي ولكيت رافد حارگ التليفون هو وامي دكيت اعليه
_هاا الووو
_وين انته ولد
_بشغل
_ياشغل أســـر والحمزه لو مـَـا اجيت هسه اطلعك من تحت الگاع واخسف ضهرك خسف سرسري
_شوف رافد انه بديت بشغل جديد ومن احل منه ارد ولا تضل تشمر بالحجي تدري بيه ما اهتم
_تعوف كلشي بيدك وتجي اسر عباس ابن عمي مزهر عدنه وطاگ واحد وانته شلون ماتحب الطلايب تعال يريد يشوفك
_اكمل شغلي واردن
سديت الخط والزلمة يباوعلي مـَـا عاجبه احجي وي روحي عساني لا عجبتك بدو الناس تجي وهو يأمر اعليه جيب هذا ودي هذا واريدن هذا القياس واطيني ازغر لعبت روحي بس شسوي مو مال اضيع اليوميه استلمها واطفررر
صارت ساعه ب7 بليل گتله هــاا حجي بيش ساعه نكف باوعلي ويحسب بالدخل عيني صارت اعله الفلوس اخخ والله بيهن خمطه
_هسه علما اكمل انطيك حسابك وروح
_شني عمي طردتني جا انه شمسوي هسه
_لا عمي ماطردتك بس انته رجال ونعم منك بس شغلي متعب وكلها نسوان التشتري
_شقصدك عمي شني شكالولك اعليه عفطي
_لابوويه مو قصدي بس روح شوفلك غير شغله هاي ماتفيدك
_شووو اطيني يوميتي وهو انه صار ساعات متحملك لخاطرهن ينشغل ويـَاك انته
جريت الفلوس من ايده وطلعت ضل يحجي اعليه وراي وانه ولا مهتم واحجي اعليه الما علمتك انه موش أســـر ولك متحمل صياحك اعليه وساكت هسه تكلي شغلي كله نسوان امشي وادردم ومتحلف بي اذا مـَـا اسويله سالفه انه موش أســـر رديت للبيت تلگتني امي تحجي اعليه
بدت رحمة الله عفتها وطبيت لديوانيه شفت عباس جاي يعشه هو وابوي ورافد
_سلام عليكم
_وعليكم السلام
سلمت اعله عباس وگعدت يمه اتعشه ولا جني مسوي شي ما سلمت اعله ابوي ولا اعله رافد
رافد:: طيح الله حظك گوم بوس راس ابوك ﻼ اگطع ل44 اعله راسك گوم
_جا هو طگاني شني زغيرون انه زلمه شكبرني ولحيتي اثخن من راسك
مردان:: الزلمة موش باللحيه بس هو مو صوجك صوجي انه ماعرفت اربيك وصرت واحد بلايا احترام
_گول يالله عمي مهما يكون هذا ابنك وانته أســـر شمالك وي ابوك شني ماتبطل هاي سوالفك
_عبيس بعدك خطار ﭑڪل واسكت
انفال::من اجانه عباس ابن عمي وعرفنه صايره مشكله جديدة اجه أســـر طب ياخذ ملابس حتى يسبح انه احبنه بس هوا تصرفاته تضوج والناس كلها ضوج منه ومن سوالفه ابوي ۿـواي ينقهر جان يتمنى أســـر انسان يشبه بس طلع يشبه. عمي عيدان
رحت يم زينه صار يومين ممداومة وبس تبجي فاتها متحان وتدعي اعله أســـر وامي ماترضى من تسمعها تدعي يوم الثاني عباس راد يرجع ماخلاه ابوي خايف اعليه گله من اخابر ابوك يلا وصدك خابره وگله كلشي ماكو خل يجي راحوا هوه واسر
سمـانــة:: ايام مرت علينه واحنه فرحانين الصبح بدوام والعصر بسوگ نجهز لعرس عبدالله عون اخ ياعون ولا كانوا اخو المعرس اخر شي تعارك وياه ابوي وطلع ومن لبارحة بايت يم صاحبه وعبدالله متحلف بي
باقي 3 اسابيع ؏ العرس يصادف بعيد الغدير منا عرس زهراء وخطيه بعد 3 ايام وهم تجهز لعرسها ومنا عرس عبدالله وجنه ڪَـلش مخبصوين اجه عرس زهراء وعزمنه بيت شيخ مرتضى وجانت ڪَـلش فرحانه وطالعة تجنن
وخلص عرسها ورجعنه للبيت والدمعة مفارگت وجهنه اجه بابا وگال ميصير تبجون عليها خلوها تتونس بحياتها وانتن يجي يوم وتروحن ونبقه بس اني وعلويتي
اجه عون يريد عشه كعد بصاله ﺑـدو٘ن حتى مايسلم
باوعله بابا بنضره مأيس منه تحسر وگام
العلوية:: ليش ماما ابوك هذا كاسر ضهره من وراك ليـشہ هيج تاذي جاي ينقهر هواي من تصرفاتك
_شمسوي يمه تره والله خنكتوني آنـي احجيها ما احب سوالف الدين خلوني براحتي ليش تخلوني افشلكم كدام العالم كومي سمااانه جيبي عشه لغرفتي اريد انام
سمـانــة:: عجزنه منه وامي تدعي الله يهدي وينور طريقه ويبعد عنه أصدقاء السوء الي همه وصلوا لهاي الحالة سويتله عشه وخذته اله دگيت الباب ودخلت
باوعلي يخزر بيه حطيت الاكل وردت اطلع صاح وراي ومخلي لگمه بحلكة
_ملابسي الي بالغرفه كلها غسليها كلها وصخة شنو بس عبدالله اخوجن وتغسلله
_زهراء جانت تغلس ڪَـل ملابس وترتب غرفتك وانته حتى مـَـا گتلها خويه مبروك هاي خوتك انته وتقارن روحك بعبدالله الي من امس حابس روحه زعلان ؏ روحه زهراء
_امشي طلعي منا ﻼ اجي اطيح حظج طالعلج لسان وصايره تردين الحجي امشي ولي وصيحي ريحانه مـَـا اريد غسلج
سمـانــة:: طلعت وصحت ريحانه راحتله ودخلت الغرفتي اكمل تحضيرات ؏ــندي متحان باجر درست وكملت وقبل لا انام رحت تضويت وصليت صلاة ليل وكعدت اقرا الزيارة وراها قريت سورة الكهف حتى انام مرتاحة وما اخاف من الامتحان وقت الموبايل مالت ماما لصلاة ونمت
عذراء:: بديت أجهز العرسي ومنا الدوام بس سجى ما عافتني ومن نخلص دوام تروح تبدل وتتغده وتجي تروح وياي لسوگ نشتري الاشياء الـي احتاجها
دگ موبايلي ورحت كاتبه اعله رقمه سيد عبدالله فتحت خط واني عيني ؏ المرايه اجاني صوته وهو يسلم
_شلونها الحلوة
_بخير انته شلونك
_صرت بخير من سمعت هالصوت
_امم
_عذراء
_همم
_تدرين انه حابج من ساعه الشفتج بيها
_شوكت شفتني
_من وصلت ابوج وجنتي راجعة من الدوام اول مره بحياتي اباوع لبنيه ما گدرت گلبي احس خذتي وياج من دخلتي وستحيت من ابوج وماردت اتحمل حرام اكثر ستغفرت ورجعت بقيت ايام وانتي مارحتي من بالي الى ان گلت خلص اريدها يمي بلحلال حاجيت ابوي وگتله يخطبج
_هممم
_شنو راح تخلصنه همم وهمم
_ما اعرف شحجي
_وانتي شنو مشاعرج
_ها مـَـا ادري سيد امي جاي صيحلي بَـعـديـن احجي وياك
سديته منه وانه مستحية كلش ممتعودة احجي وي شخص ويتغزل بيه نزلت جوه يم امي تسوي العشه
أســـر:: مر يومين يم اهلي رد عباس لاهله وانه محتار اريد شغله اثبت بيها لا شهاده بيها خير وتوصلني ولا فالح بشغله لو بس ابطل سوالف البنات جا صار بيه كل خير احجي وي روحي يمكن انه اكثر بشر متنناقض كلساع احجي شي ما اثبت اعله رايي
طبيت لكيت زينه نايمه سئلت نجلاء عليها وكالت صار حلكها بعده ياذيها بس الجرح بده ينشف طلعت منها رحت للمطبخ مرت رافد تصب غده لجهالها وامي مالها صوت سئلتها
_شني كوثر لا امي ولا انفال وينهن
_راحت لبيت جيرانكم سوت الها صينيه مال جبن گصايب وراحت ابوك يتعب وامك تودي للودام
_سدي حلگج مو تردينلج سالفه بس تحجين بيها اعله امي الخايسه
طلعت شكد اكرها مكروها وخلقتها تجيب الشر أعلّه آساس انه خير اضحك اعله روحي وابتسم والله يالله
طلعت خابرت اعله موسى اروح يمه بطريق شفت رجال مبين هيبه وقاطه واكف يخابر وكفت اعله اصفحه اباوعله هم اصير هيج انه وافيك كدام العالم اخخ ياابويه لميته اسمعه يسولف بالنقال
_والله خوش شغله وبيها خير من الله فلوس بس ينرادلها واحد اخو خيته ما يخاف
سكت شويه ورد حجه
_سهله انه اشوفلك لا لا ان شاء الله ما اتاخر يوم يومين
سد الخط وانه بالي يمه من كله بيها فلوس هواي رحت يمه سلمت اعليه وكتله خويه انه محتاج شغل وسمعت صدفه تحجي بشغل
_وانته جاهز تسوي اي شي ينطلب منك بدون ماتكول لا ويجيك خوش راتب
_اي جاهز بس خلي اعرفن شني شغل
_انته وين عايش
_هنا بالبصره
_بس لهجتك تختلف عن اهل البصره
_اي مو جنت عايش بريف وهسه عايش وين اهلي بالبصره
_خوش اطيني رقم انه اخابرك
_بس ماكتلي ششتغل
_انه اخابرك وافهمك
انطيته رقمي وصعد بسيارة اخر مديل يااابه هم اصير نفسه
رديت للبيت ما رحت لموسى لگيت ابوي واگف يم الهوايش يعلفهن مسويله اجواء ريف بنص البصره ضحكت اهز بيدي بس ما شافني تلاگت وياي امي
كريمة:: شني يمه وين جنت
_جنت دايح كالعادة ادور شغل
_ماتعاون ابوك وتبيع حليب ناس تهوا
_يابه ويني وين الحليب اريدن اشتغل شغل يجيب فلوس هواي موابيعن حليب
_لون بعدنه بديرة جان عرفت شلون تشتغل ويه جدك وتجيب فلوس هواي الخير العنده من وره الحلال ماعد بشر بخت عمامك ولدهم
_ وشبيه ارد لديرة السوه بابوي أنساه والله ما انساه وهذا عمي عيدان لو اشوفنه اله اكتله
_سد حلگك تريد تجيبلنه بلوة جديدة
_البلاوي كلها بديره جدي واعله ساعه يموت ويرتاح ابوي ويرد حگه ساعتها اجازي كلمن وصلنه لهاي الحالة
سارة:: البيت دوم هوسه شني وعلي ملينه
نعيمة:: كومي حطي خشب بالتنور خل نخبز ورانه غده نسوي
_يمه والله تعتب هسه شني عرسي لواحد من الولد عدج 3 ولد جيبلج جناين تعاونج مليت والله مليت لادراسه خليتونه نكمل 24 س نكرب بهالبيت ذني بنات عمي مزهر موش يدرسن
_ابوج مايرضه شسويله وصلت ثالث وكال كافي ماعدنه بت تكمل زين منه وخلاج توصلين لثالث
_ماعدنه بت تكمل جا بنات عمي موش خلوهن يمه عفيه لحي اعليه اردن والله بنفسي المدرسة جا شني ماتحبون بتكم تصير عدها شهادة تفتخرون بيها
_مالج علاقه ابوج خلي يمي انه اقنعه وتردين تدرسين جا انه شجم سارة عدي
_اروحلج فدوه جدة ركضت بستها وهيه تضحك
_وانتي نعيمة عرسي لولدج شني ضلتهن الهسه
_عمه مايرضون الله وايدج ما اكيف اعرسلهم شو البيت يصوصي ولا بي فرخ بس حميد وكبر
_خل يردون وانه احاجيهم
_يماااااا سون جاي عمي مزهر ولده اجونه
_كومي سويرة جدة كومي سويلهم جاي وانه اطب اشوفهم جيتاهم موش خاليه
سارة:: كمت خليت القوري اعله النار ورحت خليت خشب بالتنور ودويته ورديت احضر الستكاين اجه سلوان يسئل اعله الجاي
_شبيها عزيزتي ضايجة
_سلوان والله تعبت شغل البيت كله اعليه عرسوا
_الله كريم خويه جاا انه هاوي وحده بس كون ادري بيها ماهاويه غيري اروحن اخطبها
_يااا صدك تحجي وياهي هيه اعرفنها انه
_مودة بت عمي عيدان
_تريد انه اشوفنها الك بس اخافن ابوي مايرضى اروح لبيت عمي عيدان
_ماعليج انه اخذج بس خل نشوف طلابة بيت عمي مزهر وين تصفه واخذنج الهم
سارة:: اطيته الجاي وراح وامي راحت تخبز وانه طلعت التمن انگعه وافكر برد مودة اعل اخوي سلوان ماجنت ادري هاويها صح احنه واحد يم الثاني بيوتنه بس مايخلون البت تطلع بس بالمناسبات عرس لو فاتحه لو عيد مودة حبابه وطيبه عكس الطاف همزين ما گال الطاف ياهو يجرعها هاي جنها امها
ركبت الغده اعله النار ورحت لباب الديوانيه اريد اسمع شني يحجون خواني كلهم موجودين وجدي يسولف اعله ابن خلف حسب ماسمعت عباس طاگه وخايفين من سكوته هذا روحه بالمشاكل
عباس::وحگ الله لو عادها اموته حتى لو انسجن
فليح:: عبيس السواه ابن خلف ما ينسكت عنه وادري شالتك الغيرة ولو انه بمجانك سويت مثلك بس لون جايني جان رحنالهم وگامونه جبير عشيرتهم حتى يكون بصورة
عباس:: طلعت انه وابوي من بيت جدي وابوي يوصي بيه حتى ماتكبر السالفه وصلت البيتنه البنات بعدهن بالمدرسه فتريت اعله الحلال اطي ماي وعلف ورجعت للبيت گعدت يم امي تسوي جبن حتى ياخذه ابوي يبعيه
_شني يمه مرت سعيد ماردت
_والله ييمه ماا ادري عنها كلما اگل لخوك روح جيبها يگلي هيه الزعلت وحدها هيه ترد وحدها يمه نسوان هالوكت ماتلتف اعله زلمتها يمشن بشور الي يخربن بيوتهن انه مره مالي غرض بيهم عبنهم كلما اتدخل بمشاكلهم اطلع انه السبب هالساكته عنهم
_معدلة انتي ام سعيد خاب اروحن فدوه لادينج هاي الجنهن بلون الجبن يولون تلگه عمه مثلج هاي الگنيبرة جنها مرت بدير
_ههههه يااا خاب لايسمعك اخوك ويزعل منك يمه ودير بالك من هذا ابن خلف ڪَلبي لايب منه
_ان شاءالله يمه ﻼ يضل بالج انه طالع اشوفن عزام اريد اروحن ويا بشغلة
_خوش يمه موش تتأخر دير بالك اعله روحك يمه
سبحت وبدلت وطلعت جان دنيه ضهر بس انه اذا ما اروح اكعد يم عزام ما ارتاح درسنه سوه وبطلنه سوه وكعداتنه كلها سوه حتى بعد المسافه البينهم ما منعته من الطلعه سوه جاي ﭑمشي واجاني ولد يركض من الفرع اليم النخل وكلي ابن عمك طايح والدم مفيضة ركضت بساع بعد ماوصفلي الولد المچان الطايح بي ركضت بين النخل وانه ما ادري ياهو من ولد عمامي وصلت للمچان الگلي بي الولد ماكو احد باوعت منا ومنا ماكو شنو هذا يضحك اعليه درت اريد اردن واشوفن ابن خلف ويااا ثنين ولد ركضوا اعليه وانه ركضت لزموني وطيحوني بالگاااع ادنه اعليه ابن خلف وكاض بيده سجينه عرفت هذا ناوي يكتلني تلازمت وياهم اريد افك روحي منهن ماگدرت محدديني واحد منا واحد منا سحب السجينه و گال شني عبالك من سكتت اعوفنك موتك اعله ايدي وما احس اله السجينه بنص بطني………….
