السلام عليكم شلونهم قلبوشاتي
واليوم راح تبدي رحلتي وياااكم
لا تنسون التصويت والتعليق بين الفقرات
ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..
في احدا مناطق قم المقدسة
عائلة سيد حسن ؛؛؛؛
ريحانة:: ماما اريد اروح للحرم عفيه ماما تعالي نروح
العلوية:: ماما تعبانه يجي ابوج من الحوزة وروحي ويااا وهسه يجون اخوانج من الشغل روحي ساعدي اخواتج بالعشة
_بنات عفيه تعالن نروح للحرم وره العشه الجوو ڪَـلش حلو وناخذ ويانه حبشكلات ونكعد بالحديقة وره مانكمل زيارة
زهراء:: ما اعرف نشوف ماما شتگولين سمان
سمانة:: ماشي نكمل عشه ونشوف بس ما نتأخر عندي حفظ سورة الآنفال
سمانة____تعالو اعرفكم ع عائلتي اني سمانة طالبة سادس وعندي 2خوات و2 اخوان زهراء اختَيہ الجبيرة وريحانه اخر العنقود
اخواني عبدالله وعون احنه سادة وعايشين بايران لان بابا يدرس بالحوزة الي بقم وصار اكثر من 20 سنـۿ عايشين هنا نروح للعراق بس بوقت الزيارات الدينية
عائلتنة كلش ملتزمة وتتميز بطابعها الديني كلش أحب عائلتي بأقل تفاصيلها بطابع ديني الـي بيها بابا كلش يحبني لأن أنا الوحيدة اللي بالبيت جاي أحفظ القرآن ومتميزة بالدراسة أخوي عبدالله الأخ الحنون الطيب اللي حرفيا سند بكل معنى الكلمة عكس عون
اخوي عون الأخ المشاكس اللي ما يسمع الكلام ودائما متعب بابا واللي 24 ساعة برة وعكسنا ما يحب سوالف الدين ودائما يحس انه هي أشياء معقدة ويحسب ما خانگي لان هو سيد وبابا دائما يحجي عليه وانته مخزينه ومفشلنه گدام العالم هولأن ما يحب الدتين والتشدد وهو بالعكس مو تشدد بس هو يفكره هيج
شكد حاول ويا بابا بس بدون فايدة كل مرة جان يصيح ويصرخ ويخبص البيت ويطلع وما يرجع إلا وجه الصبح هالشي كلش متعب بابا وما يعرف شنو يسوي وياه ما خلى طريقة حتى يعدله بيها ويصلحه بس كل الطرق جانت گدام عصبيته لا شيء ويسوي اللي برأسه
زهراء البنت الأكبر نعتبرها أم ثانية لأن كلش حنونة علينا واللي بعد شهر زواجها هي مخطوبة الشخص هنا عايش بـقم اما ريحانة آخر العنقود الطيبة ام دميعة
وباقي تفاصيل تتعرفون عليها بالقصة_____
سمانة:: كملنه عشه واجو الولد وصبينة عشه ويامحلا لمتنه ؏ سفرة وحده وجان بابا كلش مرح ويسولف ويضحك ويشاقي الكل بالعائلة
العلوية:: سيد البنات يردن يرحن للحرم
سيد حسن:: اي علوية اخذيهن يزورن
عبدالله:: اني اروح وياكم ومناك اطلع ؏ شغلي
العلوية:: يمه عون شبيك متاكل
عون:: ما اشتهي اني طالع واحسبوا حسابي اتاخر مو تحرگون الموبايلات عليه
عبدالله:: عون ليش ماتسد حلگك شلون تحجي هيج وي امك صاير ۿـواي ادبسزز
_اي ادبسزز كافي خنگتوني هسه مـَـا صارت اني ابن سيد يعني حرام اطلع واتاخر والله مايصير انته سيد حرام اتونس وي اصدقائي والله انـتهَۃ سيد ادري الى متى بتليت ؏ عمري من صرت سيد الله واكبر
_ولك سد حلگك ﻼ اجي اطيح حظك شبيك متگلي منو مانعك اشو 24 س دايح
سيد حسن:: تعبتني روح لا بارك الله بيك ولك السادة تتبره من واحد عاق مثلك امشي اطلع من يمي
_يابه اعصابك بس لايصعد السكر والله اطيحلك حظه
_مايفيد من يوم يومه هيج وكلشي سويته مانفع وياااه جدك لو جان عايش جان تبره منه وخلاني اتبره منه
_ماتتبره مني شمنتظر واني هم ما اريدكم والله ياخذ امانته واخلص منكم
_طايح الحظ انت ليش ماتسكت امشي اطلع بره وحسابك يمي بَـعـديـن امشي
سمانة:: بكل كعدة حلوة ونكون متونسين بيها عون يخربها علينه بابا كلش نقهر وصعد سكره وامي لتهت بي وعبدالله خطيه بقه يفتر ع راس ابوي منا شافه صار زين اخذ سويج الدراجة وطلع
بقينه اني والبنات وحده صافنه بوجهه الثانيه
_خربت الطلعة بسبب عون شكد مكروه
_ريحانه شهالحجي متشوفين بابا تعبان
_ما اقصد ؏ بابا اقصد ؏ عون دائماً يخرب گعداتنه بمشاكلة
_ماما ميصير تحجين مهما يكون يبقة اخوج وادعي الله يهدي وينور طريقة ويبعده عن هذا الطريق كومن بناتي كومن كلمن شغلجن وان شاءالله باجر اخذجن للحرم ولسوگ هم
سمانة:: ثاني يوم كعدت لصلاة الصبح صليت وبديت اقرا سورة الكهف وهاي عادة عندي وره ڪَـل صلاة الفجر اقرا سورة الكهف وكلش ارتاح من اقراها بعد ماكملت كعدت احفظ سورة الأنفال مبقه شي واحفظها كلها والحمدلله هاي نعمة انعم الله عليه بيها وجاي احفظ كتابه الكريم
خلصت ونزلت جوه بابا وماما يتركون صبحت عليهم وكعدت اتريك وياهم بعدها كعدن خواتي ويانه ؏ ريوك
سيد حسن:: عون رجع لو بات بره
العلوية:: لا سيد رجع ونايم انته هم عله كيفك راح يصير بيك شـَيء اكعد ويا وسايسة
_صباااح الخير يا احلى سادة
سيد حسن العلوية ::صباح النور
عبدالله:: يااابه شلون صباح وياككم يرد الروح
سمانة:: من الاخير شنو ؏ـندڪہ غرد
_اشش سكتي مالج علاقه اني جاي تحجي وي السيد وعلويته ﻼ تدخلين
زهراء:: الموضوع بي انه وحسب رأيي عبدالله يريدكم تخطبولة
_اشش سكتي ولجج سيدنا الجليل هلا تفضلت عليه وتذهب معي لخطبة ابنة الشيخ مرتضى صديقك في الحوزة
سيد حسن:: وانته وين عرفت شيخ مرتضى عده بنيه
_يابه ذاك اليوم من رحت وي شيخ مرتضى اوصله بيوم الجان يمنه ؏ الغدة واللّٰـہ وسمعت منه يسولف بالموبايل وكال ماعندي بنيه الك لزواج
وراها سئلته كتله خير شيخنه گلي هذا واحد يريد بنتي وواني مـَـا انطيها الياهو الجان هيه بس هاي وحيدتي ومحد شايف ضلها ازوجها لهذا الانسان
بعدها يابه والله مـَـا جانت بنيتي ولا نيه حرام من نزل يم بيتهم اجت بنيه اية عجبتني بس صديت بيها ونزلت عيوني جان مبين ستوها راجعة من الدوام ودخلت لبيت شيخ مرتضى الابنيه حتى مـَـا رفعت راسها
سيد حسن:: خير ان شالله أحاجي شيخ مرتضى والله كريم
سمانة:: واخيراً راح تجي جنه يمنه ونصير 4 بنات بالبيت
زهراء:: لا حبيبتي 3 مو اربعة اني شهر واروح منكم
_يلا سمان راح يجي السرويس ( خط المدرسة) ﻼ نتأخر
سمانة:: بدلنه ورحنه للمدرسة وجان السادس حيل متعبني بس الحمدلله اني مستواي كلش زين وكلش حابه الطب
شيخ مرتضى:: ام محمد وينج يااابة
ام محمد:: امر شيخنه
_ياابه تعاي كعدي يمي ؏ــندي حجاية وياج عذراء بالدوام
_لا عيوني عذراء ما داومت اليوم نايمه شوي تعبانه وماكدرت تروح امرني
_شوفي اليوم سيد حسن تعرفي صديقي وياي بالحوزة خطب عذراء لابنه سيد عبدالله وهو للامانه خـوش ولد واهله خوش ناس شتگولين انتي
_والله يا ابو محمد الرأيي رايكم انته والابنيه اذا خوش انسان واهله خوش ناس اني ماعندي مشكلة بيها البركة والابنيه هاي اخر سنه وتتخرج واني امه اعرفها شايفتها كم مره بالمجالس انسانه خلوقه ومبينه اصيلة
_اوك يابه احجي وياها اني لو انتي تحاجينها
_لاخليها اني احجي وياها من يصير ؏ــندي مجال هسه الولد عله جيه وگايمه اجهز الغدة
عذراء:: جنت كلش تعبانه وماكدرت اداوم ونزلت اشوف امي خلصت غده لو لا واني انزل اسمع اسمي بالموضوع مجان قصدي اتسمع عليهم بس مدري شبيه وگفت واني اسمع كلامه عن ابن صديقة متقدملي
شعور خوف مدري فرح مگدرت اوصفه اني اعرف سيد حسن وشايفه واحد من ولده بس بالصور الولد حليو وانيق مرة جان ماخذ صورة هو وابوي وسيد حسن بس ما اعرف اذا جان يقصد نفسه الي بصورة لو غيرة
بس ماخلصوا حديث رجعت الغرفتي واني افكر شراح يكون جوابي وتجي بالي الصورة الي شفتها عند بابا اني ولا مره ارتبك هيج ڪَـل مره تجيني خطابه عادي عندي واجاوب بالرفض
بس هسه ليش ما ﭑڪدݛ ارفض وجاي افكر بالموضوع سمعت صوت امي وهيه تصيحلي لفيت روحي بالغطه ؏ الاساس نايمة
سمعت فتحت باب وايد تهز بيه وتحجي وياي حاولت اسوي روحي غافيه اشوو صخنت بزايد وحسيت روحي عرگانة نرفع الغطا عن وجهي وصوتي امي وخوفها عليه نساني الموضوع
_يمه عذراء شبيج حبيبتي گومي اخذج للمستشفى گومي ماما گومي
_ماما مابيه شي والله بس عوفيني انام هسه اصير زينه
_كومي حبيبتي اخوانج ؏ جيه وهمه مـَـا ياكلون اذا مو انتي موجودة وابوج سئل عليج ومنتظرج بصالة گومي صلي פـتى تنزلين تتغدين يلا يمه
عذراء:: كمت توضيت وصليت نزلت سلمت ؏ بابا وبست راسه بس عيني ماتجي بعينه احس روحي مستحية منه برغم همه لسه مگايليلي بالموضوع بس مدام اني اعرف الارتباك واضح عليه
_ابو محمد وضعها تعبان فارغ تأخذها للمستشفى لو اخذها اني
_ماما والله مابيه شي بسبب الجوو ساعه بارد ساعه حار تغير جو هسه اصير زينه ليش تقلقين بابا عليه
_اشمممم ريحة بااامية اڪيد شيف ام محمد طابختها
_اسكت اسكت مو علمودك علمودي طابختها تدري بيه اكلتي المفضلة
_يمه هَـــلاا بالصوت گواكم آللۿہ غسلوا وصلووا حتى نصب غدة منتظرينكم
سلام:: ام حمودي تأمر امر رتبي السفرة علما نصلي
محمد:: وعلي واني بالفرع طگتني ريحة البامية كلت امي طابختها
_وعليكم السلام اولاد شيخ مرتضى
_سلام عليكم يابه اعذرنه مـَـا شفناك
_سلام يابه بس قصده شفناك وغلسنه
_سلام ليش ماتسد حلگك
_يابه رحوا صلوا تره جوعانين مو وكت عركم
_عذيرة الافعى ليش ممداومة
_بابا صيح ؏ سلام ليش يصيحلي الافعى
_سلام ليش ماتسكت لو تريد أتعامل وياك بغير اسلوب
_العفو يااابه بعد مـَـا اگلها الافعى اسميها الحية مو اسهل
عذراء:: حجاها وركض محمد ركض وراه اتخبل من يصيحلي هيج وهو حيل شقي ويحب يضحك وبابا مرات يرزله مرات يتونس ؏ سوالفه صبينه الغدة وگعدنه ناكل
العراق_ البصرة
أســـر:: عايني زينه وحگ العباس ابو فاضل اذا شفتج تمشين وي هاي الابنيه حظج اطيحة
زينه:: مامسويه شي الابنيه شبيك وياااها
_زينه راسج هذا اغطه بطين لو شفتج وياااها سمعتي لو اعيدن
كريمة:: خير صوتك شني ماخذ البيت عرض وطول شني اسر شمالك
_يمه كضي بتج ﻼ والعباس ابو فاضل ابطلها من المدرسة تمشي وي وحده سمعتها صگط ادري شني ماكو بنات بس هاي بالمدرسة
تعرفين چم ولد مصاحبة واحد منهن صاحبي يمه صاحبي
_دهر دهرج خايبه زينه شني نوب مصاحبه ولج اجي املص راسج واغطه بطيحن كون صدك ومصاحبه
_استغفر الله عمي والله لامصاحبه ولا ادري بيها مصاحبه وياي بصف وطلعنه سوه وشافنه هذا ابنج المسودن
_ويامن مسودن ولجج اليوم انعل والديج چلبه انه مسودن اوكفيلي اذا ماجويتج بحلگج حتى ماتعيدنها بعد انه مو ابن مردان صبريلي
انفال:: بكل مرة من اسر يصير اعصاب نركض نلبد بالغرفه ونسد الباب اعلينه انه واخواتي اليوم كاض زينه والله اليعلم شيسوي بيها
وابوي ماهو راح لزيارة حملة وي جيرانه وهذا مسودن اعلينه واخواني واحد منهم طالع مودي مرته لاهلها والثاني اخذ الطوبه ومشه اول مارد من المدرسة
وياا طلابه اسر بعد شيخلصنه زينه لسان ماتسكت وترادد عكسنه اني ونجلاء وبيداء كبرت عركتهم ومانسمع بس صوت زينه وهيه تصرخ
لبدنه كلنه نخاف نطلع وهذا صاير غضب نار محد يوصل يمه شويه ودخلت زينه تبجي وكاضه حلگها جنه نتراجف مثل السعف خاف يطب اعلينه شويه وندفر الباب
أســـر:: والحمزة ابو حزامين ياهي منجن اكضها تمشي وي وحده سگط اطيح حظهااا وابطلها من المدرسة شني آنه يگلولي لاتخليها تمشي وي فلانه مصاحبه ولد ولج زينه ولج لو اموتج مايبرد گلبي خل اشوفن تمشين وياها وشوفي شسوي بيج
انفال:: زينه بحاله تكسر الخاطر وهذا جنه ثور هايج اعلينه تانيته يطلع ونركض كلنه اعله زينه مجويها بصف شفتها وهيه تحجي وتدعي اعليه
_خاب عساك بالموت يا اسر واشوفن تابوتك بنص البيت وما ابجي اعليه
نجلاء:: اششش سكتي لاتدعين الدعاوي ترد اعليج عفيه انفال كومي جيبي عصارة مال حروگ بثلاجة
انفال:: رحت ركض امي جانت اعصاب ومدري المن تخابر بس شافتني وعاطت بيه مرر العيشه بهذا البيت مرررر اجه مروان من الطوبه وبحذائه دخل للبيت عاطت بي امي
اشرتله ارجع ركضت يمه سولفت اعله عصبية اسر المسودن ركض بدل واجه طلع كتبه وكعد يكتب
صار المغرب صاحت امي اعلينه نگوم نسوي العشه ركضنه تلاثتنه نسوي العشه وامي بعدها تحجي اعله مرت رافد چي يوميه رايحه لاهلها سمعنه صوت الاذان وطلع اسر يغلط ويكفر وامي وكفت باب المطبخ تصيح اعليه
_خاب شمالك تكفر كون الله يشيلك ويسطرك بالگاع شمالك تسودنت وين راح رافد عـنڪ يطيح حظك سكط ما اعليك عتب
_يمه امشي عني لا اطلع غضب الله كله بيج ﭑمشي روحي صلي ادعي مالج نيه ترحين لنجف خوش بيوت بيهااا
_يااا يمه تدعي اعليه بالموت ولك اسر صخام صخمني ضناي يدعي اعليه بالموت امده حظج كريمه هاي تالي الربه ولك اسرررر
انفال:: عاد امي وسمعت حجايه بدت تنعي وترد ليوره الناس تصلي تدعي احنه لا واحد يدعي أعله الثاني بالموت وامي گلبتها فاتحة كملنه العشه ورحنه نصلي
انه الوحيد الي بخواتي ملتزمه بصلاة ومايوم تركتها بس نجلاء وبيداء وزينه يوم يصلن وعشره لا صبينه العشه وگعدنه ناكل دخل رافد سلم وكعد ياكل ويانه
كريمة:: شني جا اهل مرتك ماكضوك للعشه
رافد:: يمه ماجنت عدهم وصلتها وطلعت شني هسه ماتردينه ناكل من عشاج نگوم
كريمة:: لا يمه اكل بالعافيه عبن اخيك اليوم فور دمي وهالتشوفني اعصاب
_خير شبي اسرر نوب شني ما مل يوميه گالب البيت بصياحة زينه ماهي جا شني ما تتعشه
بيداء:: اسرر جوواها يم شفتها وماتكدر تاكل مخليه عصارة
_شنو تسودن ابنج وانتي يمه شني ماكضيتي ما منعتي الله واكبر اعله اسر ماله رداد
انفال:: عاف العشة وگام اعصاب دخل للغرفه البيها زينه ونسمع بس صوت بجيها طلع رافد اعصاب سئل اعله اسر وماندري وين طلع ضل يلوب يخابر اعليه مايرد رد لزينه اسمعه يكلها لبسي عبايتج اخذج للمستشفى وهيه ماتقبل كامت امي ويااا واسمع صوتها شهگت
كريمة:: عززه العزاك اسر شمصخم بالبنيه شني ولك مجرم الله اكبر اعليك گومي يمه خل ناخذج لا يلتهب حلگج
زينه:: مـَـا اكوم مـَـا منعتي يحرگني هسه اشلون اداوم وعندي امتحان باجر گليلي الله ياخذني واخلص منكم ومن عيشتكم
_يااا دهر دهرج خايبه رعنه فوگ شينج گواتج عينج
_شني يمه شمسوية ماتگليلي ابنيه وياها بصف جا شني تبطل الله اكبر گومي خويه گومي هسه اطيح حظه بس خلي يرد للبيت گومي اخذج بلكي ينطيج عصارة احسن من هاي المخليتها
بيت شيخ مرتضى__
عذراء:: مگابله الكتب واكتب ندگت الباب ودخلت امي گلبي بقه يطبل عرفت جايه تحاجيني هسه اني شبيه مرتبكة هيج گعدت گبالي وعيونها ؏ الكتب
_ان شاءالله هاي اخر سنـۿ وتتخرجين وافرح بيج
_ان شاءالله ماما بفضل الله وفضلكم
_يمه عذراء اكو ناس خطبوج من ابوج وهمه خوش ناس وابوج يعرفهم والولد زين واهله زينين شتگولين موافقة تزوجين لو لا
عذراء:: رتبكت كلش وبقيت ساكته وعيوني ؏ الكتب اول مره استحي بقيت اگلب بالاوراق ورقة ورقة بدون ما انتبهه شجاي اسوي فززني صوت امي مره ثانيه
_هااا يمه جنج موافقة السكوت علامة الرضااا مو
_ها ماما ما ادري خايفه من الزواج
_ماما شوفي اني لو اعرف العائله تعبانه لو مو ملتزمة جان رفضت من حاجاني ابوج بس يا ماما رسول الله صلى عليه و اله وسلم
_صلِ الله عليه واله وسلم
_اذا اتاكم من ترضون دينه وخلقه فزوجوه ويمه الولد دين واخلاق ابوج يعرفهم حق المعرفه
_ها بكيفكم ماما حجيتها ورجعت اگلب بالاوراق باست راسي وطلعت واني احس صخنت بليل خابرهم بابا وانطاهم الموافقة حتى يجون يشوفوني ثاني يوم گالو العصر نجيكم حيل رتبكت وماعرفت شسوي ماعندي خوات تصبر عليه خابرت ع صديقتي سجى تجي وياي نص ساعه اجتني
سجى:: فاجئتيني ولج
_ولجج بابا بس انطيتهم الموافقة خابرهم گبل چنه منتظرني
_گومي عدلي شعرج وشوفي شنو تلبسين
_ما اعرف بس امي وحدها خلي ننزل نساعدها ونرجع ارتب نفسي
_اگعدي اهتمي بنفسج سبحي رتبي شعرج واني اروح يم خالة انضف وياااها
عذراء:: سبحت ومشطت شعري خليت مرطب شفه ومرطب للوجهه مـَـا احب اخلي مكياج طلعت فستان طويل ردن ومخصر ؏ الجسم لونه بيجي ونسقت ويااا شال اسود سمعت صوت بابا يحجي وي امي نص ساعه ويجون
سمـانــة:: ڪَـلش جنه فرحانين عبدالله راح يزوج من خابر بابا شيخ مرتضى وكله هَـــلاا بيكم واحنه مخبصوين عبدالله جان ڪَـلش فرحان وبيتنه مليان سعادة جهزنه نفسنه اني واخواتي ومنتظرين عبدالله يجي حتى نروح الهم
بعد مـَـا اجه عبدالله طلعنه كلنه بسيارة بابا وبيتهم بغير منطقه ربع ساعه وصلنه تلگتنه ام الابنيه مبينه طيبه تهلي وترحب دخلنه لصالة مرتبه والضيافه مخليتها ؏ الطاولات الزلم دخلوا بالصالة الثانية
گعدنه وبدت امي تعرف بينه للمرة واحنه بس نهز روسنه
العلوية:: ذني بناتي زهراء الجبيرة مخطوبة سمانة وريحانه وعندي ولد ثنين عبدالله وعون
ام محمد:: الله يحفظهم ويبارك بيهم اني والله بس عذراء عندي وثنين ولد محمد وسلام
_الله يحفظهم ويخليهم الج يارب
_امين عيوني ويحفظ راعي بيتكم
_شنو جا عروستنه وين
_هسه اصيحها
راحت واجه وياها بنات ثنين جا بابا گال عنده بس بنيه بس عرفنه العروس من ملابسها مرتبه وحلوة والله خوش يختار عبدالله
سلمت علينه وگعدت امي صلت على محمد وگالت ماشالله حجت امها وعيونه جانت ؏ العروسة الي مبين عليها المستحى والخجل
ام محمد:: هاي بنتي الوحيدة وهاي صديقتها مثل اختها ام عبدالله بنتي الوحيدة وهيه بس السنه وتتخرج ان شاءالله
العلوية:: الله يحفظها ويستر عليها خيتي ماعدنه مانع تكمل دراستها وشنو شروطكم احنه حاضرين بس الولد يشوف الابنيه وتشووفه والباقي كله سهل
عذراء:: رتبكت كلش خذتني امي لغرفة واحد من اخواني شوويه ودخل اني جنت منزلة راسي سلم وگعد رديت السلام بصوت ناصي حجت امي وهيه ﻼزمه يدة الباب
_هاي الابنيه يمه شوفها تعرف عليها بس حدكم 10 دقايق
_وانتي يمه هذا الولد شوفي وتعرفي عليه آني طالعة
عذراء::طلعت وگلبي احس دگاته مسموعة لا اگدر ارفع راسي ورگبتي كامت توجعني گد ما منزله راسي بقيت اعصر باصابيعي الى ان اجاني صوته
عبدالله:: راح تخلص ل10 دقايق واني ما شايفج احجي عندج شروط عندج اي سؤال
_عندي شرط واحد انو اذا كملت وحصلت وضيفه بشهادتي تخليني اشتغل
_بس هذا صار واني هم عندي شروط
عذراء:: رفعت راسي مستغربه باوعتله لگيته يباوعلي ابتسم بتسامه گدرت تخلي فراشات گلبي ترفرف گتله شنو شروطك باوعلي والابتسامة شاگه حلگة رتبكت اكثر نطق كلمات خلتني ارجف
_شرطي الاول تقبلين تحبيني مثل ما اني وقعت بحبج شرط الثاني انو نعيش وي اهلي من نزوج لان ما اگدر افارگهم شرطي الثالث نستعجل بالزواج واني حبيت اگلج اذا صارت القسمه والله تمم علينه مـَـا اخلي الخطوبه طول شگلتي
عذراء:: صخنت وماعرفت شحجي رجعت دنگت وهمست بصوت ناصي ان شاءالله هو عرف اني مستحية وگف وگال يالله فتح الباب وطلع واني احس ستوني گدرت اتنفس طبيعي
ركضت سجى وهيه تغمزلي بعدها دخلن خواته وشوي وسمعنه صوت هلهولة بعد مـَـا اتفقوا ؏ يوم العقد وجان اتمنى اسوي العقد بحرم السيدة معصومة كلت لامي وهيه بغلتهم وقبلوا وتفقوا بعد يومين موعد العقد
بديت اجهز كلشي وام الولد كلساع تخابر خاف محتاجين شي سجى معافتني بكل لحظة جانت وياي وصدك محسستني انو مـَعندي اخت الله عوضني بصديقة تعادل 10 خوات جانت تركض منا وترد منا وتروح بس بوقت النوم لاهلها واجه يوم العقد وجان يوم الجمعة
لبست فستان ابيض مستور ولبست ويااا جارد ابيض سادة وخليت مكياج كلش خفيف شافتني امي ومابطلت بجي لحظتها حسيت فراگ الاهل شكد صعب حظنتها وكمت ابجي وياااها
سجى:: لا عذراء راح يخرب مكياجج وهو منا خفيف خاله حبيبتي كافي صدك تحجين هيه وين رايحة هاي يمكم قابل عابره دولة
عذراء:: اتصلت امه وگالت احنه جايين بطريق وصلوا وجانن سيارتين سيارة بيها اهله وسيارة بس هوا وابو صعدنه بسيارة اخوي محمد وبابا بصدر واني وماما وسجى وره محمد يسوق سلام واگف بالباب ويسويلي باااي
مشت سيارة السيد گدام واحنه وراهم وصلنه لسيدة معصومة وهناك جان اكو سيد جبير بالعمر عقد النه وسلمني عبدالله بوكيه الورد وباس راسي بعدها لبسنه الحلقات وبدن خواته يصورن بينه وجانت من احلى لحظات بعمري
خلص العقد والسيد گال عشاكم ع حسابي بابا رفض بالبداية بس بالاخير قنعة السيد توجهنه المطعم عائلي ونزلو الاكل گعدنه النساء بجهه والزلم بجهه
سجى نطلقت بسوالف وي البنات واني احس روحي مرتبكة وخصوصاً من ارفع راسي اشوف عبدالله يباوعلي ويبتسم
سمـانــة:: يمه يمه اخوي ولا بطل بتسامات
العلوية:: الله يديم البسمه عليهم يارب
عذراء:: خلصنه عشه ورجعنه للبيت واتفقوا ماكو حفلة بس يسوون عرس بسيط هنا لان مو مايعرفون احد هنا بس الأصدقاء وقله وعمي السيد ما گدر يعزم قرايبه يگول ناس ۿـواي ومايگدرون يجون هنااا
عبرن يومين وخابرت العلوية علمود نروح نشتري ذهب طلعنه آني وامي وياهم بس هو وامه شترينه ذهب والعلوية گالت لامي خلي يتمشون وحدهم وتعالي نگعد بالحديقة نسولف وافقت امي ومشينه وحدنه نفتر بالمحلات
عبدالله:: شلون حابه تكون غرفتج
_بكيفك بالي يعجبك
_الغرفه غرفتج واي شـَيء بالج أي تصميم گليلي اسوي الج
_ان شاءالله ادزلك التصميم ع موبايل ماما
_اوك
عذراء:: حسيته شكد بسيط وحضوره حلوو انسان تحس يمه الامان والهدوء ابتسامته تخليني ابتسم من كل گلبي بقه يسولفلي ع خواته وشلون يحبهم وخصوصاً سمانه شترالي عصير واخذ لامي وامه ورجعنه يمهن
امي بس شافتني بتسمت وكانوا عرفت مشاعري وصلونه للبيت بعدها راحوا بليل اتصلت امه وگالت سيد حسن راح يجيكم هوا وسيد عبدالله
راحت امي تحضر الضيافه واني ارتب الصالة وره نص ساعه سمعنا صوت جرس الباب طلع بابا سلم عليهم ودخلهم لصالة واجه سلام اخذ الضيافه وراح وره 5 دقايق اجه وعيونه عليه گال لامي
_هذا خطيبها يريد يحجي وياها سويله مجال واكعدي وياهم انتي انه راح اكعد يمهم
عذراء دخل سيد عبدالله سلم وگعد بصالة امي ترخصت وراحت للمطبخ واني حسيت بالاحراج
_شلونج
_زينه الحمدلله انته شلونك
_بخير بشوفتج اجينه آنه والسيد حتى نحدد العرس وگال بعد شهر يرضيج حبيت اشوف رأيج
_بكيفكم اني ماعندي اي مشكلة
_اوك اني جبتلج هدية اتمنى تقبليها مني
_شكراً ليش كلفت ؏ نفسك
_تدللين شنو ماتفتحينها حاب اشوف ردت فعلج
عذراء:: فتحتها وجان بيها موبايل وخط باوعتله مستغربه بتسم بوجهي وگال
_حتى احجي وياج بتفاصيل الغرفة ليش نحرج الوالدة
::بتسمت سلم عليه وطلع وامي من شافت فرحتي جانت كلش فرحانة وكالت من باجر نبدي نطلع لسوك نشتري الاشياء الي تحاجينها رفضت كتلها اليوم ممداومة باجر لازم اداوم وراها والعصر نروح لسوگ
انفال:: بعد مارجع ابوي من الزيارة تعارك ويه أســـر وطگة راشدي لان حرگ زينه وطلع من البيت صار يومين يدگون اعليه مايرد وامي مسودنه ورافد يتصل اعليه جهازه مغلق
مرت رافد ردت من اهلها وصارت عركة هيه وامي رافد جان بشغل وصوت عركتهن وصل لجيران
_يمه كافيجن هسه شني ضلن دوم عرك
_ولجج نفيله هاي الوووصخه مخلصتها عد اهلها ومن اگللها سويلج شغيلة بالبيت تسوي روحها مريضه من كون مرضج البين وخلاج ماتگدرين تمشين عووبه
كوثر:: ياهي عوبه عجوز البين شبيج تره ساكتتلج لخاطر رافد ولا اعرف ارد عليج عمات اخر وكت
انفال:: هزت ايدها وطبت لغرفتها وامي تسودنت ضلت دگ بغرفتها وفروخها يبجون ركضت امي اعله تليفونها الصرصور وطتني يا اخابر اعله رافد
وخابرت وصارت عركتهم هيه وياا بتليفون سدته وبعدها تحجي رد ابوي من سوگ جايب مسواگ گمت عزلته وطبيت اسوي غده وامي تحلف اطلگ كوثر لو ضلت هيجي
مردان:: كافيج كريمة مـَـا مليتي ڪَلبي خلصان وارد تعبان الگاجن مصايح ولج بسج ماتملين من الدرمة
كريمة:: اسكتي عني اسكت انته خو كلشي ماكو
_چااا شني تريدني ادرم نفسج انه رجال اخافن الله
_چاا وشني انه ما اخافن الله مردان شگصدك
_كلشي مـَـا اگصد فكيني اريدن اناملي شوويه وگبل الاذان بنص ساعه گعديني
_خوشش نام نامم
انفال:: رجعن البنات من المدرسة زينه صف الثالث وبيداء ونجلاء ثاني انه تركت المدرسه چي موش شاطره تركت خلصت الغده ومرت رافد ولا طلعت لاهيه ولا فروخها وامي كلساع تشمراعليهااا حجايه بصوت عاليه وهيه ولا هتزت
بيت حجي مزهر___
رضية:: چنه رادين من المدرسة وعبر يمنه ابن خلف واحد عفطي زايعته الدنيا شمر اعلينه حجاية مو حلوة
رجوى:: عاب شكلك الصايع
_انجبي ساقطه بت الساقطه لو اخواجن بيهم خيرما تيهوجن بالمدراس
_ولك هاي ااعليمن الما علمت اخواني اعليك واخليهم يطيحون حظك
_رجوى كافي خل نمشي هذا مايستحي
رضية:: رجوى لسان وشحد واحد يحجي اعلينه طيح حظه وصلنه للبيت تلگتنه امي تكنس بالحوشش وعباس توه راد من شغل جاي يغسل
رجوى:: عباس هذا ابن خلف طايح الحظ عبر يمنه ويغلط اعلينه واعله امي ويگول ساقطه بت ساقطه ويگول لو اخواجن بيهم خيرما تيهوجن بالمدراس
عباس:: وحگ الحسين اليوم اله انومه بصف امه الساگط
ام سعيد:: صلِ أعله محمد عيفه يولي حالك حاله واحد عفطي وسكير شلك غرض بي وانتي رجوى الما طيحت حظج
عباس:: شني يمه يغلط اعله اهل بيتي واسكتله
رضيه:: ركض عباس اخذ توثيه من الخشب اليم التنور وطلع وامي گامت تصيح وراه خابرت اعله اخوي سعيد
ام سعيد:: ولك يممممه سعييييد الحگ اخوك عباس طلع من البيت رايح لبيت خلف يتعارك وي ابنه
سعيد:: وحگ لحسين ياعبيس اذا مارديت للبيت حظك اطيحة ياسگططط
عباس:: وعيون امي مـَـا اردن شني جاا هيه بكيفك شني مو خوش زلمة انه لو ماگتلته ما اردن للبيت والحسين ما اردن
_خاب ترجع جاي اكلك ترجع لا بالحسين اجي احط چيله بكصدتك ولك تريد تسويلنه طلابة عبيس
_طلايب اسوي مو طلابه ولك سعيد ولك يغلط اعله امي وخواتي وتريد اسكت والله مـَـا اسكت وما اردن وهاي انه متاني يطلع لما كسرته تكسر اني مو ابن مزهرررر
عباس:: دمي فايرررر يغلط اعله امي وخواتي هذا الساگط شفته طلع من بيتهم رايح للدكان يشتري اجيت والله جابك ركضت اعليه بالتوثيه طگيته براسه طاح من طولة توليته تكسر بالتوثيه محد جان الدنيا ضهر خليته مدد ورحت لبدت وره البيوت اشوفه عدل ميت والله يمكن موته اعله هذا الطگ الطگيته لتموا اعليه شجم واحد من الديرة اسمع واحد يگله يمكن مااااات.
