زياد بتنهيدة : عايزك تكلمي غادة و تقوليها اني عمري ما حبيت غيرها … و عمري ما خنت ثقتها بيا … و لا حتى اتجوزت زي ما كلكو فاهمين .. انا عملت الحوار ده عشان اجرحها زي ما جرحتني … غادة سمعت من الي حواليها شوية كلام و فسخت الخطوبة مباشرة .. ما فكرتش تواجهني او حتى تفهمني ليه عملت كدة …. انا الي عرفت لوحدي … هيا وجعتني جامد يا دينا و بعدت عني عند اول موقف … بس انا تعبت .. تعبت جدا من الكدبة دي … الكدبة الي اخترعتها عشان احافظ على كرامتي … مش قادر استمر اكتر من كدة .. يمكن لو هيا عرفت اني ما اتجوزتش غيرها تقبل ترجعلي
كانت دينا تحدق به و تفتح فمها بصدمة شديدة
زياد : هتساعديني يا دينا ؟!
دينا بصدمة : انت قولت ايه ؟! انت ما اتجوزتش ؟؟؟؟ اومال مين البت الي كانت معاك بالصور ؟!
زياد : دي صوفيا صاحبتي … هي اصلا صاحبة الفكرة المجنونة دي
دينا بذهول : زياد انت شارب حاجة ؟! انت اكيد بتهزر مش كدة ؟! مهو ما تكدبش عشان ترجع لغادة دي لو اكتشفت كدبك هتنفخك
زياد : بطلي عبط يا دينا .. اكيد مش هكدب عشان ترجعلي ايه الهبل ده … اقسم بالله ما اتجوزت .. الي بالصور دي صوفيا صاحبتي و هيا اصلا متجوزة و عندها عيال
دينا : انت الي بتستعبط يخويا … ازاي يعني ما اتجوزتش يعني بقالك اربع سنين بتضحك علينا ؟!
زياد : ايوة .. و على فكرة جدو عرف وقتها و كمل معايا … ده انا لو اتجوزت فعلا من وراه كان علق مشنقتي من زماااان
دينا و هي ترفع اكمامها : ده انا الي هعلق مشنقتك يا زبالة
هجمت عليه حتى اوقعته عن الكرسي و وضعت يديها على رقبته تحاول خنقه
زياد : ايييه الي بتعمليه ده .. ابعدي كدة
دفعها و جلست على الارض
دينا بغضب : انت بني ادم حقييير .. كل السنين دي بتعذبها على الفاضي ؟! حرام عليك البنت حالتها تصعب ع الكافر
زياد باندفاع : منا اتوجعت زيها بالزبط لما سابتني … عملت كدة عشان اردلها الي عملته بيا
دينا بحدة : بس ما توصلش لدرجة انك تضحك عليها يا زياد .. دي كانت صغيرة و مش فاهمة حاجة و بتصدق اي كلمة بتتقالها .. لازم انت الي وقفت جنبها و دافعت عن حبك مش تهرب زي الجبان و تكدب علينا
زياد : انا الغلطان الي قولتلك .. كنت فاكر انك صاحبتي الي هتوقف جنبي و تساعدني
دينا : اكيد هساعدك يا معفن بس لازم تتبهدل على عملتك الزبالة دي .. حركة رخيصة اوي بصراحة
زياد : و انتي محموقة كدة ليه ؟ حطي نفسك مكاني .. خطيبتي رمت الدبلة بوشي و سابتني من غير ما اعملها حاجة .. حسي بيا شوية .. انا وافقت اعمل كدة بس عشان ارد اعتباري
دينا بتحذير : كلمة تانية و هقوم ارميك من هنا .. اخرس خالص .. سيبني افكر هقولها الكلام ده ازاي
زياد بابتسامة : يعني هتساعدني ؟!
دينا بسخرية : معنديش حل تاني .. حق الصداقة الي بينا يا زبالة الاجانب
زياد : ايوة كدة اتجدعني معايا .. و انا هساعدك و ادورلك على مصا..ص د..ماء يخلصني منك
دينا بتفكير : ازاي هقول لغادة الكلام ده و بنفس الوقت اضمن انها ما تدبحكش ؟!
زياد : مش عارف .. بس انتي مهمتك ترجعيها ليا مش بس تقوليها الكلام ده
دينا : ما تقولي بالمرة اجوزهالك يخويا
زياد بابتسامة : يا ريت و الله .. كدة يبقى عداكي العيب و ازح
دينا : غور من وشي ياض .. انا لسا مصدومة اصلا .. غور من هنا يلا
طرق الباب بهدوء حتى اذنت له بالدخول
فارس : حلا ممكن اكلمك
حلا بضيق : لأ .. مش عايزة اتكلم يا فارس
فارس : لا لازم نتكلم .. انا بجد اسف على كل حاجة حصلت .. عندك حق تزعلي و تتعصبي .. بس لازم تعرفي اني بحبك اكتر من اي حاجة بالدينا دي .. مش هفرط بيكي و لا هسمح لحد يزعلك … ما تحاسبينش على حاجة مليش ذنب بيها يا حلا
حلا بدموع : بس الي اتكلمو عليا دول اهلك .. و الكلام وصل لبابا يا فارس .. و انت عارف اني مش بستحمل بابا يخانقني … و مش حابة اعمل مشاكل مع حد .. انت عارفني كويس كله الا كرامتي
فارس : و محدش هيجي جنبها طول ما انا عايش … حلا انا اتغيرت عشانك من ساعة ما حبيتك و انا بشوف نفسي بني ادم تاني .. مش بيهمني هما شايفينا ازاي .. انا و انتي لسا باول عمرنا عايزين نعيش حياتنا … اوعك تسمحيلهم يدخلو بينا و يفرقونا عن بعض يا حلا .. جدو قال ان خطوبتا هتكون بعد فرح تميم و فريدة على طول .. يعني خلاص كلها فترة بسيطة و نرتبط رسمي
ابتسمت بهدوء من بين دموعها و قالت بصوت دافي : بجد ؟ بابا وافق ؟
فارس بابتسامة : معرفش .. بس ما اعتقدش يرفض طلب لجدي
رفع يده و احتضن وجهها بكفيه … مسح دموعها و سحبها الى حضنه
حبيبة : لا كدة زودتوها اوي
التفت اليها فارس و قال بخضة : انتي كنتي هنا من بدري ؟!
حبيبة بخبث : ايوة من الاول خالص
حلا بغيظ : طب اطلعي برا و خودي ده معاكي
و اشارت الى فارس
فارس بصدمة و ضحك : انتي بتطرديني ؟!
حلا : ايوة .. يلا اتكل على الله مش ناقصني تهزيق
حبيبة : ايوة عندها حق .. لما تبقى خطيبتك تبقى تقعد معاها براحتك بس دلوقتي لا
فارس بسخرية : و الله و لسانك طول يا حبيبة و احنا بنقول عليكي عاقلة .. ماشي يا بنت حمايا انا بعديلك بمزاجي
حبيبة : مش لما ابقى بنت حماك الاول .. امشي من هنا يلا
خرج فارس بينما ابتسمت حبيبة و قالت : ها رضيتي ؟
حلا بابتسامة: ايوة .. طالما ضمنت ان فارس بصفي هلم الدور و مش هعمل مشاكل ده برضو الغالي
حبيبة بسخرية : الله يرحم لما كنتي تسخنيني على اوس .. يلا اهو الواحد بيعمل بأصله
حلا بغيظ : منتي الي كنتي ماشية وراه من غير ما تعملي لنفسك قيمة
حبيبة : و الله قيمتي محفوظة و هو مش بيسمح لحد يزعلني ابدا
حلا : بس هو يزعلك عادي ؟!
حبيبة بحب : مش بزعل منه … هو بيخاف على مشاعري اكتر مني .. و دايما بيفكر بمصلحتي .. و لو دايقني قبل كدة فده كان من باب غيرته عليا و دي حاجة جميلة
حلا بقهر : يا ساتر ع المحن .. لا انا ما اقدرش على دلعك ده هتفقعيلي مرارتي
عبد الله : مصطفى اطلع لملي العيال يلا
مصطفى بخوف : انا لو اتكلمت معاهم هياكلوني
سحر : انا هطلع اندهلهم يا عمي .. مش ناقصني يضربوه تاني ده ابني الصغير
عبد الله : ما تخافوش محدش هيقدر يمد ايده عليه .. اندهيلهم يا سحر ان كان ده هيريحك
بعد دقائق التم جميعهم امامه و وقفو ينظرون له باستغراب
عبد الله : الشمس غربت ؟
نطق جميعهم بصوت واحد : لأ
عبد الله : يبقى ايه الي مقعدكم بالبيت ؟!
نظر جميعهم لبعضهم البعض يحاولون ايجاد عذر
عبد الله : بما ان العقوبة بقت اكبر يبقى هنعيد توزيع الشغل عليكم من جديد
غادة برجاء : و النبي يا جدو تخليني بالبيت
عبد الله : غادة و دينا و زياد هتستلمو تنضيف الاوض في الدور التاني باشراف سحر و خديجة … و اوس و تميم هيعملو العشا … حبيبة و فريدة هيشرفو عليهم … اما فارس و حلا و كارما و لارا هيكملو شغل بالغيط و انا الي هشرف عليهم بنفسي
زياد بحماس : يحيا العدل ايوة كدة يجدو
لارا : و الله و اشمعنا احنا بس الي ننزل الغيط و نتبهدل تاني ؟؟
عبد الله : اهو كيفي كدة يا لارا .. بكرا هنغير التقسيم بالعكس … اتفضلو يلا كل واحد على شغله
فارس : طب و المخبر مصطفى مش هينزل يشتغل معانا و لا هيا كوسا ؟!
عبد الله : كلمة كمان و هرجعك للزريبة
فارس بسرعة : لا لا انا اسف خلاص
عبد الله : انتشرو يلا
تميم : طب انا مش بعرف اطبخ
عبد الله : اتعلم .. يلا اهو تعمل حاجة تنفعك لبعد الجواز
تميم بعبوس : حاضر المهم فوفتي معايا
عبد الله : اتلم و الا هحطلك مصطفى يشرف عليك و اسيب فريدة تشرف على حد تاني
تميم : لا لا خلاص هتلم
غمز اوس لحبيبة و همس بأذنها : امشي ع المطبخ يلا
حبيبة : بس يا اوس اتلم انت الاخر .. انت الي هتطبخ مش انا
اوس : اوك بس تعالي ونسيني
حبيبة بضحك : طب يلا قدامي
اوس بقلة حيلة : ماشي
*************************
في المطبخ كان يقف تميم و يحاول ربط مريول المطبخ للبدء باعداد العشاء
اوس : و هنطبخ ايه بقا ؟!
تميم : و انا ايش عرفني .. اسأل الستات الي معانا
حبيبة : لا احنا مش هنقدر نغششكم .. مهمتنا الاشراف بس .. اتحفونا بقا يلا
رفعت نفسها و جلست على رخامة المطبخ و كذلك فريدة التي امسكت طبق بحضنها و قالت : انا هعمل السلطة تجاوزا يعني
تميم : و النبييييي ؟! لا كتر خيرك بجد
اوس و هو يفتح باب التلاجة : طب ايه رأيك نعمل ملوخية ؟!
حبيبة بحماس : هو انت بتعرف تطبخ ؟!
اوس بابتسامة: لا طبعا .. بس بجتهد يعني
تميم : و مين الي هيشهق عليها انا و لا انت يا ذكي ؟! انا بقول نعملهم اكل خفيف شوية جبن على بيض على شوية مخلل و كدة تمام التمام
فريدة : انت عايز جدو يولع فيك ؟! ايه الي بيض و جبنة ؟! لازم تعملو اكل كويس كدة و يرم العظم
تميم : هو انتي معايا و لا عليا ؟! ده انا الحب يا فوفتي
حبيبة : بس بقا .. اعملو اي حاجة بس بسرعة عشان موعد العشا كمان ساعة بالزبط
اوس : طب قومو ساعدونا
حبيبة بخبث : و احنا مالنا ده شغلكو ؟!
فريدة : صحيح يعني افرضو بعد الجواز قررنا انا و حبيبة نخرج مع بعض و نسيب ليكم العيال هتعملو ايه ؟ لازم تتعلمو و تعملو اكل حلو لعيالنا و لا ايه يا حبيبة
حبيبة : انتي صح طبعا
تميم لاوس : بقولك ايه هيا العزوبية وحشة لا سمح الله ؟!
اوس : لا مش اوي يعني بقالنا كتير مستحملين
تميم : يعني ما وقفتش على الكام سنة الي جاين دول لغاية ما ربنا ياخدنا بقا .. ايه رايك نفلسع و بلا جواز بلا نيلة
اوس بقرف : نفلسع ؟! في دكتور يقول الكلمة دي ؟! بعدين انت واطي و دي حاجة ترجعلك بس انا ما صدقت البنت دي تحن عليا شوية ده الموت اهون عليا من اني اسيبها
ابتسمت حبيبة بخجل و اخفضت نظرها للاسفل
فريدة : اه يا زبالة عايز تسيبني عشان شغل البيت ؟! طيب و الله لاكون مربياك يا تميم
تميم بضحك : بهزر يا حبيبتي هو انا اطول اطبخ للحتة بتاعتي .. بس مش للبيت كله دنا اتبهدلت جامد النهاردة
فريدة : طب يلا وريني هتعمل ايه يا سيد الكل
تميم بقلة حيلة : ها يا اوس نطبخ ايه ؟!
اوس : استنا هشوف حاجة سهلة على اليوتيوب اهو نستفيد شوية
تميم : طب يلا بسرعة الوقت بيمر و لو اتاخرنا جدي هيتعشى على وراكي
خديجة : امسكو الجردل اهو و امسحو السلم
زياد : انا همسح الشبابيك و البنات تمسح السلم
سحر : لا يغالي انت الي هتمسح السلم و ارضية الاوض كلها .. البنات هيطبقو الهدوم و يمسحو الدواليب و الطربيزات
دينا : طنط انا همسح السلم .. و غادة تبقى تطبق الهدوم هيا و زياد
غادة بحدة : لا يختي انتي هتشتغلي معايا .. انا مش هشتغل مع الحيوان ده
خديجة : غادة اتلمي .. روحي اوض البنات و طبقي هدومهم و هو يروح اوض الاولاد مش هتشتغلو مع بعض اطمني
غادة بعدم رضا : ماشي
و اتجهت لاوض البنات بينما زياد اتجه لاوضته و دينا امسكت سطل الماء و سكبته على السلم و بدأت بالعمل
بعد دقائق دلفت سحر اوضة زياد و اوس حتى تتاكد من قيامه بالعمل …. وجدته على سريره يتغطى ببطانية و قد غط بنوم عميق
سحر بغضب : اييييه ده .. قوم يالا اشتغل
استيقظ زياد و قال بفزع : في اييييه خضيتيني يا طنط
سحر : قوم اشتغل لاحسن اقول لجدك
زياد بسرعة : طيب طيب انا اسف .. بس بقولك ايه يا سحورتي
سحر : عايز ايه ياض ؟!
زياد : ما تسيبني اشتغل مع غادة ابوس ايدك .. انتي عارفة الي فيها يعني
سحر بخبث : اممم بس غادة مطنشاك خالص و مش طايقاك .. ازاي عايزني اجمعك معاها دي كانت تدبحك
زياد : معلش اموت على ايديها دي نن العين
سحر بتحذير : اقسم بالله لو دايقتها يا زياد هنفخك … قوم اشتغل معاها يلا بس لو قالتلك اخرج تبقى تخرج من سكات
زياد بحماس : حاضر يا احلى سحورة بالدنيا
ذهب يبحث عنها بكل الاوض الى ان سمع صوت غنائها … وقف وراء الباب و هو يبتسم و ينظر لها .. فصوتها عذب يلامس القلب من اعماقه
كانت تغني مقطع من اغنية بحبك و اداري :
“بحبك وداري ليلي ونهاري عملت لقلبي ايه
صوتك نداني نسيت زماني اعمل بحبك ايه
عينيك حبايبي جرحت لي قلبي ورموش عينيك تداويه
بحبك يا ويلي سهرت ليلي حتى القمر سهران
انا والليالي عشاق يا غالي عشاق بقى لنا زمان
ملكت روحي وتقول جروحي اجرح كمان وكمان”
زياد : الغنوة دي بتاعتي على فكرة
غادة بفزع : انت بتعمل ايه هنا يا حيوان ؟
و امسك قطعة قماش و بدأ بتنظيف الدولاب
غادة بغضب : اطلع برة شوفلك شغل تاني يلا
زياد بتلاعب : جدو قال اشتغل معاكي .. استحمليني بقا
نفخت بضيق و عادت لطي الملابس مرة اخرى
زياد : ما تغني وقفتي ليه ؟!
غادة بحدة : اخرس
حلا : ايه الظلم ده يربي .. بقالي من الصبح بشتغل بالغيط زي الهبلة
فارس : على فكرة جدو بيشتغلنا .. الي يشوف شغلنا هيدينا على دماغنا .. احنا بوظنا الدنيا اكتر ما هيا بايظة
كارما : عندك حق .. انا تعبت اوي ما تيجو نعيطله شوية يمكن يرحمنا
حلا : لا انا عيطت النهاردة كتير مش قادرة .. مش فاضل غير ساعة زمن نخلص بسرعة و نرجع البيت
فارس : بكرا ابقو عيطو من بدري .. يمكن يعفينا
كارما : فين لارا ؟!
شعر فارس بتأنيب الضمير فقال : معرفش .. انا قولتلها ما تشتغلش معايا .. روحي شوفيها هيا فين و اشتغلي معاها .. ما تسيبهاش لوحدها
اتجهت كارما للبحث عن لارا و مرت من امام جدها
عبدالله : على فين ؟!
كارما : هشتغل مع لارا يا جدو .. مش عارفة هيا راحت فين
عبد الله : اهي هناك ورا الشجرة .. روحي كلميها يا كارما و طيبي خاطرها
كارما باستغراب : ليه هيا مالها يا جدو ؟
عبد الله : افهمي منها انتي و تعالي قوليلي .. بس شكلها كدة و الله اعلم عملت حاجة غلط
كارما بقلق : حاضر
ذهبت كارما بينما عبد الله ينظر امامه بتمعن و كأنه يفكر بشيء ما
كارما : بتعملي ايه عندك يا لارا
لارا بضيق : ملكيش دعوة .. سيبيني لوحدي
كارما : ليه بتقولي كدة ؟ انا صاحبتك على فكرة .. ايه ده لارا انتي بتعيطي ؟!
جلست بجانبها بسرعة و قالت بقلق : طب قوليلي ايه الي حصل ؟! مالك ؟
لارا بدموع : انا مش طايقة حد في البيت ده .. من ساعة ما الزفتة حبيبة و اختها جم هنا و هما خاربين الدنيا
كارما باستغراب : ليه هما عملو ايه يا لارا ؟ ما كل وحدة فيهم ملهية بحالها
لارا بعضب : لا هما الاتنين عايزين يسيطرو على البيت و يبقو الكل بالكل .. حبيبة دايما محور الكلام فين ما تقعد الكل بيكون يتكلم عليها و يمدح بيها و الست حلا قلبت فارس علينا كلنا و بقى خاتم باصبعها ده غير بقا ان الكل بيقف جنبها باي حاجة و اولهم جدو .. هما الاتنين شوية شوية بياخدو كل حاجة و الي قاهرني انهم هيتجوزو عندنا يعني مش هنخلص منهم
كارما : على فكرة انتي مكبرة الحكاية جدا .. حبيبة حضورها قوي و حلا شخصيتها قوية جدا .. و لو واخدة بالك دينا هيا الي مسيطرة في كل قعدة مش حبيبة … ما تأفوريش بكرهك ليهم دول مهما كان قرايبنا .. و انتي لو تحسني اسلوبك معاهم الكل هيحبك .. انا عن نفسي بقولك جربت اتغير و فعلا لقيت اني بقيت وحدة منهم و كلهم بقو يكلموني و نفضل نضحك و نهزر عادي
لارا : بس انا مش عايزة ابقى زيك .. انا مش عايزاهم يحبوني .. انا عايزة اوس بس هو الي يبصلي … حبيبة مفيهاش حاجة زيادة عني .. ده حتى انتي احلى منها .. ليه الكل مبهور بيها كدة
كارما : مفيش فايدة فيكي يا لارا .. هتفضلي تغيري منها لامته ها ؟؟ هيا بنت طبيعية على فكرة و فعلا ما فيهاش حاجة زيادة بس هيا كدة حظها حلو .. شيلي اوس من دماغك بقا و ركزي بنفسك .. الرجالة بكل مكان ما وقفتش عليه يعني
لارا : انتي ايه الي جابك عندي ؟! كام مرة قولتلك ما بحبش جو النصايح ده ؟ سيبيني بحالي بقا انا كدة و مش عايزة اتغير .. روحي ليهم خليهم يرضو عليكي
بعد اكثر من ساعة … كانت العائلة كلها مجتمعة على طاولة الطعام بانتظار وجبة العشاء التي اعدها تميم و اوس
بعد دقائق خرج تميم من المطبخ و هو بحالة يرثى لها و يحمل طبق كبير بيده
و خلفه يمشي اوس و هو يحاول كتم ضحكته و يحمل طبق السلطة
وضع تميم الطبق امام جده و نظر لهم
تميم : اتفضلو العشا جاهز
نظر عبد الله للطبق و اعاد نظره لتميم
عبد الله بصدمة : ايه ده ان شاء الله ؟!
عدنان بذهول : اندومي !!!!!!!! ….. يتبع
الثالث عشر من هنا
