رواية مغامرات عائلية الفصل الحادي عشر 11 بقلم همس كاتبة
بارت 11
فارس بصدمة : بس انا بحبها .. و انتو كلكو وافقتو على الخطوبة .. ايه الي حصل دلوقتي ؟!
ايهاب بحدة : الي حصل انك بقيت مستهتر اكتر من قبل … قولنا اخيرا عقلت و هنخطبلك بس انت رجعت لطيشك و حلا طايشة اكتر منك … انا مش هستحمل الجنان ده كتير .. مستحيل اوافق على جوازك قبل ما اتأكد انك قد المسؤوليه
فارس بغضب : و حلا ذنبها ايه ؟! انا وعدتها بالجواز و انتو كلكو وافقتو ..انا مش عيل عشان تتحكمو بحياتي
خديجة بانفعال : احنا وافقنا عشان شفناك عقلت بعد ما ارتبطت بيها ..و كنا فاكرين انها رزينة و عاقلة زي اختها .. بس دي طلعت قوية و عدوانية .. انت ابني الوحيد مش هقبل تجيلي مرات ابن تطلع عنيا
فارس : الي يسمعك هيقول انك مش عارفة بيت اونكل حسين .. حضرتك اكتر وحدة شجعتي ارتباطنا .. و انا مستحيل افكر اسيبها حتى لو هخسر الدنيا كلها
ايهاب بحدة : هيا كلمة وحدة .. مش هتتجوزها يا فارس … و ما تحلمش بالجواز من الاساس من هنا لسنتين على الاقل .. لغاية ما اتاكد انك قادر تعتمد على نفسك من غير ما حد يقف جنبك
فارس بعصبية شديدة : اييه الي بتقولوه ده ؟!
دلف عبد الله و خبط بعصاه على الارض
عبد الله بحدة : ايه الي بيحصل هنا يا فارس ؟! ازاي تعلي صوتك على اهلك ؟!
فارس باحترام : انا اسف .. بس لو حضرتك تعرف الي حصل هتعذرني … بابا و ماما مش عايزني اتجوز حلا .. و اتكلمو عليها قدام اهلها و اونكل حسين زعل جدا
نظر عبد الله باستنكار لابنه ايهاب
عبد الله بصدمة : ايه الكلام الي بيقوله ابنك ده يا ايهاب ؟!!!!
ايهاب : انا و امه اتناقشنا بالموضوع ده يابا و لقينا ان لسا فارس مش جاهز للجواز
عبد الله : مش ده الي بسألك عليه .. انا بسألك على حسين ابن عمك .. انت زعلته ؟!
ايهاب : لا انا ما اتكلمتش معاه اصلا
فارس : طب ليه زعل و دايق حلا بالكلام ؟!
صمت ايهاب و كانت خديجة تتابع نظرات عبد الله لهم بتوتر
عبد الله : ما ترد يا ايهاب
ايهاب : معرفش
فارس : يا جدو انا وعدت البنت اني اخطبها بعد الفرح على طول .. و هما كانو موافقين .. دلوقتي مش عايزني اتقدملها اصلا
عبد الله لايهاب : و انت بأي حق تفرض عليه الكلام ده ؟!
ايهاب : مهو ابني يابا
عبد الله : حتى لو ابنك مش من حقك تحرمه من البنت الي بيحبها .. زي ما انت اخترت على مزاجك هو هيختار الي تعجبه .. و انت اصلا الي فاتحتني بموضوع جوازه و قولت عايز حلا بالتحديد … مش هسمحلك تعمل مشاكل مع ابن اخويا عشان شوية كلام تافه … و عشان تكمل بقى خطوبة فارس و حلا هتكون قبل فرح حبيبة و اوس .. يعني بعد اقل من شهرين
ابتسم فارس بارتياح و نظر الى جده بإمتنان
خديجة بغضب : بس يا عمي انا مش عايزة حلا تبقى مرات ابني .. البنت عدوانية جدا و تصرفتها زي الولاد .. هي الوحيدة من كل بنات البيت الي ضربت مصطفى و قبلها ضربت بنتي لارا … ده غير بقا انها فتنية و حرضت غادة على زياد .. دي قوية و محدش يقدر عليها
عبد الله : برافو عليها شاطرة .. تصدقي اني بقيت مقتنع انها انسب وحدة لفارس بعد كلامك ده … البنت مفيهاش غلطة و حطت حدود لكل الي بيغلط معاها و اولهم ابنك الي من ساعة ما اتعرف عليها بقى بني ادم طبيعي …. اسمعوني كويس .. بنات حسين خط احمر بالنسبالي .. اي حد هيزعلهم انا الي هقف بوشه و طالما حلا هتبقى مرات ابنكم يبقى تحترموها و ما تنطقوش كلمة تزعلها .. و لو حد دايق حسين يا ويله مني بس .. ده ابن اخويا الوحيد و انتو عارفين غلاوة اخويا و عياله عندي
قال جملته الاخيرة و خرج بينما فارس يبتسم و ينظر لوالديه
خديجة بوعيد : مبسوط ؟! طيب يا ابن بطني انا هوريك كيد الحموات على اصوله .. ابقى خد بالك من عروستك كويس
خرجت و هي غاضبة بينما ايهاب ينظر الى فارس بوجه محتقن
فارس : في ايه يا بابا
ايهاب بحدة : انا لسا عند كلامي يا فارس .. مش هسمحلك تتجوز طالما لسا بتتصرف من غير تفكير … انا عارف انت عملت ايه بالزبط و عارف ان انت الي شجعتهم يروحو لارض العزايزة و كل حاجة هببتها برضو عرفتها …. ركز بشغلك و اثقل و بطل سخافة وقتها هسيبك تتجوز الي بتحبها .. بس طول ما انت كدة عمرك ما هتفلح لا بجواز و لا بشغل
فارس بخبث : يعني ايه هتكسر كلام جدي ؟
ايهاب : لأ هكسر دماغك لو شوفتك بتتصرف بغباوة .. احترم نفسك و اعقل بلاش اطين عيشتك في البيت ده
فارس بضحك : بس يا هيبو خلي قلبك ابيض .. اوعدك هعقل و اركز بشغلي بس و النبي محدش يجي جنب مزتي
ايهاب بقرف : يخربيت تقالة دمك ياض .. غور من وشي بدل ما اديك على وشك
فارس بسرعة : حاضر حاضر
خرج بسرعة و تغيرت ملامح وجهه للغضب الشديد و اتجه لاوضته
*************
في اوضة حلا و دينا و حبيبة .. كانت حلا تضع ملابسها بحقيبتها
حبيبة : حلا .. ايه الي بتهببيه ده ؟! انتي فاكرة ان بابا هيسيبك تروحي لوحدك ؟!
حلا بحدة : حبيبة اخرسي .. انا مش طايقة حد هنا .. دول من اولها اتكلمو عليا .. و الله ما انا قاعدالهم فيها
حبيبة بابتسامة : ما تخافيش فارس هيجيبلك حقك .. انتي عارفاه بيحبك قد ايه .. ما تبوظيش علاقتك بيه عشان سمعتي شوية كلام
حلا بغضب : بس انا سمعت الكلام ده من بابا .. عارفة يعني ايه ؟! .. يعني انا دلوقتي بنظره الغلطانة .. اول مرة بابا يهزقني بالشكل ده .. كل ده عشان مين ؟؟؟ .. عشان عيلة زبالة زي دي ؟!
حبيبة : بس انتي عارفة انك غلطتي برضو .. ما تعمليش مشكلة مع فارس بسبب اهله .. ده انتي اول مرة بحياتك تحبي حد .. هتخسري يا حلا
حلا : يغور الحب الي هيدوس ع كرامتي .. و لو زي ما بتقولي فارس هيجيبلي حقي يبقى ده اختبار ليه .. هنشوف بقا هيعمل ايه
دلفت دينا باندفاع
دينا بغضب : ايه الي انا سمعته ده ؟! انتي هتسيبي فارس ؟!
حلا : ملكيش دعوة
دينا : حلا اتلمي و بطلي العبط ده .. دي لعبة عملتها لارا عشان توقعك و تبعدك عن فارس .. مش على اساس بتحبيه ؟ ايه هتفيصي من اول موقف و هتسيبيهم يلعبو بيكي كدة ؟؟ .. ده بدل ما تدافعي عن نفسك و تديها علقة موت ؟!
حلا بغضب : دي عيلة صغيرة و الي يمشي وراها ما يلزمنيش .. قولتلك قبل كدة فارس وقف بصفها اول مرة و دلوقتي اكيد هيقف معاهم كمان .. من اولها عايزين يتكلمو عليا ؟! لا على كدة كويس محصلش لا خطوبة و لا حاجة الحق انفد بجلدي بقا
دينا : يا بت افهمي و شغلي دماغك .. ده شوية كلام قالته عشان تسخن اهلها عليكي .. ياما هتقابلي ناس حرابيق لسا .. لازم تربيها و تكسبي الكل لصفك .. و انتي عارفة لارا محدش بيطيقها
حلا : دينا انتي عارفاني كويس .. مش بقبل حد يقل مني لو بكلمة وحدة .. و البنت دي زودتها اوي انا لو فقدت اعصابي هنفخها و مش هعمل حساب لحد .. فخليني ابعد من اولها احسن
حبيبة : انتي مكبرة الحكاية يا حلا .. حرام عليكي فارس ملهوش ذنب … و انتي ذكية و هتعرفي ترصي لارا كويس بس من تحت لتحت … ما تثبتيش للكل كلامهم عليكي و تطلعي انتي الغلطانة .. و هاتي بقى على تهزيق من بابا و ماما و جدو و كل العيلة
دينا : اهو الهبلة قالتهالك .. اعقلي يا بت و كيديها .. خودي فارس تحت ايدك و اكسبيه .. لازم تزعلي و تثقلي عليه شوية عشان يخاف .. بس مش تخسريه بالمرة كدة .. ده انتي شكلك زي الي خانها جوزها و غضبانة في بيت ابوها
حبيبة بضحك : عليكي لسان يا دينا عايز قطع .. مين الهبلة دي ها ؟!
دينا بلامبالة : انتي .. مهو من كام يوم كنت بقولك الكلام ده و لا نسيتي ؟
حبيبة : بالعكس مستحيل انسى جدعنتك معايا .. ده انتي الملاك الحارس
دينا بمشاكسة : يخلاثي ع الكلام الحلو ده
حلا بغضب : بس منك ليها .. هتقلبوها هزار ؟ .. انا بجد مدايقة و قرفانة
دينا : طب روقي كدة و اعقلي …. ده انتي اوفر جدا
****************************
تميم : فريدة
فريدة : عايز ايه ؟!
تميم باستغراب : في ايه ؟! مالك ؟!
فريدة بغضب : مدايقة .. قرفانة .. عفاريت الدنيا كلها بتنطط بوشي .. انت عايز ايه ؟!
تميم بابتسامة : ليه حد داسلك على طرف؟!
فريدة بحدة : بس يا تميم .. كل الي بيحصل ده اصلا بسببك .. البيت متكركب و كل الي فيه مش طايقين بعض … احنا فرحنا بعد كام يوم و انا اعصابي باظت خلاص من كتر الضغط
تميم بهدوء : و انا مالي هو انا الي قولت لجدي على الي حصل ؟!
فريدة : مهو الي حصل اصلا بسببك … ايه تصرفات العيال دي ؟ عاجبك شكلك كدة و انت بتتعاقب زي الاولاد ؟ و ازاي تمد ايدك على اخوك الصغير ؟! و انت اصلا الي اخدتنا للمكان الغريب ده .. و خليت كل العيال ييجو معانا من غير ما تفكر بالعواقب .. لو انت معملتش كدة ما كانش حصل كل ده
تميم بحدة : انتي من امته بتكلميني بالشكل ده … مالك يا فريدة بقيتي عصبية كدة ليه ؟! هما الي شبطو عايزين يروحو .. و كل الي حصل بعد كدة بسبب مصطفى .. ليه بتحمليني الذنب
فريدة بخنقة : عشان بسببك كان جدو هيأجل فرحنا مرة كمان .. انت ليه مش مراعي ان فرحنا بعد كام يوم و لازم اكون مرتاحة و اعصابي هادية ؟! بالعكس انت عمال بتزيدها عليا .. حتى مش بتسأل على اي حاجة تخصني .. تميم احنا فرحنا اتأجل كتير و انا تعبت و انا اجهز ليه .. مستنية اليوم ده من زمان … و انت بكل برود بتعمل مشاكل تافهة عشان تعصبني
تميم بهدوء : طب اهدي يحببتي .. خلاص اوعدك مش هتصرف كدة تاني .. بس انتي ما تزعليش .. لازم تكوني رايقة و مبسوطة ده انتي العروسة
فريدة : قول الكلام ده لنفسك .. كفاية يا تميم انا مش عايزة اكون زعلانة و تعبانة بالفرح .. بقالنا كتير مخطوبين و انا زهقت
تميم بخبث : هو في ايه ؟ كل ده مستعجلة على الجواز يا عروسة ؟
وكزته في بطنه و قالت : بطل قلة ادب يا تميم .. انا بايه و انت بايه
سحبها الى حضنه و قال بحب : طب بحبك يا حتتي
فريدة بضحك : و انا كمان بس ابوس ايدك هفطس من ريحتك دي
تميم بقلة حيلة : ربنا يسامحك .. ده انا اتسحلت النهاردة بالزريبة .. منك لله يا مصطفى
وضعت فريدة يدها على انفها
فريدة : طب روح خد شاور همووووت
**********************
دلف فارس اوضة اخواته غادة و لارا
فارس بغضب : مين الي قالت لماما على حلا ؟!
غادة باستغراب : مش فاهمة ؟! هنقول ايه عليها يا فارس ؟!
فارس : ماما سمعت طنط سعاد كلام على حلا عشان الي عملناه كلنا .. في وحدة قالتلها شوية كلام على حلا فمبقتش عايزاني اتقدملها
غادة بصدمة : اييييه ؟؟؟؟
لارا بتوتر: انا مقولتش حاجة غير ان حلا ضربتني
فارس بحدة : لا قولتي .. انتي قولتيلها على كل حاجة عملناها من ساعة ما روحنا لارض العزايزة رغم انك كنتي معانا .. يعني الي حصل لمصطفى كان لازم يحصلك كمان
لارا باندفاع : ايوة قولت .. عشان حلا بنت مش متربية و انا مش هسمح انها تكون وحدة مننا
غادة بصدمة : و انتي ماااااالك ؟ … ليه تخربي حياة اخوكي ؟ كل ده عشان بتغيري من حبيبة ؟!
فارس : كان عندهم حق لما قالولي انك لا تطاقي …. انتي ليه مصممة تكوني البنت المكروهة ؟! .. الكارثة اني على طول بدافع عنك .. انتي لسا عيلة .. منين جايبة كل السواد ده ؟ ليه تعملي فيها كدة ؟!
لارا بغضب : عشان ضربتني و دينا و كارما شاهدين و كل ده عشان ست الحسن اختها .. و قالت لغادة تبعد عن زياد و فوق كل ده ضربت مصطفى معاكو
فارس بجنون : انتي بنت مريضة .. مفيش بنت بسنك بتفكر كدة .. ليه تحشري نفسك بحياتهم ها ؟؟؟ … ما كل الي في البيت عارفين انك بتتكلمي على حبيبة كأنها قاتلاك حد .. و غادة من زمان فسخت خطوبتها من زياد و مش لازم ترجعله اصلا .. و بعدين كلنا ضربنا مصطفى ما وقفتش على حلا
غادة : اقسم بالله انتي ما عندك دم .. بوظتي جوازة اخوكي بس عشان حقدك ده .. و الله انتي تستاهلي ضرب الجزم
فارس : انتي تحمدي ربنا ان جدي اتدخل و حل المشكلة لولا كدة كنت هوريكي ايام سودة يا لارا
لارا بحدة : و الله انا ما عملتش حاجة غير اني قولت الحقيقة .. و يا ريت لو الجوازة كلها اتلغت من الاساس كنت خلصت منها
هم فارس بضربها و لكن غادة امسكته
غادة : بس يا فارس .. سيبها ترغي دي بنت متخلفة .. روح انت راضي حلا .. ما تسيبهاش زعلانة انت عارفها
نظر فارس لاخته لارا بحدة و خرج
غادة : بجد انا مصدومة بكمية الحقد الي جواكي دي .. طول ما انتي كدة لا حد هيحبك و لا حد هيقبل يكلمك اصلا .. خليكي كدة مصرومة يكش تولعي و نرتاح منك
تركتها و خرجت هي ايضا بينما لارا نظرت لأثرها بسرحان و خلال ثواني انسكبت دموعها على وجهها
****************************
كانت حبيبة تمشي باتجاه الطابق السفلي بهدوء
و بحركة مفاجئة سحبها اوس بيده و حاصرها في زاوية الممر حتى لا يراهم احد
حبيبة بصدمة : في ايه خضيتني
اوس بحب : وحشتيني
حبيبة و هي تحاول الافلات منه : بس يا اوس دلوقتي يشوفونا كدة
اوس : عادي مراتي
حبيبة بابتسامة : ده انت رايق يعم و البيت بيولع
اوس بهيام : مليش في البيت .. ليا بحبيبتي
حبيبة بخجل : بس يا اوس عيب كدة
قرب من شفتيها و طبع قبلة رقيقة جدا جعلتها تغمض عيناها من فرط المشاعر
اوس بهمس : بحبك
عضت على شفتها السفلية و قالت بابتسامة : عيب كدة
اوس بتوهان : احنا مش هنتجوز بقا
حبيبة بخجل : اوس و الله دلوقتي هيشوفونا و اتهزق تاني
عقد حاجبيه باستغراب و قال : ليه حد كلمك ؟!
حبيبة : اممم بابا هزقني انا و حلا عشان الي حصل لمصطفى
اوس بحدة : بس انتي معملتيش حاجة
حبيبة بابتسامة : عارفة بس بابا ادايق عشان سمع كلام على حلا فهزقنا مع بعض
اوس : و ايه الي سمعه بقا ؟!
حبيبة بضحك : ما اعرفش .. انت هتفضل زانقني كدة ؟ دلوقتي حد يشوفنا
اوس و قد شدد بيده على خصرها : قولتك انتي مراتي محدش ليه دعوة ازنقك براحتي
مصطفى من وراهم : هقول لجدو
التفت اوس اليه بغضب و التقط فردة حذائه عن الارض و رماها على اخيه
مصطفى بصراخ : ااااااااااه .. بهزر يا عم في ايه ؟!
اوس : غور من هنا لاحسن اكمل عليك
مصطفى بخوف : لا لا ابوس ايدك انا اطحنت .. هروح هروح
هرب مصطفى بينما اوس التفت الى حبيبة و لكنه لم يجدها فعلم انها هربت
ابتسم بخفة و قال لنفسه : ماشي يا حبيبة مصيرك تجيلي
************************
في البلكونة الامامية للبيت كانت دينا تجلس مع زياد و تخبره عما حدث مع حلا و فارس
دينا : و بس كدة … ده كل الي حصل
زياد بصدمة : مش معقول لارا دي مش طبيعية .. مستحل اسمح لكارما تكلمها تاني
دينا : ما تقلقش كارما واخدة بالها و بدأت تفوق .. دي بقت تتقرب من حبيبة و اتغير اسلوبها مع كل الي في البيت
زياد : مكنتش متوقع ان غيابي هيأثر عليها بالشكل ده .. انا لما رجعت شوفتها انسانة تانية تماما .. طول عمرها طيبة و بتحب الكل .. اتصدمت لما شوفت جنانها
دينا : زياد كارما لسا صغيرة و ما تزعلش مني يعني انت سبتها و سافرت و هي بقت وحيدة … الحياة من غير اب و ام صعبة جدا .. صحيح فريدة كبيرة بس برضو هيا كمان محتاجة لمامتها الي تفهمها ايه الصح و ايه الغلط .. و صحوبيتها مع لارا دي بقا الي قلبتها بالشكل ده
زياد بزفير : انا نسيت نفسي و نسيت اخواتي من بعد ما غادة سابتني … بعدها ده دمرني .. بقيت عايز اهرب و ابعد عن كل حاجة بتفكرني بيها
دينا بابتسامة : غادة لسا بتحبك زي زمان .. ما تصدقهاش لما تقولك غير كدة .. بس يعني هيا لسا مجروحة و مش متقبلة فكرة جوازك من وحدة غيرها
زياد : دينا .. انتي بنت جدعة و بمية راجل .. لو طلبت منك طلب هتساعديني ؟
دينا بخشونة : ايه يا عم ده ؟ من امتا و احنا بنقول مقدمات كدة ؟! قول على بلاطة عايز ايه و انا اخوك بضهرك و افديك بدمي
زياد بضحك : بس بقا انا بتكلم بجد
دينا بهدوء : طب قولي عايزني اساعدك بايه ؟
