رواية التضحية بالحب الفصل الحادي عشر 11 بقلم أروي عادل
فى منتصف الليل
استيقظت ميرفت و بناتها صوت صراخ و طرق على الباب بعنف وقوة
سلمى ٠٠٠ ومين بيصرخ و بيزعق بطريقه دى
تمارا ٠٠٠ أنا هفتح الباب
ميرفت ٠٠٠ لاء استنى انا إللى هفتح
أول ما فتحت ميرفت الباب دفعتها أم عصام و قالت
أم عصام ٠٠٠ وسعى كده من وشى .
ثم مسكت أيد تمارا بعنف كملت كلامها وقالت
أم عصام٠٠٠ بقى حتة بت معفنه زيك تسجن أبنى عصام
ميرفت ٠٠٠ شيل ايدك عن البنت .فى ايه أنتى جايه تتهجمى علينا فى نصاص الليالى
أم ٠٠٠ اسمعى قولى لبنتك تروح تسحب المحضر إللى عملته ل عصام احسن لها
تمارا ٠٠٠ فى ايه أنتى جايه تهددينا فى بيتنا
ده انتى ولايه…..
قطعت عبارتها ميرفت وقالت
بقلم٠أروى٠عادل
ميرفت ٠٠٠ عيب يا تمارا الست تعتبر فى بيتنا
سلمى ٠٠٠ تبقى تحترم نفسها
أم عصام ٠٠٠ أحترم نفسى يا بنت الكل….ب انتى وهى اوعى يا بنت تكونى نسيتى نفسك بتكلمى مع مين انا أم عصام إللى الشارع كله بيعمل لها الف حساب
تمارا ٠٠٠ هو انتى جايه الساعة ٢ بعد نص الليل عشان تعرفينا بنفسك
ميرفت ٠٠٠ اسمعى يا أم عصام احنا ناس فى حالنا مش عايزين مشاكل
أم عصام ٠٠٠ ايوه كده جيبى واطى و تعرفى من هى أم عصام
ياره٠٠٠ عارفين انك ام عصام البلطجى.. و ماما ماجبتش واطى ولا حاجة بس ست محترمة مالهش فى قلة الأدب و شوشرة
أم عصام ٠٠٠ لسانكم طويل يا بنات ميرفت واللهى لأربيكم
تمارا ٠٠٠ تربينا طيب كنتى ربيتى ابنك من باب أوله بدل ما هو ماشى يبلطج على خلق الله
أم عصام ٠٠٠ دلوقتى ابنى مش عجبك طيب اسمعى بقى..يا ست الحسن . فى كلمتين عصام بعتهملك بيقولك و دينى و ما أعبد انا ما هيسيبك. وبكرة هخرج من الحبس
و الحساب يجمع يا قطه
ابتسمت تمارا و قالت
تمارا ٠٠٠ أعلى ما خيله يركبه .. ومطرح ما يحط رأسه يحط رجله .. يلا يا خالتى إم عصام اتكلى على الله عشان عايزين ننام عندنا شغل بدرى
بغضب جحيمى قالت
أم عصام ٠٠٠ ماشى يا بنت ميرفت و حيات امك لأندمك على كل كلمة قولتيها
ثم انصرفت وأغلقت الباب خلفها بعنف
ميرفت ٠٠٠ أنا مش مطمنه لست دى ولا لأبنها
ياره ٠٠٠ فكك منها خالص دى ست بتخرف
سلمى ٠٠٠ يلا أدخلوا ناموا .. الله يقلق نومك يا أم عصام زى ما قلقتى نومنا
بقلم٠أروى٠عادل
اليوم التالى
فى القصر
~~~~~~~~~~
عندما وصلت تمارا القصر كان حسام
فى انتظارها فى جنينة القصر على الحر
من الجمر عندما رأها قال بضيق
حسام ٠٠٠ حمدالله على السلامه.. و ياريت إللى حصل ده ما يتكررش تانى فاهمه
قال تمارا بعدم فهم
تمارا ٠٠٠ هو ايه إللى حصل مش فاهمه
حسام ٠٠٠ ماجتيش امبارح ليه
تمارا ٠٠٠ هى حور و الأستاذ مراد مش قالولك
حسام ٠٠٠ قالولى ان عندك ظروف بس انا مش مقتنع.ايه الظروف إللى تخليكى تمشى من غير ما تقولى لحد كمان ماتجيش تانى يوم
فهمت تمارا من كلامه ان مراد و حور لم يحكى له ما حدث.. لذلك قالت
تمارا ٠٠٠ معلش ماما كانت تعبانه شويه
حسام ٠٠٠ طيب هى عامله ايه دلوقتي
تمارا ٠٠٠ هى مين
حسام٠٠٠٠ ماما مش انتى بتقولى انها تعبانه
تمارا ٠٠٠ اه طبعآ هى كنت تعبانه امبارح بس النهاردة هى كويس
حسام ٠٠٠ طيب الحمدالله .. و دلوقتى هاتى رقم تليفونك عشان لو اختفيتى تانى أعرف اوصلك
ابتسمت تمارا ثم اعطته رقم الهاتف ثم قال
حسام٠٠٠ دلوقتى قوليلى اسمك ايه بالكامل
تمارا ٠٠٠ ليه انت هتعملى فيش و تشيبه
حسام ٠٠٠ لا يا لميضه بس انا عايز اعرف عنك كل حاجة ..
تمارا ٠٠٠ ايشمعنا يعنى
حسام ٠٠٠ انتى لما اختفيتى امبارح اكتشفت انى معرفش عنك اي حاجة ده حاجة دايقتنى
تمارا ٠٠٠ دايقتك ليه يعنى ..هو المفروض إللى بينا علاقة بشغلى وبس
شعر حسام بضيق من حديثها لذلك قال
حسام ٠٠٠ يعنى احنا إللى بينا شغل وبس
تمارا ٠٠٠ أنت ادايقت ولا ايه
حسام ٠٠٠ لازم أدايق لانى بعتبرك صديقه مش ممرضه .. و بتعامل معاكى على الأساس ده
تمارا ٠٠٠ خلاص تمام يبقى اصدقاء لو أنى مش بعترف بحوار الصداقه بين الشاب و البنت بس تمام اعملك انت استثناء
هنا مد أيده إليها و قال هو بيصافحها
حسام ٠٠٠ اوكى يبقى اصدقاء اعرفك على نفسى انا حسام يوسف مهران
تمارا ٠٠٠ و أنا تمارا محسن لاشين
هنا رأه مراد حسام وهو يصافح
تمارا
تمارالذلك شعر بضيق عندما رأهم هكذا لذلك تجاهل وجودهم ..
و ذهب ليقوم بتدريباته اليوميه فى الجيم
بينما ظلت تمارا تنظر له بأستغراب إلى أن دخل فى الصاله المخصصة الجيم وهى تقول لنفسها ماذا يفعل هذا المجنون فى الجيم وهو مصاب
فى حين جاءت أمل و هى تحمل صينية الفطار
تمارا ٠٠٠ يلا عشان تفطر و تاخد أدويتك بعد كده نروح نعمل الجلسات
بدأ حسام يتناول الإفطار بينما قالت تمارا
تمارا ٠٠٠ أنا هحصلك للجيم عقبال متخلص فطار . عقبال ما اظبط الاجهازه
حسام ٠٠٠ تمام
بقلم٠أروى٠عادل
صالة الجيم
~~~~~~~~
أول ما دخلت الجيم نظرت ل مراد بدهشه هو يقوم بتمارين لم يهتم بجرحه لذلك اقتربت منه وقالت
تمارا ٠٠٠ انت بتعمل ايه
رد عليها و هو يركض على المشايه الرياضيه
مراد ٠٠٠ ( بأستغراب) نعم بتقولى حاجة
تمارا ٠٠٠٠ وقف البتاعه دى و كلمنى انت بتعمل ايه
أوقف مراد المشايه
مراد ٠٠٠ انتى شايفه ايه
تمارا ٠٠٠ أنت مجروح ماينفعش إللى بتعمله ده السلك ممكن يتفك. انت كده بتأذى نفسك
مراد ٠٠٠ ايه خايفه عليا
قالت بأرتباك
تمارا ٠٠٠ ده واجبى انى أنبهك لانى انا إللى كنت السبب فى الجر*ح ده
مراد ٠٠٠ طيب ياريت تخليكى فى حالك وأهتمى بحسام أحسنلك و ابعدى عنى
تمارا ٠٠٠ تصدق انا غلطان ياكش تولع انا مالى بنى أدم مستفز
أوقف المشايه الرياضيه ثم أقترب إليها بغضب و قال
بقلم٠أروى٠عادل
مراد ٠٠٠ انتى قالتى ايه سمعينى كده
بلعت ريقها و هى ترجع للخلف بينما هو يقترب منها و يقول
مراد ٠٠٠ مين إللى يولع
تمارا ٠٠٠ فى ايه انت بتقرب ليا ليه كده لو سمحت ماينفعش كده
هنا شهقت عند اصطدم ظهرها بالحائط
عندها اقترب منها مراد أكثر..و لذلك شعرت أن يكاد قلبها يقف من الخوف ليس من مراد لكن من أقترابه منها
وعندما شعر مراد يخوفها وقال
مراد ٠٠٠ لما انتى بتخافى كده بتغلطى ليه
بقوة زائفه قالت
تمارا ٠٠٠ مين قال انى خايفه . بعدين انت مين عشان تخوفنى تكونش عفريت و انا مش عارفه
ابتسم مراد غصب عنه ثم اقترب من أذنها وقال
مراد ٠٠٠ لسانك ده هيجى يوم انا هقطعهولك
احمر وجهها من أقترابه منها و التوتر كان واضح عليها لم ينقذها من هذا الموقف غير دخول حسام .لذلك ابتعد عن مراد قبل أن يراهم حسام
بينما كان مراد لا يدرى لماذا يشعر بالكم الهائل من المشاعر التى تغمره عندما يقترب منها و لماذا هى بالذات التى يشعر معاها بهذه الأحاسيس . التى لما يشعر به من قبل
أسئلة كثيرة عصفت برأسه عجز ان يجد لها إيجابة
بدأت تمارا فى بدأ جلسات حسام
بينما من الحين لأخر كانت تنظر لمراد الذى كان يجلس على أحد الإجهاز الرياضيه و هو شارد
بينما رن هاتف مراد لذلك ترك الجيم و انصرف ليرد على هاتفه
بقلم٠أروى٠عادل
غرفة مراد
~~~~~~~~~
(بداية المكالمة )
مراد٠٠٠ ايوه يا أسلام عملت ايه
أسلام ٠٠٠ لقيت الشقة هى مش جانب القصر بس فى نفس الحى إللى فى القصر ..
مراد ٠٠٠ تمام كويسه دى من الشقق بتاعتنا
أسلام ٠٠٠ اه بس كان فى واحد اشتراها . بس دلوقتى عايز يبعها و يسافر .بس سعرها عالى شويه
مراد ٠٠٠ مش مهم… انا عايز اقعد مع صحاب الشقه النهاردة
أسلام ٠٠٠ تمام انت فين دلوقتى
مراد ٠٠٠ فى القصر
أسلام ٠٠٠ اعدى عليك دلوقتى و نروح نتكلم معاه
مراد ٠٠٠ تمام . هستناك. يلا سلام
( إنتهت المكالمة)
بقلم٠أروى٠عادل
فى منزل صاحب الشقة
~~~~~~~~~~~~~~
صاحب الشقة٠٠٠ حضرتك إللى هتشترى الشقه
مراد ٠٠٠ لاء مش انا
أسلام ٠٠٠ ناس معارف مراد هم إللى هيشتروا الشقة
صاحب الشقة ٠٠٠ تمام بس انا مستعجل عشان مسافر بعد يومين ضرورى
مراد ٠٠٠ أحنا جاهزين بكره بس فى طلب هطلبه منك
صاحب الشقة ٠٠٠ خير
مراد ٠٠٠ أنت هتكتب فى العقد تمن سورى غير تمن الشقة الأصلى
أستغرب أسلام بينما قال الراجل
صاحب الشقة ٠٠٠ مش فاهم حاجة . طيب انا ليه اعمل كده
مراد ٠٠٠ انتى ليك تاخد تمن الشقة و اكتر كمان لو حبيت .. و تكتب تمن سورى و انا هدفعك باقى تمن الشقة بينى و بينك .من غير ما المشترى مايعرف حاجة .. تمام
صاحب الشقة٠٠٠ تمام انا ليا اخد تمن الشقة و خلاص
مراد ٠٠٠ يبقى أتفقنا. بكره هجيب الناس إللى هتشترى الشقه بتمن إللى هم عايزينه . و الاتفاق ده هيكون بينا محدش يعرفوا
قال جملته ثم ألقى التحيه على الراجل و انصرف
فى القصر
~~~~~~~~
رجع للقصر مره أخرى هنا قال أسلام
أسلام ٠٠٠ ممكن افهم إللى بيحصل
مراد ٠٠٠ بطل فضول اللى هيقت*لك ده
أسلام٠٠٠ لاء بقولك ايه مش هتكلنى بكلمتين و رسينى على حوار عشان اكون فى الصوره مين الناس إللى هيشتروا الشقه احسن واللهى ٠٠٠٠٠٠٠
قطع عبارته وقال
بقلم٠أروى٠عادل
مراد ٠٠٠ بس بس هقولك بس اقسم بالله لو حد عرف حاجة عن الموضوع ده عارف هعمل فيك ايه
أسلام ٠٠٠ عيب يا صاحبى انا طول عمرى سرك
بدأ مراد يحكى ما حدث معاه عندما ذهب ليبحث عن تمارا ان عائلة تمارا تبحث عن شقة انه يريد أن يساعدهم من باب الانسانيه
لكن أسلام لم يقتنع فقال
أسلام ٠٠٠ أنا مش مقتنع بولا كلمة من إللى انت قولتها
مراد ٠٠٠ يعنى بقولك الانسانيه و عمل انسانى فعل خير وانت تقولى مش مقتنع ياشيخ عنك ما أقتنعت
أسلام ٠٠٠ لانى أكتر واحد فهمك .و عارف انت بتفكر ازاى .و حوار جوه الصعبنيات ده و إنهم ستات لوحدهم و صعبوا عليك عشان كده قررت تساعدهم من غير ما يعرفوا .. الكلام ده كله مايكلش معايا
مراد ٠٠٠ ليه بقى هو أنا مش أنسان
أسلام ٠٠٠ انسان بس من غير قلب
مراد ٠٠٠ واللهى أنا قولتلك على الحقيقه وانت حر بقى تصدق ولا مصدقش.. ماتكلش دماغى بقى
أسلام ٠٠٠ سؤال اخير . بس ترد عليا بصراحة
مراد ٠٠٠ قول
أسلام ٠٠٠ لو تمارا مش بنت العيله دى كان هيبقى ده بردو موقفك
مراد ٠٠٠ قصدك انا بعمل كده عشان تمارا
أسلام ٠٠٠ متردش على سؤالى بسأل ممكن تجاوب
فكر مراد فى سؤال أسلام هو فعلآ لا يعرف الاجابه على هذا السؤال
هنا قال أسلام
أسلام ٠٠٠ أيه الاجابة محتاجه كل الوقت ده فى التفكير
مراد ٠٠٠ لاء بس انا شايف مش هيفرق انا بعمل كده ليه او لمين المهم ان فعل الخير يحصل و خلاص
أسلام ٠٠٠ مراد انت مصدق إللى انت بتقوله ده
مراد ٠٠٠ انت عايز توصل لأيه بالظبط
أسلام ٠٠٠ مراد انت بتحس بأيه اتجاه تمارا و أوعى تقولى ولا حاجة لانى مش هصدقك
اثار سؤال أسلام دهشة مراد الذى قال بغضب حاد
بقلم٠أروى٠عادل
مراد ٠٠٠ تقصد ايه بكلامك.. يعنى هكون بحس بأيه أتجاها.. لازم تفهم انها واحده عادى زى أى واحده . و ماتفرقش معايا فى حاجة ..
أسلام ٠٠٠ كان ممكن تقولى مابحسش أتجاها بأى حاجة و يخلص الحوار هنا. لكن غضبك و ردك بعصبيه .. ده مالهوش غير تفسير واحد يا صاحبى
صرخ مراد بغضب حاد وقال
مراد ٠٠٠ إسلام اقفل على الحوار احسنلك
اسلام ٠٠٠ هقفل بس بصراحة البنت تستاهل قلب مراد مهران .. سلام يا صاحبى
قال جملتة و انصرف قبل أن يرد عليه مراد
فى حين كان كلام أسلام بمثابة زلزال الذى هز كيان مراد هو يقول نفسه أيمكن ان يكون ما يشعر به أتجاه تمارا هذا حب .. هل فعلآ هذه التمارا أحتلت عرش و عذرية قلبه
لا لا يمكن أن يحدث ذلك..انه هو مراد مهران الرجل الذى بلا قلب ..
بينما كان قلبه مثل الإعصار الهأئج لا يفهم مراد ما به
أما عقله يرفض يصدق ما يشعر به
هنا مسك مراد رأسه كأنه يطلب من عقله ان يتوقف عن التفكير ..لم يخرج من الدوامة التى سيطرة على عقله إلا على صوت حور وهى تقول
حور٠٠٠ مراد انت كويس
مراد ٠٠٠ الحمدالله تمام
حور ٠٠٠ أنتى ماسك راسك ليه
مراد ٠٠٠ عندى صداع خفيف
حور ٠٠٠ طيب الجر*ح عامل ايه دلوقتى لسه بيألمك
مراد ٠٠٠ بسيط
حور٠٠٠ طيب انا هقول ل تمارا تيجى تغيرلك على الجرح
قال مراد بسرعة
مراد ٠٠٠ تمارا لاء . قصدى مش دلوقتى بعدين
حور ٠٠٠ حاضر زى ما تحب
فى مساء اليوم
غرفة حسام
~~~~~~~~~~
تمارا ٠٠٠ هروح اجيب كتاب من المكتبة عشان اقرألك فيه . تحب اجيب كتاب معين
حسام ٠٠٠ لاء انتى عارفه انى بحب اختيارك
ذهبت تمارا لتجلب الكتاب وهنا تعالى صوت رنين هاتف تمارا
( بداية المكالمة )
تمارا ٠٠٠ الووو
ياره ٠٠٠الووو تمارا لسه مراد ماردتش عليكى فى حوار الشقة
تمارا ٠٠٠ لسه . بصراحه انا محروجه أكلمه
ياره ٠٠٠ شكله طنشنا.
تمارا ٠٠٠ مش مشكله بكره ننزل ندور على شقة عادى يعنى
ياره ٠٠٠ تمام . صح انتى مش خلصتى شغل
تمارا ٠٠٠ قدامى نص ساعة اقرأ كتاب
ل حسام و أروح على طول
ياره ٠٠٠ انتى عامله فيها شهر زاد ولا ايه واللهى حسام ده مدلع أحلى دلع.
تمارا ٠٠٠ طيب اقفلى ياختى هى مش ناقصه لماضه
( إنتهت المكالمة)
انتهت المكالمة و جاءت بالكتاب و عندما كانت على وشك دخول غرفة حسام قالت حور
حور٠٠٠ تمارا ممكن تروحى تغيرى على الجر*ح ل مراد هو دلوقتى فى أوضته
هنا تذكرت اقتراب مراد منها فى الجيم صباح اليوم لذلك قالت
تمارا ٠٠٠ حاضر بس تيجى معايا
حور ٠٠٠ ليه يعنى
تمارا ٠٠٠ معلش انا ماينفعش اتحرك فى القصر لوحدى
حور ٠٠٠ خلاص اوكى انا جايه معاكى
بقلم٠أروى٠عادل
غرفة مراد
~~~~~~~~~~~
طرقت حور على الباب جاءها صوت مراد يأذن لها بدخول عندما دخلت كان مراد مستلقى على الفراش عاري الصدر
حينها قالت حور
حور ٠٠٠ أنا مش لوحدى معايا تمارا عشان تغيرك على الجرح تعالى يا تمارا
هنا أرتده مراد تشيرت كان بجواره
ثم نظره ل تمارا وقال
مراد ٠٠٠ مش لازم تتعبى نفسك انا هروح اغير بكره عند دكتور
حور ٠٠٠ طيب ليه دكتور و تمارا موجوده
هنا قالت تمارا بسخريه
تمارا ٠٠٠ أيه شكلك خايف . متخافش أيدى خفيفه مش هوجعك… حور فين المطهر
حور ٠٠٠ كل حاجة هتحتاجيها هتلاقيها فى الكيس ده .. عن أذنكم بقى
ردت تمارا بسرعة
تمارا ٠٠٠ رايحه فين
حور٠٠٠ بصراحه انا مقدرش أشوف منظر الجر*ح و الخياطة
تمارا ٠٠٠( بأرتباك) لاء ماينفعش تمشى استنى انا هخلص بسرعة و اجى معاكى.. و ابقى يا ستى دورى وشك الناحيه التانيه
حور ٠٠٠ خلاص هعمل مكالمة فى التراس على ما تخلصى
دخلت حور الشرفة و تركت٠ تمارا متوتره من وجودها مع مراد لوحدهم
بينما جلست تمارا على الفراش بجوار مراد
وعندما كانت تفتح زجاجة المطهر
شعر مراد بأرتباك تمارا لذلك أراده أربكها أكثر فخلع التشيرت
هنا اتنفضت تمارا من على الفراش وقالت بخوف بعد ما أغلقت عينيها
بقلم٠أروى٠عادل
تمارا ٠٠٠ أنت قلعت التشيرت ليه
حاول مراد ان يخفى ضحكته فقال
مراد ٠٠٠ عادى عشان تعرفى تغيرى على الجر*ح
تمارا ٠٠٠ لو سمحت البس التشيرت
مراد ٠٠٠ أيه خايفة ليه . اظن انك قولتى قبل كده انك مبتخافيش
تمارا ٠٠٠ دى حاجة مالهاش علاقه بالخوف
مراد ٠٠٠امال ليها علاقة بأيه
تمارا ٠٠٠ بالحياء و الأدب
ضحك مراد فبرزت عمازته لأول مره ترى تماره مراد يضحك كان يبدو ساحر وهو ويضحك
مراد ٠٠٠ طيب تعالى . تعالى متخافيش
ثم ارتدى التشيرت و بدأت تمارا فى تغير على الجر*ح ولم تلاحظ عيون مراد التى كانت تتفحص كل انش من وجهها بأستمتاع
رفعت تمارا وجهها فتقابلت أعينهم
وهنا سمعوا صوت نسرين و هى تقول بغضب
نسرين ٠٠٠ أيه إللى بيحصل هنا ده.. هى حصلت لكده
