المشترى٠٠٠ أم سلمى احنا انشاء الله هنروح الشهر العقارى بمرة عشان نسجل العقد
بلعت ميرفت ريقها بأرتباك . أما الحاج إبراهيم أرده المغادرة مع المشترى بسرعة قبل ما يتهور عصام لذلك قال
أبراهيم ٠٠٠ طيب يلا بينا يا حج عشان انا عندى مشوار مهم
بعد ما انصرف الحاج إبراهيم و المشترى قال عصام
عصام ٠٠٠ بقى انتو عايزين تبيعوا الشقة
ميرفت ٠٠٠ أه كنت عايزين نشترى شقة كبيرة عن الشقة دى
عصام ٠٠٠ ( بعصبيه)اسمعوا مافيش طلوع من الحاره غير بعد ما اتجوز تمارا
ميرفت ٠٠٠ اهدى يا أبنى و أقعد عشان نتكلم
أم عصام ٠٠٠ اقعد يا عصام لما نشوف
أم البنات عايزه تقول ايه
عصام ٠٠٠ أدى قاعده خير
ميرفت ٠٠٠ اسمعى يا عصام . تمارا قدمها لسه أربع سنين دراسه وهى رافضه الارتباط قبل ما تخلص دراسه
أم عصام ٠٠٠ معلش ياختى . انا واحده فهمى على أدى مش فاهمه حاجة من كلامك
ميرفت ٠٠٠ بصراحه تمارا مش عايزه الخطوبه دى
هنا قال عصام و هو يصرخ بغضب
عصام ٠٠٠ أنتى بتخرفى بتقولى إيه يا ولايه
ده انا اخرب بيتكم انا قارى فاتحه
سلمى ٠٠٠ أحترم نفسك و بلاش قلة أدب
عصام ٠٠٠ هو انتو لسه شوفته قلة أدب ده انا اقلعلكم ملط هنا
ياره ٠٠٠ ايه القرف اللى انت بتقوله ده هى حصلت
بزعيق و تهليل قالت أم عصام
أم عصام ٠٠٠ ايوة ياختى حصلت هو انتو فاكرين أبنى لعبة فى ايدكم .لا ده انا اهد البيت ده على دماغتكم
ميرفت ٠٠٠ فى ايه يا أم عصام الجواز ده قسمه و نسيب
عصام ٠٠٠ مش عايز كلام النسوان ده انا هتجوز تمار برضاكم او غصب عنكم
سلمى ٠٠٠ فى ايه هو شغل بلطجه
عصام ٠٠٠ أه شغل بلطجه عندك مانع
ياره ٠٠٠ طالما هى كده يبقى احنا معندناش بنات للجواز
سلمى ٠٠٠ يلا بقى من هنا من غير مطرود
اتعصب عصام و أمه لذلك قالت
أم عصام ٠٠٠ أنتى بتطرودينا يا بنت الكلب طيب و دينى لا أربيكى
ثم رفعت يديها لتصفع سلمى .. لكن ياره مسكت ايديها و دفعتها فسقطت أم عصام على الأرض و هنا جن جنون عصام و اتهجم عليها.. و هو يريد ضرب ياره
هنا بدأت ميرفت و سلمى يصرخون و هم يمنعوا عصام من الوصول ل ياره
بينما اجتمعوا الجيران على صوت صراخهم
بعد محاولات كثير نجح الجيران فى اخراج عصام و أمه من منزل ميرفت … فى حين ذلك أغلقت ميرفت باب منزلها عليها و على بناتها
لكن عصام ظل بصراخ و يتوعد لهم بألعقاب و يقول
عصام ٠٠٠ اقسم بالله ما هسيبك يا ياره
و هقطع ايدك إللى اتمدت على أمى
أحد.الجيران٠٠٠ عيب يا عصام هتتهجم على حريم
عصام ٠٠٠ أنا مش عايز حد يفتح بقه..إللى هيفتح بقه انا هفصل رأسه عن جسمه ..
و الكلام ده للكل فاهمين
ثم نزل و وقف فى وسط الشارع و حط كرسى و جلس عليه و قال بغضب عارم
عصام ٠٠٠ كل المنطقه تسمعنى انا ليا حق عند ميرفت و بناتها و هخده و اي حد هيدخل يبقى ميلومش غير نفسه… انا مش متعتع من هنا . مافيش حد هيطلع و لا هيدخل من البيت ده غير بأمرى فاهمين
هنا جاء الحاج إبراهيم و قال
أبراهيم ٠٠٠ أيه إللى بيحصل هنا ده
عصام ٠٠٠ إللى انت شايفو يا حاج ..
أبراهيم ٠٠٠ عيب كده يابنى دى مش أصول ..
عصام ٠٠٠ اسمع يا حاج ياريت تطلع انت منها وتقول للراجل إللى انت جايبه يشترى الشقه ان خلاص مافيش شقق للبيع
أبراهيم ٠٠٠ بلاش تستقوى على الولايا يابنى
عصام ٠٠٠ روح من هنا يا حاج إبراهيم . مالكش دعوة بالليله دى احسنلك
أبراهيم ٠٠٠ لا حول ولا قوة إلا بالله
قال إبراهيم جملته ثم انصرف لانه يعلم جيدآ انه اذا وقفه أم عصام سوفه بفقد هيبته أمام أهل المنطقة
داخل منزل ميرفت
.~~~~~~~~~~~
بعد ما سمعوا كل ما قاله عصام
سلمى ٠٠٠ يعنى ايه عصام حبسنا هنا فى الشقه
ياره ٠٠٠ ليه هى الدنيا سايبه
سلمى ٠٠٠ ما انتى سمعتى إللى قاله ده حتى الحاج إبراهيم معرفش يعمل معاه حاجة..
يعنى كان لازم يا ياره تزقى إم عصام
ياره ٠٠٠ يعنى كنت أسيبها تضربك
سلمى ٠٠٠ اهو كان احسن من إللى احنا فيه
ياره ٠٠٠ هو انتى فاكره عصام عمل كده عشان خاطر أمه هو عمل كده عشان ماما متروحش بكره الشهر العقارى .. و توافق تكمل جوزته من تمارا
هنا صرخت ميرفت وقالت
مرفت ٠٠٠ تمارا زمانها جايه من الشغل . اتصلى على أختك بسرعة .. خليها ماتجيش دلوقتى البيت . احنا منعرفش لو جات دلوقتى عصام ممكن يعمل معاها ايه
فى نفس الوقت
جنينة القصر
~~~~~~~~~~~~
بعد ما انتهوا من تناول السندويتشات قالت تمارا
تمارا ٠٠٠ أنا هروح اعمل كوبية الشاى إللى وعدتك بيها
تركت هاتفها على الطاولة و ذهبت لتحضير الشاى فى ذلك الوقت اتصلت سلمى و ياره على تمارا كثير
بقلم٠أروى٠عادل
داخل القصر
~~~~~~~~~~~
كانت تمارا داخله المطبخ عندما رأها لؤى و ظل ينظر لها إلى أن اختفت داخل المطبخ
و عندها لاحظ أسلام قال عندك
أسلام ٠٠٠ شيل عينك من على البنت شويه
لؤى ٠٠٠ ( بأعجاب) البنت جامدة بصراحة
أسلام ٠٠٠ طيب اظبط شويه البنت شكلها محترمة
لؤى ٠٠٠ محترمة ايه صلى على النبى. انت مش شايف عملت ايه مع حسام
أسلام ٠٠٠ ده معناه انها ممرضة شاطره
لؤى ٠٠٠ هى فعلآ شاطرة ..بس مش فى التمريض
أسلام ٠٠٠ أنا بتخرف بتقول أيه
لؤى ٠٠٠ مش مصدقنى . تحب أثبتلك
أسلام ٠٠٠ هتعمل ايه ..لؤى ماتتهورش .
انا بحذرك .
لؤى ٠٠٠ استنا وشوف ( ثم ضحك بخبث وقال) ممرضة شاطرة شكلك عبيط
أسلام٠٠٠ بلاش البنت دى احسنلك .. انا بحذرك
إسلام كان يعلم انا تمارا لسانها سليط
لان مراد حكى له كل ما حدث بينهم من خناقات
لم يستمع لؤى ل أسلام و ذهب للمطبخ خلف تمارا .
وعندما دخلت المطبخ رأه تمارا تسكب الشاى . فأقترابه منها
تصنع ان لديه نوبة سعال وهنا سكبت تمارا كوب من الماء و أعطته له
بعد ما شرب الماء قال
لؤى ٠٠٠ شكرآ
تمارا ٠٠٠ العفو .ها بقيت أحسن
لؤى ٠٠٠ أكيد إللى يشوف وش حلو زى وشك لازم يبقى كويس
عندما سمعت تمارا كلام لؤى استدارت ومسكت الصينية التى عليها كوبين الشاى
وكانت ستخرج من المطبخ لكن نادها لؤى وقال
لؤى ٠٠٠ يا أنسه . اسمك تمارا صح
تمارا ٠٠٠ ايوه ..خير حضرتك عايز حاجة
نظره لها من فوق لتحت و هو يتفحصها و يقول
لؤى ٠٠٠ كنت عايز أسألك ايه نظامك
تمارا ٠٠٠( بأستغراب) نظام ايه مش فاهمه
لؤى ٠٠٠ بصراحة انا عايز يكون عندى ممرضة زيك تاخد بالها عليا و تهتم بيا و انا تحت أمرك فى إللى تطلبيه
قال جملته ثم وضع يده على خصر تمارا
لذلك أنتفضت تمارا فسقطت الصينية بما عليها . وهنا صفعته تمارا على وجهه بقوه .
لؤى أتصدم من رد فعل تمارا
وقال بصراخ وهو يضع يده على وجهه
لؤى ٠٠٠ أنتى ايه اللى عملتيه ده يا بت
لم ترد عليه تمارا بل توجهت لباب المطبخ لتخرج منه هنا أمسكها لؤى من معصمها
وقال بغضب
لؤى ٠٠٠ رايح فين هو انتى فاكره انى هسيبك لا ياروح امك ده القلم ده هدفعك تمنه خالى أوى
صرخت به تمارا وهى تقول
تمارا ٠٠٠ سيب ايدى يا حيوان أحسنلك
وهنا دخل أسلام و مراد و هايدى و مالك على صوت زعيقهم
مراد ٠٠٠ لؤى سيب ايدها . ايه إللى بيحصل هنا
ترك لؤى يد تمارا . بينما انصرفت تمارا من المطبخ هنا قال لؤى
لؤى ٠٠٠ البيت دى تطرد فورآ من الشغل هنا
مراد ٠٠٠ ( بعصبيه) ما تقول ايه إللى حصل
لؤى ٠٠٠ البت مدت ايدها عليا و ضربتنى بقلم
هايدى ٠٠٠ ازاى تتجرئ تعمل كده البنت دى لازم تتأدب
مراد ٠٠٠ وهى ضربتك بقلم ليه
لؤى ٠٠٠ أيه يا مراد هو انت لسه هتستجوبنى انا هروح اطردها بنفسى
ثم خرج مسرعآ من المطبخ و خرج الجميع خلفوا
بقلم٠أروى٠عادل
فى جنينة القصر
~~~~~~~~~~~~~~
رجعت تمارا ل حسام فقال
حسام ٠٠٠ ردى على تليفونك مبطلش رن ..
صح فين الشاى
تمارا ٠٠٠ ( بضيق) حسام معلش انا همشى
حسام ٠٠٠ ليه فى ايه
تمارا ٠٠٠ مافيش حاجة بس انا اروح دلوقتى
حسام ٠٠٠ لاء فى حاجة . و باين أوى على وشك
هنا جاء لؤى و بعصبيه قال
لؤى ٠٠٠ اسمعى يا بت انتى من سكت تغورى دلوقتى من هنا
تمارا ٠٠٠ أنت شكل القلم مأثرش فيك
و محتاج تاخد قلم تانى
لؤى ٠٠٠ لا ده انتى قليلة الأدب
و رفع أيده لكى يضربها لكن مراد أمسك يده بغضب وقال
مراد ٠٠٠ لو حصل و رفعت ايدك على حد فى بيت يوسف مهران انا هكسرهلك
لؤى ٠٠٠ أنت بتكلمنى انا كده عشان خدامة
حسام ٠٠٠ لؤى احترم نفسك تمارا مش خدامة وانا ماسمحش ليك ولا اي حد يكلمها بطريقه دى
هايدى ٠٠٠ فى ايه يا جماعة انتو هتتخنقوا مع بعض عشان حتة ممرضة
ملك ٠٠٠ يا جماعة ممكن تهدوا عشان تفهم ايه إللى حصل
مراد ٠٠٠ تمارا ايه اللى حصل
شعرت تمارا بأحراج وهى تقول ما حدث وعندما قالت تمارا أن لؤى وضع يده على خصرها لذلك صفعته . هنا قال لؤى
لؤى ٠٠٠ كدابه دى هى إللى حاول تستدرج…
قبل أن يكمل عبارته لكمه مراد على وجهه. أتصدمة الجميع من رد فعل مراد
لؤى ٠٠٠ انت بتمد ايدك عليه عشان واحده زى دى
مراد ٠٠٠ لو نطقت كلمة تانى اقسم بالله هدفنك مكانك
كان مراد سيضرب لؤى مره أخرى لكن أسلام منعوا
اسلام ٠٠٠ خلاص يا مراد اهدى وانت يا لؤى انا مش حذرتك و قولتلك ابعد عنها
مراد ٠٠٠ يعنى انت كنت عارف انه هيعمل كده
اسلام ٠٠٠ لاء والله بالعكس انا حذرته انه مايقربش منها
هنا مسكت تمارا شنطتها كانت ستغادر لكن قال مراد
مراد ٠٠٠ استنى رايحه فين .. لؤى أتأسف لها
لؤى ٠٠٠ أنت اتجننت عايزنى أتأسف ليها بعد ما ضربتنى
مراد ٠٠٠ اه و هتتأسف برضاك أو غصب عنك
هايدى ٠٠٠ خلاص يا مراد الحوار مش مستاهل
مراد ٠٠٠ ( بصراخ) لاء مستاهل لانها بتشتغل فى بيتى و اى أهانه ليها تعتبر ليا انا
هنا خرج الجميع سمعوا ما حدث لذلك قالت
شيرين ٠٠٠ أنتى عايز ابنى يتأسف الممرضة
حسام ٠٠٠ أه يتأسف لانه غلط
نرمين ٠٠٠ حسام عنده حق
شيرين ٠٠٠ يا سلام انتو اتأكدوا ان لؤى هو الغلطان مش يمكن الممرضة هى إللى كدابه
لؤى ٠٠٠ ايوه هى كدابة
تمارا ٠٠٠ أنا كدابه تصدق انك واحد بجح
حسام ٠٠٠ تمارا مابتكدبش
شيرين ٠٠٠ يعنى لؤى إللى كداب
هنا كدب مراد وقال
مراد ٠٠٠ طيب خلاص ساهله فى كاميرات فى المطبخ نشوفها و نتأكد
هنا اتوتر لؤى و قال
تمارا ٠٠٠ طيب كويس و بعد ما تشوفوا الكاميرات و تعرفوا إللى حصل انا عايزه حقى من كل حد غلط فيا
لؤى ٠٠٠ كاميرات ايه دى . بعدين انتو مكبرين الحوار ليه . بصوا بصراحه انا كنت بهزر مع تمارا ماكنتش اعرف انها أفوشه أوى كده
هنا جاء صوت فؤاد من الخلف وقال
فؤاد ٠٠٠ يبقى تتأسف ليها
لؤى ٠٠٠ بس يا خالو
قطع فؤاد جملته وقال
فؤاد ٠٠٠ قولت تتأسف من غير ولا نفس
هنا قال لؤى بصوت مهزوز
لؤى ٠٠٠ أنا أسف
هنا قال حسام انا عايز ادخل جوه يا تمارا
لذلك دفعت تمارا الكرسى لداخل القصر
بقلم٠أروى٠عادل
داخل غرفة حسام
~~~~~~~~~~~~~
حسام ٠٠٠ أنا أسفه على حصل
تمارا ٠٠٠ ولا يهمك انسى ..يلا دلوقتى ادخل الحمام و اغسل ايدك هنا هروح اعملك الشاى
بعد ما دخل الحمام رن هاتف تمارا لذلك ردت
( بداية المكالمة )
سلمى ٠٠٠ أنتى فين يا تمارا رنيت عليكى كتير مابترديش على تليفونك ليه
تمارا ٠٠٠ براحه يا سلمى فى ايه
سلمى ٠٠٠ اسمعى ماترجعيش البيت دلوقتى
تمارا ٠٠٠ يعنى ايه مارجعش البيت . فى ايه يا سلمى
حكت سلمى ما حدث ل تمارا لذلك قالت بغضب
تمارا ٠٠٠ يعنى ايه حبسكم فى البيت هى سايبه. انا جاى دلوقتى على البيت
سلمى ٠٠٠ بقولك ماتجيش
تمارا ٠٠٠ لاء هاجى لما أشوف هيعملى ايه
مش ناقص غير نخاف من واحد زى ده
( إنتهت المكالمة )
ثم اخدت شنطتها وانصرفت مسرعه
بقلم٠أروى٠عادل
منزل ميرفت
~~~~~~~
بعد ما انتهت المكالمه قالت ميرفت
ميرفت ٠٠٠ ها قالتلك ايه
سلمى ٠٠٠ قالتلى انها جايه
ميرفت ٠٠٠ يا نهار أسود هتيجى ازاى و عصام واقف تحت البيت ده . يا بنتى اتصلى عليها تانى و قوليلها ماتجيش
سلمى ٠٠٠ أنتى عارفه تمارا مستحيل تسيبنا لوحدنا فى ظرف زى ده
ياره ٠٠٠ مافيش حل غير نبلغ البوليس قبل
ما توصل تمارا
ميرفت ٠٠٠ خلاص بلغى يا ياره
اتصلت ياره بالشرطة….
بالفعل بعد نصف ساعة جاءت الشرطة لكن لم تجد أحد . لان كان فى أحد بلغ عصام لذلك اختفى وقت وصول الشرطة
و جاءت تمارا أيضآ أثناء وجود الشرطة
الظابط ٠٠٠ ده يعتبر بلاغ كاذب
ميرفت٠٠٠لا واللهى يا حضرة الظابط هو كان هنا بس اختفى أول ما وصلتم
الظابط ٠٠٠ بس احنا مالقناش حد . على العموم المره الجايه خدى بالك انه يكون موجود عشان مش اعملك محضر بلاغ كاذب
بمجرد ما غادرت الشرطة ظهر عصام تانى و بصحبته بعض من أصدقائة و ظل يقول بصوت عالى لكى تسمعوا ميرفت و بناتها
عصام ٠٠٠ لو كنت فاكرين ان البوليس هيحميكم منى يبقى بتحلموا. مافيش حد يقدر يخلصكم منى فاهمين
تمارا من داخل الشقه قالت
تمارا ٠٠٠ أنا هطلع ارد عليه و عرفه مقامه
مسكتها ميرفت و منعتها تفعل أى شئ
بقلم٠أروى٠عادل
مساء اليوم التالى
شقة ميرفت
~~~~~~~~~~
تمارا ٠٠٠ يعنى ايه هنفضل محبوسين فى الشقة لحد أمتى. احنا من امبارح على نفس الوضع
ميرفت ٠٠٠ يمكن يزهق و يمشى
ياره ٠٠٠ افرض مازهقش هنفضل كده
سلمى ٠٠٠ حاتم هيجى يتكلم معاه لعله وعسى يجيب نتيجة
تمارا ٠٠٠ و الزفت عصام بيفهم فى الكلام
ميرفت ٠٠٠ ليه بس دخلتى حاتم فى الموضوع
سلمى ٠٠٠ واللهى هو إللى صمم يجى يتفاهم مع عصام
ميرفت ٠٠٠ ربنا يستر
هنا سمعوا صوت زعيق لذلك توجهوا للشرفة ليعلموا ماذا يحدث هنا شاهدوا عصام يزعق مع حاتم ويقول
عصام ٠٠٠ أنت مالكش دعوة يا حيلتها
حاتم ٠٠٠ لم نفسك و اتكلم كويس
عصام ٠٠٠ هو ده كلامى اذا كان عجبك
حاتم ٠٠٠ بص بقى أمور البلطجه دى مش عليا فاهم
عصام ٠٠٠ طيب انا هوريك البلطجة تبقى ازاى
هنا انهاله عليه بضرب هو و اصدقأئه ظلت ميرفت وسلمى و ياره يصرخون من الشرفة
و جميع الجيران ينظرون وهم يراقبون ما يحدث فى صمت خوفآ من بطش عصام
بينما تمارا لم تستطيع تتحمل ما يحدث
لذلك دخلت المطبخ و أخذت عصى كانت موجود به
بينما حاولت ياره تمنعها لكن تمارا دفعتها بعيد عنها … ثم خرجت من الشقة و أغلقت الباب الشقة بالمفتاح من الخارج
و عندما رأت ميرفت من الشرفة تمارا خارجه من المنزل فى يديها عصى صرخت عليها
فى حين تمارا ضربت أحد أصدقاء عصام بالعصى على قدمه ثم ضربت الاخر ظلت
تضربهم على اقدامهم وهى تتحرك بخفه
و تتفادى ضربهم لها لكن فجأه جاء عصام
من خلفها و مسكها من شعرها و كان على وشك صفعها لكن وجد يد قويه تمسك به
و عندما نظرت تمارا لصاحب اليد أتصدمت وقالت
تمارا ٠٠٠ استاذ مراد
