رواية التضحية بالحب الفصل السادس 6 بقلم أروي عادل
خرجت تمارا من جناح حسام
وهى فى الطريق إلى غرفة المكتب و عندما كانت تسير فى ممر لتصل لدرج
شعرت تمارا بصدمة مما حدث و حاولت تمارا للهروب او الإفلات منه لكن دوى جدوى
فجأة شعرت بظهرها قد لمس شئ صلب و
وهنا وجدت تمارا نفسها محاصرة بين مراد
و الحائط .. فأتسعت عينيها بخوف و بدء قلبها يدق بسرعة
و هنا قال مراد بتحذير و صرامه وغضب شديد
مراد ٠٠٠ أسمعى اللى انا هقولك كويس انا هسيبك تشتغلى هنا عشان خاطر حسام
كمانو لأنى مش عايز اعمل مشاكل مع حسام بسبب واحده زيك …بس لو مش عايزانى أذيكى و تتقى شرى تتلاشينى خالص طول
ما انتى هنا فى القصر .ما تورينيش وشك نهائى مفهوم
هنا شال يده من على فم تمارا و أنتظر ردها لكنها لم ترد لذلك أقترب منها لدرجة انها شعرت بأنفاسه الحارقه على وجهها وقال وهو يصرخ فيها ثم خبط يده فى الحائط بجوار رأسها
مراد ٠٠٠ بقولك مفهوم
أنتفضت تمارا ثم أغلقت عينيها تحول وجهها للون الأحمر من الخوف
و عندما رأها مراد بهذه الحاله لا يعرف ماذا أصابه .
كان لديه فى ذلك الوقت مشاعر محيرة و مربكة وهو يتأمل وجهها وهى مغلقه عينيها.. كانت تبدو مثيره وهى بهذا الوضع
لذلك أقتربه منها أكثر وهو يغمره شعور قوى فى تقبلها .. لكنه تدارك الأمر عندما فتحت تمارا عينيها وقالت بأرتباك وهى تنظر اتجاه باب الغرفة
تمارا ٠٠٠ أيه ده نسرين هانم الحقينى
فى حين ذلك نظر مراد اتجاه الباب بعد ما ترك تمارا لكنه لم يجد أحد لقد خدعته
بينما استغلت تمارا الفرصه و هربت بسرعة من أمام مراد
هنا أبتسم مراد على هذه المشاكسة التى خدعته بسهوله
بقلم٠أروى٠عادل
جناح حسام
~~~~~~~~~
خرجت تمارا تركض و لداخل جناح حسام
و أغلقت الباب خلفها و ثم سندت على الباب
و وضعت يديها على صدرها و حاولت تتنفس بأنتظام .. عندما رأها حسام قال
حسام ٠٠٠ مالك فى ايه
لم ترد تمارا لذلك كرر حسام نفس السؤال
حسام ٠٠٠ تمارا مالك ايه إللى حصل خلاكى خايفه كده
بلعت تمارا ريقها حاولت تسيطر على نفسها وقالت
تمارا ٠٠٠ مافيش انا بس كنت بجرى
حسام ٠٠٠ بتجرى من ايه
تمارا ٠٠٠ ولا حاجة . انا كده بحب اطلع السلالم جري
كانت تمارا بتتكلم بتوتر لذلك لم يقتنع حسام بكلامها لذلك قال
حسام ٠٠٠ تمارا أوعى يكون مراد ضايقك او عملك حاجة
تمارا ٠٠٠ لاء . لاء ..خالص .هو معملش حاجة
حسام ٠٠٠ طيب فين الكتاب
تمارا ٠٠٠ ها كتاب ايه
حسام ٠٠٠ تمارا انتى مش روحتى تجيبى كتاب من المكتبة إللى تحت
تمارا ٠٠٠ اه صح الكتاب تصدق نسيت
حسام ٠٠٠ مالك يا تمارا
تمارا ٠٠٠ تعبانه شويه
حسام٠٠٠ تعبانه مالك
تمارا ٠٠٠ عندى صداع .. ممكن أروح دلوقتى
حسام ٠٠٠ طيب بس استنى أخلى السواق يوصلك
تمارا ٠٠٠ سواق ايه لا متشكره .
هنا دخلت حور وقالت
حور ٠٠٠ أيه الأخبار بطلتوا خناق خلاص
حسام٠٠٠ انتى لسه فاكره الكلام ده كان الصبح
حور ٠٠٠ أنا مش عارفه انت و مراد تقريبآ مش بتتكلموا مع بعض يوم ما تتكلموا تقوموا تتخنقوا
حسام ٠٠٠ حور خلاص الموضوع انتهى…
تمارا ٠٠٠ طيب عن أذنكم انا
حسام ٠٠٠ استنى يا تمارا .حور ممكن اطلب منك خدمه
حور ٠٠٠ طبعآ يا حبيبى . و أخيرآ حسام مهران هيطلب منى انا خدمه
حسام ٠٠٠ توصلى تمارا لبيتها لانها تعبانه
أستغربت حور من طلب حسام. من أهتمامه الزايد بتمارا ثم قالت
حور٠٠٠ أوكى يلا يا تمارا
تمارا ٠٠٠ لا مالهوش لازمه انا هاخد تاكسى
حور ٠٠٠ طالما حسام بيه مهران قالى أوصلك يبقى لازم أوصلك مافيهاش نقاش دى
هزت تمارا رأسها بالموافقة ثم غادرت الجناح مع حور
بقلم٠أروى٠عادل
فى السيارة
~~~~~~~~~~
أول ما صعدت حور و تمارا السيارة قالت حور
حور٠٠٠ قوليلى ساكنه فين
تمارا ٠٠٠ ممكن بس تنزلينى عند آخر الشارع وانا هاخد تاكسى لان هنا صعب القى تاكسى
حور٠٠٠ بصى حسام قالى أوصلك يبقى لازم أوصلك . دى أول مره حسام يطلب منى حاجة . عايزه يقول عليا ايه
تمارا ٠٠٠ تمام يبقى خليكى ماشيه على طول وانا ابقى اقولك على الطريق لأنى لو قولتلك عن عنوان أكيد مش هتعرفى توصلى لوحدك
هنا قالت تمارا
تمارا ٠٠٠ ممكن أسألك سؤال
حور ٠٠٠ قولى
تمارا ٠٠٠ أنتى ليه قولتى ان الأستاذ حسام
و الأستاذ مراد تقريبآ مش بتتكلموا مع بعض
كمان انا من ساعة ما اشتغلت ما شوفت الأستاذ مراد بيجى يشوف الأستاذ حسام
حور ٠٠٠ ده الموضوع شخصى بينهم
تمارا ٠٠٠ بصى انا طبعآ ماليش أدخل فى أى مواضيع شخصية . بس نفسية الأستاذ حسام تهمنى . يهمنى أفهم هو ليه كان رافض العلاج و رافض يتعامل مع الناس أكيد فى سبب إللى وصلوا لكده
حور ٠٠٠ بصى كل إللى اقدر اقوله ان حسام اتعرض لصدمه شديده أوى خلته يفقد الثقه فى اى حد.. و ان مراد كان السبب فى ده بعدها حصلت الحادثه .من وقتها حسام
و مراد اتقطعت العلاقه بينهم
فهمت لماذا وقفه حسام معاها ضد مراد
وهنا وصلت تمارا لأول الشارع إللى ساكنه فيه قالت
تمارا ٠٠٠ نزلينى هنا
حور ٠٠٠ بيتك هنا
تمارا ٠٠٠ لاء بيتى آخر الشارع ده بس لو دخلتى حارتنا بالعربيه دى ممكن تحصل ثورة جوه الحاره
حور٠٠٠ ثورة مره واحده
تمارا ٠٠٠ يمكن اكتر كمان .. قوليلى هتعرفى ترجعى لوحدك
حور ٠٠٠ اه اعرف . يلا باى
قالت حور جملتها و انطلقت بالسيارة أما تمارا
بقلم٠أروى٠عادل
فى منزل ميرفت
~~~~~~~~~~
أول ما وصلت تمارا للمنزل دخلت لغرفتها لذلك قالت ميرفت
ميرفت ٠٠٠ مالها أختك دخلت على طول كده ليه
سلمى ٠٠٠ مش عارفه يمكن حصل حاجة فى الشغل
ميرفت ٠٠٠ يادى الشغل ده . ماقولنا تقعد منه و نخلص
ياره ٠٠٠ انا هدخل اشوف مالها
داخل غرفة تمارا
ياره ٠٠٠ مالك يا بنت ميرفت
تمارا ٠٠٠ مافيش
ياره ٠٠٠ أمال دخلتى على الأوضة على طول ليه مش عوايدك يعنى
تمارا ٠٠٠ عادى يعنى. دماغى وجعانى شويه
ياره ٠٠٠ عليا انا بردوا أحكى حصل ايه
كأن تمارا ما صدقت ان ياره قالت لها تحكى
حكت تمارا كل شئ حصل معاها اليوم وخصوصآ ما فعلوا معاها مراد
ياره ٠٠٠ المجنون ابن المجانين. وانتى أسكتى له
تمارا ٠٠٠ ولا قدرت انطق بكلمة
ياره ٠٠٠ غلطانه كنتى حتى صوتى و فضحتيه
تمارا ٠٠٠ أنا مش عارفة ايه إللى جرالى. لما لاقيته قريب منى أوى ماقدرتش حتى اتحرك
ياره ٠٠٠ أنا متهيألى لحد هنا و كفاية انتى مش هتروحى الشغل ده تانى
تمارا ٠٠٠ بس انا صعبان عليا حسام ده بدء نفسيته تتحسن .
ياره٠٠٠ انا مش فاهمه انتى متمسكه بالشغل ده ليه . ولا يكون عجبك إللى بيعملو فيكى إللى اسمه مراد ده
تمارا ٠٠٠ لاء بس النهاردة حسام وعدنى انه هيسمع كلامى . بس بشرط انى مش أسيب الشغل ينفع بعد ما قالى كده أسيب الشغل و اتخلى عنه
ياره ٠٠٠ هو حسام ده اللى بقى فجأة ملاك ماهو كان زى أخوه كده
تمارا٠٠٠ على العموم انا هستنا لأخر الأسبوع ولو مراد أتعرض ليا مره تانى هسيب الشغل
ياره ٠٠٠ تمام انتى حره
تمارا ٠٠٠ ياره حبيبتى أوعى تقولى ل ماما ولا سلمى حاجة
يارة ٠٠٠ مش هقولهم حاجة و دلوقتى قومى عشان تكلى
تمارا ٠٠٠لا انا مش جعانه.أكلت السندويشات بتاعتى متأخر . بس عايزه انام
هنا حطت ياره الغطاء على تمارا و قبلتها من رأسها و تركتها تنام . و انصرفت
ظلت تمارا تتذكر ما فعلو مراد معاها و أقترابه منها .إلى أن دخلت فى سبات عميق
بقلم٠أروى٠عادل
فى المساء
بعد مرور أسبوع
~~~~~~~~~~~
جاءت أم عصام لتتحدث عن خطبت تمارا مره أخرى و كعاده ميرفت بتحاول تخلق أي أعذار لتأجيل الموضوع الخطوبه
ميرفت ٠٠٠ يا أم عصام انا قولتلك قبل كده البنت لسه صغيرة و عايزه تكمل دراستها
أم عصام ٠٠٠ و ماله ما تكمل وهى فى بيت عدالها
ميرفت ٠٠٠ طيب يرضيكى اجوز الصغيرة قبل أخواتها الكبار
أم عصام ٠٠٠ ياختى و ايه يعنى إللى يجى عدالها الأول تتجوز
سلمى ٠٠٠ بس احنا ناس صعايد و الكلام ده ماينفعش عندنا
أم عصام ٠٠٠ يا حول الله يارب ده نسيب
و كل واحده و نسيبها
ميرفت ٠٠٠ ماقولناش حاجة بس انا مش عايز أجوز الصغيره الأول
أم عصام ٠٠٠ بس انا معنديش غير الواد عصام و عايزه افرح وهو متبت فى البت تمارا
وهنا قالت ياره بضيق من أسلوب أم عصام فى الحديث
ياره ٠٠٠ قصدك تقولى الدكتوره تمارا
لوت بوزها أم عصام وقالت
أم عصام ٠٠٠ أه و ماله دكتوره و ست الدكاترة كمان . اه قوليلى بقى قولتى ايه يا أم سلمى نقول مبروك
مرفت ٠٠٠ ما انا قولتلك على فيها يا أم عصام
أم عصام ٠٠٠ خلاص على أقل نقرأ الفاتحة ولا فى مانع من قريت الفاتحة كمان
سكتت ميرفت وهى بتفكر فى حل لكى تتهرب من قرأت الفاتحة .. لكن أم عصام لم تعطيها الفرصة هذه المره عندما قالت
أم عصام ٠٠٠ سكتى يبقى خلاص السكوت علامة الرضا
ثم رفعت ام عصام يديها و قرأت الفاتحة ثم اطلقت زغروطة . بينما كانت تنظر اليها ميرفت و ياره و سلمى بصدمه و هم لا يفهمون ماذا حدث هنا قالت أم عصام
أم عصام ٠٠٠ أروح بقى أفرح الواد عصام
ثم غادرت أم عصام
أما ميرفت جلست وهى مصدومه من ما حدث هنا سألت كل كن ياره سلمى بذهول
ياره ٠٠٠ سلمى هو ايه إللى حصل دلوقتى ده
سلمى٠٠٠ مش عارفه .
ياره٠٠٠ هو كده تمارا اتخطبت ل عصام
سلمى ٠٠٠ مش عارفة
ياره ٠٠٠ هو ايه مش عارفه مش عارفه يعنى دلوقتى احنا قرينا الفاتحة تمارا ولا لاء
سلمى ٠٠٠ أنا مش قريت حاجة
ياره ٠٠٠ ولا انا كمان
ميرفت ٠٠٠ لاء مافيش حد فينا قرأ الفاتحة دى ست مجنونه قريت الفاتحة مع نفسها
سلمى ٠٠٠ يا نهار أسود. دى تمارا لما تعرف هتجنن
ياره ٠٠٠ ربنا يستر بقى هى تمارا هتلاقيها مين ولا منين
بقلم٠أروى٠عادل
فى نفس الوقت
قصر يوسف مهران
جناح حسام
~~~~~~~~~~~~
تمارا ٠٠٠ قولى هنبدء جلسات العلاج الطبيعى امتى انت قولتلى أدينى يومين و أهو فات أسبوع و لسه معملناش جلسات
حسام٠٠٠ انتى مستعجله ليه أستنى كمان يومين.
تمارا ٠٠٠ لاء هنبدء من بكره الصبح .و أوعى تنسى انك وعدتنى أنك تسمع كلامى .. أما بقى مالهوش لازمة وجودى من اساسا
حسام ٠٠٠ خلاص . حاضر
تمارا ٠٠٠ يبقى أستعد بكره .. اه قولى الاجهزة الخاصه بالجلسات فين
حسام ٠٠٠ تقريبآ فى الجيم
تمارا ٠٠٠ فين الجيم ده
حسام ٠٠٠ فى الجنينة
تمارا ٠٠٠مشاء الله انتو عندكم جيم فى الجنينة
حسام ٠٠٠( بضحك) اه عندنا دى أوضة كبيرة تقريبآ فيها كل مستلزمات الجيم عملها مراد بس الكل بيستعملها
تمارا ٠٠٠ اه عشان كده عامل زى الحايطه
حسام ٠٠٠ قصدك مراد صح
تمارا ٠٠٠هو فى غيرو .. المهم انا مروحه
حسام ٠٠٠ ليه لسه بدرى
تمارا ٠٠٠ بدرى ايه الساعة ٩ يعنى انا متأخره ساعة
حسام ٠٠٠ هتيجى بكره مش كده
تمارا ٠٠٠ أيه ده صح ده بكره الجمعة أجازة
حسام ٠٠٠ بس انتى مش قولتى انك هتبدئى جلسات بكره
تمارا ٠٠٠ كنت ناسيه ان بكره الجمعة
حسام ٠٠٠ بس انا ليا أدوية و كمان ليا حقنة العصب بكره
تمارا ٠٠٠ بس ده يوم أجازتى
حسام ٠٠٠ معلش ياستى كأنه أوفر تايم
تمارا ٠٠٠ استاذ حسام انا ب…
قطع حسام عبارتها وقال
حسام ٠٠٠ تمارا انا مش أستاذ، اسمى حسام وبس تمام
تمارا ٠٠٠ طيب يا حسام وبس انت عارف انى بقضى كل وقتى معاك. يوم الجمعة ده اليوم الوحيد إللى بقعد فيه مع عايلتى
حسام ٠٠٠ خالص انا عندى حل .. تيجى بكره نص يوم . يعنى بكره تروحى على العصر أيه رأيك
تمارا ٠٠٠ حاضر بس الجمعة دى بس
حسام ٠٠٠ حسام لاء كل جمعة .. انتى مش عايزانى اسمع كلامك يبقى لازم انتى كمان تسمعى كلامى
هزت تمارا رأسها بنفاذ صبر من حسام ثم قالت
تمارا ٠٠٠حاضر بس هروح قبل العصر
حسام ٠٠٠ يعنى هتفرق فى ساعة
تمارا ٠٠٠ اه هتفرق
حسام ٠٠٠ تمام و آنا موافق
تمارا ٠٠٠ وفى حاجة تانى . كنت عايزه اخد رايك فيها
حسام ٠٠٠ خير
تمارا ٠٠٠ أنت مش شايف ان المفروض أن الأوضة بتاعتك تبقى فى الدور الأرضي
حسام ٠٠٠ أيه تعبتى من طلوع السلم ولا ايه
تمارا ٠٠٠ على فكره انا بتكلم بجد . انا شايفه ان المفروض تنقل أوضتك لدور الأرضى عشان يكون سهل تتحرك براحتك .
قطع جملتها وقال بضيق
بقلم٠أروى٠عادل
حسام ٠٠٠ بس انا مش عايز انا مرتاح هنا
تمارا ٠٠٠ ليه بس صدقنى هيكون أحسن ليك
حسام ٠٠٠ خلاص يا تمارا انسى الموضوع ده
تمارا ٠٠٠ اسمعنى بس احنا هنعمل كل يوم جلسات علاج طبيعى وكمان تمارين ..ده هيكون فى الجيم .. والجيم انت قولت انه موجود فى الجنينة يعنى هيبقى صعب عليك النزول و الطلوع كل يوم . من أوضتك لرجيم … ها قولت ايه
حسام ٠٠٠ مش عارف انا فعلآ كان ليا أوضة تحت بس انا ماكنتش مرتاح فيها
تمارا ٠٠٠ ماكنتش مرتاح .. ولا ماكنتش عايز حد يشوفك ولا تختلط بأى حد عشان ده دفنت نفسك فى الأوضة دى
اتعصب حسام من كلمات تمارا .. برغم انه يعلم جيدآ ان كلامها صحيح.. هو اختار الغرفة التى هو فيها لانها معزولة عن باقى القصر .. حتى لا يستطيع أن يرى أحد كما
انه لا أحد يراه
ثم قالت انا بعد أن لاحظت تبدل ملامح حسام
تمارا ٠٠٠ أيه دايقتك بكلامى مش كده
حرك حسام الكرسى اتجاه الشرفة ثم تطلع أمامه إلى لا شئ لذلك كملت تمارا كلامها وقالت بطفوليه
حسام ٠٠٠ اه دايقتك مش كده.طيب اعمل ايه فى لسانى إللى عايز قطعو ده . خالص بالله عليك مش تزعل . طيب يارب اموت يفرومنى قطر وانا واقفه دلوقتى عشان زعلتك
ضحك حسام من اسلوب تمارا الطفولى وقال
حسام ٠٠٠ طيب القطر هيفرومك ازاى و انتى وافقه هنا .. بعدين بعد الشر عليك
تمارا ٠٠٠ خلاص ضحكت يعنى مش زعلان
حسام ٠٠٠ بصراحة انا حتى مش عارف أزعل منك
تمارا ٠٠٠ يا شيخ يارب ما يجيب زعل بينا
ها هتتنقل للأوضة إللى تحت أمتى
حسام ٠٠٠ انتى مافيش فايده فيكى لازم تعملى إللى انتى عايزاه
تمارا ٠٠٠ بس اوعى تنكر انا بعمل كل ده عشان لمصلحتك أكيد انت عارف كده.
هنا نظره حسام ل تمارا بأعجاب و ود وقال
حسام ٠٠٠ عارف انك عايزه مصلحتى
تمارا ٠٠٠ ياه انا اتأخرت يلا سلام
قالت جملتها ثم انصرفت
أمام منزل ميرفت
كانت تمارا على وشك دخول المنزل عندما نادى عليها عصام وقال
عصام ٠٠٠ تمارا اتأخرتى فى الشغل ده انا مستنيكى من بدرى
