رواية التضحية بالحب الفصل الرابع 4 بقلم أروي عادل
خارج القصر
~~~~~~~~~~~~~
كان مراد راجع للقصر بسيارة.. بينما تمارا كانت تعبر الطريق وهى غير منتبها لانها كانت تبحث عن محفظة تقودها داخل شنطتها
وعندما رأها مراد وهى تسير غير منتبها للطريق تذكر ما قالته له فى صباح اليوم لذلك
قرر يعقبها لذلك زاد سرعة السيارة و اتجه بسرعة اتجاه تمارا
اتسعت عين تمارا بصدمه عندما رأت السيارة تتجه إليها بأقصى سرعة لذلك صرخت وهى تضع يديها على وجهها وهى مستسلمه لأصطدام بالسياره و قلبها يكاد يتوقف من الخوف
لكن عندما طال الأمر . رفعت يديها من على وجهها و هنا رأت أن السيارة واقفه امامها مباشرتآ لا يفصل بينهم ولا أنش واحد
وهنا وضعت يديها على صدرها وهى بتحاول
تلتقط أنفاسها
خرج مراد من السيارة و قال مراد بسخريه
مراد ٠٠٠ أبقى فتحى عينك و بصى للطريق
و انتى ماشيه.. او اشترى ليكى نظارة نظر يمكن ساعتها تقدرى تشوفى قدام كويس بدل ما كنتى هتجيبى ليا مصيبه و يحسيبوكى عليا واحده
قال جملته ثم صعد للسيارة مره أخرى
و انطق بسرعة لم يترك ل تمارا مجال لترد عليه بعد ما غادر قالت تمارا
تمارا ٠٠٠ أيه البنى آدم المتخلف ده . شكله مجنون ده ولا ايه . واللهى لو شوفت وشه تانى لعلمو الأدب
ثم أوقفت تاكسى و ذهبت للمنزلها
بقلم٠أروى٠عادل
أمام منزل مرفت
~~~~~~~~~~~
كانت تمارا على وشك الصعود للمنزل عندما
سمعت صوت طالما كرهته ينادى عليها لذلك قالت قبل أن تستدير لترى صاحب الصوت
تمارا ٠٠٠ الله ما طولك يا روح. هو اليوم باين من أوله
عصام ٠٠٠ تمارا استنى عندك .. أنتى مش سمعانى بنادى عليكى
تمارا ٠٠٠ ( بضيق) نعم خير فى حاجة
عصام ٠٠٠ كنتى فين لحد دلوقتى
تمارا ٠٠٠ وانت مالك
عصام ٠٠٠ يعنى ايه انا مالى. ما تتعدلى كده
و تردى عليا زى الناس
تمارا ٠٠٠ وانت شايفنى برد انا معوجه
عصام ٠٠٠ ماتعصبنيش عليكى وقولى كنت فين
تمارا ٠٠٠ كنت مطرح ما كنت انت مالك
و مالى
عصام ٠٠٠ لاء يا حلوه ده مالى و نص كمان انتى تخصينى .
تمارا ٠٠٠ لاء انت شكلك هبت منك مين دى إللى تخصك
هنا نظرت سلمى من البلكونة و عندما رأت عصام واقف مع تمارا نزلت من المنزل مسرعة
عصام ٠٠٠ بقولك ايه انا لحد دلوقتى صابر عليكى يا بنت الناس فعقلى كده و أتقى شرى أحسنلك
هنا جاءت سلمى و قالت بعد ما سمعت كلام عصام
سلمى ٠٠٠ فى ايه
تمارا ٠٠٠ ( بسخريه ) الأستاذ عصام بتهددنى
طيب ورينى بقى هتعمل ايه
سلمى ٠٠٠ تمارا اسكتى ولا كلمة .. ( ثم نظرت ل عصام و قال) عصام لو سمحت ماينفعش انك توقفها فى الشارع كده و تتكلم معاها دى مش أصول بردوا
عصام ٠٠٠ و مش أصول بردوا انها كل يوم تخرج من الصبح و ترجع بعد العشا
تمارا ٠٠٠ طيب وانت مالك .
سلمى ٠٠٠ تمارا اسكتى.. و أطلعى على البيت يلا
عصام ٠٠٠ مش هتطلع غير لما أعرف كانت فين و بتخرج كلى يوم بتروح فين
سلمى ٠٠٠ بتروح الشغل . يعنى هتروح فين
عصام ٠٠٠ شغل ايه ده .. وهى من امتى بتشتغل
تمارا ٠٠٠ لا حول ولا قوة إلا بالله العالي العظيم .ما قولتلك انت مالك
عصام ٠٠ تمارا اظبطى اخسنلك
سلمى ٠٠٠ عصام ما يصحش كده الناس بتتفرج علينا . سابنا نطلع على البيت
عصام ٠٠٠ خلاص اطلعوا.. بس خليكى عارفه
يا تمارا انك تخصينى و الشارع كله عارف كده
كانت تمارا لسه هترد عليه لكن سلمى سحبتها من يدها قوه للتصعد للمنزل
بقلم٠أروى٠عادل
دخل منزل مرفت
~~~~~~~~~~~
سلمى ٠٠٠ تعالى هنا أدخولى
تمارا٠٠٠ سيبى أيدى يا سلمى هتكسريها
ميرفت ٠٠٠ فى ايه مالكم
سلمى ٠٠٠ بنتك دى مافيش فايده فيها احنا كلنا نبهنا عليها كام مره انها ما تحتكش بعصام
تمارا ٠٠٠ أنا لا عايزه أحتك بيه ولا عايزه اشوفه وشه أصلآ هو إللى وقفنى بالعافيه
سلمى ٠٠٠ تقومى تردى عليها و تتخنقى معاه كمان
ميرفت ٠٠٠ تمارا انتى اتخنقتى مع عصام تانى انا مش منبها عليكى
تمارا ٠٠٠ أنا أعمل ايه هو إللى استفزنى بكلامه . ده بيقولى بمنتهى البجاحه قدام الناس انتى تخصينى كنت عايزانى اسكتله
سلمى ٠٠٠ أيوه تسكتى لحد ما ربنا يتوب علينا و نمشى من الحته دى … مش توقفى قدام واحد بلطجى
تمارا ٠٠٠ واللهى عصام ده من حقه يتنطط على الناس اكتر من كده.. طول شايف الناس جبانه و خايفه منه
ميرفت ٠٠٠ ده مش جبن . بس احنا ولايا معناش راجل . ده واحد مفترى و حطك فى دماغه ممكن يعمل ايه حاجة عشان يتجوزك وانا خايفه عليكى منه
تمارا ٠٠٠ متخافيش يا ماما واللهى عصام ده ميقدرش يعمل معايا حاجة ده بق
ميرفت ٠٠٠ يابنتى اسمعى كلامى
ما توجعيش قلبى . و تنشفى دماغك
تمارا ٠٠٠ حاضر يا ماما اسمع كلامك بس مدايقيش نفسك انتى
ميرفت ٠٠٠ يبقى مالكيش دعوة بعصام ولا توقفى قصاده تانى.. تتلاشى الاحتكاك به خالص فاهمه
تمارا ٠٠٠ فاهمه .. ممكن اتعشا بقى عشان انا ميته من الجوع
سلمى ٠٠٠ تصدقى انتى معندكيش دم
تحرقى دمنا و تقولى جعانه
تمارا ٠٠٠ واللهى يا اختى يا حبيبتى انا على لقمة الفطار من الصبح لحد دلوقتى
ميرفت ٠٠٠ يا حبيبتى يا بنتى هقوم حالآ اجيبلك تكلى
سلمى ٠٠٠ واللهى يا ماما دلعك فيها هو اللى هيبوظها .. خليكى انا هروح اجهز عشا للكل
بعد نص ساعة جهزت سلمى العشاء و الكل اجتمع على الطاوله لتناول الطعام هم يتبادلون أطراف الحديث
بقلم٠أروى٠عادل
ياره ٠٠٠ تمارا هو القصر الكبير اللى انتى بتشتغلي فيها سيبنك كده طول اليوم من غير اكل
تمارا ٠٠٠ انا اللى مش حابه اكل من أكلهم
سلمى ٠٠٠ اشمعنا يعنى
تمارا ٠٠٠ لانى المفروض أكل مع الخدامين فى المطبخ. وانا مش خدامه
ياره ٠٠٠ و اللهى و طلعتى بتفهمى
تمارا٠٠٠ طول عمرى بس انتو اللى مش واخدين بالكم
ميرفت ٠٠٠ من بكره ابقى اعملك سندويشات
و انتى رايحه الشغل
ياره ٠٠٠ اه ابقى كمان أديها زمزمية ميه معاها
سلمى ٠٠٠ أيه يا ماما جو المدرسة ده
تمارا ٠٠٠ من غير تريقه انتى و هى .و بالعند فيكم انا من بكره هخد معايا سندويشات
و كمان زمزمية و آنا رايحه الشغل
ياره ٠٠٠ أيه مش هتلبسى مريله كمان
تمارا ٠٠٠ هاهاها لاء يا ظريفه هلبس خفه
و انتى الصدقه
ميرفت ٠٠٠ بطلوا تنقروا فى بعض.. قوليلى
يا تمارا ايه اخبار شغلك
تمارا ٠٠٠ زفت . انا بفكر اكمل الشهر ده
و اسيب الشغل
سلمى ٠٠٠ ليه حصل حاجة
حكت تمارا مع حدث معاها فى القصر لذلك قالت ميرفت
ميرفت ٠٠٠ همآ هيتنططوا عليكى ليه يعنى بلاش منه الشغل ده . انا اساسآ ماكنتش عايزاكى تشتغلى
سلمى ٠٠٠ايوه يا تمارا و انتى ايه إللى يخليكى تستحملى أهانات إللى اسمه حسام ولا تحكمات أمه
تمارا ٠٠٠ على العموم انا هكمل الشهر ده و لو طريقة معاملتهم متغيرتش هسيب الشغل
ياره ٠٠٠ و اللهى انا من رأيي تسيبى الشغل من دلوقتى و تريحى دماغك
ميرفت ٠٠٠ و آنا بقول كده بردوا
تمارا ٠٠٠ ماينفعش لازم ابلغهم الأول عشان يشوفوا ممرضة جديده غيرى
سلمى ٠٠٠ خلاص قوليلهم بكرة انك ناويه تسيبى الشغل
تمارا ٠٠٠ هقولهم.. صح مش انا كنت هموت النهاردة يعنى كان زمانكم بتقرأوا عليا الفاتحه
ميرفت ٠٠٠ ( بخضة) يا ساتر يارب . حصل ايه
حكت تمارا ما حدث مع مراد لذلك قالت سلمى
سلمى ٠٠٠ أنتى مافيش فايده فيكى . لسانك ده إللى هيوديكى فى داهية ..يعنى لو ماكنتيش طولتى لسانك عليه ماكنش حصل كل ده
تمارا ٠٠٠ يعنى عايزانى أسكت بعد ما غلط فيا
ميرفت ٠٠٠ يابنتى لازم تمسكى لسانك شوية تهدى على نفسك كده و تعرفى الدنيا من عافيه
ياره ٠٠٠ على فكره فى الحوار ده تمارا مغلطتش هو إللى شكله واحد مجنون .. كان عايز بخبطها بالعربيه عشان بس ردت عليه
سلمى ٠٠٠ أحنا مقولناش انها غلطانه . بس فى ناس دماغها هربانه منها .. زى إللى كان هبخبطها بالعربية ده
ياره٠٠٠ متخافوش هو شكله كان بيخوفها بس
تمارا ٠٠٠ اه عارفه بس واللهى ما انا معديها له
ميرفت ٠٠٠ لاء وعلى ايه من بكره مش هتروحى الشغل إللى كله مشاكل ده تانى . وانا هقول للدكتور سمير يبلغهم
تمارا ٠٠٠ لا ماينفعش يا ماما . انا هبلغهم بنفسى بكره و هكمل الشهر ده وخلاص
سلمى ٠٠٠ خلاص يا ماما هى تكمل الشهر ده
و خلاص
ياره ٠٠٠ أنا هقوم اعمل دور شاى من هيشرب معايا
سلمى ٠٠٠ كلنا . . اه صح يا ماما حاتم لما عرف انك كنتى تعبانه قالى هيجى بكره عشان يشوفك
حاتم ابن أخت ميرفت من اسكندريه وهو وسلمى بيحبوا بعض بس ميرفت متعرفش
بقلم٠أروى٠عادل
ميرفت ٠٠٠ أيه ده هيجى من الاسكندريه مخصوص عشان يشوفنى مش تعب عليه
سلمى ٠٠٠ لاء هو فى القاهرة .
ميرفت ٠٠٠ بيعمل ايه فى القاهره
سلمى ٠٠٠ هو فتح مكتب هندسه هنا مع اتنين من صحابه
تمارا ٠٠٠ معنى كده انه هيعيش فى القاهرة
سلمى ٠٠٠ يعنى هيبقى بين القاهرة و اسكندريه
تمارا ٠٠٠ ( بخبث) اه يعنى هنشوفوا كتير هنا
يا بختك يا إللى فى بالى
سلمى ٠٠٠ لمى نفسك يا تمارا
ميرفت ٠٠٠ هو فى ايه
سلمى مافيش حاجة يا ماما
ياره ٠٠٠( بخبث) صح يا سلمى هو اشمعنا حاتم اتصل عليكى انتى و ما اتصلش على ماما ليه
يقولها ان جى
سلمى ٠٠٠ ( بضيق) لما يجى بكره ابقى أسأليه
انا داخل انام عشان شكلك انتى و أختك فايقين النهاردة
انصرفت سلمى لغرفتها هنا قالت ميرفت
ميرفت ٠٠٠ فى ايه أنتى وهى تقصدوا ايه بكلامكم ده
تمارا ٠٠٠ ولا حاجة يا ماما احنا بس كنا بنهزر معاها .. انا هدخل أشوفها
داخل الغرفة
تمارا ٠٠٠ أيه يا سلمى انتى زعلتى احنا بنهزر معاكى
سلمى ٠٠٠ يا سلام بتهزروا. افرض ماما اخدت بالها
تمارا ٠٠٠ متخافيش هى مش اخده بالها خالص .. بس انتى قوليلى هتفضلى مخبيه على ماما موضوع حاتم لأمتى
سلمى ٠٠٠ لحد ما نشترى شقه جديده غير دى
تمارا ٠٠٠ طيب ليه
سلمى ٠٠٠ عشان ماما لو عرفت ان حاتم عايز يتجوزنى . هتقول بلاش الشقه . وجوازك اوله. و هتاخد الفلوس إللى بنحوشها بقالنا سنين للشقه و تصرفها على جهازى
تمارا ٠٠٠ بس كده صح يا سلمى جوازك أهم من الشقة
سلمى ٠٠٠ لاء طبعآ الشقة أهم. عشان نطلع بقى من المنطقة إللى كلها مشاكل دى و نترحم بقى من عصام و قرفه
تمارا ٠٠٠ طول عمرك بتفكرى فينا على حساب نفسك
قالت جملتها ثم حضنت سلمى هنا قالت سلمى بعد ما خرجت من حضن تمارا
سلمى ٠٠٠ امسكى يا تمارا ٧٠٠ جنية دول عشان تصلحى التليفون
تمارا ٠٠٠ لاء شكرآ انا لما اقبض ابقى اصلحه
سلمى ٠٠٠ ياختى من امتى فى بينا الكلام ده
ولا هى دى أول مره تاخدى منى فلوس
تمارا ٠٠٠ لا بس كده كتير عليكى
سلمى ٠٠٠ امسكى يابت الفلوس و بلاش الكلام العبيط ده .. و يلا أضفى النور عايزه انام عندى شغل بدرى
اليوم التالى
قصر يوسف مهران
~~~~~~~~~
كانت تمارا داخله القصر عندما رأت سيارة مراد راكنه فى حنينة .. هنا تذكرت ما فعلوا معاها أمس لذلك قررت تنتقم منه لذلك أخرجت من شنطتها زجاجة العصير الذى صنعتو ميرفت لها ثم سكبت العصير على زجاج السيارة الأمامية وهى تظن أنه إحدى الضيوف الذين يترددون على القصر وانه لا يستطيع أن يفعل شئ عندما يرى السيارة بهذا الوضع لانه ضيف
ثم دخلت القصر بكل هدوء و كأنها لم تفعل شئ
داخل القصر
~~~~~~~~
داخل جناح حسام
بعد انتهاء من أعداد الفطار توجهت أمل مع تمارا بالصينية الفطار لجناح حسام
أمل ٠٠٠ الفطار يا حسام بيه
حسام ٠٠٠ حطى الفطار عندك . و روحى انتى
قل جملته ثم نظره ل تمارا وقال
بقلم٠أروى٠عادل
حسام ٠٠٠ هفطر فين
تمارا ٠٠٠ زى ما حضرتك عايز
حسام ٠٠٠ مالك من أمبارح وانتى ساكته
تمارا ٠٠٠ حبيت اريح حضرتك من كلامى الكتير
حسام ٠٠٠ اه كده يبقى انتى زعلانه
تمارا ٠٠٠ ولا زعلانه و لا فرحانه عادى يعنى . اتفضل افطار عشان تاخد العلاج
حسام ٠٠٠ طيب ايه رأيك انى هفطر فى التراس
تمارا ٠٠٠ براحتك
حسام ٠٠٠ لاء بقولك ايه انا اتعوت على أزعاجك ليا
تمارا ٠٠٠ أنا هريحك من أزعاجى. و كلها كام يوم و هتخلص منى خالص
حسام٠٠٠ ( بدهشه) تقصدى ايه بكلامك
تمارا ٠٠٠ أنا هكمل الشهر و هسيب الشغل
حسام ٠٠٠ ليه حد مدايقك هنا
تمارا ٠٠٠ اه انت . بس انا مش هسيب الشغل عشان كده
حسام ٠٠٠ إمال ليه
تمارا ٠٠٠ لانى انا شايفه انى ماليش لازم هنا أدويته وانت بتخدها بالعافيه.و رافض تسمع كلامى. و كمان رافض تعمل جلسات علاج طبيعي.. كده عمرك ما هتتحسن. يبقى احسنلى اعترف بفشلى معاك و انسحب
و امشى
سكت حسام فتره و كأنه بيحاول يجمع ما سيقوله ثم قال
حسام ٠٠٠ لو قولتلك انى مش عايزك تمشى
أستغربت تمارا كلام حسام هى كانت متوقعه انه سيفرح بأنها سوفه تترك الشغل
حسام ٠٠٠ ساكته ليه
تمارا ٠٠٠ مش عارفه بس توقعت انك هتفرح انى هسيب الشغل
حسام ٠٠٠ شكلى اتعودت على أزعاجك.
تمارا ٠٠٠ طيب لو فضلت هتسمع كلامى
حسام ٠٠٠ اسمع كلامك فى ايه بالظبط
تمارا ٠٠٠ تاخد أدويتك من غير وجع قلب
و كمان تعمل جلسات علاج طبيعي
حسام ٠٠٠ لا طبعآ انا مش هعمل جلسات
تمارا ٠٠٠ خلاص يبقى همشى
أخذ نفس طويل وقال
حسام ٠٠٠ حاضر بس سيبنى يومين كده أستعد للحوار ده
تمارا ٠٠٠ تمام يلا عشان تفطر فى البلكونة
حسام ٠٠٠ أسمه تراس
تمارا ٠٠٠ يا سلام لا بقى أسمها بلكونة
قالت جملتها ثم فتحت الستائر و حملت صينية الفطار و وضعتها على الطاولة الموجوده فى الشرفة وهنا بدء حسام فى تناول الفطار هنا سمعوا صوت زعيق عالى لذلك قال حسام
حسام ٠٠٠ فى ايه .. ده صوت مراد بيزعق
نظرت تمارا من الشرفة هنا رأت مراد وهو غضبان و يصرخ و يقول لرجل الأمن جمال
مراد ٠٠٠ دلوقتى حالآ تعرفى مين الحيوان إللى كب العصير على العربيه
جمال ٠٠٠ واللهى يا مراد بيه انا لسه واصل ما شوفتش حاجة
مراد ٠٠٠ انت هترغى أنجز و شوف مين إللى عمل كده إلا هقلب القصر كله على دماغكم
أما رجل الأمن الثانى مسعد قال
مسعد ٠٠٠ ثوانى يا باشا اجيب مفتاح الأوضة إللى فيها تسجيل الكاميرات و هعرف لحضرتك مين إللى عمل كده
مراد ٠٠٠ هروح اغسل ايدى عقبال ما تجيب المفتاح
هنا اتسعت عين تمارا بصدمه عندما علمت انه يوجد كاميرات و قالت ل حسام
خرجت تمارا من جناح حسام و ذهبت إلى أمل فى المطبخ وقالت كاذبة
تمارا ٠٠٠ أمل هو فى كاميرات فى الجنينه
أمل ٠٠٠ اه فيها بتسألى ليه
تمارا ٠٠٠ فضول مش أكتر .. على كده كل حاجة بتحصل فى الجنينة متسجله
أمل ٠٠٠ أه فى أوضة فى الجنينه فيها الشاشات اللى بتظهر اي حاجه بتحصل فى الجنينة و قدام القصر
تركتها تمارا أول ما عرفت مكان الغرفة إللى فيها التسجيل
فى الجنينة
ذهبت تمارا إللى الجنينة عندها شافت مسعد بيفتح الغرفة إللى فيها تسجيل
تمارا ٠٠٠ لو سمحت يا مسعد مش كده
مسعد٠٠٠ ايوه يا
تمارا ٠٠٠ تمارا انا الممرضة بتاعت حسام بيه
نظر لها مسعد بأعجاب و هو يقول
مسعد ٠٠٠ اه عارفك طبعآ ..تأمرينى بحاجة
تمارا ٠٠٠ معلش المفتاح بتاعى وقع منى عند البوابه ممكن تدور معايا عليه
مسعد ٠٠٠ معلش انا عندى شغل دلوقتى لازم أشوف الكاميرات
تمارا ٠٠٠ بس انا تعبت و رجلى وجعنى انا متاكده ان المفتاح وقع عند البوابه
مسعد صعبت عليه تمارا لذلك قال
مسعد ٠٠٠ خلاص هروح اشوف لك المفتاح عند البوابه
اول ما انصرف مسعد دخلت تمارا الغرفه
و مسحت الجزء من التسجيل إللى فيه وهى بتسكب العصير على زجاج السيارة
لكن و هى خارجه من الغرفة أتصدمت عندما رأت مراد
