رواية التضحية بالحب الفصل الثاني 2 بقلم أروي عادل
وقفت تمارا أمام القصر مع الدكتور سمير وهى تنظر بأنبهار إلى ضخامة القصر
وهى لا تعلم ما يتظرها داخل هذا المكان التى سوف يقلب حياتها رأسآ على عقب و تتغير حياتها تمامآ
تمارا ٠٠٠ ( بأنبهار ) حاضر .. دكتور سمير هو الناس إللى عايشين فى البيت ده بنى أدمين زينا يعنى
د.سمير ٠٠٠( بضحك ) طبعآ بنى أدمين أمال يعنى من عفاريت
تمارا ٠٠٠ ده عامل زى القصور إللى بنشوفها فى حواديت ألف ليله و ليله.. انا حاسه انى فى واحد دلوقتى هيطلع يقولى احكى يا شهر زاد
ضحك سمير على حديث تمارا .
بقلم٠أروى٠عادل
بعد ما دخل د٠ سمير من بوابه القصر الفخمة
و وصل لباب القصر رن جرس القصر .. ثم فتحت الخادمه أمل البوابه القصر و قالت
أمل ٠٠٠ دكتور سمير اتفضل
د.سمير٠٠٠ نسرين هانم موجوده
أمل ٠٠٠ موجوده يا دكتور . الهانم سايبه خبر أول ما حضرتك توصل تستنها فى أوضتة المكتب … اتفضل حضرتك و آنا هبلغ الهانم
( وفى أثناء ما كان سمير و تمارا فى غرفة المكتب فى انتظار قال سمير)
د.سمير ٠٠٠ أيه إللى انتى لابسه ده يا تمارا
كانت تمارا ترتدى طقم كجول عباره عن بنطلون جينز باجى أسود فى جيوب من الجناب و تشيرت اسود عليه رسمت جمجمه وعليه قميص ابيض مفتوح و كوتشى ابيض ورفع شعرها ذيل حصان و حاطه عليه كاب ابيض.. نسيت أقولكم ان تمارا تميل للبس الذكورى )
تمارا ٠٠٠ ماله لابسى يا دكتور
د.سمير٠٠٠ دى هدوم ولد مش بنت . ده غير انه مش مناسب للمقابلة
تمارا ٠٠٠ مش فاهمه يعنى ايه اللى مش مناسب فى لبسى
د.سمير ٠٠٠ بصى يا تمارا نسرين هانم دى ست منضبطه و جاده كمان بتحب الرسميه فى التعامل وفى البس كمان
تمارا ٠٠٠ تطلع مين نسرين هانم دى
د.سمير ٠٠٠ دى والدة الأستاذ حسام المريض
تمارا ٠٠٠ طيب اسمعنى يا دكتور انا جايه هنا اشتغل ممرضة. مش جايه اغير من نفسى. ده طريقة لبسى لو مش عجبهم تمام بلاش منها الشغلانه دى
د.سمير ٠٠٠ تمارا بلاش تبقى حمقيه أوى كده
( لسه كانت سوف تتحدث تمارا دخلت نسرين عندها وقفه سمير احترامآ لها لذلك قالت نسرين )
نسرين … اتفضل أقعد يا دكتور
( ثم نظرت إلى تمارا بعدم رضا وقالت)
نسرين ٠٠٠ هى دى الممرضة الجديده
د.سمير٠٠٠ اه دى تمارا زى بنتها بالظبط
نسرين ٠٠٠ يعنى انت طمنها
د.سمير ٠٠٠طبعآ ضمنها .. انا مش هجيب لحضرتك اى حد
نسرين٠٠٠ قوليلى اشتغلتى فين قبل كده
تمارا ٠٠٠ دى أول مره أشتغل
(تطلعت نسرين ل سمير و قالت)
نسرين ٠٠٠ أنت جايبلى ممرضة حديثة التخرج يا دكتور
د.سمير٠٠٠ تمارا مش ممرضة اساسآ . تمارا طالبه فى كلية الطب . يعنى هتكون أنسب لأستاذ حسام من أى الممرضة ..كمان والدة تمارا بتشتغل معايا . و تمارا كانت بتساعدها كتير عشان كده عندها خلفيه بعلاج التطبيعى غير كده تمارا كانت عامله كورس فى العلاج النفسى .. يعنى حضرتك هتكون عندك معالجه للعلاج الطبيعي و النفسى .و كمان ممرضة
( هنا نظرت نسرين ل تمارا بأهتمام ثم قالت)
نسرين ٠٠٠ أقلعى الكاب ده خلينى أشوف وشك
( نزعت الكاب من على رأسها… هنا هزت نسرين رأسها عندما لحظت جمال تمارا لكنها لم يعجبها طريقة لبس تمارا لذلك قالت)
نسرين ٠٠٠ واضح انك لسه صغيره عندك كام سنه
تمارا ٠٠٠ ٢٠ سنه
نسرين ٠٠٠ مبدئيآ لازم تعرفى انا إللى يشتغل عندى لازم يلتزم بالانضباط و النظام
.و الأمانه.. و أى حاجة تحصل هنا فى القصر ماتخرجش بره. .و أهم حاجة طلبات حسام بيه تكون أوامر تتنفذ من غير نقاش .و …
( هنا قطعت تمارا كلامها وقالت)
تمارا ٠٠٠ معلش يعنى ايه اى طلبات ل حسام تتنفذ.. افرض طلب حاجة تتعرض مع صحته انا من واجبى امنعوا
نسرين ٠٠٠ لاء ارجعلى الأول انا إللى أقرر
تمارا ٠٠٠ لاء معلش انا أسفه حضرتك لازم تسيبى ليا المساحة عشان اشوف شغلى… وحضرتك ليكى فى الأخر النتيجة
نسرين ٠٠٠ على فكره انا مش بحب حد يعارضنى فى كلامى
تمارا ٠٠٠ بس انا مش بعارضك انا بقول إللى مفروض يحصل و حضرتك ليكى الحريه انك توفقى او ترفضى. بس انا لازم عشان أوفق اشتغل هنا لازم يكون ليا المساحه مع مريضى و محدتش يدخل بينى و بين المريض . طالما مابعملش غلط او حاجة تأذى المريض
( لم تعجب نسرين بطريقة تمارا . لذلك كانت سوفه تطردها لكن قال سمير قبل أن تتحدث نسرين)
د.سمير٠٠٠ تمارا ممكن تستنينى و تطلعى بره ثوانى اتكلم مع نسرين هانم
تمارا ٠٠٠ حاضر يا دكتور
( ارتدت تمارا الكاب على رأسها غادرت الغرفة ثم قالت نسرين بحاده)
نسرين ٠٠٠ أيه إللى انت جايبها دى يا سمير
.هى فاكره نفسها مين عشان تتشرط عليا
د.سمير ٠٠٠ نسرين هانم . حضرتك جبتى بدل الممرضة عشرين و كلهم كانوا مخضرمين
و خبرة وعلى كفاءة عالية كمان. بس مافيش ولا واحده فيهم جابت نتيجة ملحوظة أو قدرة تخلى الأستاذ حسام يستجيب للعلاج.. عشان كده لازم نجرب حد جديد و أسلوب مختلف يمكن يجيب نتيجة .. على الاقل تقدير . تقدر تخليه ياخد أدويته فى ميعادها
نسرين ٠٠٠( بأقتناع) تمام . بس انا هجربها أول شهر لو مالقتش منها فايده همشيها
د.سمير ٠٠٠ وانا متاكد ان تمارا قدها و قدود
نسرين ٠٠٠ خلاص انا موافقه
(هنا نادى سمير على تمارا وقال له)
د.سمير٠٠٠ خلاص يا تمارا انتى اشتغلتى هنا
نسرين ٠٠٠ بس خلى بالك انا هتابعك مش هقبل أى خطأ .. اتفضلى الورقة دى فيها كل حاجة عن مواعيد علاج حسام . وهو بيحب ايه و مابيحبش ايه أى أستفسار هتسألى أمل عليه. مفهوم
تمارا ٠٠٠ مفهوم
نسرين ٠٠٠ دلوقتى تعالى ورايا تتعرفى على حسام
بقلم٠أروى٠عادل
داخل جناح حسام
( ذهبت تمارا خلف نسرين و دكتور سمير عندما دخلوا فى غرفة كبيره أو ( جناح)
تقريبآ هذا الجناح كان أكبر من منزل تمارا لذلك انبهرت تمارا من حجم الغرفة عندما أضاءت نسرين نور الجناح ..استغربت تمارا كيف لإنسان يعيش فى هذا الظلام .. رغم أن الجناح به شرفه كبيره إلا أنه يكون هذه الستائر الذى تحجب رؤيت الشرفة كما أن ممنوع فتح الستائر بأمر من حسام
رغم جمال الغرفة إللى انها تبدو مثل القبر بلا روح .كان يجلس حسام على كرسى يمسك هاتفه )
نسرين ٠٠٠ حسام الممرضة الحديدة
(لم يعيرها حسام أى أهتمام و ظل ينظر فى هاتفه لذلك قالت نسرين مره اخرى)
نسرين ٠٠٠ حسام حبيبى بقولك الممرضة
(قطع جملتها و قال)
حسام ٠٠٠ سمعت
نسرين ٠٠٠ طيب هى كانت عايزه تتعرف عليك
حسام ٠٠٠ ليه هى هتصاحبنى ..
نسرين ٠٠٠ طيب انت مش عايز تتعرف عليها
حسام ٠٠٠ ماما ياريت تخروجوا تطفى النور
( استغربت تمارا من اسلوبه الفظ .. خصوصآ مع والدته. )
د.سمير ٠٠٠ ازيك يا حسام عامل ايه النهاردة
حسام ٠٠٠ عادى زى اي يوم
د.سمير ٠٠٠ طيب ممكن أفحصك
حسام ٠٠٠ مالهوش لازم . مافيش جديد
د.سمير٠٠٠ معلش سيبنى انا أقرر.. يلا ممكن تيجى على السرير
( هنا اقتربت تمارا لتمسك الكرسى لتدفعوا اتجه الفراش لكن فجأة صرخ فيها حسام وقال بتحذير)
حسام ٠٠٠ انتى يا زفته شيلى ايدك من على الكرسى و تانى مره متعمليش حاجة من نفسك فاهمه.
( بينما تمارا شعرت بالغضب من وقحت هذا الحسام معاها لكنها عندما رأته يجاهد في سبيل ان يصعد على الفراش رافض مساعدة من اي أحد حتى والدته نسرين .
هناا رأت تمارا أمامها شخص يأس ضعيف فاقد شغفوا بالحياة برغم انه بيحاول ان يبدو قوي امامهم شعرت بالشفقه عليه
جلس حسام على الفراش ..لكنه كان بيحاول يرفع قدمه على الفراش بصعوبه لذلك قررت تمارا تساعدة رغم رافضه ذلك اقتربت منه
و رفعت قدمه على الفراش
هنا تطلع إليها حسام بتحذير وقال بغضب)
حسام ٠٠٠ ابعدى انا متطلبتش منك تساعدنى
تمارا ٠٠٠ و أنا مش هستنا تطلب منى ده شغلى انى اهتم بحضرتك مش هستنا لما تطلب منى أهتم بحضرتك
( هنا و لأول مره ينظر حسام ل تمارا و قال)
حسام ٠٠٠ لو كنتى عايزه تستمرى فى الشغل هنا تسمعى الكلام و تقولى حاضر و بس فاهمه
(ابتسمت تمارا ل حسام ثم خلعت الكاب من على رأسها وقالت)
تمارا ٠٠٠هنشوف ( ثم نظرت ل سمير قالت) دكتور سمير اتفضل الأستاذ حسام جاهز للكشف عليه . ( ثم نظرت ل حسام وقالت) مش كده يا أستاذ حسام
( نظر حسام ل تمارا بغضب هو يرى وجهها
بوضح من غير كاب لكنه لم يتحدث لذلك نظره سمير ل نسرين هو يبتسم على بفخر على اختياره ل تمارا
بعد كشف سمير على حسام قال )
د.سمير٠٠٠ انا هغير بعد أدوية . ولازم المواظبه على جلسات العلاج الطبيعى الكهربائى .مع بعض التمرين .
حسام ٠٠٠ حضرتك بتقول الكلام ده من خمس سنين .و مافيش جديد
د.سمير٠٠٠ وانت ولا مره التزمت بكلام ده
حسام ٠٠٠ ما انت عارف رأي فى الحوار ده
نسرين ٠٠٠ أنا مش عارفه انت رافض العلاج الطبيعى ليه .الأول كان حجتك انك مش عايز تخرج من القصر ولا عايز حد يشوفك .. دلوقتى انا جبت كل الإجهزة إللى محتاجها للعلاج الطبيعي فى القصر و بردوا انت رافض تعمل الجلسات
تمارا ٠٠٠ طيب كويس الأجهزة موجوده هنا . يبقى حضرتك متقلقيش انا هبدء معاه الجلسات من بكره
د.سمير ٠٠٠ خلاص انا هقولك التمرين إللى هتبدئى بيها مع الجلسات و ابقى كلمينى على أي مستجدات فى الحالة حسام
تمارا ٠٠٠ تمام يا دكتور
( هنا نظر حسام ل تمارا نظره تحدى اما تمارا ابتسمت له مما زاد غضب من هذه المزعجه بالنسبال له)
د.سمير ٠٠٠ يلا يا تمارا . عن أذنكم .
( هنا نادت نسرين على أمل و قالت لها)
نسرين ٠٠٠ وصلى دكتور سمير لباب . أه
و دى تبقى الممرضة الجديدة هتستلم الشغل من بكره عايزاكى تبقى تعرفيها النظام هنا فى القصر
بقلم٠أروى٠عادل
فى منزل مرفت
حكت تمارا على ما حدث فى القصر لأمها و أخواتها
ميرفت ٠٠٠ ما بلاش منها الشغلانه دى طالما من أولها الست إللى أسمها نسرين دى بتتنطط عليكى
تمارا ٠٠٠ اللهى يا ماما انا كنت خلاص همشى
بس بصراحه أبنها صعب عليا
سلمى ٠٠٠ صعب عليكى ايه و انتى بتقولى لسانه طويل و زعقلك
تمارا ٠٠٠ بس بردوا صعب عليا ساعة لما كان بيحاول يطلع على السرير لواحده و رافض حتى أمه تساعده. أكيد فى حاجة خلته شخصيته كده
ياره ٠٠٠ طيب يا شارلوك هولمز مالكيش دعوة بحد خليكى فى حالك .. و اعملى شغلك وبس
ميرفت ٠٠٠ أه يا تمارا اسمعى كلام أختك . انا اساسآ قلبى مش مطمنه للشغلانه حاسه انى مش هيجى من وراها خير ..
تمارا ٠٠٠ طمنى قلبك انتى يا ست الكل. أنتى عارفه انا هقبض كام ٧٠٠٠ تلاف و قابل لزياده كمان
ميرفت ٠٠٠ الفلوس مش كل حاجة . شكلهم ناس مش ساهله قلبهم جامد
تمارا ٠٠٠ و أنا مالى بقلوبهم .انا هعمل زى ما ياره قالتلى هعمل شغلى و ماليش دعوة باى حاجه تانى
ميرفت ٠٠٠ ( بسخريه) لا واللهى .أنتى هتعملى شغلك و بس . ده انتى بنتى و آنا عارفاكى .
تمارا ٠٠٠ صدقنى هعمل شغلى وبس و ماليش دعوة بأى حاجة تانى
ميرفت ٠٠٠ لما نشوف
صبح اليوم التالى
فى قصر يوسف مهران
~~~~~~~~~~~~~~
وصلت تمارا القصر فى ميعادها منذه ساعتين وهى تجلس الآن فى انتظار حسام يصحى من نومه هنا قالت ل أمل
تمارا ٠٠٠ هو أستاذ حسام بيصحى امتى
أمل ٠٠٠ مالهوش ميعاد محدد . بيصحى براحته .. أول ما بيصحه بيدوس على الجرس إللى فى أوضته ساعتها بنسمع صوت الجرس بنعرف انه صاحى
تمارا ٠٠٠جرس و براحته ازاى يعنى المفروض كان دلوقتى فطر واخد أدويته إللى بعد الفطار ..لاء انا مش هستنا اكتر من كده تعالى معايا أروح أصحي
أمل ٠٠٠ لاء ماينفعش طبعآ . ممنوع هو بيصحى لوحده
تمارا ٠٠٠ مالكيش دعوة أنتى تعالى معايا بس
ذهبت أمل معاها لحد باب الجناح ثم وقفت أمام الغرفة وقالت
أمل ٠٠٠ أنا أخرى هنا . ماليش دعوة بأى حاجة تانى
بقلم٠أروى٠عادل
داخل جناح حسام
~~~~~~~~~~~~’
كان يوجد جرس بجوار فراش حسام لضغط عليه عندما يريد شئ أو عندما يستيقظ من النوم
كان حسام مستيقظ لكنه لم يضغط على الجرس حتى لا يعلم أحد انه أستيقظ أو بالأخص الممرضة الجديد
طرقت تمارا على الباب .. ثم دخلت بعد أن أذن لها حسام بدخول و أول ما رأها قال
حسام ٠٠٠ هو انتى.. هو ماحدتش قال ممنوع تخبطى عليا قبل ما أصحى من النوم
تمارا ٠٠٠ بس واضح ان حضرتك كنت صاحى
ما ضربتش الجرس ليه
حسام ٠٠٠ هو انتى هتعلمينى اعمل ايه .
و دلوقتى اطلعى بره ما اضرب الجرس ابقى تعالي
( قالت بصوت واطى الله ما طولك يا روح ثم قالت )
تمارا ٠٠٠ المفروض دلوقتي تفطر عشان تاخد علاجك
حسام ٠٠٠ قولتلك اطلعى بره
(تجاهلت كلامه وقالت)
تمارا ٠٠٠ هقول ل أمل تجيب الفطار تحب تفطر فين
( صرخ فيها حسام و قال بغضب)
حسام ٠٠٠ انتى هتستعبطى مش سامعه انا بقولك ايه
تمارا ٠٠٠ على فكره الصوت العالى مش كويس على صحتك .. هجيبلك الفطار هنا
( ثم تركته و انصرفت دون أن تسمع رده ..
بعد ما خرجت من الغرفة قالت لنفسها)
تمارا ٠٠٠ شكلنا هنتعب مع بعض أوى بس انت وقعت مع مين انا اعند منى مافيش
بعد ربع ساعة رجعت تمارا معاها أمل تحمل صينية الافطار
كان حسام جالس على كرسى متحرك عندما رجعت تمارا لذلك قالت هى تقصد تعصب حسام
تمارا ٠٠٠ مش أستنتنى ليه اساعدك اقعدك انا على الكرسى
( كانت كلمات تمارا كفيله بأنها تجعل حسام مثل البركان الذى انفجر فى تمارا عندما قال)
حسام ٠٠٠ اسمعى الكلام إللى هقولك عليه كويس أوى انتى هنا خدامه عندى تعملى إللى انا اقولك عليه و بس . فبلاش حماسه الممرضة الجديدة يخدك. و التزمى الحدودك معايا . أوى تنسى تانى انتى هنا خدامه ليا . و أعرفى اى غلطه تانى هتبقى مطروده
( شعرت تمارا بضيق و غضب من كلام حسام
لكنها حاولت تسيطر على غضبها هى تظهر عكس ما بداخلها . وهى تبتسم له ثم قالت )
تمارا ٠٠٠ خلصت كلامك ممكن بقى تفطر .. أمل لو سمحتى حطتى الأكل هنا و روحى اعملى لأستاذ حسام ليمون يهدى أعصابة
( هنا اتسعت عين حسام من برودها و ردها ثم قال)
حسام ٠٠٠ انتى ايه إللى حدفك عليا
تمارا ٠٠٠ ( بأبتسامه ) دكتور سمير
( هز حسام رأسه بنفاذ صبر ثم توجه للحمام)
تمارا ٠٠٠ أيه ده حضرتك رايح فين
حسام ٠٠٠ الحمام ايه تحبى تيجى معايا
تمارا ٠٠٠( بأحراج) لأ اتفضل
حسام ٠٠٠ كأنى كنت مستنى أذنك
(دخل حسام الحمام هنا دخلت الجناح حور)
حور ٠٠٠ أيه ده مين دى يا أمل
أمل ٠٠٠ دى الممرضة الجديدة
حور ٠٠٠( بسخرية) اه يعنى انتى الضحيه الجديدة ل حسام أخويا .. ياترى هتستحملى لحد أمتى .. انا بقول من شكلك كده اخرك معانا أسبوع
تمارا ٠٠٠( بأبتسامة) ياااه لدرجه دى .
حور ٠٠٠ شكلك كيوت و جميله ايه إللى وقعك فى ايد حسام
تمارا ٠٠٠ ليه كده ده حتى أخوكى شاب ظريف و هادى و طيب
حور ٠٠٠ ده مين ده إللى ظريف و هادى و طيب . شكلك هبله
(هنا خرج حسام من الحمام )
حور ٠٠٠ صباح الخير يا حسام . قولى كنت بتزعق ليه
حسام ٠٠٠ المصيبه الجديده إللى جابها دكتور سمير نرفزتنى
حور ٠٠٠ ( بضحك) ليه بس دى حتى بتقول عليك ظريف و طيب
هنا قالت تماره
تمارا ٠٠٠ و نسيتى هادى .. ( ثم نظرت ل حسام وقالت) ممكن تفطر عشان تاخد العلاج
حسام ٠٠٠ مش فاطر .. مش عايز افطر .. يلا غورى من وشى
تمارا ٠٠٠ لو فعلآ عايز تخلص منى و اغور من وشك أفطر لانى مش همشى من هنا غير لما تفطر و تاخد علاجك كمان . يلا حضرتك أختار عايزنى اغور ولا لاء
( ما كان أمام حسام غير انه يفطر و يأخذ أدويته حتى حتى يتخلص من هذه المزعجه
حور ٠٠٠ لاء انتى شكلك مصيبه فعلآ .
بقلم٠أروى٠عادل
بعد مرور أسبوع
~~~~~~~~~~~~
مر أسبوع و الوضع كما عليه تمارا تضغط على حسام حتى يتناول حسام طعامه علاجه لكنه يرفض أن يبدأ فى العلاج الطبيعى
كانت نسرين تتابع مع يحدث من بعيد و برغم انها كانت تشعر بالأستياء من اسلوب تمارا فى التعامل مع حسام .إلا أنها لا تنكر انها نجحت فى أنها جعلت حسام مواظب على مواعيد أكله و علاجه
فى الصباح
أمام بوابة الكبيره للقصر
~~~~~~~~~~~~~~~~
كانت تمارا حاطه شنطة على ظهرها مسكه هاتفها فى يديها . عندما كانت داخله من بوابة القصر
كما كانت توجد سياره خارجه مسرعة من بوابة القصر و فجأة
