رواية التضحية بالحب الفصل الثالث 3 بقلم أروي عادل – تحميل الرواية pdf

كانت تمارا حاطه شنطة على ظهرها مسكه هاتفها فى يديها.. عندما كانت داخله من بوابة القصر

كما كان توجد سيارة خارجة مسرعه من القصر و فجأة فرملة سيارة لتوقفت لكنها قبل أن تقف خبطت فى يد تمارا لذلك سقط هاتفها من يدها شعرت تمارا بألم فى يديها

هنا انفتح زجاج نافذة السيارة و قال سائق السيارة و هو يرفع النظاره من على وجهه

مراد ٠٠٠ أيه مش تحسبى ..

قالت تمارا بألم من يدها وهى تبحث عن هاتفها على الأرض

تمارا ٠٠٠ خلاص حصل خير

مراد ٠٠٠ يعنى لو كنت خبطك دلوقتى كنت قولتى حصل خير

هنا رأت تمارا هاتفها مح٠طم على الأرض لذلك قالت بغضب

تمارا ٠٠٠ نهارك اسود و مهبب تليفونى اتك٠سر

هنا نزل مراد من السياره وقال

مراد ٠٠٠ انتى قولتى إيه

تمارا ٠٠٠( بحزن ) انت كسرت تليفونى

مراد ٠٠٠ و انتى لو كنتى مركزه على الطريق ماكنش تليفونك اتكسر

تمارا ٠٠٠ انت ليك عين تتكلم كمان . على فكره انا كنت مركزه فى طريقى بس انت إللى عامل زى القطر بتاكل إللى فى وشك

هنا اخرج مراد بعض النقود من جيبه وقال

مراد ٠٠٠ بس . بس انتى هتوجعى دماغى ليه. يطلع بكام تليفونك ده .. خدى الفلوس دى اشترى تليفون غيرو و خلصينى

حط النقود فى يدها ثم صعد للسيارة مره أخرى.. هنا شعرت تمارا بأهانه من تصرفوا

لذلك ركضت اليه قبل أن يغادر بالسيارة و ألقت النقود من النافذة وقالت

تمارا ٠٠٠ خلى الفلوس ليك ولا أقولك اشترى بفلوس دى نظارة نظر يمكن تعرف تشوف بيها طريقك كويس .. بدل انت ماشى تخبط فى خلق الله

قالت عبارته ثم انصرفت قبل أن يستطيع مراد الرد عليها لذلك شعر بغضب وهو يريد أن يرجع لها و يوبخها على ما قالته له لكنه كان مستعجل لذلك غادر بسيارته

بقلم٠أروى٠عادل

بعد أسبوع اخر

القصر يوسف مهران

~~~~~~~~~~~~~~~

كان مراد خارج بالسيارة عندما رأى تمام تدخل القصر نظر لها و تذكر ما قالته له فى المره السابق لذلك اوقف السيارة نادى عليها

وقال بصارمه

مراد ٠٠٠ انتى يا أنسه

لم ترد عليه تمارا لذلك نادى عليها مره أخرى هنا قالت تمارا

تمارا ٠٠٠ أنت بتنادى عليا انا

مراد ٠٠٠ و انتى شايفه فى غيرك هنا ..

نظرت تمارا يمين ويسار ثم قالت

تمارا ٠٠٠ نعم خير

مراد ٠٠٠ انتى البنت إللى كنت هخبطها بالعربيه من اسبوع صح

تمارا ٠٠٠ كويس ان ذاكرتك كويسه يعنى مش هيبقى ذاكره و نظر كمان

مراد ٠٠٠ كويس إللى انتى فاكره .. و أكيد فاكره كمان قلة الأدب إللى كلمتنى بيها

هنا تذكرت تمارا انها داخل القصر يمكن ان يكون هذا الشخص من ضيوف الذين يترددوا على القصر لذلك حاولت متغلطش وقالت

تمارا ٠٠٠ حضرتك عايز أيه دلوقتى

مراد ٠٠٠ تتأسفى على الطريق الوق٠حه إللى كلمتنى بيها من أسبوع

هنا لم تستطيع تمارا السيطره على انفعالها وقالت

تمارا ٠٠٠ هو انت بتكلمنى كده ليه هو انا شغاله عندك .. يلا ياعم اتكل على الله احسنلك. هى ناقصه بلاوى

هنا احمرت عين مراد من الغضب الحاد

و كانت عروق يده بارزه عندما كوره قضية يده و كأنه كان على وشك الانق٠ضاض على تمارا

برغم ان تمارا شخصيتها قويه لكنها خافت من هيئته لكنها كعاده لا تظهر خوفها و تركته و انصرفت لكنه قال لها

مراد ٠٠٠ لسانك طويل اتجاوز حدوده و آنا متعود اقطع لسان اى حد يتجاوز حدود بس المشكله انك بنت بس ده مايمنعش انك محتاجه تتربى

ابتسمت تمارا بسخريه و انصرفت لداخل القصر

وتركت خلفها مراد الذى ينظر لها و يتوعد بثأر من هذه المستفزه

ظل مراد ينظر ل تمارا حتى دخلت القصر

ظن وقتها ان تمارا إحدى صديقات شقيقته حور

بقلم٠أروى٠عادل

داخل القصر

~~~~~~~~’

دخلت تمارا غرفة حسام و معاها الافطار

وقالت

تمارا ٠٠٠ الفطار

حسام ٠٠٠مش عايز

تمارا ٠٠٠ موال كل يوم .. انا اقولك الفطار و انت هتقولى من عايز وانا هقولك لازم تفطر علشان علاجك و انت هتقولى انا قولتلك مش عايز اطلعى بره وانا هقولك مش هطلع غير لما تفطر وتاخد علاجك و بعدين انت هتتعصب عليا و تقولى انتى اتحدفتى عليا من أي مصيب و آنا هرد بكل برود وهقولك من عند دكتور سمير وبعدين فى الأخر خالص عشان تخلص منى هضطر تاكل و تاخد علاجك .. طيب بالله عليك ما تخدها من أولها و أفطر و ريحنى يريحك ربنا ونوفر على بعض المناهدة

هنا ابتسم حسام دى قريبآ كانت أول مره يبتسم فيها حسام منذه سنين وعندما رأت تمارا حسام يبتسم قالت

تمارا ٠٠٠ طيب ما انت بتعرف تبتسم زينا أهو أمال عامل فيها ابو الغضب ليه

هنا أنتبه حسام لنفسه انه ابتسم لذلك رجع مره أخرى لوجه العابث وقال

حسام ٠٠٠ بطلى كلام كتير و هاتى الفطار هنا

تمارا ٠٠٠ يا ساتر يارب .. حاضر هتفطر على السرير

حسام ٠٠٠ ( بسخرية ) اذا ماكنش عند حضرتك مانع

تمارا ٠٠٠ وانا مالى تفطر مكان ما انت عايز انشالله تفطر فى الحمام

حسام ٠٠٠ انتى بتبلطمى بتقولى إيه

تمارا ٠٠٠ ولا حاجة اتفضل الفطار اهو

وضعت تمارا صينية الفطار على الفراش وهنا ابتسم حسام مره أخرى على كلام تمارا دون أن تلاحظ تمارا وفجأة اتعصب حسام عندما فتحت تمارا الستائر التى تحجب الشرفة

كان الشرفة كلها باب زجاج ذلك أول ما فتحت تمارا الستائر دخلت نور الشمس الجناح و ملأت المكان لأول مره منذه سنين

لذلك قال حسام بعصبيه هو لا يستطيع أن يفتح عينه فى ضوء الشمس

بقلم٠أروى٠عادل

حسام ٠٠٠ انتى يا بنى أدمه اقفلى الستاير بسرعة

تمارا ٠٠٠ ليه هو حد يكره نور ربنا

حسام ٠٠٠ مش عايز اسمع صوتك و اقفلى الستاير

تمارا ٠٠٠ طيب اسمعنى بس ايه رايك تيجى تفطر فى البلكونة صدقنى مودك هيتحسن كتير

حسام ٠٠٠ انتى غبيه مبتفهميش . ده اخر تحذير ليكى اقفلى الستاير

تمارا ٠٠٠ على فكرة إللى هنا فى القصر كلهم بيحبوك يعنى مافيش حد هيشمت فيك. لو شافك كده . فتح عينك . و واجه الناس و عيش حياتك و استمتع بشمس الصبح و نور ربنا

و بالفعل ضغطت تمارا دون أن تشعر بجر٠وح حسام هو بالفعل بيخاف من مواجهة الناس

لذلك قال حسام بصراخ وبكل ق٠سوة ل تمارا

حسام ٠٠٠ امشى اطلعى بره مش عايز اشوف وشك تانى . حته جر٠بوعة زيك هتعلمنى اعيش حياتى أزاى . انتى فاكره نفسك مين انتى مش أكتر من واحد خدامة بدفع ليها فلوس عشان راحتى و إللى ان عايزه تعمليه من غير ولا نفس

( كانت تمارا وقفه مصدومه لكنها شعرت بألم حسام من وراء كلماته الجارحه لها

كما كان صوت صراخ حسام يهز القصر كله

لذلك الكل جاء على صوت صراخ حسام )

نسرين ٠٠٠ فى ايه .. أنتى عملتيلو ايه

يوسف ٠٠٠ أهدى يا حسام فى ايه

حسام ٠٠٠ أقفلوا الستاير دى بسرعة

ركضت حور لتغلق الستائر لكن أوقفتها تمارا وقالت

تمارا ٠٠٠ لو سمحتى سيبى الستاير

نسرين ٠٠٠ حور انتى هتسمعى كلامها ولا ايه يلا بسرعة أقفلى الستاير

تمارا ٠٠٠ لو سمحتى يا نسرين هانم حضرتك وعدتنى انك مش هتدخلى بينى وبين الأستاذ حسام طالما ما بعملش حاجة غلط

نسرين ٠٠٠ بس انتى كده بضيقى حسام هو مش بيحب بتعرض للشمس

تمارا ٠٠٠ الأستاذ حسام لازم جسمه يتعرض للشمس عشان تقوى العضم .. فياريت حضرتك تسيبنى اشوف شغلى

هنا نظر يوسف ل تمارا بأعجاب ليس لانها تقوم بواجبها اتجاه حسام لكن لانها بتعترض على كلام نسرين دى حاجة لا يفعلها الكثير

لذلك قال

يوسف ٠٠٠ يلا يا نسرين و انتى يا حور خلى البنت تشوف شغلها

هنا نظر حسام بعدم تصديق هل فعلآ سوفه تترك نسرين ل تمارا تفعل ما تريد

هنا مسك يوسف نسرين من يدها و خرجوا من الغرفة. هنا قال

بقلم٠أروى٠عادل

حسام ٠٠٠ انتى ج٠نس ايه بالظبط

تمارا ٠٠٠المفروض انى أنثى .. بس انا أشك

هنا ضحك حسام من كلماتها

ثم قالت تمارا عندما رأت ضحكته

تمارا ٠٠٠ ها تفطر فى البلكونة

حسام ٠٠٠ انتى بجد مش معقوله . أنتى حتى مدايقتش من الكلام إللى انا قولتهولك

تمارا ٠٠٠ بالعكس مدايق متعصبه و نفسى اخنقك كمان . بس انا عارفه و متأكده انك مش كده ..انت مش شخص قاسى.. ده مش وشك الحقيقى . ده قناع بتحاول تخفى وراه وجعك

أستغرب حسام من تحليل تمارا الصحيح لشخصيته

حسام ٠٠٠ انتى عندك كام سنة

تمارا ٠٠٠ ٢٠ سنه

حسام ٠٠٠ مش شايفه ان كلامك أكبر من سنك

تمارا ٠٠٠ عارفه ماما على طول بتقولى يا تمارا بلاش كلام العواجيز ده

أبتسم حسام من اسلوبها تمارا فى الحديث لذلك قالت تمارا

تمارا ٠٠٠ ها مقولتليش هتفطر فى البلكونة

هز حسام رأسه يمين ويسار ثم قال

حسام ٠٠٠ انتى مافيش فايده فيكى .. طيب مبدئيآ بقى ده مش أسمة بلكونة ده أسمه تراس

تمارا ٠٠٠ يا سلام على الناس الأغنياء دول بيدلعوا كل حاجة حتى البلكونه .. ماشى ياسيدى ممكن تفطر فى التراس

هز رأسه بالموافقة

لذلك ابتسمت تمارا بأنتصار لذلك قال حسام عندما لاحظ ابتسامتها

حسام ٠٠٠ على فكرة انا هفطر فى التراس النهاردة بس و ده عشان اخلص من زنك مش أكتر من كده

تمارا ٠٠٠ ياعم قول يارب

حسام ٠٠٠ نعم بتقولى إيه

تمارا ٠٠٠ ولا حاجة يا أستاذ حسام

جلس حسام يفطر فى الشرفة لأول مره منذ سنين كان بيدو متوتر وهو بيفطر

كما كانت إحدى الخدمات فى القصر و أسمها سهى ترى كل ما يحدث لكى تخبر نسرين

وهنا تطلعت تمارا لجنينة القصر الذى يوجد فيها اجمل أنواع الورود و الخضره لذلك قالت

تمارا ٠٠٠ أنا مش عارفه ليه حضرتك حارم نفسك من الجمال ده

حسام ٠٠٠ تعرفى انا إللى زارع معظم الورد إللى فى الجنينة بأيدى

تمارا ٠٠٠ احلف

حسام ٠٠٠ أيه يعنى هكدب عليكى

تمارا ٠٠٠ لاء مش قصدى بس

فهم حسام ماذا تقصد تمارا لانه مشلول لذلك قطع جملتها و قال بحزن

حسام ٠٠٠ ما أنا ماكنتش كده الاول

تمارا ٠٠٠ أنا أسفه مقصدتش. هى الحادثه حصلت من امتى

هنا تبدلت ملامح حسام عندما ذكرت الحا٠دث

وقال حازم

حسام ٠٠٠ مش كفايه كلام ايه مابتزهقيش من الكلام

تمارا ٠٠٠ مالك اتحولت ليه ما كنت كويس

هنا حرك حسام الكرسى بالجهاز الملحق بالكرسى المتحرك لداخل الجناح

دخلت تمارا خلفه و هى مستغربه ولا تعلم لماذا تعير فجأة.. هنا قال حسام

حسام ٠٠٠ اقفلى الستاير

تمارا ٠٠٠ تانى

حسام ٠٠٠( بعصبيه) هو انتى عندك مشكله فى سمع الكلام. ماتسمعى الكلام و انتى ساكته

قالت تمارا بنفاذ صبر

تمارا ٠٠٠ حاضر هسمع الكلام و آنا ساكته

ثم اعطته أدويته و غادرت الجناح

عدى اليوم من غير تمارا ما تتحدث مع حسام فى اي شئ و جاءه وقت انتهاء عملها

لذلك قالت لحسام الذى كان مستغرب من سكوتها معظم اليوم

تمارا ٠٠٠ تأمرنى بأى حاجة تانى

حسام ٠٠٠ ليه رايحه فين

تمارا ٠٠٠ مروحه

كان يريد حسام ان يسألها ما بها لكنه بدل ذلك قال

حسام ٠٠٠ لاء مش عايز

غادرت تمارا جناح حسام

بقلم٠أروى٠عادل

وعندما كانت على وشك الخروج من القصر قالت لها الخادمة سهى

سهى ٠٠٠ نسرين هانم عايزاكى فى الصالون

ذهبت تمارا خلفها. و عندما وصلت الصالون كانت نسرين تجلس مع و يوسف

وهنا قالت سهى

سهى ٠٠٠ الممرضة يا هانم

نسرين ٠٠٠ سيبها و روحى انتى

غادرت سهى فقالت نسرين ل تمارا

نسرين ٠٠٠ ياريت إللى حصل النهاردة ما يتكررش يعنى لو حسام اتعصب او اتوتر بطريقه دى تانى انا هيكون ليا معاكى تصرف تانى خالص . و ده اخر تحذير ليكى فاهمه

تمارا ٠٠٠ حضرتك انا مش مسؤوله عن عصبية أستاذ حسام

نسرين ٠٠٠( بحاده) بس انتى إللى وصلتى انه يتعصب بطريقة دى

تمارا٠٠٠ حضرتك انا هنا ممرضة ل أستاذ حسام من واجبى انى أساعده ان صحته تتحسن حتى لو هو رافض العلاج .. لازم أضغط عليه عشان يتقبل العلاج . المهم فى النهاية تكون النتيجه فى صالح المريض

نسرين ٠٠٠ بقولك ايه انا مابحبش الكلام الكتير و إللى بقول عليه بتنفيذ من غير محاضرات فاهمه

تمارا ٠٠٠ حضرتك انا أول يوم جيت هنا قولتلك لازم تسيبى ليا مساحتى مع المريض.

وقولتك كمان محدتش يدخل بينى و بين الأستاذ حسام. و حضرتك وافقتى على الكلام ده . لو غيرتى رأيك تمام انا ممكن أمشى

نسرين ٠٠٠ اه غيرت رأيى و …

قطع عبارتها يوسف وقال

يوسف ٠٠٠ أستنى يا نسرين اسمعى يااااه أسمك تمارا مش كده

( هزت تمارا رأسها بنعم ثم اكمل عبارته وقال)

يوسف ٠٠٠اسمعى يا تمارا انا موافق بقولك من دلوقتى محدتش هيدخل نهائى بينك و بين حسام . قدام ده انا لازم أشوف نتيجه ملحوظه فى حالة حسام

تمام ٠٠٠ و آنا مش عايزه من حضرتك اكتر من كده .و أوعد حضرتك ان الاستاذ حسام هيتحسن على أقل تقدير حالة النفسيه تبقى أحسن و يقدر يختلط بالناس من تانى

يوسف ٠٠٠ تمام يبقى أتفقنا.. دلوقتى تقدرى تفضلى

تمارا ٠٠٠ تمام عن أذن حضرتك

هنا أشار لها يوسف بالانصراف هنا قالت نسرين

نسرين ٠٠٠ممكن أعرف ايه إللى انت عملتو ده

يوسف ٠٠٠ البنت عندها حق فى كلامها .. كمان النهاردة انا شوفت حسام قاعد معاها فى التراس و لأول مره من سنين اشوف حسام يبتسم

نسرين ٠٠٠ بصراحة انا مش مستريحه للبنت دى

يوسف ٠٠٠ مالها البنت . شكلها كويسه محترمه

نسرين ٠٠٠ يعنى مش شايف طريقة كلامها المستفزه ولا طريقة لبسها إللى زى الولاد .

ده كأنها قصده تقف قصادى و تعاندنى

يوسف ٠٠٠ أنا شايف انك مكبره الحوار . اكيد البنت مش تقصد تعاندك . و احنا فى الأخر يهمنا صحة حسام و بس

نسرين ٠٠٠ أوكى بس أعمل حسابك. انا لو مالقتش نتيجة و حسام اتحسن انا هطرودها

بقلم٠أروى٠عادل

فى نفس الوقت

خارج القصر

~~~~~~~~~~

كان مراد راجع للقصر بسيارته ..

بينما تمارا كانت تعبر الطريق وهى غير منتبها لأنها كانت تبحث عن محفظة تقودها داخل شنطتها

وعندما رأها مراد وهى تسير غير منتبها للطريق تذكر ما قالته له فى صباح اليوم لذلك قرر انه يعقبها لذلك زاد سرعة السيارة اتجه بسرعة اتجاه تمارا

اتسعدت عين تمارا بصدمه عندما رأت السيارة تتجه إليها بأقصى سرعة لذلك صرخت وهى تضع يديها على وجهها