رواية التضحية بالحب الفصل الخامس 5 بقلم أروي عادل
أول ما انصرف مسعد دخلت تمارا الغرفه
و مسحت الجزء من التسجيل إللى هى فيه بتسكب العصير على زجاج السيارة
مراد ٠٠٠ أنت بتعملى هنا
بلعت ريقها وحاولت تكون طبيعيه وهى تقول
تمارا ٠٠٠ انت بتكلمنى أنا
مراد ٠٠٠ هو انتى شايفه فى حد غيرك واقف
تصنعت انها تتطلع على الأرض و قالت
تمارا ٠٠٠ المفتاح .. المفتاح بتاعى ضاع بدور عليه
بأستغراب لا يخلو من الحاده قال
مراد ٠٠٠ مفتاح ايه ده إللى بتدورى عليه جوه أوضت التسجيل
تمارا ٠٠٠ لاء انا بدور قدام الأوضة مش جوه الاوضة
مراد ٠٠٠ انتى هتستعبطى انا شايفك بعينى
و انتى طالعه من الأوضة
تمارا ٠٠٠ أنا قولت لحضرتك قبل كده لو كنت فاكر و على العموم هرجع اقولك تانى اشترى نظارة نظر يمكن تقدر تشوف بيها كويس
اتعصب مراد من كلماتها قبل ان يرد عليها جاء مسعد و قال
مسعد ٠٠٠ أنا مالقتش المفتاح
تمارا ٠٠٠ تمام متشكره
قالت جملتها ثم انصرفت بسرعه لداخل القصر تحت نظرات مراد الحارقه
ثم و توجهت بسرعة إلى الشرفة الموجوده فى جناح حسام لترى ماذا يحدث
بقلم٠أروى٠عادل
صرخ مراد على مسعد بعصبيه وقال
مراد ٠٠٠ أنا كنت فين يا زفت
مسعد ٠٠٠ كنت عند البوابه بدور على مفتاح للأنسه…
قطع مراد عبارته بغضب قال
مراد ٠٠٠ أنسة ايه و زفت ايه . إللى انت بتاخد إومرك منها دى
مسعد ٠٠٠( بخوف) لا يا باشا انا بس كنت بساعدها
مراد ٠٠٠( بسخريه)يا حنين بقى بتساعدها
خافض مسعد رأسه وهو يقول بأرتباك
مسعد ٠٠٠ أنا أسف يا مراد باشا مش هتكرر تانى
مراد ٠٠٠ وانت فاكر انى هسيبك تكررها تانى
تعالى اتنيل قدامى ورينى التسجيل و بعدها هتتحاسب
اخذ مراد مسعد و دخل لغرفة التسجيل
و هناك جن جنون مراد عندما رأه ان تم قص وحذف خمس دقائق من تسجيلات الكاميرا
لذلك قال بغضب عارم
مراد ٠٠٠ قولى يعنى ايه فى خمس دقايق محذوفين من التسجيل
مسعد برعب قال
مسعد ٠٠٠ واللهى ما اعرف يا باشا ازاى حصل ده
مراد ٠٠٠مين معاه مفتاح الأوضة دى غيرك انت و جمال
مسعد ٠٠٠ مافيش يا باشا
مراد ٠٠٠ يبقى انتم المسؤولين قدامى عن حذف التسجيل
مسعد ٠٠٠ واللهى يا باشا ..
و قبل أن يكمل جملته قال مراد
مراد ٠٠٠ انت تخرس خالص .. قولى من جه هنا القصر النهاردة
مسعد ٠٠٠ مافيش غير الأنسة تمارا
مراد ٠٠٠ مين تمارا دى
مسعد ٠٠٠ دى الممرضة بتاعت حسام بيه إللى كانت وقفه هنا من شويه
مراد ٠٠٠ اه ه ه إللى حضرتك سيبت عشانها باب الأوضة مفتوح و روحت تدور على مفتاحها
هنا سكت مراد و هو يفكر ثم استنتج بعد تفكير ان تمارا هى من قامت بسكب العصير على السياره وهى ايضآ من حذفت لقطات الكاميرا حتى لا ينكشف أمرها وهنا قال
مراد ٠٠٠ يا بنت الكل…….
قبل أن يكمل جملته جاء حارس الأمن الثانى جمال و قال
جمال ٠٠٠ أنا غسلتك العربيه يا باشا
مراد ٠٠٠ اسمع انت وهو خمس دقايق و مش عايز أشوف وش واحد فيكم هنا تانى
جمال ٠٠٠ ليه بس يا باشا انا عملت ايه
مسعد ٠٠٠ واللهى يا باشا انا ماليش ذنب ف…
قطع مراد عبارته وقال بغضب
مراد ٠٠٠ نفذ إللى انا قولته من غير ولا نفس
قال عبارته ثم دخل القصر و الشر يتطاير من عينه
كانت تمارا واقفه فى الشرفة تتابع كل ما يحدث..حينها شعرت بخوف لانها ظنت أن لا أحد سيلاحظ الخمس دقائق المحذوفه من التسجيلات
كما شعرت بذنب على طرد مسعد و جمال سبب تهورها
وهناك ايضآ حور التى كانت تتابع كل ما يحدث من شرفة غرفتها
داخل القصر
~~~~~~~~~~
دخل مراد القصر وهو يصرخ على أمل بغضب
أمل ٠٠٠ نعم يا مراد بيه
مراد ٠٠٠ نادى على الممرضة حالآ
أمل ٠٠٠ تقصد تمارا
مراد ٠٠٠ ايوه زفت
أمل ٠٠٠( بتوتر) هو فى حاجة
مراد ٠٠٠ ( بصراخ) وانتى مالك نفذى إللى بقولك عليه و مترجعيش من غيرها
أمل ٠٠٠(بلعت ريقها بخوف) حاضر . حاضر
بقلم٠أروى٠عادل
فى جناح حسام
دخلت أمل جناح حسام و قالت بأرتباك
أمل ٠٠٠ تمارا مراد بيه عايزك حالآ
توترت تمارا لكن أقبل ان ترد على أمل قال حسام
حسام ٠٠٠ هو مراد عايز تمارا ليه
أمل ٠٠٠ مش عارفه
حسام ٠٠٠ روحى قوليله ان تمارا مش فاضيه
وقفت أمل وهى مرعوبه من غضب مراد
حسام ٠٠٠ وقفه كده ليه
أمل ٠٠٠ مراد بيه قالى مرجعش من غير تمارا
حسام ٠٠٠ و آنا بقولك روحى قوليله عن لسانى ان تمارا مش فاضيه فاهمه
خرجت أمل من الجناح وهنا قال حسام
حسام ٠٠٠ تمارا هو انتى عملتى ايه
تمارا ٠٠٠ يعنى هكون عملت ايه .. ولا حاجة
هنا دخل مراد مندفع لجناح حسام لأول مره منذه سنين بعد ما قالت له أمل عن رد حسام
وعندما رأى مراد تمارا وقفه اقترب منها وقال بغضب عارم
مراد ٠٠٠ انتى إللى مسحتى التسجيل صح
قالت تمارا بقوة و برود عكس ما بداخلها
تمارا ٠٠٠ تسجيل ايه ده انا معرفش انت بتتكلم على ايه
مراد ٠٠٠ و اللهى صدقت انا كده.. يعنى مش انتى إللى كبيتى العصير على العربيتى
تمارا ٠٠٠ أيه شغل العيال ده و آنا هعمل كده ليه يعنى
مراد ٠٠٠ طالما مش عارفه عصير ولا تسجيل ايه .آمال كنتى بتعملى ايه جوه أوضتة المراقبة
تمارا ٠٠٠ تانى ما حضرتك سألتنى قبل كده قولتلك انى كنت قدام الأوضة مش جوة الأوضة
مراد ٠٠٠ انتى هتستعبطى يا بت…..
قطع حسام عبارتها
حسام ٠٠٠ مراد اتكلم معاها بأسلوب احسن من كده .أو متتكلمش معاها خالص .
مراد ٠٠٠ ياريت ما تدخلش يا حسام
حسام ٠٠٠ لاء هدخل تمارا الممرضة الخاصة ليا انا . بعدين عصير ايه إللى انت قلب عليه الدنيا ده
كلام حسام طمن تمارا بعد ما كانت مرعوبه من مراد٠ لذلك قالت كاذبه و بكل براءة
تمارا ٠٠٠ مش عارفه هو بيتكلم على ايه اصلآ
شوية يقولى عصير و شويه يقولى مسحت تسجيل مش عارفه ايه جو الأفلام البوليسية ده
مراد ٠٠٠ بلاش تعملى فيها الغلبانه البريئه الجو ده مايدخلش عليا انا عارف . و متاكد انك انتى إللى عملتى كل ده
تمارا ٠٠٠ و أنا هعمل كده ليه
مراد ٠٠٠ عشان تردى على حصل أمبارح
تمارا ٠٠٠ و ايه هو اللى حصل أمبارح . هو انا شوفت حضرتك قبل النهاردة أصلآ
مراد ٠٠٠ لاء واللهى . يعنى انتى متعرفنيش
ولا شوفتينى قبل كده
تمارا ٠٠٠ ( هزت رأسها بلا) ولا عمرى شوفتك
أصلآ
مراد ٠٠٠ طيب اسمعى بقى إللى هيحصل دلوقتى قبل ما اجيب اخرى انتى هتروحى دلوقتى تغسلى عربيتى مفهوم
حسام ٠٠٠ انت بتقول أيه .. تمارا مش خدامه عندك .
هنا قالت حور التى كانت واقفه منذه دخول مراد جناح حسام
حور ٠٠٠ أيه يا جماعة وطى صوتكم انتو هتتخنقوا مع بعض ولا ايه .
حسام ٠٠٠ قولى لأستاذ مراد .. إللى بيستقوى على بنت
مراد ٠٠٠ أنا مش فاهم انت محموق عليها كده
ليه . دى حياله حتة ممرضة مالهاش اى لازمه
ممكن تغور و يجى عشر غيرها
شعرت بضيق و الاهانه من كلام مراد لكنها سكتت عندما دافع حسام عنها و قال بتحذير
حسام ٠٠٠ مراد ولا كلمه تانى انت .. انا مش هقبل غلط فى ممرضة بتاعتى اكتر من كده
حور ٠٠٠ فى ايه يا مراد كل العصبيه دى عشان حبة عصير اتكب على العربيتك
مراد ٠٠٠ أمشى من وشى دلوقتى يا حور
انا عفاريت الدنيا كلها دلوقتى بتنطط قدامى
تمارا ٠٠٠ ياريت تخلى عفاريتك تتنطط بعيد عنى . عشان كده بقى كتير بزياده
مراد٠٠٠ انتى ….
قطع حسام عبارته وقال بحاده
حسام ٠٠٠ ماقولتلك خلاص بقى .. ولا انت مبقاش فارق معاك كلام اخوك الكبير
هنا سكت مراد ثم نظر ل تمارا بحقد ثم انصرف ..ثم انصرفت حور بعده . بعد ما انصرفوا قال حسام
حسام ٠٠٠ تمارا هو انتى فعلآ إللى عملتى كده فى العربية
تمارا ٠٠٠ هو فى ايه هو انا قتلت العربية ولا ايه ده ماكانش حبة عصير
حطت تمارا أيدها على فمها و هى تلعن نفسها على زلة لسانها
بينما تطلع إليها حسام بدهشة
حسام ٠٠٠ طيب ليه عملتى كده
سكتت تمارا وهو تنظر للأرض بأحراج
حسام ٠٠٠ تعالى أقعدى و احكيلى عملتى كده ليه .
تمارا ٠٠٠ فيك من يحفظ السر
حسام ٠٠٠ فى بير
بدأت تمارا تحكى ل حسام عن أول لقاء بينها و بين مراد إلى أن مسحت تسجيل
فى ذلك الوقت رجعت نسرين القصر و قالت
لها الخدمه ما حدث بين حسام و مراد بسبب تمارا .لذلك اتعصبت نسرين و قررت
انها سوفه تطرد تمارا لذلك توجهت إلى جناح حسام
هنا وقفت أمام الجناح بدهشه عندما رأت حسام وهو يقهقه من كثرة الضحك على أفعال تمارا و ذلك كان أول مره نسرين ترى
ابنها يضحك من سنين و ذلك بفضل تمارا
و لان سعادة حسام كانت عندها اهم من اى شئ أخر قررت تتغاضى عن ما فعلته تمارا فى سبيل سعادة حسام . لذلك انصرفت
بعد ما حكت تمارا على شئ ل حسام ظل يضحك وهو يقول
حسام ٠٠٠ لا انتى مش ممكن دماغك ايه دى
تمارا ٠٠٠ هو إللى بدء يستحمل بها
حسام ٠٠٠ طيب انتى عرفتى منين ان مراد مابيحبش حد يقرب للعربيةبتاعته
تمارا ٠٠٠ واللهى ماكنتش اعرف هى جات كده ان أساسآ ماكنتش اعرف انه أخوك
حسام ٠٠٠ على فكره مراد مش هيسكت على حصل ده خصوصآ انه متأكد انك انتى إللى عملتى كده
تمارا٠٠٠ يعنى هيعمل .. انا مش حيلتى حاجة اخاف عليها… بس انا مش عارفه أزاى لاحظ الخمس دقايق إللى اتحذفوا من التسجيل
حسام ٠٠٠ طبيعى مش ظابط شرطه
تمارا ٠٠٠ يالله عليك هو ظابط
حسام ٠٠٠ أيه خوفتى
تمارا ٠٠٠ ليه هو انا مسجله خطر عشان أخاف منه .
ضحك حسام مره أخرى وقال
حسام ٠٠٠ ليكى أسلوب فى كلام يموت من اضحك
هنا قالت تمارا بعفوية
تمارا ٠٠٠ على فكرة ضحكتك حلوه بلاش تكشر تانى
هنا تطلع حسام ل تمارا بأعجاب لدرجة ان تمارا اتكسفت من نظرته لها . وقال
حسام ٠٠٠ و انتى كمان جميله أوى
تمارا ٠٠٠ متشكره على المجاملة.
حسام ٠٠٠ بس انا مش بجامل . دى حقيقه
أردت تمارا تغير الموضوع لذلك قالت
تمارا ٠٠٠ اه صح هو أخوك هيطرد بتوع الأمن بجد
حسام ٠٠٠ طبعآ هيطردهم مراد مابيرجعش فى كلمة قالها
تمارا ٠٠٠ بس حرام هم معملوش حاجة .. انا مدايقه من نفسى اوى . لانى كنت السبب فى قطع عيشهم
حسام ٠٠٠ خلاص إللى حصل حصل هتعملى ايه يعنى
تمارا ٠٠٠ هو انا لو روحت ل مراد و قولتلو انهم مالهمش ذنب و آنا السبب مش هيطردهم
حسام ٠٠٠ وانتى فاكره مراد هيسيبك بعد
ما تقوليله كده
تمارا ٠٠٠ مش مهم . المهم ما أكونش انا السبب فى قطع عيشهم
حسام ٠٠٠ طيب خلاص مدايقيش نفسك
هنا ضغط على المفتاح اللى بجوار الفراش بعد دقيقتان جاءت أمل وقالت
أمل ٠٠٠ نعم يا حسام بيه
حسام ٠٠٠ روحى قولى ل مسعد و جمال مايمشوش ..و خليهم فى شغلهم
أمل ٠٠٠ طيب مراد بيه عارف بالقرار ده
حسام ٠٠٠ مش شغلك . روحى بلغيهم باللى انا قولته . لو حد اتكلم قوليله ده قرر انا
أمل ٠٠٠ حاضر
فرحت تمارا بكلام حسام لذلك شكرته
بقلم٠أروى٠عادل
فى إحدى الكافيهات
~~~~~~~~~~~~~
تجلس سلمى مع حسام
حاتم ٠٠٠ سلمى انتى مش بتحبينى
سلمى ٠٠٠ ليه بتقول كده . انت عارف انا بحبك أد أيه
حاتم ٠٠٠ أمال ليه مش عايزانى اكلم خالتى انا نفسى تبقى معايا على طول
سلمى ٠٠٠ حاتم ياريت تفهمنى و تستنا عليا بعد ما نشترى شقه جديده. بعيد عن المنطقه إللى احنا فيها اللى كلها لبش و مشاكل.انت عارف اننا بنحوش فى تمن الشقة من سنين.
حاتم ٠٠٠ طيب وايه علاقة ده بجوازنا
سلمى ٠٠٠ لان ماما لو عرفت هتاخد فلوس إللى بنحوشها للشقه و هتصرفها على جهازى
دى حاجة انا مش هقبلها
حاتم ٠٠٠ وانا كمان مش هقبلها .. ياستى لو على جهازك انا مش عايز منك حاجة و….
قطعت كلامه وقالت
سلمى ٠٠٠ ما تكملش كلامك يا حاتم . قولتلك قبل كده انا هجهز زى اى بنت
حاتم ٠٠٠ سلمى هو انا غريب . انتى بنت خالتى قبل ماتكونى حبيبتى .. وبعدين ماكنتش انا أرعى ظروفك و قدرها يبقى مستهلش حبك ليا
سلمى ٠٠٠ معلش يا حاتم بلاش نتكلم فى الموضوع ده لانه بيدايقنى
حاتم ٠٠٠ طيب حاضر قوليلى هتتغدى معايا النهارده
سلمى ٠٠٠ لاء ماما مستنياك على الغدا
حاتم ٠٠٠ طيب يلا بينا . لانى بصراحه ميت من الجوع . كمان نفسى اكل أكل بيتى زهقت من أكل المطاعم
بقلم٠أروى٠عادل
داخل القصر يوسف مهران
~~~~~~~~~~~~~~~~~
جن جنون مراد من أفعال تمارا و ما زاد البلة طين ٠وقوف حسام فى صفها و الدفاع عنها
وبرغم ان مراد لا يتراجع فى كلمته إلا أنه لا يستطيع أو لا يريد الاعتراض على قرار حسام عندما عرف انا حسام الغى قرر طرد حارسين الأمن لم يفعل شئ .. ليس خوف من حسام
و لكن تقدير لحالته الصحية . كما أنه لا يريد أن يحتك بحسام
فى المساء
جناح حسام
~~~~~~~~
تمارا ٠٠٠انا هروح عايز حاجة
حسام ٠٠٠ مش هتقرئى ليا شويه
تمارا ٠٠٠ حاضر تحب اقرأ ليك أيه
حسام ٠٠٠ اختارى انتى على ذوق
كان فيها كذا كتاب بجانب الفراش لكنهم لم ينالوا على أعجاب تمارا هى تقرأ اسماء الكتب
تمارا ٠٠٠ لما نشوف ايه الكتب إللى عندك
البوساء . صاحب الظل الطويل . الاقتصاد العاريا . و كتب مصطفى محمود .
حسام ٠٠٠ أيه شكلك مش عجبك الكتب
تمارا ٠٠٠ دى كتب كلها تجيب أكتئاب
حسام ٠٠٠ طيب فى أوضتة المكتب تحت فيها مكتبة كبيرة تقريبآ فيها كله أنواع الكتب انزلى اختارى منها إللى يعجبك
تمارا ٠٠٠ يعنى اختار على ذوقى
حسام ٠٠٠ تمام على ذوقك
خرجت تمارا من جناح حسام
و أتجهت إلى غرفة المكتب و عندما كانت تسير فى ممر لتصل لدرج
و فجأة وجدت يد ق
