رواية التضحية بالحب الفصل الثامن 8 بقلم أروي عادل
كان مراد ينظر إليهم من الحين لأخر
بينما حسام كان ينفذ تعليمات تمارا بصعوبة لكنه فجأه أيده فلتت من على المشايه لتسرع تمارا و تمسك به لكن حسام انحنا بجسده كله عليها لأنه جسد حسام كل ثقيل عليها سقطت تمارا على الأرض و كان حسام سيسقط عليها. ولكن أسرع مراد و وضع ذراعه ليفصل بين حسام
مراد ٠٠٠ انتى غبيه افرض وقع عليكى دلوقتى .ولا انتى فاكره نفسك ايه البطله الخارقه هتقدرى تتحملى وزنه لوحدك
نظره حسام ل مراد بأستغراب من عصبيته الغير مبرره
كما هو حال تمارا التى كانت تنظر له بدهشه من رد فعله المبالغ فيه ثم قالت
تمارا ٠٠٠ أنا كنت بساعده مافكرتش انه
حينها قطع عبارتها وقال مراد بحده
مراد٠٠٠ انتى اساسآ مابتعرفيش تفكرى خالص .قوليلى لو وقع عليكى كان هيبقى منظرك ايه ولا انتى مكانش هيفرق معاكى
اتعصبت تمارا من تلميحات مراد لذلك قالت
تمارا ٠٠٠ لو سمحت ياريت تحافظ على كلامك معايا . لانى مسمحلكش تتكلم معايا بأسلوب ده
مراد ٠٠٠ انتى ليكى عين كمان تتكلمى
حسام ٠٠٠ هو فى ايه يا مراد انت مش شايف انك اوفر شويه .. الموضوع مش مستاهل
مراد ٠٠٠( بغضب ) صح الموضوع مش مستاهل انا إللى أوڤر . اقولكم أولعوا فى بعض
قال جملته ثم انصرف هنا قالت تمارا
تمارا ٠٠٠ هو ماله ده
حسام ٠٠٠ معلش هو اكيد خاف عليا يحصلى حاجة لو وقعت
هنا شاردت تمارا وهى تتذكر عندما وضع مراد ذراعة بينها و بين حسام لانه كان حريص على ان حسام لا يلمس تمارا
عندها استغربت تمارا مما فعلوا مراد ..
و استغربت اكثر من رد فعلو الغير متوقعه منه
حسام ٠٠٠ سرحانه فى ايه
تمارا ٠٠٠ ولا حاجة .. يلا احنا كده خلصنا جلسات النهاردة
بقلم٠أروى٠عادل
داخل جناح مراد
~~~~~~~~~~
مراد نفسه أستغرب من رد فعله و لا يعرف لماذا اتعصب من اقتراب حسام من تمارا
لكن ظن أنه فعل ذلك خوف على شقيقه لا أكثر
وهنا سمع صوت طرق على باب الجناح
مراد ٠٠٠ ادخل
اسلام ٠٠٠ أيه يا استاذ انت مش بترد على تليفونك ليه
مراد ٠٠٠ اه معلش كنت فى الجيم .. و نسيت التليفون هنا
أسلام ٠٠٠ مالك
مراد ٠٠٠ مدايق شويه
أسلام ٠٠٠ طيب ايه الجديد ما انت مدايق ٢٤ ساعة فى إللى ٢٤ ساعة
مراد ٠٠٠ شكلك فايق
أسلام ٠٠٠ سيبك انت من الكلام ده و قولى هتغدونا ايه النهاردة
مراد ٠٠٠ هتغدونا ليه انت مش لوحدك
أسلام ٠٠٠ لا دى العايله كلها معايا .. ما انت عارف ده اليوم الوحيد إللى بتجمع فيه و نشوف بعض
مراد ٠٠٠ أنت هتستعبط ما انتى فى وشى على طول
اسلام ٠٠٠ ده عشان احنا صحاب قبل ما نكون ولاد عم لكن الباقى لاء .. صح فكرتنى انت ماجتش الشركه ليه امبارح
مراد ٠٠٠ اتأخرت فى الشغل لان كان عندى قضية مهمه .
أسلام ٠٠٠ أنت هتفضل لأمتى بين شغلك فى النيابة و الشركه بأبنى صاحب بالين كداب
مراد ٠٠٠ يعنى هو بمزاجى ما انت عارف كل حاجة
أسلام ٠٠٠ طيب ماتسيب شغلك فى النيابة. او حتى تاخد اجازه
مراد ٠٠٠ لاء طبعآ شغلى كظابط شرطة ده الأساسي فى حياتى .. انما شغل الشركة دى حاجة مؤقته
اسلام ٠٠٠ بس ده تعب عليك يا صاحبى
مراد ٠٠٠ خلاص انا اتعوت على التعب
أسلام ٠٠٠ طيب يلا ننزل تحت
مراد ٠٠٠هخد دش بعد كده هنزل
اسلام ٠٠٠ طيب هستناك تحت
نبذه عن الشخصيات الجديده فى الروايه
~~~~~~~~~~~~~~~~~~~~~~
أسلام* احنا اتكلمنا عنه فى المقدمه الرواية
شيرين * شقيقة نسرين تحمل بعض من طباع نسرين لكنها متسهله مع أولادها ممكن تفعل ايه شئ لتنفيذ رغباتهم.. أولادها هم هايدى و لؤى
هايدى* فتاه متدلعه خريجة جامعة امريكيه تحب مراد منذ نعومة اضافرها و تعتبره ملكيه خاصه لها لا يمكن تمساس به
لؤى* شاب مستهتر بعد الشئ خريج تجاره يعمل مع والده فى شركات السياحه. لديه علاقات نسائيه هو صديق ل مراد لكن. ليس مثل أسلام
فؤاد * شقيق نسرين ظابط شرطه رتبت عقيد رجل اربعينى اعزب هو الشخص الأقرب مراد و حسام ايضآ
توفيق* العم رجل حكيم عاقل لديه اتنين من الأبناء أسلام اكبرهم ملك * بنت عم فتاه طيبه خريجه جامعة أمريكية تحب حسام سرآ
نيرمين* الأم أمرأه قويه ولسانه لسع وهى الصديقه المقربه ل نسرين
انتهينا من اتعرف على الشخصيات الجديد نرجع للروايتنا مره أخرى
يجلسون شباب أفراد عائلة مهران
بينما تجلس نسرين مع شقيقتها شرين ونرمين .
فى حين يجلس يوسف و توفيق و فؤاد بعض
فى ذلك الوقت كانت تمارا مع حسام فى. الغرفة الجديده التى انتقل إليها حسام مأخرآ
هنا قالت هى تجهل ما يحدث خارج الغرفه
تمارا ٠٠٠ ايه رايك نتطلع نقعد فى الجنينة
حسام ٠٠٠ لاء مش عايز
تمارا ٠٠٠ بس انا عايزه .بالله عليك فى حد. يكون عنده حنينة ترد الروح يقعد محبوس فى أوضة زى دى
حسام ٠٠٠ تمارا اهدى عليا شويه .
تمارا ٠٠٠ بالله عليك توافق عشان خاطرى
حسام ٠٠٠ خلاص بس مش النهاردة
تمارا ٠٠٠ ليه مش النهاردة
حسام ٠٠٠عشان النهاردة الجمعة العايله كلها بتتجمع عندنا النهاردة و آنا مش عايز. اشوف حد
تمارا ٠٠٠ طيب ليه همآ مش دول عايلتك
حسام ٠٠٠ تمارا بلاش تضغطى عليا
ضمت فمها وهى تطصنع الحزن وتقول
لتستعطف حسام
تمارا ٠٠٠ خلاص زى ما تحب . فى النهاية انا بشتغل عندك لازم اسمع كلامك
حسام ٠٠٠ طيب ليه لزوم الكلام ده. انا قولتلك هطلع بكره
تمارا ٠٠٠ بس انا كنت عايزه النهاردة بصراحه انا كان نفسى أقعد فى الجنينة و اكل السندويشات الكفتة إللى عملها أوفا و أشرب بعدها كوباية شاى فى الخمسينه
حسام ٠٠٠ مين أوفا دى
تمارا ٠٠٠ دى ماما
حسام ٠٠٠ اسمها أوفا
تمارا ٠٠٠ لاء اسمها ميرفت بس انا بقولها أوفا
حسام ٠٠٠ ايشمعنا أوفا
تمارا ٠٠٠ لانى وانا صغير ماكنتش بعرف اقول ميرفت كنت بقولها أوفا بعد كده اتعوت اقولها كده
ضحك حسام. وقال
حسام ٠٠٠ دلوقتى عرفت عليكى حاجة وهى و انتى صغيره كنتى بنص لسان
تمارا ٠٠٠ و لحد دلوقتى و حياتك .
ها قولى. هنكل سندويتشات الكفتة فين
حسام ٠٠٠ هى ماما بتعمل سندويتشات كفتة حلوه يعنى
تمارا ٠٠٠ حلوه بس دى عظمه احسن من أحسن حاتى فى مصر
حسام ٠٠٠ و انتى بتعرفى تعملى شاى حلوه
تمارا ٠٠٠ بص هتشرب من ايدى احسن كوبية شاى هتشربها فى حياتك كلها
حسام ٠٠٠ كده الموضوع اتغير . و العرض مغرى بصراحة
تمارا ٠٠٠ بصراحه هى فرصه لا تعوض
حسام ٠٠٠ يبقى يلا على الجنينة و أمرى لله
هنا و بسرعة مسكت تمارا أيد الكرسى المتحرك لتدفعوا لخارج الغرفة
بقلم٠أروى٠عادل
وعند ما خرجت تمارا و حسام لخارج الغرفة كانوا الجميع يجلسون و يتبادلون أطراف الحديث كل مجموعة لوحدها لذلك قالت تمارا ل حسام
تمارا ٠٠٠ مين دول
حسام ٠٠٠ دول أفراد العائله الكريمه
تمارا ٠٠٠ طيب ليه قاعدين أحزاب كده هو فى خصومه بينهم ولا حاحة.. ولا عايلتكم من أنصار عدم الاختلاط بين الفئات العمريه
هنا ضحك حسام وهو يقهقه بصوت عالى
لذلك انتبه له الجميع
فجأه سكت حسام عندما رأه الجميع ينظرون. اليه بأستغراب مما يشاهدون و يسألون نفسهم هل فعلآ رأوا حسام يضحك. ثم اتجهوا جميعآ للألقاء التحيه على حسام و هنا قال لؤى هو يقترب من أسلام حتى لا يسمعوا أحد
لؤى ٠٠٠ مين الصا*روخ إللى مع حسام دى
أسلام ٠٠٠ مش عارف بس اكيد دى الممرضة
لؤى ٠٠٠ هو الممرضين احلوا أوى كده أمتى
أسلام ٠٠٠ لم نفسك لحد يسمعاك
لؤى ٠٠٠ يسمعوا .. حاسب بقى كده لما اسلم. على ابن خالتى و ممرضة الخاصه بأبن خالتى
اتجه لؤى إلى حسام و قال وهو يتطلع فى تمارا
لؤى ٠٠٠ أيه اخبارك يا ابن خالتى انا شايف انك زى القمر
قالت نرمين وهى فاهمه ماذا يقصد لؤى
نرمين ٠٠٠ هو مين إللى زى القمر
يا لؤى
شيرين ٠٠٠ حسام طبعآ هو فى غيره
( ثم نظرت ل حسام وقالت) انا مبسوطه ان شوفتك كويس يا حبيبى
حسام ٠٠٠ ( بأرتباك) متشكر يا خالتى عن أذنكم انا طالع للجنينة
ملك ٠٠٠ خليك قاعد معانا شويه
حسام ٠٠٠ لاء انا طالع الجنينة
يلا يا تمارا
دفعت تمارا الكرسى للخارج بعد ما غادروا
فى أثناء ذلك نزل مراد و القى التحيه
هنا قالت شرين
شيرين ٠٠٠ مين البنت إللى مع حسام دى
حور ٠٠٠ دى تمارا الممرضة
لؤى ٠٠٠ تمارا اسمها حلو زيها
تطلع مراد فى لؤى بحده بينما قالت نرمين
نرمين ٠٠٠ أنا شايفه ان حسام نفسيآ أحسن
أسلام ٠٠٠ عندك حق يا ماما انا ماصدقتش نفسى لما شوفته بيضحك
ملك ٠٠٠ لاء و كمان خرج بره الأوضة إللى كان حابس نفسه فيها
حور ٠٠٠ اه الحمدالله كل ده بفضل تمارا هى إللى قدرت تغير من حسام وتخليه يخرج من الحاله إللى كان فيها . ده كمان وافق يعمل جلسات علاج طبيعي
نرمين ٠٠٠ طيب كويس الممرضة دى تستحق جايزه
هايدى ٠٠٠ ليه يعنى ما ده شغلها و بتاخد فلوس على كده
نرمين ٠٠٠ أيوه يا هايدى .. بس كان في قبلها كذا ممرضه مافيش ولا واحده قدرت تجيب نتيجه مع حسام
نسرين ٠٠٠ فى دى عندك حق برغم انى مش بستريح للبنت دى .بس هى الوحيده إللى جابت نتيجه مع حسام
شيرين ٠٠٠ عندك حق شكلها مش مريح
ملك ٠٠٠ المهم ان حسام رجع يضحك تانى
لؤى ٠٠٠ إللى عنده ممرضة بالجمال ده لازم يضحك . انا لو عندى ممرضة زيها مش اضحك وبس ده انا أرقص كمان
الجميع ضحك على كلام لؤى . أما مراد لا يعرف لماذا شعر بضيق من كلام لؤى عن تمارا لذلك قال بحده
مراد ٠٠٠ هو خلاص مافيش حاجة تتكلموا فيها غير عن الممرضة
لؤى ٠٠٠ طيب وانت أدايقت ليه يا مراد
مراد ٠٠٠ لانى مابحبش الكلام الفاضى إللى مالهوش لازمه
هايدى ٠٠٠ مراد عنده حق .
نرمين ٠٠٠ طبعآ اي حاجة يقولها مراد يبقى عنده حق
ضحكوا الجميع بينما شعرت هايدى بالخجل
أما مراد استأذن و أنصرف لغرفته
هايدى ٠٠٠ أيه ده هو مراد زعل ولا ايه
شيرين ٠٠٠ يابنتى اتقلى شويه مش كده
بقلم٠أروى٠عادل
فى الجنينة
~~~~~~~~~~~
فى ذلك الوقت كان مراد يقف فى شرفة غرفته هو ينظر ل حسام و تمارا عندما كانوا يجلسوا على طاوله فى الجنينة
فى حين قالت تمارا ل حسام وهى ترى توتره
تمارا ٠٠٠ مالك أدايقت اننا طلعنا نقعد فى الجنينة ولا عشان شوفت أهلك
حسام ٠٠٠ الاتنين . بس عرفتى ازاى انى مدايق
تمارا ٠٠٠ باين عليك
حسام ٠٠٠ تعرفى انك بقيتى تعرفى فيا ايه من غير ما اتكلم
تمارا ٠٠٠ طبعآ احنا بقينا عشره بقالنا مع بعض شهر اهو
حسام ٠٠٠ ( بأبتسامه) فى ناس بتعيش مع بعض سنين و ما بيقدروش يبفهموا بعض
تمارا ٠٠٠ الحمدالله احنا مش منهم ..
هنا فتحت تمارا شنطتها و أخرجت منها علبة حفظ الطعام ثم مسكت سندويتش و قالت
تمارا ٠٠٠ يلا دوق و قولى ايه رايك
بعد ما تناول حسام قضمه من سندويتش قال
حسام ٠٠٠لاء عندك حق تحفه
فى أثناء تناولهم الطعام رن هاتف تمارا
تمارا ٠٠٠ دى اختى سلمى معلش هرد عليها
( بداية المكالمة )
تمارا ٠٠٠ ألووو سلمى ايه خير
سلمى ٠٠٠ عندى ليكى خبر هيخليكى ترقصى مكانك
تمارا ٠٠٠ خير قوليلى
سلمى ٠٠٠ الحاج إبراهيم عندنا هو المشترى إللى هيشترى الشقه . وخلاص هنمضى العقد
تمارا ٠٠٠ احلفى ده مش مقلب بايخ منك
سلمى ٠٠٠ واللهى العظيم بتكلم بجد
تمارا ٠٠٠ ياااه أخيرآ الحمدالله يارب
سلمى ٠٠٠ طيب يلا سلام دلوقتى متأخريش ها
( إنتهت المكالمة )
قال حسام عندما رأه الفرحه على وجه تمارا
حسام ٠٠٠ خير المكالمة دى شكلها فرحتك
تمارا ٠٠٠ اه أخيرآ هنبيع الشقة بتاعتنا
حسام ٠٠٠ الفرحه دى كلها عشان كده
تمارا ٠٠٠ لاء ما انت مش فاهم حاجة الشقه دى بنحاول نبيعها بقالنا أكتر من تلات سنين
حسام ٠٠٠ طيب احكيلى ايه حكاية الشقه و احنا بناكل سندويتشات الكفتة القمر دى
بدأت تمارا تحكى له لماذا تريد بيع الشقه دون أن تذكر اى شئ عن عصام
بقلم٠أروى٠عادل
فى شقة ميرفت
~~~~~~~~~
بعد ما قامت ميرفت بأمضاء عقد بيع الشقة قال الحاج إبراهيم
ابراهيم ٠٠٠ مبروك يا أم سلمى
ميرفت ٠٠٠ و اللهى يا حاج إبراهيم انا مش عارفه أودى جمايلك دى فين
إبراهيم ٠٠٠ متقوليش كده ..انتى بس إللى ست محترمة و بنت حلال عشان كده ربنا بيوقفلك ولاد الحلال فى سكتك
هنا سمعوا صوت طرق على الباب
ذهبت ياره لتفتح الباب وهنا أتوترت ياره وهى تقول
ياره ٠٠٠ أم عصام خير
أم عصام ٠٠٠ خير ياختى هو انا بيجى من ورايا إلا الخير .أمك فين
ياره ٠٠٠ جوه بس احنا دلوقتى عندنا ضيوف
أم عصام ٠٠٠ طيب و ايه يعنى هو انا غريبه. ده احنا حتى نسايب
هنا كانت ياره ستغلق الباب لكن قالت أم عصام
أم عصام ٠٠٠ استنى يا ياره عصام طالع ورايا
دخل عصام أمه عندما رأوا الحاجة ابراهيم و معاه المشترى
عصام ٠٠٠ حاج ابراهيم هنا و مين الأستاذ
نظرت ياره ل سلمى ثم نظروا
ل ميرفت بتوتر هنا قال الحاج إبراهيم
ابراهيم ٠٠٠ طيب نمشى احنا يا أم سلمى
هنا قال المشترى
المشترى ٠٠٠ ست أم سلمى احنا انشا الله هنروح الشهر العقارى بكره عشان نسجل العقد
عصام ٠٠٠ عقد ايه يا مؤاخده
المشترى ٠٠٠ عقد بيع الشقة
