رواية التضحية بالحب الفصل العاشر 10 بقلم أروي عادل
وعندما رأت ميرفت من الشرفة تمارا خارجه من المنزل فى يديها عصى صرخت
فى حين تمارا ضربت أحد أصدقاء عصام بالعصى على قدمه ثم ضربت الاخر ظلت
و تتفادى ان يمسكوا بيها لكن فجأة جاء عصام من خلفها و مسكها من شعرها و كان على وشك صفعها لكن وجد يد قويه تمسك به
وعندما نظرت تمارا لصاحب اليد أتصدمت وقالت
تمارا ٠٠٠ استاذ مراد
بينما نظر عصام ل مراد وهو يسحب يده منه بقوة و يقول بغضب
عصام٠٠٠ انت ماسكنى من أيدى ولا انا متهيألى
لم يرد عليه مراد لكنه مسك تمارا من ايدها
وبعدها عن عصام ..نظرت تمارا للمراد بأستغراب مما فعلو… بينما جن جنون عصام عندما رأه مراد ماسك يد تمارا وقال
عصام ٠٠٠ هو ايه إللى بيحصل هنا شيل ايدك من عليها لأقطعهلك
تجاهل مراد كلام عصام وقال بمنتهى البرود
عكس ما بداخله
مراد ٠٠٠ روحى على بيتك
تمارا ٠٠٠ بس ماينفع……..
قطع مراد جملتها و قال بحده
مراد٠٠٠ قولتلك روحى على بيتك دلوقتى يلا
كانت ميرفت و بناتها يشاهدون ما يحدث بأستغراب هم لا يعرفون من هذا الرجل الذى أنقذ تمارا و يأمرها بالذهاب للمنزل بكل ثقه
هنا قال عصام وهى يصرخ
عصام ٠٠٠ أنتو هتتعزموا. مين ده يا بت
مراد ٠٠٠ كلامنى انا ولا انت متعرفش تكلم
رجاله
عصام ٠٠٠ايه ده ده انت حلو و بتعرف تغلط
طيب مش تعرفنا انت مين يا عم الأمور
مراد ٠٠٠ بلاش تعرف عشان لو عرفت هتزعل
عصام ٠٠٠ ليه انت مين انشاءالله . اسمع يا أخينا انت تتكل على الله من هنا احسنلك
ثم دفع مراد من كتفه بينما مراد مسك أيد عصام التى دفعو بها و بدأ مراد يضرب عصام برأسه و هو ماسك ايه . وعندما حاول احد أصدقاء عصام تضرب مراد . لكن مراد كان أسرع منه
و ركله بقدمه وهو مازال مسك يد عصام
ثم لكم صديقه الاخر
نظرآ لقوة مراد الجسمانية تغلب عليهم بسهوله
بينما كانت تمارا تساعد حاتم ليقف على قدم بعد ضرب عصام و أصدقائه له
هنا شعر مراد بضيق وهو ينظر ل تمارا وهى سنده حاتم هو يضع يده على كتفها
فى حين ذلك لم ينتبه مراد لأحد أصدقاء عصام عندما اخرج سلاح ابيض من جيبة و طعن بها مراد لكن مراد لم يهتم بأصابتة
و ظل يضرب فى عصام .. بينما صرخت حور عندما رأت الدماء تسيل من شقيقها
هنا جاءت الشرطة و بعد ماعلموا هوية مراد قال
بقلم٠أروى٠عادل
الظابط ٠٠٠ مراد باشا تأمر بأيه
مراد ٠٠٠ أنا عايز الواد ده يتربه. و يتعملوا قضية محترمه
الظابط ٠٠٠ تمام يا باشا . اعتبرو حصل
بعد ما تم القبض على عصام وأصدقائه
قالت تمارا عندما رأت مراد يضع يده على
الحرج
تمارا ٠٠٠ أنا بتنزف
مراد ٠٠٠ أنا مش قولتلك تطلعى على بيتك
تمارا ٠٠٠ اه بس انا كنت بساعد حاتم .
حور ٠٠٠ مراد الازم نروح مستشفى عشان الجرح إللى فى بطنك
هنا قال حاتم وهو يكاد يستطيع يقف على قدمه
حاتم ٠٠٠ اتفضلوا فوق و تمارا تعقم الجرح
مراد ٠٠٠ لاء مالهوش لازم انا كويس
تمارا ٠٠٠لاء مش كويس. و لو سمحت خلينى
العقم الجرح و يمكن كمان يكون محتاج خياطه
حور ٠٠٠ يلا يا مراد
بالفعل وافق مراد يصعد للمنزل مع تمارا
بينما أول ما تمارا فتحت باب الشقة كانت ميرفت أمامها وهى تصرخ بها و توبخها على ما فعلتو وتقول
ميرفت ٠٠٠ بتقفلى الباب علينا بتحبسينا هنا
و حضرتك رايح تتخنقى. ايه عامل نفسك
بلطجيه.
شعر تمارا بأحراج من مراد و حور قالت
بقلم٠أروى٠عادل
تمارا ٠٠٠ خلاص بقى يا ماما اهدى
ميرفت ٠٠٠ خلصت روحك ..طول عمرك وجعه
قلبى . و اخده الدنيا بدراعك. بس مش لدرجة يا بنت ميرفت تتخنقى
ما رجاله فى قلب الشارع . ايه مخلفه بلطجيه انا
تمارا ٠٠٠ يعنى كنتى عايزانى أسكت على عمايله ولا استنا لما يخلصوا على حاتم
مرفت ٠٠٠( بسخريه) لاء و دى تيجى
ماتبقيش تمارا لو سكتى
حاتم ٠٠٠ خلاص يا خالتى حصل خير الموضوع عدى على خير الحمد الله
ميرفت ٠٠٠ وانت فاكر عصام هيسكت إللى حصل ده
مراد ٠٠٠ متخافيش مش هيقدر يعمل حاجة
و أساسآ هو هيشرف فى السجن شوية
هنا انتبهت ميرفت لوجود مراد لذلك قالت
مرفت ٠٠٠ لامؤاخده انشغلت بتمارا و نسيت
اقولك اتفضل
مراد ٠٠٠ لا ولا يهمك
ميرفت ٠٠٠ أنا متشكرة على عملته مع تمارا انا مش عارفه لو ماكنتش موجود كان ايه إللى حصل . جميلك ده على رأسى
مراد ٠٠٠ أنا معملتش غير الواجب . و اى حد مكان كان عمل كده بردوا
ميرفت ٠٠٠ايه ده انت بتنزف.. ياره هاتى بسرعة شنطة الاسعافات من جوه
بعد ما جابت ياره الشنطة قالت تمارا
تمارا ٠٠٠ هاتى هنضف الجرح
رفعت تمارا قميص مراد عندما رأت الجرح قالت
تمارا ٠٠٠ الجرح مش عميق بس كبير لازم
يتخيط .
مراد ٠٠٠ تمام خيطى
تمارا ٠٠٠ بس انا معنديش بنج
مراد ٠٠٠ يبقى خيطى من غير بنج
ميرفت ٠٠٠ بس كده هيوجعك اوى
مراد ٠٠٠ عادى مافيش مشكله
كانت تمارا تنظر ل مراد وهى تقوم بتقطيب الجرح و عندما رأت مراد يتألم لا تعرف لم تتحمل رؤيت ذلك فبدأت يدها تهتز لذلك قالت ياره
ياره٠٠٠ مالك يا تمارا ايدك بتترعش ليه
تمارا ٠٠٠ معلش يا ياره كملى انتى
هنا نظرت حور لها بأستغرب
عندما لاحظة سلمى اشوف أستغراب حور التى كانت مشغوله فى تعقيم جروح حاتم فقالت
سلمى ٠٠٠ ماتخافيش ياره ممرضة بردوا
حور ٠٠٠ انا بردوا استغربت قولت همآ هيتعزموا مين يخيط لأخويا
بعد ما انتهت ياره من تقطيب الجرح قالت
ياره ٠٠٠ أنا خلصت .. بكره تغير على الجرح و بعد كده تغير يوم من تانى يوم . و بعد أسبوع
تفك السلك
تمارا ٠٠٠ اه و لازم تاخد مضاد حيوي و مسكن الجرح
مراد٠٠٠ تمام انا عن أذنكم
تمارا ٠٠٠ صح انتو كنتوا هنا بتعملوا ايه
حور٠٠٠ اه كنت هنسا .احنا جينا عشانك .
لأنك ماجيتش الشغل النهاردة و حسام صمم إللى. احنا تيجى ليكى لان خاف تكونى زعلتى من اللى حصل المبارح . و خصوصآ انك مشيتى امبارح من غير ما تقولى لحد
تمارا ٠٠٠ اه صح أختى اتصلت عليا و اضطريت امشى على طول.. بس انتم عرفتوا بيتى ازاى
حور ٠٠٠ أنتى ناسيه انى وصلتك بالعربيه من من كام يوم
تمارا ٠٠٠ اه صح
حور٠٠٠ و كويس اننا جينا فى الوقت المناسب
بس قوليلى انتى كنتى بتتخنقى مع الراجل ده ليه
ياره ٠٠٠ ده ياستى واحد بلطجى و مصمم يتجوز تمارا غصب عنها .و اتجنن النهاردة لما عرف اننا بيعنا الشقة . لانه مش عايز تمارا تبعد عن المنطقه ولا حتى عايزينا حتى نخرج من البيت و لما حاتم حاول يتكلم معاه ضربو
. شكل اتجنن فى الحب تمارا هانم
تمارا٠٠٠ ياره انتى بتقولى إيه. اسكتى
يا حبيبتى ربنا يهديكى
حور ٠٠٠ عشان كده انتى ماجيتيش الشغل النهاردة .. انا كنت فاكره انك زعلتى من إللى حصل أمباح
ياره٠٠٠ هو ايه إللى حصل أمبارح
قبل أن ترد حور قالت تمارا لانها لا تريد من حد يعلم ما حدث فى القصر أمس
تمارا ٠٠٠ محصلش حاجة خالص
مراد ٠٠٠ يعنى هتيجى الشغل بكره
تمارا ٠٠٠ اه ان شاء الله
ميرفت ٠٠٠ آمال انت مين
تمارا ٠٠٠ ده مراد اخوه حسام
قالت ياره بسرعة و بدون تفكير
ياره ٠٠٠ أيه ده انت المجنون
حطت ايدها على فمها وهى تلعن زلة لسان
بينما نظر لها مراد ثم نظر ل تمارا هو يعلم أن تمارا هى من قالت لها انه مجنون
فى حين حاولت ياره تصلح ما قالته .فعملت كما قال المثل جه يكحلها عماها
ياره ٠٠٠ واللهى مش قصدى دى تمارا هى إللى قالت كده . لا قصدى هى قالت عامل زى المجنون مش مجنون يعنى .لا مش كده هى قالت…….
قبل أن تكمل عبارتها قالت تمارا
تمارا ٠٠٠ أنتى بتقولى إيه اسكتى ولا أقولك أدخلى نامى احسن
ياره ٠٠٠ أيه انا عكيت مش كده
هزت تمارا رأسها بأيجاب
بينما ضحكت حور عليهم أما مراد أبتسم ثم قال
بقلم٠أروى٠عادل
مراد ٠٠٠ يلا حور
حور ٠٠٠ اوكى . هتيجى بكره على القصر مش كده
تمارا ٠٠٠ ان شاء الله
سلمى ٠٠٠ بلاش بكره يا تمارا عشان احنا هننزل كلنا ندور على شقة قبل ما عصام يطلع من الحبس
تمارا ٠٠٠ اه صح معلش أعذرونى بكره مش هقدر اجى بس انشاء الله هاجى بعد بكره
حور ٠٠٠ على فكره بابى ممكن يساعدكم فى موضوع الشقة دى
ميرفت ٠٠٠ ازاى يعنى
حور ٠٠٠ بابى عنده شركات مقاولات اكيد هيكون سهل عليه يشوفلكم شقة
تمارا ٠٠٠ لا شكرآ احنا مش عايزين تعبكم معانا
مراد ٠٠٠ لا عادى انا هشوف الموضوع ده و هرد عليكم بكره
مبرفت ٠٠٠ متأكد يابنى انها مافيهاش تعب ليك
مراد ٠٠٠ لا عادى . وخلاص بلاش بكرة نزلوا تدوروا على الشقة .. الموضوع عندى
ميرفت ٠٠٠ بس احنا عايزين شقة أد أمكانياتنا
مراد ٠٠٠ تمام فهمت انتو عايزين ايه . عن أذنكم
قال جملته ثم انصرف ثم قالت ياره
ياره ٠٠٠ هو ليه مش سألنا امكانياتنا فى حدود كام . ولا شكله بيشتغلنا ولا هيشوف شقه ولا حاجة
تمارا ٠٠٠ و نبى نقطينا بسكاتك. مش كفايه الهبل إللى قولتى قدام الراجل
ياره ٠٠٠ اعمل ايه هو لسانى فلت منى غصب عنى..
مرفت ٠٠٠ استنى هو مراد ده هو . الشاب إللى كان عايز يخبطك بالعربيه .هو أخو حسام
تمارا ٠٠٠ أيوه هو .
ميرفت ٠٠٠ آمال مقولتليش ليه
تمارا ٠٠٠ عادى يا ماجتش فرصه انى اقولك ..
ميرفت ٠٠٠ و اللهى.. ولا انتى إللى ماكنتيش عايزه تقوليلى
تمارا ٠٠٠ ليه بس يا أوفا الحوار كله انى نسيت من اكتر
ياره ٠٠٠ خلاص يا ماما.. بعدين ما الراجل طلع جدع معانا
فى السيارة مراد
~~~~~~•••••
عندما كان مراد يقود السيارة قال
مراد ٠٠٠ حور ياريت محدتش يعرف اى حاجة من إللى حصلت عند تمارا
حور ٠٠٠ ليه يعنى
مراد ٠٠٠ اسمعى إللى بقولك عليه.. مش عايز ماما تفتحلنا تحقيق
جور ٠٠٠ اوكى طيب بالنسبال لقميصك إللى كله دم ده مامى مش هتسأل من ايه
مراد ٠٠٠ هلبس الجاكت ساعتها مش هيبان
بقلم٠أروى٠عادل
فى القصر
~~~~~~~~~
أول ما وصل مراد و حور القصر قال حسام بأستفسار
حسام ٠٠٠ اتأخرتوا أوى كده ليه
مراد ٠٠٠ مش لم عرفنا نوصل لبيتها
حسام ٠٠٠ حور انتى مش قولتى تعرفى بيتها
حور٠٠٠ لاء انا قولتلك اعرف الشارع إللى فيه بيتها مش بيتها
ح
سام ٠٠٠ المهم عرفتوا توصلوا لبيتها
حور ٠٠٠ أه عرفنا
حسام ٠٠٠ طيب هى ماجتش ليه النهارده اكيد زعلانه من إللى عملوا الزفت لؤى مش كده
حور ٠٠٠ لاء مش زعلانه .. بس كان عندها ظروف فى بيتها عشان كده معرفتش تيجى النهاردة لكن هى هتيجى بكره
حسام ٠٠٠ طيب كانت اتصلت
حور ٠٠٠ ماهى معهاش أرقام تليفون اي حد فينا
حسام ٠٠٠ اه صح . انا أول ما تيجى هاخد رقم تليفونها على طول
شعر مراد بضيق من اهتمام حسام تمارا لذلك قال بحده
مراد ٠٠٠ خلاص خلصنا بقى من الكلام عن الست تمارا ..و اعمل حسابكم دى أخر مره اسيب شغلى و مصالحى اروح أدوركم عن الست الممرضة انا مش فاضى لكلام الفاضى ده
اضايق حسام من طريقة كلام مراد فقال
حسام ٠٠٠ تمام على العموم انا متشكر انك سمعت كلامى و روحت دورت علي تمارا
شعر مراد بأحراج من نفسه من طريقة كلامه مع شقيقه
يوسف ٠٠٠ خلاص بقى ممكن نتعشا انا جوعت
نسرين ٠٠٠ حالآ هقول ل أمل تجهز العشا
مراد ٠٠٠ أنا ماليش نفس هطلع أرتح شويه
يوسف ٠٠٠ مالك يا مراد انت تعبان
مراد ٠٠٠ لاء ابدآ انا كويس
يوسف ٠٠٠ آمال حاطت ايدك على جانبك ليه
مراد ٠٠٠ مافيش حاجة عادى
قال جملته ثم انصرف لغرفته و حور خلفه
بعد ما تناولوا العشاء و الكل انصرفوا
جلس يوسف مع نسرين وقال
يوسف ٠٠٠ انتى مش ملاحظه تعلق حسام بتمارا بيزيد كل يوم عن إللى قبله
نسرين ٠٠٠ اه ملاحظه
يوسف ٠٠٠ انتى مش شايفه ان الموضوع مقلق
نسرين ٠٠٠ أنا سألت الدكتور النفسى . قالى
ده تعلق مؤقت بيسموها علاقه طبيه بين المريض الدكتور
يوسف ٠٠٠ أنا خايف يكون الموضوع اكتر من كده . حسام مش حمل صدمه تانى
نسرين ٠٠٠ انا فاهمه انت بتفكر فى ايه بس
ما أظنش ان الموضوع هيطور اكتر من كده حسام عاقل و عارف انها مش أكتر من ممرضة
يوسف ٠٠٠ بس انا إللى شوفته النهاردة مش بيقول ان حسام بيعتبر تمارا ممرضة وبس
هنا تذكر ما فعله حسام عندما لم تأتى تمارا اليوم
~~~~~~~~~~~~~
فلاش باك
~~~~~~~~~~~••~
حسام ٠٠٠ يعنى ايه ماجتش اكيد زعلت من إللى عمله الزفت لؤى معاها
نسرين ٠٠٠ اهدى يا حبيبى عشان صحتك
و اسمع الكلام و خد أدويته
حسام ٠٠٠هو انتو بيهمكم صحتى اوى يعنى
يوسف ٠٠٠ طبعآ بيهمنا و انت عارف كده كويس
حسام ٠٠٠ خلاص لو بتهمكم صحتى رجعولى تمارا
حور ٠٠٠ طيب معاك رقم تليفونها و انا هكلمها
حسام ٠٠٠ مش معايا
كان مراد لسه واصل عندما سمع صوت زعيق حسام لذلك قال
مراد ٠٠٠ هو فى ايه
حور ٠٠٠ تمارا ماجتش النهاردة و حسام متعصب عشان كده
نسرين ٠٠٠ مراد انت ظابط يعنى أكيد تعرف توصلها
مراد ٠٠٠طيب ماتتصلوا عليها
حور٠٠٠ ماحدتش معاه رقمها
مراد ٠٠٠طيب اسمها ايه بالكامل
نسرين ٠٠٠ معرفش
يوسف ٠٠٠ ازاى متعرفيش أمال شغلتيها ازاى
من غير ما تاخدى بياناتها
نسرين ٠٠٠ هى جايه عن طريق الدكتور سمير عشان كده مهتمتش اخد بياناتها
يوسف ٠٠٠ طيب ماحدتش عارف عنوانها
حسام٠٠٠ يعنى ايه خلاص مش هشوفها تانى
انتو السبب
نسرين ٠٠٠ حسام اهدى يا بنى مش كده
حسام ٠٠٠ متهيألى كده انتى مرتاحه انا عارف انك مش بتحبيها و ماكنتيش عايزها
نسرين ٠٠٠ انت بتكلمنى أنا ماما كده عشان خاطر حتة ممرضة
حسام ٠٠٠ اهى راحت أرتحى . ممكن بقى ترجعونى على أوضتى اللى فوق تانى
حور ٠٠٠ اتصرف يا مراد انت مش ظابط
مراد ٠٠٠ اعمل ايه يعنى اذا كان كل إللى عرفينوا عنها أنها اسمها تمارا وبس
حور ٠٠٠ استنا انا عارفه المكان إللى ساكنه فيه. لانى وصلتها مره
يوسف ٠٠طيب كويس يعنى عارفه بيتها
حور ٠٠٠ لاء بيتها لاء .هى نزلت على أول منطقتها كده و شاورت على شارع و قالتلى انها ساكنه فيه . بس مرضتش تخلينى ادخل معاها الشارع خافت عليا
حسام ٠٠٠ خلاص روحى …
قطع مراد جملته وقال
مراد ٠٠٠ بتقولك تمارا خافت عليها تدخل الشارع و هى معاها يبقى عايز أختك تروح لوحدها
حسام ٠٠٠ تاخد معاها سواق
مراد ٠٠٠ لا حور مش هتروح
يوسف ٠٠٠ خلاص روح انت يا مراد
مراد ٠٠٠ هو انا فاضى الكلام ده
نسرين ٠٠٠ يعنى اختك تروح لوحدها
تطلع بهم مراد بنفاذ صبر فقال ل حور
مراد ٠٠٠ اسمها ايه المنطقة إللى ساكنه فيها
حور ٠٠٠ أنا معرفش اسم المنطقه بس اعرف اروحها
مراد ٠٠٠ تمام يلا تعالى معايا
~~~~~~~~~~~~~~
العوده من الفلاش باك
~~~~~~~~~~~~~~
بعد ما تذكر يوسف ما حدث قال بقلق
يوسف ٠٠٠ لاء الموضوع مش تعلق مريض بالدكتوره انا حاسس ان الموضوع اكبر من كده ..
نسرين ٠٠٠ بلاش قلق .. قولتلك حسام اعقل من كده و عمره ما هيبص لوحده زى تمارا دى
يوسف ٠٠٠ يا نسرين البنت حلوه و شخصيه
انا خايف حسام يتأثر بيها
نسرين ٠٠٠ لا انت دماغك راحت لبعيد خالص
يوسف ٠٠٠ ربنا يستر
بقلم٠أروى٠عادل
فى غرفة مراد
~~~~~~~~~~
قامه مراد بأجراء أتصال بأسلام و قال
(بداية المكالمة)
مراد ٠٠٠الوو
أسلام ٠٠٠ مراد باشا بيتصل عليا انا مش مصدق
مراد ٠٠٠ بطل الشويتين بتاعتك دول و قولى
العماير اللى احنا طرحنها فى الفتره الاخيره
كلها سكنت
أسلام ٠٠٠ تقريبآ اه .. بتسأل ليه
مراد ٠٠٠ كنت عايز شقة لحد معرفه
أسلام٠٠٠ حاضر أشوفلك . طيب عايزه مواصفات معينه أو مكان معين
مراد ٠٠٠ يعنى شقة تكون كويسه . بس تكون قريبه للقصر
أسلام ٠٠٠ شقه كويس و قريبه من القصر يعنى فى الزمالك دى هتعدى يعنى هتبقى غاليه
مراد ٠٠٠ مش مهم… بس مش عايز حد يعرف حاجة عن الشقه دى
أسلام٠٠٠ ايه يا صاحبى هو ايه حوار
مراد ٠٠٠ مالكش فيه .. اعمل بس اللى بقولك عليه
أسلام ٠٠٠ على عموم . يا خبر بفلوس بكره يبقى ببلاش .
مراد ٠٠٠ بطل كلام كتير بكره الصبح ترد عليا
أسلام ٠٠٠ تمام انت تأمر يا أبو الصحاب
مراد ٠٠٠ يلا تصبح على خير
( انتهت المكالمة )
وقف ينظر مراد للأنعكاسه فى المرأه
وهو مستغرب نفسه لماذا طلب من اسلام شقه قرب القصر هو يعلم جيدآ انها لا تناسب إمكانيات عائلة تمارا
منزل ميرفت
بعد منتصف الليل
~~~~~~~~~~~~
أستيقظت ميرفت و بناتها على صوت صراخ
و طرق على الباب بعنف
