راح نحجي عن خمس قصص
أصحاب هاي القصص تم الإفراج عنهم بلعفو العام الي صدر قبل كم شهر
راح نتعرف على سبب دخولهم السجن
مو كل المجرمين يستاهلون العفو
اكو مجرمين القتل شويه عليهم المفروض ينتقلون الف مره هلكد مابيهم اذيه على الناس
بلمقابل اكو ناس تستاهل العفو
حتى وهي مدانه بلقتل يعني هو قاتل فعلا
بس قتل لمن شاف ماكو اي حل ثاني غير القتل
تعالو وياي نشوف قصص هذوله الاشخاص وانتم احكمو بلاخير هل يستاهلون العفو لو لا
احب ااكدللكم هاي القصص حقيقيه
قصص حقيقيه ١٠٠/١٠٠
القصه الاولى
قتل مدرس
اكو عائله بسيطه ووضعهم المادي تحت المتوسط
بيتهم بلتجاوز
ابوهم يشتغل عامل والابن صاحب عمر ٢٠ سنه
عنده محل بسيط محل حلويات محل زغير بلوك والسقف جينكو عدهم بعد بنيه
وولد بلابتدائه
الولد الزغير حلو بشكل مو معقول
ابيض سعره اشكر وجها وردي شفايفه حمر جسمه
حلو مرتب
رغم لبسه البسيط بس شكله حلو ومميز
بسبب جمال هذا الطفل الي يدرس صف خامس ابتدائي
اكو مدرس حقير
بدا يتحرش بهذا الطفل
بلبدايه كانت التجاوزات شغلات بسيطه
بس لمن الطفل سكت المدرس حس الطفل ماعنده مانع
بدا يحاول اكثر واكثر
ياخذ الطفل خلف المدرسه ويحاول يتلاعب بعواطفه
ويتحسن جسمه
الطفل بده يحس اكو شي غلط صح هو المدرس
ولازم يسمع كلامه بس يسمع كلامه داخل الدرس
اثتاء الحصه الدراسيه
بس توصل يتحرش بجسمه حتلو كان هذا التجاوز خارجي يعني ماوصلت الأشياء محضوره
بس الطفل يفهم ويكدر يميز هذا الشي غلط
الطفل ضاج وقرر يحجي الامه الشي الي جاي يصير وياا مو طبيعي
بدا يشتكي الامه من تجاوز المدرس علي
امه كالتله اذا طلب منك تروح وياا مكان وحدكم لا تروح
اذا طلب تروح وياا خلف المدرسه لا تروح
وهدده انت راح تحجي الاهلك علي
جمانه السعيدي
الولد ثاني يوم من طلب منه المدرسه يجي ويااا
رفض وبقا واكف وياا اصدقائه
رجع علي تعال اشتريلك من الحانوت
الولد حس الشغله بيها غدر
رفض يطلع ويا المدرس المدرس اكيد مراح يكدر يجبره
يروح وياا غصب على الاقل مو كدام الطلاب
على فكره هذا المدرس مزوج وعنده اطفال بس كان الشيطان مسيطر على رغباته
من عائله معروفه جدا ناس اغنياء وواصلين
المدرس يروح ويرجع والطالب مصمم مايروح ويااا
قرر المدرس يتخذ وياا غير طريق
طريق الترهيب والخوف يضيق علي من كل الجهات
حتى الطفل يرضخ الطلب المدرس
بدا المدرس يحاسب الطفل داخل الحصه بحجت التقصير بلواجبات
كل يوم يضربه ويهينه كدام الطلاب حتى يكسر عينه
ويخلي يقبل يكون تحت امر هذا المدرس
الطفل كره المدرسه كلها بسبب هذا الاستاذ
رجع للبيت وهو يبجي وقرر لو ينقل لغير مدرسه لو يعوف الدوام
لان بعد مايكدر يتحمل اكثر
الام المسكينه اضطرت تحجي للاب وللاخ الجبير
كلشي جاي يصير ويا هذا الطفل
الي مصمم بعد مايروح للمدرسه
الأخ الجبير نفعل وكام يهدد
بس الاب يعرف مستواهم البسيط مقابل عائلة هذا المدرس
هدء ابنه وطلب من آلام تروح تطلب نقل للطفل
الابن الجبير كال اني اروح انعل والدي وانقل اخوي
الاب مايحب المشاكل
وخاصه هسه العشائر تتحجج على الفصول والطلايب
والرجال يعرف هو ماعنده امكانيه للمشاكل
رجال ماشي بستر رب العالمين
راحت الام تنقل الطفل لمن شافها المدرس
وعرف هي هاي ام الطفل الحلو
استخدم نفوذه داخل المدرسه ورفض طلب النقل
رجعت الام للبيت وحجت كلشي للاب
والطفل بعده مصمم مايوصل للمدرسه ولا يدخل بيها
مادام هذا المدرس موجود
اضطر الاب يروح بنفسه حتى ينقل ابنه من هاي المدرسه
وحتى يجنب المشاكل
بس وصل للمدرسه وشافه المدرس وعرف هذا ابو الطفل الحلو
المدرس انفعل على الاب وبدا يعيط علي
…شنو تنقله بعد كم يوم امتحانات نص السنه وابنك
مستوى الدراسي مو شي واي مدرسه مراح تقبل طالب كسلان خلي يرجع للمدرسه
ويحسن مستوى الدراسي واحنا راح نساعده
اي نقل ماكوووو خلي يرجع للدوام
طلع الرجال مهضوم من كلام المدرس وبنفس الوقت حزين
على ابنه الي راح يضيع مستقبله بسبب هذا المدرس
رجع للبيت وحجا كلشي صار وياا كدام زوجته وابنه وبنته
وقرر ابنه بعد مايوصل للمدرسه
كاللهم خلي يعوف المدرسه ولا يجيبلنا مكسوره
اذا هذا المدرس اجاوز علي شلون بعد امشي بين الناس وارفع راسي
هذا المدرس مبين شاد حيله علي
واني ماعندي ضهر يحميني خل تولي المدرسه
هذا الكلام ماعجب الابن الاكبر شنو اخوي يعوف المدرسه
بسبب هذاالمدرس الحقير الي ما يخاف من الله
بلبيت عدهم مسدس اخذه بدون مايعرفون اهله
وراح وكف باب المدرسه منتظر الدوام يخلص ويطلع المدرس
بس طلع المدرس من المدرسه
ركض علي وقتله باب المدرسه
بيومها صار خوف وذعر مو طبيعي بلمدرسه
الابن الجبير اخذ السلاح وكبل راح المركز الشرطه سلم نفسه
واعترف بجريمته
وحجالهم اسباب ودوافع القتل
هنا اهل الولد الزغير عافو بيتهم ونهزمو بعد ماعرفو
ابنهم قتل المدرس
هما وعمامهم وكل اقاربهم
البيوت صارت خاليه
اهل المدرس انتفظو شلون القاتل يكول ابنا يتحرش بهذا الطفل
ابنا انسان معدل وماكو منه هو وعائلته معروفين
وماعدهم هاي السوالف
كعدت الناس الخيره حتى تحل هاي المشكله
لان اهل المدرس بس يهددون
شرطو قبل لا نكعد ونتفاوض القاتل يسحب اقواله
ويكول المدرس غير متحرش
لكن بهاي الحاله اذا كان المدرس غير متحرش
ليش قتله لازم اكو سبب
اهل المدرس كالو خل يغير اقوله ويكول المدرس ضرب الطفل واخو من سمع انفعل وتهور وقتل المدرس
ولا ما نكعد وياكم للحق ابد
بعد إلحاح من الناس حتى تنتهي هاي المشكله
الولد سحب اقواله
والشرطه طلبت الطفل الزغير حتى تحاكمه لان هو سبب المشكله
الطفل دخلو مركز اصلاح وتاهيل
اهل المدرس طلبو فصل ١٠٠ مليون لان يعرفون
اهل القاتل فقره وماعدهم
والشرط الثاني بعد مايرجعون الهاي المنطقه
ولا نلمحهم ولو فايتين من هاي المنطقه
للموت مايرجعون ولا نشوف وجوهم
اجتمعت عشيرة الولد وكدرو يجمعون هذا المبغ
اكيد ابو الولد باع كلشي يملكه حتى بيته التجاوز باعه
حتى كدر يدفع مبلغ قليل من الفصل
المشكله انتهت بحكم الاعدام على الولد الجبير
وسجن اصلاح وتاهيل للطفل
و١٠٠ مليون فصل وتهجير من المنطقه
منتهى الظلم يعني لو واحد.يسكت عن حقه ويقبل
بلاهانه لو يتهجر وينسجن
قبل كم شهر صدر حكم العفو العام
بوقتها القاتل كان خلص ٣ سنوات سجن
وكان حكم العفو مشروط اهل المقتول يوقعون
انهم اخذو الفصل
وهنا ناس رايحه وناس جايه
يله كدرور ياثرون عليهم حتى يوافقون يطلع الولد من السجن لان هما فعلا اخذو فلوس الفصل
اهل المقتول وافقو بس بشرط مايرجعون الهاي الولايه ابد
طلع الأخ الجبير من السجن
بعد ٣ سنوات سجن والطفل طلع من مركز الإصلاح والتاهيل بعد ماخلص ٣ سنوات وهو بعيد عن اهله
اني برائي هذا الشخص يستحق العفو
يستحق يطلع من السجن ويرجع الحياته الطبيعيه
لان دفع ثمن الكرامه والشرف غالي
بعد عدنا اربع قصص راح نشوف منو كان يستاهل
العفو العام ومنو الي ما يستاهل
انتظرونا
الثاني من هنا
