رواية لم تكن اختياري الفصل الثالث 3 بقلم هبة النحال
نظر لها ونظرت له تتفرس في ملامحه تستنجد بأي لمحة تدل على المزاح او انه حقا يتكلم بكل جديه !!..هل هل!!!!وتوقف عقلها وقلبها عن الاستيعاب حتى اردف قائلا
يوسف :واتمنى انو يكون في خلال الاسبوع دة ..عشان نقدر اننا نتقابل ونعد مع بعض بدون اي حرمانيه
بالطبع كان والد ووالدة سارة في قمة سعادتهم لانهم يعلمون كم ان ابنتهم سارة تحب يوسف وتتحمل كثيرا بسبب شروطة فارف ابيها قائلا وع وجه ابتسامة الرضا :والله يا ابني ربنا يبارك فيك وانا معنديش اي مشكلة بالعكس انا مبسوط من كلامك دة وتصرفاتك وواثق انك هتحافظ ع بنتنا كويس ..بس نشوف سارة رايها ايه
سارة التي سقطت من عيناها دمعتين فرحة واخذت تفرك في يدها من حدة التوتر حتى وجدت والدة يوسف تمسك بيدها وتربت عليها:ها يا عروستنا .؟ايه ردك ؟نكتب الكتاب ع يوم الخميس؟؟؟
سارة نظرت لها وهي مبتسمة واومأت بالايجاب حتى علت التبريكات ع الموافقة و ع تلك الخطوة التي اسعدت سارة واهلها كثيرا واسعدت قلب يوسف العاشق لحبيبته الخجول
نورهان وهي تهمس في اذن سارة:ال يعني مش عاوز يبصلك دة عمال يبصلك من كحك لكحك
سارة وهي تتوعد لها:اسكتي يا بت استني لما يمشو انا هوريكي
نورهان وهي تبتعد عنها قليلا:يا شيخة اتلهي دانتي مش هتقدري تقومي من ع الكرسي دة لمدة ساعتين من صدمتك
يوسف:نستأذن بقى يا عمي وان شاء الله هنكون في زيارة قريبة مع المأذون باذن الله
وهي بقيت جالسة مثلما قالت نورهان فهي بالفعل لا تدري كيف تفيق من صدمتها فبعد انها كانت من المفترض انه طلب منها ان تنتهي من دراستها الاول ثم سيتم كتب الكتاب ..الان بات يطلب ان يستعجل كتب الكتاب
.نظر لها وابتسم لوجودها شاردة فيه .اهتز قلبها لابتسامتة الرائعة وسلمت ع والدتة وهي تحاول جاهدة الثبات في وقفتها ..وعندما خرجوا
رقية ذهبت لناحية سارة لتحتضن ابنتها:الف الف مبروووك يا حببتي ربنا يتمملك ع خير
واحتضنها والدها و نورهان التي لم تسلم سارة من تعليقاتها من ثم انسبحت سارة سريعا الى غرفتها واغلقت ع نفسها
نورهان :اهو ابتدينا بقى حركات مسلسلات
رقية:يابت يا مفعوصة اسكتي عقبالك انتي كمان
نورهان:لا يختي انا مش فاضية…اما اروح اكمل مذاكرة بدل تضيع الوقت دة
ابراهيم والد سارة ونورهان :هههه يلا يا حببتي ربنا يوفقكو انتو الاتنين يا رب
….
في غرفة سارة هوت الى اقرب مقعد قابلها وهي تحاول ان تستوعب فبعد كل ذلك تفاجاها يا يوسف بتلك المفاجاة التي زلزلت كيانها وايضا في مدة اقل من اسبوع !!!!
افاقهما من شرودها انغام هاتفها بالكاد امسكت به ونظرت في الشاشة لترى بانها رنسي .حمدت ربها انها هي فهي من ستخفف عنها
رنسي:اييه يا سووو ايه الاخباااار.؟
سارة بصوت مبحوح:سارة الحقيني
ارتعبت رنسي:ايه يا سارة انتو سبتو بعض
بعد ان سمعت سارة تلك الجمله ضحكت:لا يا رنسي …يوسف هيزورنا الخميس .بس وقتها هكون مراته
رنسي بسعادة غاامرة :ياااااااااااااااااااااااااااااااي الف مبرووووك يا قلبييي بجد انا مبسوطااالك جدااااا يا روحي ..طب يا دوب نلحق ننزل نلفلك ع فستان وبقيت الطلبات
سارة:تصدقي مجاش في دماغي الكلام دة ..طب يا رنسي هعمل ايه مش هلحق كدة !!
رنسي:عيييب عليكي هو انا شوية بردو؟؟دانا جبت لبس الجامعة كلو في خروجة يعني انتي سهللل اووي
سارة:اه صحيح دانا معايا المتسوقةا لعالمية رنسي…ماشي نبقى نشوف بكرة بعد الجامعة ان شاء الله
رنسي:تتمااام جداا واهو تعزميني ع الغدا عشان توفي بوعدك
سارة/هههه ماشي يختي اهم حاجة تنقذيني بس ..ها عملتي ايه بقى؟؟
رنسي:مفيش يا ستي من ساعة الصبح وانا بظبط في الدولاب واللبس القديم اديتو لسلمى جات ساعديتني والحمدالله لسه مخلصة وبابا رايح البلد يعني هنفضل انا وماما نقزقز لب وبس
سارة:هههههه عمو الي بيعملكو جو في البيت ..ربنا يخليهلكو يارب ويرجع بالسلامة
رنسي:اه والله ..الله يسلمك يا قلبي..يلا بقى روحي اسيبك في خيالك مع يوسف واروح اجهز طقم بكرة
سارة:يابنتي هيجيلك هووس من موضوع لبس الجامعة دةة .يلا يلا روحيي سيبني بققى الله
رنسي:ههه اشطة سلااام يا عروسة
….
اغلقتا سويا وذهبت رنسي لتودع والدها الذي قد استعد لسفرتيه للبلد وهي تنظر لذلك الحب ما بين والدها ووالدتها وسرحت وهي تتمنى ان تتزوج ايهاب وان يصبح لها مثل ابيها يحبها حبا جما كما تحبة هي
ذهبت تحتضن والدها:متتاخرش علينا بقى يا بابي هتوحشني اووي
محمد وهو يقبل راسها:وانتي هتوحشيني يا قلبي كلها 3 ايام بالكتير ونرجع اخدكو في الويك اند نروح كلنا نقضي يومين هناك اتفقنا؟
رنسي وهي تومأ بالايجاب:اتفقنا
سمية /لا اله الا الله
محمد وهو يقبل راسها:محمد رسول الله
اتجهت رنسي للشرفة لتودع والدها حتى اختفى بسيارتة عن الانظار
سمية:جهزتي كيس اللب.
رنسي :هههه جااااهز
وانتهى ذلك اليوم لتاتي شمس يوما جديد بكل ما هو جديد في حياة رنسي …..انه اول يوم بالجامعة ……
