رواية حبيبي اغلي من عمري الفصل الثامن والعشرين 28 بقلم شيماء حسين
عندما يفقد القلب حبه الوحيد
ويصبح عنه حبيبه بعيد
ينسى طعم ان يكون حقا سعيد
ويكون نصيبه ان يعيش حياته مع شخص عنيد
لا يسمع صرخة عذابى الشديد
فيكون سهم الالم لقلبه سديد
فيا ليتنى ماعرفت الحب يا ليتنى ارجع كطفل وليد
فى غرفه مظلمه كانت هناك فتاه مكتفه اليدين وعلى عينيها شئ يحجب الرأيه عنها وملقاه فى احدى اركان الغرفه وبجانبها شخص يلعب فى قداحته من وقت للاخر ليجذب انباها
شيماء / انااا فين
الشخص / انتى فى الحفظ والصون
شيماء / انت مين وبتعمل كده ليه وايه اللى جابنى هنا
الشخص / فقدتى الذاكره
شيماء / كل اللى انا فكراه جالى اتصال من شخص غريب قالى انه عايزنى فى حاجه تخصنى انا ويوسف بس مقولش لحد حاجه ولما نزلت من البيت ووصلت الجنينه حسيت بدوخه وبعد كده مفتكرتش حاجه
الشخص / انا بقى خدرتك واخدتك من جوه بيتك ومحدش عرف يمسكنى
شيماء / انت مين
الشخص / نسيتينى يا جنا
شيماء / جنا مين انا مسميش جنا
الشخص وهى يفك يدها والشئ الملفوف على عينيها / بصيلى كويس مبفكركيش بحد
فلااااااااااش
يوم المهمه القبض على الشاب الذى يدعى يزيد المنشاوى ذهبت وجلست على البار على الكرسى بجانب (يزيد )بالظبط
شيماء ل يزيد/ متشكره قوى معرفش اقول لحضرتك ايه
يزيد/ انا معملتش حاجه انا اسمى يزيد المنشاوى وانتى
شيماء/ اسمى (جنا )
يزيد/ حلو الاسم
شيماء حاولت تبين انها جريئه / انت احلى
الوااااااااااااااقع
يزيد / افتكرتى
شيماء / انت عايز منى ايه
يزيد / بصراحه انا مش عايز منك انتى انا عايز انتقم من شخص تانى
شيماء / مين
يزيد / يووووووووسف
شيماء / وانت مالك وماله انا قدامك اعمل اللى انت عايزة ملكش دعوه بيه
يزيد / مليش دعوه بيه ازاى دا هو اللى قبض على والدى ودخله السخن ابن عمك عمل اللى ظباط وعساكر معرفوش يعملوه يبقى اسيبه ازاى لازم انتقم منه
شيماء / والدك غلط ولازم يأخد جزاءه
يزيد / تمام وانا موافق وابن عمك غلط ولازم يأخد جزاءه بأنى احرمه منك وتكونى ليا بصراحه طول فتره مراقبتى ليه اتشديت ليكى اقولك على حاجه هبله اليوم اللى قابلتك فيه فى الدسكوتاك حسيت بحاجه غريبه ناحيتك على قد ما اذينينى سامحتك وكنت بحاول الغى الاحساس دا من جوايا فى الشرب ومحاولتش ادور عليكى تانى علشان مصحيش الاحساس دا وادمرلك حياتك بس اعمل ايه بقى فى القدر اللى حطتك قدامى تانى خلت مجرد احساس بسيط اتحول ل حب لما كنت بشوفك معاه بتحول لشخص مجنون خلاص انتى هنا معايا هتكونى بتاعتى انا وانسيه خالص ونعيش حياتنا مع بعض
شيماء / انت اكيد مش طبيعى
يزيد وهو يحاول يضع يده على وجهها / مش طبيعى علشان بحبك
شيماءوهو تبتعد / ابعد عنى
يزيد بحاله هستيريه / ليه ابعد عنك هو بيقربلك وبتخليه يعمل اللى هو عايزة
شيماء / لو سمحت يا يزيد سيبنى امشى ومتضيعش نفسك علشانه
يزيد بحاله هستيريه / لا لا لا ااااانا مش هضيع نفسى ولا حاجه انت انتى بتحبينى زى ما انا ب بحبك صح و وبعدين انتى لبستى حجاب ليه شكلى الاول كان احلى هو هو اللى غصبك عليه صح خلاص اناااا هخلعه
شيماء ببكاء / لا ابوس ايدك لا ااانا هعملك كل حاجه بس اوعى تخلعه
يزيد / بجد يعنى هنتجوز
شيماء / بس هو ينفع اتجوزك من غير اهلى
يزيد وهو يمسكها من حجابها / انتى بتحاولى تتذاكى عليا عايزة تعرفى اهلك علشان هو يعرف ويجى هنا
شيماء بخوف / لا خالص
يزيد وهو يخرج / انا حجزت تذكرتين هنسافر بكره وهنتجوز هناك وهنعيش هناك وانسى كل حاجه هنا
****************************************
كان يوسف جالس فى الجنينه فى حاله يرثى لها وامامه اكواب القهوة
غرقان فى التفكير
والدته / قوم نام يا بنى انت منتمتش من امبارح
يوسف / وهيجى منين النوم بس وانا معرفش هى فين
الام / ان شاء الله هنلاقيها وهعملكوا احلى فرح فى اسكندريه كلها
يوسف / دلوقتى وافقتى انى اتجوزها
الام / مكنتش اعرف انك بتحبها قوى كده
يوسف / القدر دا غريب قوى حضرتك وافقتى فى الوقت اللى انا معرفش هى فين دلوقتى ولا بت………. رأى شئ ملقى على الارض توجه ليرى ما هذا الشئ وجده هاتفها فتح قائمه المكالمات وجد اتصال من رقم غريب توجه الى القسم وطلب معرفه مكان هذا الهاتف بعد عده ساعات على حوالى الساعه 7 صباحا لحسن الحظ كان الهاتف متاح و علم مكان وجوده فى تلك اللحظه
ادم / ايه اللى مخليك متأكد انها فى المكان دا
يوسف / المكالمه دى جت لها قبل ما تخرج من البيت بوقت قليل يعنى اكيد من الشخص اللى خطفها
ادم / ما هو ممكن……… هنا رن هاتف يوسف
يوسف / انت مين
يزيد / برافو عليك شاطر عرفت توصل للموبيل علفكره انا اللى سايبه تعالى على العنوان اللى معاك لوحدك
يوسف / انت مين
يزيد / لما تيجى هتعرف
ادم / مين
يوسف / هو انا لازم اروح قبل ما يعمل فيها حاجه
ادم / هاجى معاك
يوسف / لا انا هروح لوحدى
بعد حاولى ساعه كان يوسف فى مكان بعيد عن المدينه منعزل تماما
يزيد وهو يضع المسدس على راس شيماء /اهلا اهلا يوسف بيه المكان منور بوجودك
يوسف / يزيد
يزيد / برافوووو عرفتنى بسرعه
يوسف / ملوش داعى اللى بتعمله دا يا يزيد سلم نفسك احسنلك
يزيد / انا مبحبش العنف وبعدين احنا معانا بنات
يوسف / سيبها يا يزيد هى ملهاش دخل فى الموضوع دا
يزيد / ازاى دى اهم حد فى الموضوع اصلها هتبقى مراتى وبما انك هنا تشهد على عقد الجواز بالمره
يوسف / ههههههههه دا فى حلمك
قام احد الرجال بضربه على رأسك ف افقدته توازنه و وقع على الارض
بدأوا الرجال فى ضربه وهو يقاوم وحاول النهوض اكثر من مره ولكنه لم يستطيع
شيماء / يوووووووووسف
يزيد / هههههههههههه شوفى حبيب القلب فى لحظاته الاخيره
شيماء ببكاء / ابوس ايدك سيبه وانا موافقه اسافر معاك بس سيبه
يزيد / توك توك مبحبش اشوفك بتعيطى خلاص هسيبه بس طبعا لازم اعمله الدرس صح ضربه بالرصاص فى قدمه
شيماء بصراخ / يووووووووووووووووووووووووسف
اتت الشرطه وحاصرت المكان من كل الجهات وقبضت على يزيد
ورجاله وتم نقل يوسف الى المستشفى
بعد عده دقائق كان العائله بأكملها ما عدا شرى توجهت الى المستشفى وكانت شيماء امام غرفه العمليات
والده يوسف / ايه اللى حصل ابنى حصله ايه
شيماء / هو فى غرفه العمليات دلوقتى ادعيله يا طنط
الام / استرها يارب ربنا يقومك بالسلامه يا ابنى
نور وهى تحضن شيماء / اهدى يا حبيبتى ان شاء الله خير
شيماء / كل اللى هو فيه دا بسببى
نور / دا مقدر ومكتوب يا حبيبتى
شيماء / ونعم بالله
نور وهى تعطى مصحف ل شيماء / خدى اقرأى فى المصحف دا شويه
بدأت فى قرأت بعض الايات مضى اكثر من ثلاث ساعات على وجودة فى غرفه العمليات
رن هاتف سليم وكانت المتصله شرى
سليم / ايوه ياشرى …… ايه …..طيب طيب انا جاى
سليم ل والده شرى / شرى بتقول انها بتولد وانا لازم اروحلها
والده شرى / ودا وقته
والده يوسف / روحى معاه يا نجلاء كلنا هنا
والده شرى / انا هفضل معاكوا هنا
والده يوسف / روحى بنتك محتجالك دلوقتى اكتر من اى حد واحنا هنطمنك على يوسف اول ما يخرج بالسلامه
توجه سليم ونجلاء الى منزل وبقى الجميع فى المشفى
شيماء بتوتر / كده كتير قوى كل دا علشان رصاصه
العم / اهدى كل تأخيرى وفيها خيره
خرج الطبيب من غرفه العمليات توجه الجميع اليه
والده يوسف / طمنى ابنى عامل ايه
الطبيب / الحمد لله عرفنا نخرج الرصاصه من رجله وهو دلوقتى نزل تحت فى اوضه عاديه
والد يوسف / نقدر نشوفه
الطبيب / لما يوفقك احنا اديناله منوم تقدروا تتفضلوا وتبقوا تيجوا بكره ويكون هو فاق
الام / انا لايمكن اسيبه وامشى انا هفضل معاه هنا
الطبيب / صدقينى ملوش داعى كلنا معاه هنا
الام / لا انا هفضل هنا
الطبيب / على العموم اتنين بس اللى مسموح لها يفضلوا هنا والباقى يتفضل لان الوقت اتأخر
والد يوسف ل زوجته / تعالى يا خديجه نروح وهنيجى كلنا بكره
خديجه / لا انا هفضل هنا مع ابنى
والد يوسف / علشان خاطر يوسف تعالى روحى ومن بدرى هنيجى يلا بقى
خديجه بستسلام / امرى لله
والد يوسف ل شيماء / يلا يا بنتى قومى
شيماء ببكاء / انا هفضل هنا معاه ومش هتحرك من مكانى
والد يوسف/ انا ما صدقت اقنع خديجه متتعبيش قلبى انتى كمان
شهاب / خلاص يا عمى متتعبش نفسك انا هفضل هنا انا وهى وانتو اتفضلوا
توجه الجميع الى المنزل فى حاله لايرثى لها
*****************
امام غرفه العمليات كان سليم قلق جدا على شرى
خرجت الممرضه ومعها البيبى واعطتها ل سليم
الممرضه / مبروك بنوته زى القمر
سليم للمرضه / وشرى عامله ايه
الممرضه / كويسه قوى
والده شرى / اذن فى اذنها اليمنى واقم الصلاه فى التانيه وحنقها بالتمره دى
سليم / لا لا ممكن يحصلها حاجه
الام/ اعمل اللى قولتلك عليه يلا
فعل ما قالته له حماته وهاتفوا الجميع وعلموا بنجاح عمليه يوسف بعد ذلك توجهوا الى غرفه شرى
سليم وهو يقبل رأسها / حمد لله على سلامتك يا قلبى
شرى / الله يسلمك يا حبيبى شوفت البيبى
سليم / شوفتها زى القمر زى مامتها قوليلى هنسميها ايه
الام / لحد دلوقتى مقررتوش الاسم
شرى / لا انا اخترت الاسم من اول ما عرفت انها بنت قررت اسميها على اسم والده سليم مريم
سليم / بجد
شرى / ايوه طبعا يا ابو مريم
الام / ربنا يخليكوا لبعض يارب وميحرمكوش من بعض ابدا
سليم / امين يارب ويقوم يوسف بالسلامه
**************************************
عاد ادم ونور الى المنزل
والده ادم / طمنى يا ابنى يوسف عامل ايه
ادم / ادعيله يا امى
الام / ربنا يقومه بالسلامه
نور / شيماء صعبانه عليا قوى ومحملها نفسها المسؤليه
ادم / بصراحه ربنا معاهم يطلعوا من مصيبه يدخلوا فى غيرها
نور / دا دليل على حب ربنا ليهم
ادم /ربنا يعدى الايام دى على خير
نور / امين يااارب
