رواية حبيبي اغلي من عمري الفصل الحادي والعشرين 21 بقلم شيماء حسين
لا تجرحي التمثال في إحساسهِ
فلكم بكى في صمته .. تمثالُ
قد يُطْلِعُ الحَجَرُ الصغيرُ براعماً
وتسيل منه جداولٌ وظلالُ
إني أُحِبُّكِ من خلال كآبتي
وجهاً كوجه الله ليس يطالُ
حسبي وحسبك .. أن تظلي دائماً
سِراً يُمزِّقني .. وليسَ يُقالُ ..
كان يوسف فى عمله
يوسف لنقسه / انتى مبترديش ليه بقى يعنى دى غلطتى انى عايز اساعد ادم كنتى دايما بتفهمينى من غير ما اتكلم ايه اللى حصل لتغييرك دا كله
وهنا اتت ريما
ريما / صباح الخير ي جو
يوسف/ صباح النور ايه بقالك مده مختفيه يعنى
– اعمل ايه الشغل بقى طمنى عليك انت كويس
– اه كويس الحمد لله
– بتكلمها ولا
– بتصل عليها مبتردش
– طيب روحلها البيت
– اروح فين انتى اتجننتى مينفعش لان ادم و مامته رايحين المستشفى النهارده و هتكون لوحدها فى البيت
– طيب انا هروحلها مع انها مبتقبلنيش بس يلا كله علشان خاطرك
(قد تذكر ما كانت تفعله مع ريما ) /هههههههههه هتفضل طفله طول عمرها
********************
عند شهاب وملك فى الموقع
ملك / اناا زهقت كل دا شغل
شهاب/ ما انتى اللى اخترتى معمارى حد كان ضربك على ايدك
ملك / انتوا الشباب مفكرين اننا مش هنقدر على الشغل دا وانه صعب علينا بس احنا هنثبت اننا قدرها
شهاب/ طيب ي عم الجامد يلا نكمل شغل البسمهندش هيجى يظبطنا دلوقتى
ملك بخبث/ ايه خايف ولا ايه
شهاب/ خايف مين ي ماما دا انا …… لحظه لحظه انتى بتسخنينى
ملك ببراءة مصطنعه / انا لا انت اشعال ذاتى
شهاب / اشعال ذاتى هاااا انا هوريكى
*************************
كانت جالسه فى المنزل بمفردها ودق جرس الباب توجهت الى الباب
شيماء / نور اتفضلى
نور / من حقك تقوليلى اتفضلى ما هو بيتك دلوقتى
– اتفضلى مينفعش نتكلم على الباب
– ليه عملتى كده ليه خدعتينى دا انتى كنتى بالنسبه ليا كل حاجه كنتى اختى كنت بقف فى صفك لما كانت مامتى بتتكلم عنك بالسوء فعلا ماما معاها حق انتى شبه مامتك و اخدتى العاده دى من منها انكوا تخطفوا الرجاله
– نور اياكى تجينى سيره مامتى بالسوء انتى فاهمه ولا لا وبعدين رجاله ايه دا اللى بنخطفهم وماما دخلها ايه بالموضوع
– روحى اسألى مامتك وانتى هتعرفى
– هسالها بس لثبتلك انك غلط
– من هنا ورايح مش عايزة يكون فى بينى وبين وحده زيك اى علاقه و وعد منى ل هندمك على كل اللى عملتيه عن اذنك
خرجت نور من المنزل وقابلت ريما ولم تلقى عليها السلام
ريما ل نور / نور ازيك نور غريبه دى مالها
ريما ل شيماء / ازيك ي شيماء عامله ايه
شيماء/ الحمد لله اتفضلى ي ريما
– هى نور مالها بقولها ازيك مبتردش
– ممكن مخدتش بالها منك هى وراها شغل و مستعجله
– ممكن برضوا شكلك قاعده لوحدك فى البيت
– اه كلهم راحوا مع طنط المستشفى
– وانتى عامله ايه
– كويسه قوى
– يوسف قلقان عليكى مبترديش عليه ليه
– قوليله ميقلقش انا فى بيت جوزى يعنى بيتى
– علفكره انا عارفه كل حاجه عارفه ان يوسف بيحبك من قبل حتى ما يقولك طول السنين دى كلها مفيش وحده قدرت تخليه ينسى حبه ليكى ليه تروحى تتجوزى واحد غيره
– ربنا عايز كده ولو سمحتى ممكن نقفل على الموضوع دا لان داده موجوده فى البيت وممكن تفهم الموضوع غلط
– على راحتك بس ردى عليه ولو لمره وحده اوكى
***********************
عادت نور الى منزلها وقابلت شقيقتها هنا
هنا / نور
نور / نعم
هنا / انتى اختى صح
نور / صح
هنا / انا مبسوطه قوى لانك اختى لاننا سنلعب معا
نور بنرفزة / روحى والعبى مع حد تانى انا مش فاضيه لك
هنا / ليه هو انتى مش اختى والاخوات بيلعبوا مع بعض
نور وهى تغادر / روحى ل مامتك والعبى معاها
ذهبت هنا الى والدتها وهى تبكى
ثريه / مالك ي حبيبتى فى ايه
هنا ببكاء / نور رفضت تلعب معايا
ثريه / طيب خلاص متعيطيش روحى هاتى اللعب وانا هلعب معاكى
توجهت ثريه الى غرفه نور ودقت الباب
نور / اتفضل
ثريه / ممكن اتكلم معاكى
– مفيش كلام بينا
– انتى ليه بتعملينى بالطريقه دى انا مش ذنبى حاجه
– طيب ما انا برضو مش ذنبى حاجه انتى ضحكتى على بابى ودخلتى حياتى علشان تاخدينى فى صفك
– لا علفكره انتى اللى دخلتى حياتى وانتى اللى بدأتى الكلام معايا
– فعلا انا اللى بدأت و انا برضو اللى هحط النهايه
– اوكى والايام بيننا
************************
عادت اسمهان من المستشفى
شيماء /حمدلله على السلامه
اسمهان /الله يسلمك
– طنط عامله ايه
– كويسه عملتى ايه فى يومك
– مفيش قاعده فى البيت
– يعنى مجلكيش ضيوف
– ايه دا انتى بترقبينى
– بصراحه اه ومستنياكى تعملى غلطه
– دا انتى صريحه بقى
– هو فى احلى من الصراحه
– انتى ليه مش طيقانى
– اسألى جوزك وهو يعرفك
– هو كله يقولى اسألى انتوا مبتكملوش كلامكوا ليه
– احنا مين
– ادم هيجى ولا هيفضل هناك
– لا هيفضل هناك لان العمليه هتتعمل بعد بكره
– اوك عند اذنك انا طالعه اوضتى
***************************
كان شهاب وملك فى عملهم ورن هاتف شهاب وكانت المتصله والدته
شهاب / الو ماما حبيبتى وحشانى
الام/ وانت كمان ي حبيبى
شهاب / قوليلى صحتك كويسه
الام / الحمد لله ي بنى عامل ايه انت وملك
شهاب / كويسين الحمد لله ملك معايا وبتسلم عليكى
الام/ الله يسلمها خد بالك منها ملك زى اختك
شهاب/ لا مقدرش
الام / متقدرش ايه ي ابنى
شهاب/ اعتبرها زى اختى ما هى لو اختى مش هينفع تكون مراتى
الام بدهشه مخلوطه بالفرحه / اييييييييه
شهاب / اللى سمعتيه خدى نفسك انتى و بابا وروحوا ل طنط والده ملك واطلبوها منها
الام / طيب لما ترجعوا الاول
شهاب/ لما نرجع برضو هنروح بس انتوا روحوا اتكلموا مع طنط
الام / اهقول ل والدك والقرار ليه
شهاب / شكرا ي احلى ماما فى الدنيا
الام/ طيب انا عايزة اكلم ملك
شهاب وهو ينظر الى ملك وكانت فى زهول تام / لا هى مش فى وعيها دلوقتى
الام / اكيد طبعا دا انا نفسى مش قدره اصدقك مسكينه ي ملك ربنا رزقك بواحد دماغه ضايعه منه
شهاب / نصيب ومكتوب يلا بقى علشان تلحقى تكلمى بابا وتروحوا سلام
بعد ان اغلق مع والدته نظر الى ملك ومازالت فى حاله الزهول
شهاب / ايه ي بنتى فى ايه
ملك / هو اللى انت قولته مش شويه دا بجد
شهاب/ لا مش جد دا جد جدا جدا
ملك / انتى مجنون لا دا انت الجنون نفسه
شهاب / ربنا يخليكى ي خطيبتى
ملك / هو انا اتخطبت من غير ما تسألنى
شهاب / اصلا انتى ملكيش رأى
ملك / طيب انا مش موافقه
شهاب / طيب خلاص اروح بقى اقعد مع بشمهندسه رحمه
ملك / نعم ي اخويا هو انت تخطب واحده وتقعد مع وحده تانيه
شهاب / انتى اللى قولتى تخطب يعنى موافقه هيييييييه
ملك لنفسها (ايه اللى انا هببته دا )
********************************
عاد يوسف الى منزله وكانت والدته فى انتظاره
يوسف/ مساء الخير ايه ي ماما قاعده لوحدك ليه
الام / عمك ومراته و والدك راحوا يخطبوا ل شهاب
يوسف / بجد مبروك مين العروسه
الام / ملك
يوسف/ ربنا يسعدهم
الام/ وانت هتفضل كده انت هتم 27 الاصغر منك اتخطبوا و اتجوزوا
يوسف / لسه ي بدرى ي ماما
الام / بدرى ايه على الاقل اخطب انت اكبر واحد فى البيت دا انا عايزة افرح بيك ي يوسف قبل ما اموت
يوسف وهو يقبل يد والدته / بعد الشر عنك ربنا يخليكى ليا صدقينى انا لما اعوز اتجوز هاجى بنفسى اقولك
الام / اتمنى اليوم دا يجى بسرعه
يوسف وهو يغادر / قولى ي رب هطلع اغير هدومى احسن انا هلكان وعندى دوريه بكره
الام / ربنا يهديك ي ابنى وترجع لعقلك
