رواية حبيبي اغلي من عمري الفصل التاسع عشر 19 بقلم شيماء حسين
آهٍ على قلبٍ هواهُ محكّمُ ؛
فاض الجوى منه فظلما يكتمُ
ويحَيِّى أنا بحت لها بِســــــــــــرِّه ؛
أشكو لهــــا قلباً بنارها مغرمُ
ولمحت من عينيها نارى وحرقتى ؛
قالت على قلبى هواها محرَّمُ
كانت حياتى فلمَّـــــــا بانت بنأيها ؛
صار الرَّدى آه علىَّ أرحـــــمُ
يوسف بصراخ / نعممم هتتجوزى ادم يعنى ايه
شيماء وهى تتذكر الاحداث كانت جالسه فى غرفتها وهاتفها ادم
– الو ايوه ي ادم ازيك
– الله يسلمك انتى فين
– انا فى البيت خير فى ايه
– مفيش بس ممكن تيجى البيت ماما عايزه تتكلم معاكى فى موضوع
– خير فى حاجه
– لما تيجى هتعرفى
بعد فتره كانت فى منزل ادم فى غرفه والدته
– ازيك حضرتك ي طنط
– الحمد لله ي بنتى
– حضرتك مالك تعبانه ولا ايه
– لا انا كوبسه الحمد لله
– لا بجد فى ايه
– فى ان انتى وادم لازم تتجوزوا
(وهى تنظر ل ادم )- ايه نتجوز بس احنا متفقناش اننا نتجوز دلوقتى
-انا هعمل العمليه اخر الاسبوع دا وعايزة قبل ما ادخل اوضه العمليات اطمن عليه عايزة ان هيكون جنبه حد لو حصلى حاجه
– بعد الشر عنك ي طنط ان شاء الله هتقومى بالسلامه
– وانا املى فى ربنا كبير بس انا عايزة قلبى يرتاح
– بس
ادم / خلاص ي امى اطمنى انا هفاتح عمى النهارده فى الموضوع دا
شيماء بستغراب / اددم
ادم / انا هفهمك كل حاجه بعدين
شيماء / طيب ي طنط انا لازم امشى بقى لانى جيت من غير ما اعرف اللى فى البيت عن اذن حضرتك
خرجت هى وادم الى خارج الغرفه
– ممكن اعرف بقى ايه اللى انت عملته جوه دا
– عملت ايه
– ادم انت اتجننت طيب ونور
– مالها نور
– مالها نور انتوا مش متفقين انكوا تتجوزوا
– لا خلاص نور انتهت من حياتى
– نعم هى لسه بدات فى حياتك علشان تنتهى ممكن اعرف ايه اللى حصل
– الست هانم عندها الشرط علشان نتجوز ان انا ابعد عن امى واسافر انا وهى اى بلد تانيه قولتلها تمام نسافر انا وانتى وماما رفضت وقال لا انا وانت ي الا بلاش مكنتش اعرف انها انانيه كده
– انت عارف نور اتجرحت قد ايه من مامتها وصعب عليها انها تتعامل مع مامتك اديها شويه وقت وهى هتاخد على الوضع
– انا خلاص اخدت قرارى واحنا لازم نتجوز علشان امى ترتاح لو سمحتى وافقى
تحدثت ببكاء / اوافق على ايه ي ادم دا جواز هو لعبه وبعدين انا لايمكن اكسر قلب صحبتى بيدى ……….وقلب يوسف كمان
بستغراب – يوسف
– يوسف اعترفلى بحبه النهارده
– ايه الحظ دا بس شيماء ابوس ايدك ساعدينى انا مليش غير امى فى الدنيا دى كلهاا لو حصلها حاجه انا ممكن اموت وحياتى لا بلاش وحياتى وحياه يوسف
– ما انا علشان خاطر يوسف رفضت الموضوع دا انا كده هكسر قلبه هو ونور
– انا هكلم يوسف وهقنعه بالله عليكى توافقى دا اول طلب اطلبه منك
– خلاص ي ادم سبنى افكر وبلاش تكلم بابا فى الموضوع دا النهارده
بااااااك
يوسف وهو يميك زراعيها بقوة / انا لايمكن اوافق انتى حبيبتى انا لايمكن افرط فيكى من بعد مالقيتك لايمكن
كان يحكم زراعيه عليها بقوة
تحدثت بألم / يوسف سيبنى
– انا اسف وجعتك
– عادى ولا يهمك انا عايزاك تعرف ان انا لايمكن اكون لغيرك وانا هحاول اتكلم مع نور اقنعها
اتى ادم فى تلك اللحظه
– يوسف عايز اتكلم معاك شويه ممكن
شيماء/ طيب انا هسيبكوا وهروح اقعد هناك
– يوسف انا عارف انك بتحبها ومن زمان كمان وانا لما قررت اننا نفسخ الخطوبه مكنش علشان انا ونور وبس علشانك انت كمان بس امى عندها شرط واحد علشان تعمل العمليه هو ان انا وشيماء نتجوز ارجوك تساعدنى انى احقق لها طلبها دا
– انت بتتكلم فى ايه ي ادم هو انت جاى تستلف منى عشرة جنيه دى البنت الوحيده اللى انا حبيتها ازاى ممكن اسيبها بالسهوله دى
– انا عارف ان الموضوع صعب بس دى امى عارف يعنى ايه امى
– اطلب منى اي حاجه تانيه انا مستعد اديهالك اطلب عمرى مش هتاخر عليك فيه بس هى لا
-ارجوك ي يوسف ارجوك
(بعد مده من التفكير )- خلاص ي ادم سيب الموضوع دا عليا
– ربنا يخليك صدقنى عمرى ما هنسالك الجميل دا طول حياتى همشى انا بقى وانت اقنعها ماشى وتركهم وذهب
–
– عملت ايه ي يوسف
– معملتش حاجه
– يعنى ايه
(بعد فتره من الصمت )- يعنى انتى وادم كتب كتابكوا بكره
– ايييييييييييه انتى بتهزر صح يعنى ايه
-ممكن تهدى وتسمعينى للاخر كلها اسبوع وتتطلقوا بعد ما مامته تخف
– انت ازاى توافق على كده ااانا لايمكن اتجوزة
– انتى بتثقى فيا ولا لا؟
– اكيد طبعا بثق فيك
– يبقى توافقى
– طيب ليه نور متوافقش هى بتحبه هى ليه مش عايزة تضحى اول مره اعرف انها انانيه كده
– وانتى كده مش انانيه رافضتى انك تساعدى ادم علشان تكونى معايا دى مش انانيه
– بس انا تعبت ومبقتش قادره استحمل انا لما صدقت تكون معايا بعد السنين دى كلها
– ربنا عايز كده وعسى ان تكرهوا شئ وهى خير لكم دى اختبارات من ربنا
وعايزك تكونى قويه
– انت بتضحك عليا ولا على نفسك هترضى انى اكون مع واحد غيرك هاا ما ترد عليااا
– انا واثق ان ربنا عايز لينا الخير
*********************************
كانت نور تحاول ان تهاتف ادم من بعد مقابلتها له ولكنه لا يجيب على هاتفه
– اعمل ايه انا دلوقتى انا ازاى اقوله كده انا عارفه انه متعلق بمامته اتصل على شيماء هى اكيد عارفه هو فين بعد عده محاولات من الاتصال لا يوجد رد حتى انتى كمان اعمل ايه انا دلوقتى مفيش غير الحل داا انا هروح له بيته استقلت سيارتها وتوجهت الى منزله
ادم/ نوووور خير فى ايه
نور / ادم اااناا جايه اقولك انى
قاطع حديثها / انتى قولتى كتير جه الدور عليا انا حابب اعزمك على كتب كتابى بكره
نور بصدمه / ايييييييه
رد ببرود / اللى سمعتيه متنسيش بقى تحضرى
– هتتجوز مين
– شيمااء هيكون مين يعنى
– لا انت بتكذب عليا انت بتحبنى انا ولايمكن تتجوز غيرى وصحبتى كمان لايمكن تعمل فيا كده
– انتى اللى عملتى فينا كلنا كده انا وشيماء ويوسف انتى انانيه ي نور
– دلوقتى بقيت انانيه وانت مش انانى علشان عايز تقضى على حياة اتنين تانيين علشان تحسسنى بالندم
– لا ي هانم انا مبفكرش بالطريقه الزباله دى وبعدين انا لو عايز احسسك بالندم فى مليون طريقه تانيه غير دى بس انا مش هقولك سبب جوازى هخليكى كده تحرقى فى نفسك
-انا احرق فى نفسى علشان مين علشانك انت مسكين
– ماشى هنشوف والايام بيننا
*******************************
كان شهاب جالس مع والده ملك وملك فى منزلها
شهاب / انا جيت اقول لحضرتك ي طنط اننا هروح تدريب فى الغردقه ودا كان طلب من الكليه
والده ملك / ايوه ي ابنى بس انا هخاف على بنتى انها تروح هناك لوحدها
ملك / لا ي ماما انا هيكون معايا بنات كتير مش هنكون لوحدنا وهنيجى الخميس بليل وهنرجع السبت
الام/ ي بنتى انا واثقه فيكوا بس انا مش هستحمل تبعدى عنى
شهاب / طيب لو قولتلك انى انا هاخد بالى منها ورجلى هتكون على رجلها
الام/ هقول ايه انا مقدرش اقف قدام طريقك ي بنتى روحى
ملك وهى تقبل والدتها / ربنا يخليكى ليا ي ست الكل
الام / ويخليكى ليا هتروحوا امتى
شهاب / يعنى على اخر الاسبوع كدا
الام / ربنا يوفقكوا يارب
*******************************
توجه ادم الى منزل شيماء ليتحدث مع والدها بعد ان قص عليه الموضوع باكامل ورغبه والدته بان يتزوج من شيماء غدا وتذهب معه الى منزله
الاب بستغراب / جواز و بالسرعه دى احنا محضرناش نفسنا
ادم / حضرت احنا هنعمل كتب كتاب واشهار وهنروح على بيتى وبعد عمليه ماما ان شاء الله هنبقى نعمل نفرح ان شاء الله
الام/ نعم وهيكون لزمته ايه الفرح بعد ما تكون هى راحت بيتك
ادم / يعنى هنعمل حفله ضغيره كده
الام / لا انا مش موافقه انا بنتى لازم يتعملها فرح زيها زى اختها هى مش اقل من شرى فى حاجه
شيماء/ بس انا مش عايزة اعمل فرح ي ماما وموافقه على اللى ادم بيقوله
الام/ اانتى مش عايزة انا عايزة
الاب / خلاص ي ام شهاب ادام الولاد موافقين خلاص بكره هيكون كتب الكتاب وشيماء هتروح مع جوزها على بيته وبعد كده هم حرين فى حياتهم
ادم للجميع / سمحونى والله غصب عنى انا لازم انفذ كلام امى
الاب/ احنا مقدرين ي ابنى شعورك وربنا يوفقكوا فى طريقكوا
الام / مبروك
بعد مغادره ادم جلست الام مع ابنتها
شيماء/ احنا جبنا الفستان وكل حاجه جهزت هو فستان عادى
– وانا مالى بتقوليلى الكلام دا ليه دلوقتى انتى حره اعملى اللى انتى عايزاه انا اصلا مش هحضر الفرح
– ماما هتتخلى عنى فى اكتر يوم محتجاكى فيه جنبى
– ي بنتى انا ام وعايزة افرح بيكى زى اختك كتير عليا يعنى
– لا ي ماما مش كتير بس ربنا عايز كده وانا راضيه بكل اللى ربنا كتبهولى
– اتصلتى على نور وقولتيلها
-اااا نور لا نور مش فاضيه واعتزرت
– غيبه دى هو فى حاجه حصل
– لا مفيش انا هدخل اريح شويه هن اذن حضرتك
***************************
كانت نور جالسه مع ثريه على البحر
ثريه/انا قولت الحمد لله اعترفلك بحبه والامور هتتصلح بس انتى خربتى كل حاجه
نور/ يعنى كنتى عايزانى اعمل ايه دا عايزنى اعيش معاه هو ووالدته
ثريه / طيب وفيها ايه يعنى انتى عايزة تتجوزى الراجل وتبعديه عن مامته
نور/ اهو دا اللى حصل بقى
ثريه / بس انتى ليه مش عايزة تعيشى مع مامته مع انك بتقولى انها طيبه جدا
نور/ بصراحه انا علاقتى بمامتى مش كويسه قوى تكاد تكون معدومه ف مبالك علاقتى بمامته ادم هتكون عامله ازاى اكييد هتكون انيل ف انا قولت اخدها من قصيرها واعيش بعيد عنها
ثريه / غريبه
نور / هو ايه اللى غريبه
ثريه / هاااااا لا لا مفيش وصحبتك ليه وافقت على الجواز منه
نور / اهو دا بقى اللى هيشلنى هى بتحب يوسف ليه توافق تتجوز ادم اكيد فى سر فى الموضوع ولازم اعرف ايه هو
********************************
عند سليم وشرى فى باريس
سليم / شرى يلا حضرى الشنط علشان نرجع مصر
شرى / ليه ي سليم ايه اللى حصل بابا وماما حصلهم حاجه
– لا ي حبيبتى محصلش حاجه بس كتب كتاب شيماء و ادم بكره
– نعم بالسرعه دى هو ايه اللى حصل
قص عليها الموضوع باكمله وحجزوا على اول طائرة لمصر
