رواية حبيبي اغلي من عمري الفصل الثالث عشر 13 بقلم شيماء حسين
الفصل الثالث عشر / قالو الحب لة علآمات ..
كانت شيماء فى طريقها الى العمل وتوجهت الى مكتب ادم بعد عدة دقات دخلت المكتب
شيماء/ صباح الخير
ادم/ ي صباح الورد
شيماء/ ازيك ي ادم عامل ايه بقالى كتير مشوفتكش من امبارح بس
ادم/ اه فعلا فتره طويله قوى عديتى على سيادة اللواء
شيماء/ لا انا جيت على هنا علطول
ادم/ هو على العموم انا وانتى ويوسف عندنا اجتماع معاه دلوقتى يلا بينا
شيماء(ما احنا كنا كويسين )/ اوك يلا بينا
ذهبت هى وادم الى غرفه الاجتماعات كانت اللواء صدقى ويوسف و نور هناك
شيماء/ ايه دا نور انتى بتعملى ايه هنا
نور/ علشان تعرفى ان انا وراكى وراكى انا ي ستى هشتغل معاكوا هنا
شيماء/ بجد دا خبر حلو قوى
صدقى / اتفضلى اقعدى الاول اتفضل ي ادم بصوا بقى نور عندها بحث عن الجنوح والجريمه مين فيكوا فاضى
يوسف/ انا كان نفسى اساعدك ي نور بس انا ماسك قضيه الراجل اللى اتقتل هو ومراته وكمان دا انا عايز حد يساعدنى فيها
صدقى / تمام وانت ي ادم
ادم/ انا فاضى كنت هستلم النهارده قضيه جديده انا وطارق
صدقى*/ تمام انت ساعد نور وطارق يشوف حد تانى معاه فى القضيه وشيماء تشتغل مع يوسف فى قضيته ها ي نور ايه رايك
نور(يعنى مفيش غير الشخص دا هو اللى يساعدنى فى البحث دا ايه الحظ دا ) اللى حضرتك تشوفه
ادم (دا انتى هتشوفى منى ايام ما يعلم بيها الا ربنا )
شيماء (هو انا مكتوب عليا العذاب كل ما احاول ابعد الاقى اللى بيقربنى منك تانى هو انت طالعلى فى البخت )
يوسف(اه طالعلك فى البخت واحلى بخت وحياتك )
صدقى / انا هاخد اجازه لمده اسبوع عايز اروح وارجع الاقى كل حاجه كويسه تمام
الجميع/ تمام
وتركوا غرفه الاجتماعات وتوجه كل واحد منهم الى مكتبه وتوجهت شيماء الى مكتب ادم لتحضر اشيائها وتنتقل الى مكتب يوسف
شيماء/ اى حد جديد انت اللى تساعده قلبك كبير قوى ي دومه
ادم / لو زعلانه انا ممكن اعتزر
شيماء/ انت مجنون ي ابنى انا بهزر
ادم/ ابنى انتى بقيتى بطولى لسانك عليا
شيماء/ انا اقول اللى انا عايزاه ي بابا
ادم/ ابنى وبابا دا ايه الهنا اللى انا فيه دا ربنا يستر واكون اختك كمان شويه
شيماء/ ههههههههه لا مش لدرجه دى
ادم/ طيب يلا من غير مطرود من هنا عايز اشتغل
شيماء وهى تخرج من المكتب / طيب متزقش سلام
بمجرد خروج شيماء توجهت نور الى مكتب ادم ودقت الباب
ادم وهو يفتح الباب / شكلى مش هخلص منك النهارده نور قصدى انسه نور اتفضلى
نور(دا ولا اللى بيعزمنى على بيته ) / شكرا
بعده عدة دقائق من من الصمت
ادم / احم انا اسف
نور/ على ايه بظبط
ادم/ على اللى عملته يوم النادى مكنش قصدى
نور/ حصل خير
ادم وهو يمد يده / صحاب
نور هى الاخرى / صحاب
ادم/ يلا بينا نبدا
نور/ اوك يلا
*************************
عند يوسف وشيماء كانت جالسه على الكرسى امامه وهو مشغول بالعمل من دون ان يتحدث معها
شيماء بتافف/ استغفر الله العظيم انا هفضل قاعده كده كتير
يوسف وهو ينظر الى الاوراق/ لو تعبتى من القعده اقفى
شيماء/ دا ايه الظرف دا
يوسف/ متعلمه منك
شيماء بزعيق / يووووسف انا جايه اشتغل معاك مش اقعد جنبك اتفرج عليك
يوسف (ياريتك تفضلى جنبى )/ صحيح اخبارك ايه انتى وادم
شيماء/ هو دا وقت الكلام فى الموضوع دا
رن هاتف الموبيل
يوسف / الو مش ممكن انتى هنا فى مصر لا طبعا ولو مشغول هفضيلك نفسى هجيلك حالا كلها خمس دقائق واكون عندك يلا سلام
وخرج من المكتب من دون اى كلمه
شيماء(دا خرج من غير ولا كلمه ومين دى كمان اللى طار علشان يقابلها وسابنى انا مرميه كده ماشى ي يوسف )
********************************
عند شرى وسليم بعد حجز القاعه
سليم / قوليلى تحبى تاكلى فين
شرى / ايه رايك نروح النادى انا وانت وشيماء وادم ونور ويوسف
سليم / ايه كل دا
شرى/ تعرف انا كنت بتمنى ان انا وخطيبى وشيماء وخطيبها ونور وخطيبها نخرج مع بعض ومين عارف يمكن لما نور ويوسف يقربوا من بعض يحبوا بعض وبكده تكون اتحققت امنيتى
سليم بتسرع / نور ويوسف لا طبعا اا قصدى هم يعنى مش زى بعض خالص
شرى / طيب ما شيماء وادم مش زى بعض
سليم / شرى قفلى على الموضوع دا خلاص كلمى البنات وانا هكلم الشباب
واتصل سليم وشرى بالشباب واتفقوا على المقابله على الساعه 7
*********************
ذهب صدقى الى منزل زوجته ثريه وبنته هنا
صدقى / جهزتى ي حبيبتى
ثريه / اه ي حبيبى يلا بينا
هنا/ انا ي بابى مفيش جاهزة
صدقى وهو يحمل هنا/ بس كده جاهزة ي روح وقلب بابى
هنا بضحكه الاطفال/ ايوة يلا بينا
وتوجهوا بالسياره ناحيه الشاليه فى جو من السعاده
*******************
على حوالى الساعه ال6.30 خرج ادم ونور وشيماء وتوجهوا الى النادى ووجدوا شرى وسليم فقط
وبعد السلامات جلسوا معا فى انتظار يوسف
ادم/ يعنى الاخ دا فين لحد دلوقتى
سليم/ طول عمره متاخر مفيش ولا مره يجى فى معاده
شيماء/ اه فاكر لما كان عندكوا امتحان فى الكليه وكلكوا رحتوا الا هو واتصلتوا عليه وكان نايم وقام من على السرير بلبس النوم ل الامتحان
سليم / هههههههه اه والله منظره كان بيضحك واخدناله كام صوره بالبس دا وفضلنا لمده طويله نفكره بالموضوع دا
شرى/ طبعا واليوم دا خسر معجبينه
سليم / اه والله وكانت فرصه لينا زى ما يكون مفيش اى ولد فى الكليه كلها غيره
نور/ الحقى ي شرى خطيبك كان صايع ايام الجامعه
شرى بنظره ل سليم / طول عمره
سليم/ بتقولى حاجه ي روحى
شرى/ لا حبيبى مبقولش حاجه
فى هذه الاثناء حضر يوسف ومعه فتاه فى نفس نفس عمره تقريبا ببشرتها البيضاء التى تشبه بياض الثلج وشعرها الاحمر القصير وعيونها
الزرقاء طولها المناسب
نور/ واو مين البنت الجميله اللى مع يوسف دى
شرى / دى تبقى ريما بنت خالته
نور/ دى مزه اخر حاجه
شيماء وهى تنظر اليهم / لما انتى ي ست نور تقولى كده عليها سبتى ايه للشباب
نور وقد احست بصديقتها
يوسف/ السلام عليكم
الجميع / وعليكم السلام ورحمه الله وبركاته
يوسف وهو يقدم ريما للشباب / احب اعرفكم ريما نور وادم وانتى عارفه سليم وشرى وشيماء
ريما/ اكيد طبعا تشرفت بعرفتكم
سليم / جيتى امتى ي ريما
ريما/ جيت النهارده من مطار امريكا ل مطار القاهرة ل هنا علطول
شيماء / طبعا واتصلتى على يوسف علطول
ريما/ طيب مفيش ازيك الاول ي شيماء لسه برضو زى ما انتى من واحنا صغيرين
شرى / اهدوا ي جماعه فى ايه شيماء بطلى حركات العيال دى انتى كبرتى
شيماء بضيق/ حاضر ولو عايزانى امشى كمان همشى
يوسف / اتفضلى ي ريما اقعدى جنبى ها ي شباب طلبتوا الاكل ولا لسه
ادم / كنا مستنينك يلا كل واحد يقول هيطلب ايه طلب الجميع الاكل وجلسوا لتحدث معا
ريما وهى تنظر ل شيماء وهى تنظر الى الدبله / صحيح ي شيماء انتى اتخطبتى ل مين
شيماء / ل ادم
ريما/ ايه دا بجد شكلكوا ليقين على بعض قوى وياترى بقى عن حب
شيماء (ايه الاحراج دا ) / اااا
ادم منقظ للموقف / اكيد طبعا على حب
نور فجاه / عن اذنكم انا لازم امشى
شرى/ ما تستنى نمشى مع بعض
نور/ لا انا عايزة امشى يلا سلام
ادم وهو ينظر اليها (ياترى مالك ي نور )
ظل يوسف وريما يتحدثوا معنا بصوت منخفض
شيماء/ ما تشركونا معاكوا ولا دا كلام خاص بينكوا انتوا بس
سليم (الله يخرب بيتك هتفضحى نفسك ي مجنونه )/ اه صحيح ما تشركونا معاكوا
يوسف/ دا كلام خاص لينا انا وريمو بس
ادم / شيماء تعالى نتمشى شويه
شيماء/ اه يلا احسن الجو هنا بقى خنقه قوى
وخرجت تتمشى مع ادم فى الجنينه
*******************************
وصلت نور الى منزلها والقت بنفسها على السرير
نور(ايه الاحساس الغريب اللى انا بحسه دا كل لما ببص ليه بحس قلبى بينبض بشده و بحس فى نظرته بدفئ غريب وهو كمان شكله اخد باله انا لازم اتحكم فى اللى بحس بيه دا شيماء صحبتى ولايمكن اخونها حتى بتفكيرى )
الام / ايه ي نور سرحانه فى ايه
نور/ هااا هو حضرتك جيتى امتى ي مامى
الام/ انا واقفه بقالى ساعه وانتى ولا هنا
نور/ سورى مخدتش بالى حضرتك كنتى بتقولى حاجه
الام/ بقولك انا جيلى ضيوف لو عايزة تيجى تقعدى معانا
نور/ لا شكرا مليش فى القعدات دى
الام/ انا بحاول اقرب منك وانتى اللى بترفضى
نور/ لو القرب بالطريقه دى انا مش عايزاه
الام / براحتك انا نازله
نور/ يعنى مسالتيش عن بابى
الام/ واسال ليه ما هو اكيد فى شغله
نور / على رايك وتسالى ليه اتفضلى انزلى لصحباتك ل يقلقوا وانا هدخل اخد شاور وانام وتركتها وتوجهت الى المرحاض
***************************
عاد الجميع الى المنزل ومعهم ريما التى بمجرد ان راها الجميع رحبوا بها بشده وكل هذا يحدث تحت انظار الغيظ من شيماء
ريما/بجد انا كان وحشى الجو الاسرى دا قوى
والده يوسف/ وانتى كمان ي حبيبتى كنتى وحشانا قوى
والده شيماء/ بجد ي ريما مصر نورت بيقى
شوقى /طبعا المستفيده من رجوعك شرى لانك هتظبطيلها فى ترتيبات الفرح بم انك مهندسه ديكور
ريما/ انا عيونى ل شرى
يوسف / لا ي ي ماما عين تكون ل شرى وعين تكون ليا
ريما/ طبعا ي جو من غير ما تقول
شيماء بغيظ/ انا طالعه اوضتى انام
الجميع/ تصبحى على خير
شيماء(طبعا محدش عايزنى ما الانسه ريما رجعت من السفر وهى دلوقتى الملكه بتاعتهم ) وتوجهت الى غرفتها والشرر يتطاير من عينيها
************************
عند ادم فى المنزل
كان جالس فى غرفته يفكر فى نور (دا البنت اللى انا خاطبها مبفكرش فيها قد ما بفكر فيكى ي ست نور انتى طلعتيلى منين شكل كلام الواد كرم هيطلع صح لا لا انا لايمكن احب وكمان لو حبيت مش هتكون بالسرعه دى هى بس اكمنها مختلفه عن البنات اللى انا عرفتهم قبل كده ومع الوقت هتكون عادى بالنسبه ليا )
