رواية حبيبي اغلي من عمري الفصل الثاني عشر 12 بقلم شيماء حسين
الفصل الثانى عشر / اقول انساك احن اكتر
كانت نور نائمه فى غرفتها فستيقظت وارتدت ملابس الرياضه وذهبت الى النادى وذهبت الى ملعب التنس لتمارس لعبتها المفضله
وكان ترتدى مينى جيب اسود وتوبى حملات ابيض فى اسود
وبدات تلعب بشغف لعبتها المقربه الى قلبها
فى نفس المكان كان ادم موجود هو وكرم
كرم/ بقولك ايه تعالى نروح ملعب التنس الواد عادل وحشنى قوى
ادم/ يلا وحشنى انا كمان
كرم/ بجد الواد محظوظ بيتعامل مع بنات فى قمه الجمال والرقه وهو هايص فى الموضوع
ادم/ فين مراتك تسمعك
كرم / ي عم بهزر الله
وتوجهوا الى ملعب التنس كان عادل هو المدرب نور لحظه وصل اادم الملعب كان عادل بيعلم نور اازى تصد الكره وكان واقف جنبها وماسك ايدها اللى ماسكه المضرب وبيعلمها تقف ازاى اول ما ادم شاف المشهد دا دمه غلى وتوجه ناحيتهم وسحب نور من امام عادل
نور بوجع/ سييييب ايدى انت اتجننت
ادم بغيظ/ مين فينا اللى اتجنن انا ولا سيتك ايه اللى انتى لابساه دا
نور / وانت ماااالك حد عينك واصى عليا
ادم/ بقولك ايه روحى اقلعى الفرق اللى انتى لابساه دا دا انتى لو كنتى لبسه اصلا
نور/ دى حاجه تخصنى انا وانت ملكش دعوة بيا اعطت له ظهرها لتغادر
ادم ممسك بيدها/ اتفضلى قدامى هوصلك البيت
نور بعصبيه / انت ازاى تسمح لنفسك انك تمسك ايدى
ادم وهو يسحبها الى سيارته من دون كلام وهى تحاول ان تفلت يدها منه ولكن كانت يده اقوى منها واجلسها فى سيارته وغادر بها باتجاه منزلها
بمجرد وصولها امام الفيلا فتحت الباب
ادم / اول مرة واخر مرة تلبسى اللبس دا البسى لبس ناس محترمه
نظرت له نظره ناريه وهبطت من السياره من دون ان تنطق بحرف
توجهت الى غرفتها والشرر يتطاير من عينيها وبدات فى تكسير كل شئ يقابلها
**********************
عند شيماء كانت جالسه هى وشهاب اخيها
شهاب/ بت ي شيماء شيمااااااااااء انتى ي بت
شيماء / هااااا بتقول حاجه ي شهاب
شهاب/ ايه ي بنتى روحتى منى فين ي سلام على الحب وعمايله
شيماء(حب مفيش حاجه ضيعتنى غيره ) / قولي صحيح اخبار ملك ايه
شهاب/ مشوفتهاش من اخر يوم امتحانات
شيماء/ ليه مشوفتهاش امبارح
شهاب/ لا انا كنت مع ادم ويوسف وهى مشيت بدرى
شيماء/ اه فعلا هى سلمت عليا ومشيت علطول لان مامتها كانت تعبانه
شهاب/ ربنا يشفيها
شيماء/ هو انت عقلت ولا انا بخرف
شهاب/ لا بس بحاول استخدم اسلوبها فى التعامل بدوقها من نفس الكأس
شيماء/ اوعى ي شهاب تعمل كده لان انت اللى هتندم فى الاخر لما تلاقيها بتضيع من ايدك
شهاب/ انتى اللى بتقولى كده مش مصدق انتى كنتى بتقوليلى متكلمهاش
شيماء/ انت فهمت قصدى غلط يعنى متفضلش تهتم بيها فترة وتعلقها بيك وبعد كده متعبرهاش ولو بكلمه وحده
شهاب/ يعنى خير الامور الوسط
شيماء*/وبعدين حجتك خلصت انا اتخطبت اهوت يلا بقى شد حيلك
شهاب/انت تؤمر ي عسل بقولك ايه ما تيجى نروح النادى
شيماء ممسكه بروايه / خليها لبكره انا عايزة اخلص الروايه دى
شهاب / طيب انا هروح لصحابى بقى
شيماء/ وانا هقوم اعمل سندوتش وقهوة واطلع البلكونه اكمل الروايه
شهاب/ قشطه بلا باى ي حبي
اعدت قهوتها وتوجهت الى البلكونه وفى يدها الروايه
*********************
عند صدقى وزوجته ثريه
صدقى/ بقولك ايه ي ثريه ما تيجى نروح انا وانتى وهنا الشاليه بتاعنا نغير جو
ثريه / بجد ي حبيبى
صدقى/ بجد ي روحى انا عارف انى مقصر معاكوا بس والله هوعضك انتى وهنا
ثريه / ربنا يخليك ليا وميحرمنيش منك ابدا
صدقى / يبقى تجهزى نفسك على بعد بكره ونروح احنا التلاته
ثريه / اوك تمام
*********************
كان يوسف جالس فى البلكونه وينظر الى بلكونه غرفه شيماءبشرود جاء والده وجلس بجانبه
الاب/ بتحبها
يوسف بتردد / ه هى هى مين دى
الاب/ اللى مبتنزلش عينك من على اوضتها
يوسف/ انا مش فاهم قصد حضرتك ايه
الاب/ لا انت فاهم فاهم قوى كمان
يوسف / خلاص ي بابا الكلاام فى الموضوع دا انتهى هى دلوقتى خلاص اتخطبت ل واحد تانى
الاب/ بص ي بنى انا هحكيلك حكايه واحد كان زيك كدا
الشخص دا كان بيحب بنت الجيران فضل يحبها وهى بتكبر قدامه وحبها فى قلبه يزيد لدرجه ان الحب بقى بيجرى فى عروقه وكان بيشتغل ليل نهار علشان يوصل لها وفى يوم كان راجع من الشغل لاقاها واقفه مع واحد وبيضحكوا وبيهزروا قال خلاص دى بتحب غيرى انا هنساها وراح خطب بنت زميلته هو كان عارف انها بتحبه مشى على مثل خد اللى بيحبك ومتخدش اللى انت بتحبه بس مقدرش انه ينسى حبيبته والبنت اللى خطبها دى عرفت انه بيحب جارته وقررت انها تخلص منها وفضلت تحاول انها تاذيها لكن هو اكتشف ان البنت اللى هو خطبها دى مجرد شيطان بيمشى على الارض وفسخ خطوبته منها وراح خطب جارته قالها على كل اللى فى قلبه وهى كمان قالتله على اللى فى قلبها واتجوزوا بس شر خطيبته الاولى كان لسه برضو وراهم بس حبهم كان اقوى منها خلوها تيأس وحولوا كرهها ليهم وانتقامهم منهم الى انتقامها من نفسها اتخطبت من واحد تانى والشخص دا حبها كان بيقيد لها صوابعه العشره شمع بس هى كان كل همها انها تنتقم من الناس دى ولحد دلوقتى لسه بتحاول تنتقم منهم فهمت ي يوسف يمكن انت ظلمتها وهى بتحاول تنتقم منك من خلال خطوبتها من غيرك لازم تتاكد يبنى متسيبهاش تضيع من ايدك
يوسف/ ومين الراجل دا ي بابا
الاب / دا يبقى عمك اللى هو ابوها
فى هذه الاثناء خرجت الى البلكونه ومعها كوب القهوه وجلست على الطاوله
العم / مفيش صباح الخير ي عمو ولا ايه
شيماء بخضه / سورى ي عمو والله مخدتش بالى من حضرتك
العم / عامله ايه ي روح عمو
شيماء/ تمام الحمد لله
العم/ روايه ايه دى
شيماء/ دى روايه ……
العم / اسمها حلو قوى
يوسف/ ايه ي شيماء مفيش ازيك ي يوسف ولا ايه
شيماء/ ازيك
يوسف/ انتى زعلانه منى ولا ايه
شيماء وهنا رن هاتفها / لا عادى وانا هزعل ليه عن اذنكوا هرد على الموبيل وتحركت عده خطوات
شيماء / السلام عليكم ازيك ي ادم
ادم/ وعليكم السلام الحمد لله ازيك انتى عامله ايه انتى فين كده
شيماء/ تمام انا فى البيت
ادم/ ليه مخرجتش النهارده
شيماء/ لا مخرجتش ليه فى حاجه
ادم بتردد / ولا حتى شوفتى حد من صحباتك
شيماء بستغراب / انا مليش صحاب غير نور هى نور حصلها حاجه
ادم(شكلها مقلتلهاش حاجه )/ لا لا محصلهاش حاجه انا بطمن عليكى بس عايزة حاجه
شيماء/ شكرا عايزة سلامتك
ادم / يلا لا اله الا الله
شيماء/ سيدنا محمد رسول الله
(هو فى ايه يكون حصل حاجه لنور وانا معرفش انا لازم اتطمن عليها ) توجهت الى الطاوله واستاذنت من يوسف لان عمها كان قد غادر المكان
***********************
كانت نور جالسه مع والدها
نور/ بابى انا كنت عايزة اعمل بحث عن الجنوح والجريمه بس عايزاه يكون بطريقه مختلفه
الاب/ طيب ما تعمليه
نور/ ما انا عايزة مساعدتك ي بوس
الاب/ اتا هرشحلك واحد من الشباب اللى معايا هيساعدك اكتر
نور / تمام بس بسرعه وحياتك
الاب / حاضر هشوف مين فيهم هيكون مستعد وهقوله
نور وهى تقبل والدها / ربنا يخليك ليا ي بابى
الاب بتردد / ويخليكى ليا نور انا كنت عايز اكلمك فى موضوع كدا
وهنا رن هاتفها فذهبت لتجيب عليه
نور/ الو
شيماء/ نونه ازيك
نور/ الحمد لله ي قلبى اخبارك انتى ايه
شيماء/ انتى كويسه
نور/ اااا ااه كويسه ليه فى حاجه
شيماء/ اصل ادم قلقنى عليكى قوى
نور بتردد /ل ليه هو قالك ايه
شيماء/اصل هو فضل يقولى شوفتى صحابك النهارده وكده يعنى افتكرت ان حصل حاجه معاكى ومخبيه عليا
نوربتردد / هاااا لا لا مفيش حاجه
شيماء/ نور انتى مخبيه عليا حاجه
نور/ لا خالص متشغليش بالك انتى هنروح بكره النادى
شيماء/ مش هينفع انا هنزل الشغل من بكره
نور/ حتى كمان فى الاجازة دا ايه دا على العموم انا عندى ليكى مفاجاه
شيماء/ مفاجاه ايه
نور/ بكره هتعرفى يلا سلام بقى عندى حاجات عايزة اعملها
************************
كانت شرى وسليم فى التراس يتحدثون عن ترتيبات الفرح
سليم / ارحمينى ي شرى مفيش ولا قاعه عجباكى فى ايه دى هى ليله وحده انا مش هنبات هناك
شرى/ ما هى علشان ليله وحده لازم تكون كامله من كل حاجه
سليم/ انا اللى جبته لنفسى كنت مفروض انزل قبل الفرح بيوم واحد
بدل تعب القلب دا
شرى بحزن / ي سلام دلوقتى بقيت بتعب قلبك ي سليم
سليم/ ي حبيبتى انا بهزر معاكى
شرى/ ي سلام
سليم/ وحياه شرى عندى يلا ي قلبى خلصى لسه ورانا حاجات كتير
وجلسوا يرتبوا لحفله الزواج
**************************
كان يوسف جالس على البحر يفكر فى حاله هو وشيماء راه ادم وذهب باتجاهه وجلس بجانبه
ادم/ اي جو قاعد لوحدك ليه
يوسف/ هاا لا ابدا ازيك ي ادم
ادم/ الحمد لله تمام بس انت احوالك مش عجبانى مالك ي صحبى
يوسف/ مفيش حاجه
ادم /لا فى انت بتحب ي جو
يوسف بلخبطه / بحب لا اانا انا مبحبش
ادم/ شوفت انت اتلخبط ازاى قولى هى مين دى اللى لخبطت كيانك
يوسف بعصبيه / ايه ي ادم انت كدبت الكدبه وصدقتها ولا ايه
ادم/ اهدى ي عم فى ايه انا بهزر معاك
يوسف/ لو سمحت متهزرش فى حاجه زى دى
ادم/ خلاص خلاص انا اسف
يوسف/ لا انا اللى اسف متزعلش منى
ادم/ حصل خير لو حبيت تتكلم انا موجود انا زى اخوك
يوسف/ اكيد طبعا انت اخويا
وجلسوا ليتحدثوا معا لوقت طويل وذهب كل واحد منهم الى منزله
وعدى اليوم بخير على الجميع
