رواية حبيبي اغلي من عمري الفصل الرابع عشر 14 بقلم شيماء حسين
قسوة قلبك مهما تزيد مش بتقاسيني الفصل الرابع عشر /
كانت شيماء مرتديه ملابس الرياضه وذهبت الى الجيم وقابلت ريما
ريما/ هاى شيمو ازيك
شيماء/ هاى تمام الحمد لله
ريما/ انتى بتيجى هنا كل يوم
شيماء/ وقت ما اكون فاضيه
ريما/ اهااا لا انتى لازم تتمرنى علطول لانك بقيتى تخينه قوى
شيماء / والله مخدتش رايك
اتى يوسف اليهم
يوسف/ صباح الخير
الجميع/ صباح النور
يوسف/ ريمو يلا بينا ورانا حاجات كتير نعملها
ريما/ اوك يلا بينا اصلا انا مش محتاجه اعمل رياضه بس جيت معاك لانك انت اللى طلبت منى دا وانا مقدرش ارفضلك طلب
واخدها وخرج من الجيم
شيماء( هو انا شفافه لدرجه دى ي سى يوسف دا حتى كمان معرضش عليا يوصلنى للبيت معاهم واصلا لو كان عرض مكنتش هروح معاهم لا كنت هروح يووووووووووه جننتنى ربنا يسامحك )
**********************
كان ادم ونور جالسين فى مكتب ادم يتناقشوا بخصوص البحث
ادم / طبعا احنا مش هنكتفى بالكلام النظرى لازم نزور كام مكان ونتعرف على اشخاص مختلفه من بيئات مختلفه
نور/ اوك مكان ما تروح انا معاك
ادم وهو يمد لها يد بمجموعه اوراق / اتفضلى الورق دا ادرسيه دلوقتى واحنا كمان ساعه هنتحرك
نور وهى تاخذ الاوراق فتلامست اطراف اصابعهم فسطت الورق من يدها
فهبط ادم ونور لاحضار الاوراق فتصادمت جبهتهم
ادم باسف/ اسف انتى كويسه
نور بالم/ اه كويسه
ادم وهو يتفحص جبتها بيده / بجد كويسه ؟
فى تلك الاثناء دخلت شيماء المكتب ورات هذا المشهد
نور بارتباك / ش ش شيماء
شيماء بابتسامه/ ازيك ي نونو
نور / اا اا انا تمام ازيك انتى
شيماء/ الحمد لله ازيك ي دومه عامل ايه
ادم بارتباك / تمام
شيماء/ هو فى ايه
نور و ادم / مفييش
شيماء/ اوك انا كنت جايه اسلم عليكوا وماشيه علطول باى
******************************
عند شرى وسليم كانوا فى مطعم
سليم / حبيبى تحبى شهر العسل يكون فين
شرى / اى مكان انت تختاره انا موافقه عليه
سليم / لا قولى انتى تحبى روما ولا امريكا ولا باريس
شرى / امممممم كلهم حلوين
سليم / خلاص نروحهم كلهم
شرى / لا ي حبيبى نروح باريس وخلاص
سليم / بس كده من عنيا خلاص نروح روما
شرى/ هههههههههه علفكره انت رخم
سليم / فى وحده تقول لزوجها المستقلبى رخم
شرى/ اناااااا
سليم / ماشى ماشى كلها اسبوع وهوريكى
شرى/ اهون عليك
سليم / عليا برضو الحركات دى
شرى بدلع / يعنى هم لو مكنوش عليك هيكونوا على مين يعنى
سليم / بت انتى اتلمى والا والله هتهور عليكى
شرى بنظره براءة / خلاص سكت اهوت
سليم / قومى ي بت من هنا نروح وانتى حلوة كده
شرى / هههههه يلا
*************************
توجهت شيماء الى مكتب يوسف دقت الباب ودخلت وكانت ريما عنده
شيماء/ صباح الخير
يوسف/ صباح النور اتفضلى
شيماء/ مش هننزل نشوف الشغل اللى مستنينا دا ولا ايه
يوسف/ اه اكيد هننزل يلا بينا ي ريما
شيماء/ نعم ريما ايه احنا رايحين شغل مش رايحين نتفسح
ريما/ ي سلام وفيها ايه يعنى
شيماء/ مفيهاش حاجه بس وحده زيك اكيد لما تشوف الجثه هتخافى
ريما/ بجد وانتى مبتخافيش
شيماء/ لا مبخفش
ريما / اه فعلا البنات بس اللى بتخاف
شيماء بعصبيه/ قصدك ايه يعنى
ريما/ قصدى انتى عارفاه شوفى لبسك شبه لبس الشباب بالشميز والجينز دا والشوز وضفيرتك اللى معتزه بيها دى
شيماء وهى تنظر ليوسف
يوسف/ بصراحه معاها حق
شيماء بدموع / انا مخدتش رايكوا وشكرا على الذوق بتاعكوا
يوسف /دى اراء استنى بس
شيماء وهى تغادر/ ملكش دعوة بيا وخرجت وقابلت ادم فى طريقها
ادم بخضه / ايه دا مالك بتعيطى ليه
شيماء وهى تمسح دموعها / مفيش
ادم / لا فى قوليلى حالا فى ايه
شيماء/ طيب تعال نطلع من هنا نقعد فى اى مكان تانى
ادم /يلا بينا
********************
كان صدقى وبنته هنا وزوجته ثريه جالسين فى مطعم فى شرم الشيخ
صدقى ل هنا / قوليلى ي قلب بابى مبسوطه
هنا/ اه مبسوطه قوى
صدقى / وانتى ي ثريه
ثريه / حبيبى طول ما انت جنبى انا مبسوطه اي ان كان المكان او الوقت
صدقى/ ربنا يخليكوا ليا وميحرمنيش منكم
اتى واحد من اصدقاءه يدعى خالد عندما راه ليسلم عليه
خالد / مش ممكن صدقى ازيك
صدقى برتباك / خالد ازيك
خالد وهو ينظر الى ثريه / تمام الحمد لله
صدقى / احب اعرفك على مدام ثريه قريبتى
ثريه بنظره تعجب
خالد/ تشرفت بمعرفتك ي مدام
ثريه / وانا كمان وتركهم وذهب
ثريه حملت حقيبتها وامسكت بيد ابنتها وغادرت المكان من دون ان تتحدث بكلمه واحده
صدقى يلحق بها/ ثريه استنى
ثريه تلتفت له / واستنى ليه مكنتش متخيله انك جبان بالشكل دا
صدقى / صدقينى انا اتفجات بيه معرفتش اقوله ايه
ثريه بنفاذ صبر /بص بقى من الاخر كده قدامك اسبوع ي تيجى تقولى انك قولت ل مراتك وبنتك الحقيقه ي تيجى ومعاك الماذون
صدقى بدهشه / انتى بتهزرى صح علشان موقف زى ده تتطلبى الطلاق
ثريه / ايوه انا استحملت كتير ومش هستحمل اكتر من كده تانى ودا اخر كلام عندى وهاخد بنتى وارجع اسكندريه
صدقى/ بس لسه يومين والاجازة تخلص
ثريه/ لا كده كفايه وشكرا على الاجازة الحلوه دى بجد
صدقى/ ي ثريه قدرى موقفى
ثريه/ كفايه ي صدقى انا همشى ولو عايز تفضل هنا براحتك
*************************
فى منزل ال المنشاوى
شهاب / يا اهل المنزل ي ماما ي بابا ي ناااااس
الام تخرج من المطبخ / ايه ي ابنى الدوشه اللى انت عاملها دى
شهاب بفرحه / بناتك نجحت
الام بفرحه/ بجد ياااااه انا مبسوطه قوى عقبالك ي حبيبى
شهاب/ اميييييييييين ي رب
الام/ قولت ل اخواتك
شهاب/ انا حبيت حضرتك وبابا اول الناس اللى تعرف هو بابا فين
الام/ بيصلى المغرب وزمانه جاى
الاب وهو يفتح الباب/ ايه الصوت العالى دا
شهاب / مبروك ي والدى بناتك نجحوا واتخرجوا عقبالى ياااااارب
الاب يحتضن ابنه / يارب ي ابنى واكون اديت رسالتى على خير
شهاب/ ربنا يخليك لينا ي بابا هتصل بالبنات واقولهم
******************
كان ادم وشيماء على البحر يتحدثوا معا
ادم/ ممكن تبطلى عياط بقى
شيماء/ انا مبعيطش
ادم/ اه فعلا انتى مبتعيطيش
شيماء/ هو انت بتاخدنى على قد عقلى
ادم/ ارحمنى ي رب
شيماء/ ادم هو انا شبه الولاد
ادم/ دا مين اللى قالك كده
شيماء بدموع / يوسف وريما
ادم/ ااااه قولتيلى يوسف
شيماء/ قولى بقى انا فعلا شبه الولاد
ادم/ بس انتى لبسك مش لايق على بنوته رقيقه البنت لازم تلبس فستان جيبه اكسسوارات كده يعنى مش كله جينز وشميز وشعرك لازم تفرديه ومش فى كل المناسبات تعمليه ضفيره
شيماء/ بس انا بحب اللبس دا وبحب تسريحه شعرى
ادم/ انا مقولتلكيش حاجه بس احنا نغير شويه اللوك دا ايه رايك
شيماء بتفكير/ اممممم معرفش مش داخل دماغى
ادم / طيب نجرب مش هنخسر حاجه
وهنا رن هاتفها وكان المتصل شهاب
شيماء/ الو
شهاب/ عندى ليكى خبر بمليون جنيه نجحتى ي بت وبقيتى خريجه جامعه
شيماء بفرحه / بتهزر صح
شهاب/ انا عارف انتى مش مصدقه نفسك بس يلا ارزاق
شيماء/ ماشى ماشى انا جيالك وهوريك
شيماء ل ادم/ انااااا نجحت ي دومه
ادم/ ايه دا بجد مبروك يلا اوصلك
شيماء/ الله يبارك فيك لا ملوش لزوم انا هاخد تاكسى
ادم/ احنا قولنا ايه احنا صحاب
شيماء/ طيب ي صاحبى يلا بينا
ادم/ يلا ي صحبتى
*********************
توجهت الى المنزل
شيماء / قولى بقى انت و ملوكه عملتوا ايه
شهاب/ انا نجحت وملك معرفش
شيماء/ ي واد قول كلام غير دا
شهاب/ الله انتى بتكذبينى
شيماء / لا ازاى طبعا اخلص
شهاب / نجحت هى كمان
شيماء / الله عليكى ي ملوكه ي رافعه راسنا
شهاب/ وانا مش رافع راسكوا ولا ايه
شيماء / لا طبعا ي حبيبى رافها
اتت ريما ويوسف فى تلك الاثناء
يوسف/ مبروك ي شيماء
شيماء / الله يبارك فيك
ريما/ مبروك
شيماء/ ميرسى
ريما/ مبروك ي شهاب جهز نفسك بقى علشان تشتغل معايا
شيماء / ليه هو مفيش حد راضى يشتغل معاكى
ريما/ لا وحياتك اى حد يتمنى انه يشتغل معايا
شيماء/ ي سلام على الغرور
ريما/ لا دى ثقه
يوسف/ ايه ي جماعه اهدوا شويه وانتى ي شيماء فى ايه طول الوقت بتتخانقى مع ريما ليه انتى مالك ومالها دا زى ما تكونوا متجوزين نفس الراجل
شيماء(لا بنحب نفس الراجل )/ انا رايحه اكلم ملك
ريما(البت احتمال تخنقنى وانا نايمه لا انا لازم احرص على نفسى اه انا مليش غيرى )
***************************
ذهبت نور الى البحر لتتحدث معه وتشكى له همومها بينما هى جالسه سمعت صوت بكاء فتوجهت ناحيه صاحبه الصوت
نور وهى تعطى للمراه منديل / اتفضلى
ترفع المراه راسها / شكرا
نور بستغراب/ مدام ثريه احنا اتقابلنا قبل كده حضرتك مش فكرانى
ثريه / اه افتكرت اهلا ازيك
نور/ الحمد لله خير هى هنا كويسه
ثريه / اه كويسه
نور/ تسمحيلى اقعد مع حضرتك
ثريه/ اكيد اتفضلى
نور/ حضرتك شكلك متضايقه قوى
ثريه / وانتى كمان شكلك متضايق
نور/ طيب ايه رايك كل وحده فينا تحكى ل التانيه همومها لتانيه بما اننا منعرفش بعض فمفيش خوف وعلشان متقلقيش هحكيلك انا الاول
ثريه / علفكره انا حاسه انى اعرفك من زمان قوليلى بقى اسمك ايه
نور/قوليلى نونه انا بحب الاسم دا
ثريه / اوك تمام قوليلى بقى ايه اللى مضايقك
نور ببكاء / بحب
ثريه / طيب اللى بيحب بيعيط
نور/ بحب خطيب صحبتى
ثريه بستغراب / ايه
نور/ زى ما سمعتى كده مش عارفه امتى ولا ازاى حبيته مبقتش قادره ابص فى وش صحبتى وبقيت انتهز الفرصه علشان اكون جنبه واقضى اليوم معاه
ثريه مشفقه عليها/ انتى ايه اللى عملتيه فى نفسك دا بس
نور بدموع / غصب عنى والله غصب عنى
ثريه/ بصى انتى لازم تبعدى عنه علشان متخسرش صحبتك حاولى تنسى انا عارفه ان دا صعب بس حاولى
نور/ بس انا عارفه ان صحبتى بتحب واحد تانى
ثريه بستغراب / نعم طيب اتخطبت ليه لغيره
نور/ اانا اللى قولتلها
ثريه/ انتى اكيد طبعا قبل ماتحبى الشخص دا
نور/ ايوة
ثريه / خلاص انتى ابعدى فتره والفتره دى هتحدد حاجات كتير ليكوا انتوا التلاته
نور/ اوك متشكره قوى
ثريه/ متشكره على ايه انا زى اختك الكبيره
نور/ قوليلى بقى ايه اللى مضايقك
ثريه / مشكلتى شبه مشكلتك بس الفرق فى ان زوجى متجوز وحده تانيه ومش معرفها انه متجوزنى ف هو دلوقتى بين اختيارين الاول انه يقول لمراته والتانى انه يطلقنى
نور / ان شاء الله هيختارك انتى وهنا
ثريه / ان شاء الله يلا بقى نمشى لاننا اتاخرنا اعطتها رقم هاتفها
وقت ما تحبى تتكلمى اتصلى عليا
نور/ اكيد انا ارتحت ليكى قوى
ثريه / وانا كمان
وذهبت كل واحده منهم الى منزلها
