رواية حبيبي اغلي من عمري كامله وحصريه بقلم شيماء حسين
by / shimaa hussien
المقدمه
أحبها..وحنيني يزداد لها..عشقتها..وقلبي يتألم لرؤية دمعها..أفهمها..حين أرى الشوق في عينها..كم تمنيت ضمها..كم عشقت الابتسامة من فمها..والضحكة في نبرات صوتها..لا بل الرائحة من عطرها..سألتها..كم
تشتاقي لي..فأجابت..كاشتياق الغيوم لمطرها..اشتياق الحمامة لعشها..اشتياق الأم لولدها..اشتياق الليلة لنهارها..اشتياق الزهرة لرحيقها..بل اشتياق العين لكحلها..اشتياق قصيدة الحب لمتيمها..بل اشتياق الغنوة للحنها..قلت لها: كل هذا اشتياق..قالت: لا..بل أكثر فأكثر..فأنت وحدك حبيبي في الدنيا كلها..فماذا القبها ….ملكتي….صغيرتي….فكل هذا لا يكفي فأنا بالحب ارويها ..فروح روحي أسكنتها….فيا طيور الحب اوصلوا لها..سلامي..حبي..وبأني أنتظرها..يا كل العالم احكوا لها..عشقي..وهيامي..وكم اشتقت لقلبها…
الشخصيات *-*
تدور احداث قصتنا فى محافظه الاسكندريه بين بضع العائلات
العائله الاولى عائله من الطبقه المتوسطه (عائله الرفاعى ) تعيش العائله فى منزل واحد ويدير هذا المنزل اخان ( نور الدين) و (عز الدين )
الاخ الاكبر/ نور الدين رجل وقور يلغ من العمر 50 عاما على المعاش كان يعمل مهندسا متزوج من ابنه عمه تدعى خديجه ولديه ولد واحد يدعى يوسف (بطل قصتنا ) فى السادس والعشرون من عمره يعمل ضابط فى الشرطه ويسكن هو و والده و والدته فى امريكا شاب يتميز بوسامه مميزة بلون عينيه الزمردى النادر الذى تحسده عليه النساء وشعره الاسود الحالك وبشره القمحيه التى زادت من وسامته
الاخ الثانى / عز الدين محاسب على المعاش ايضا بلغ من العمر 46 عاما متزوج من نجلاء ولديهم ثلاثه ابناء
الابنه الاولى شيماء (البطله ) / فتاه فى الثانيه والعشرون من عمرها فى اخر سنه فى كليه علوم بشرتها البيضاء وعيناها العسليتان وشعرها الاسود اللامع
الابنه الثانيه شريهان / توام شيماء لها نفس صفات اختها ولكنها مخطوبه تدرس فى كليه الفنون
و الابن الثالث شهاب فى 2كليه هندسه
العائله الثانيه / تتميز بالثراء الفاحش (الرشيدى ) وهى مكونه من
صدقى / لواء شرطه فى اواخر خدمته فى الدخليه متزوج من سيدة تدعى اميره ولديه ابنه تدعى نور فهو يحب ابنته كثيرا وطلباتها تعتبر اوامر لا نقاش فيها
نور صديقه شيماء / فتاه فى عمر شيماء تدرس فى كليه الصحافه ولكنها تختلف عنها فى الملامح تفوقها فى جمال لانها تتميز بالجمال الاجنبى البشره البيضاء والعيون الزرقاء والشعر الاشقر وحيده والديها
اميره والده نور/ سيده مجتمع لاتهتم بعائلتها ولكنها تهتم بالموضه والنادى والشكليات
باقى الشخصيات هنتعرف عليهم بعدين
فى منزل أل المنشاوى يرن الهاتف ليعلن عن وصول مكالمه
ترن ترن ترن تستيقظ فتاه عمرها فى بدايه العشرينات
الفتاه بصوت نائم/ مييييين
الفتاه الاخرى / الناس بتقول السلام عليكم الو مش ميييييييين
الفتاه/ اخلصى ي نور عايزة ايه وألا هقفل فى وشك عايزة انام ي مفتريه
نور/ تصدقى ي شيماء ان انا غلطانه انى اتصلت عليكى علشان اقولك ان بابى وافق انك تتدربى فى الشرطه
شيماء وهى تقفذ من على السرير /بجد ي نور وافق
نور/ لا لا روحى نامى احسن وانسى اللى قولته
شيماء/ حياتى وحياتى ي نونه اونكل بجد وافق
-اه ي ستى قولتله وهو وافق اخيرا هتحققى حلمك بس عنده شرط
– موافقه من غير ما تقولى
– اسمعيه الاول قال لو تدريبك هياثر على درستك فى كليتك مش هيخليكى تكملى
-لا مش هياثرخالص هبدا من امتى
– وقت ما تحبي
– قشطه هروح النهارده لانى معنديش كليه النهارده
– برحتك بس اوعى تنسينى بقى
– لا طبعا انا لايمكن انساكى ي قلبى
– ماشى ي قلبى روحى اجهزى وبلغى اونكل وطنط وسلميلى عليهم
– اوك ي حبى سلاموز
توضأت وصلت الصبح و خرجت من غرفتها واتجهت الى والدها فى الصالون
شيماءوهى تقبل يد والدها / صباح الخير على عيون احلى بابا فى الدنيا كلها
الاب/ ي صباح الورد على عيونك ي قلبى صاحيه بدرى النهارده يعنى
– اصل نور اتصلت عليا وقالتلى ان اونكل صدقى وافق انى اشتغل معاهم
– ي بنتى انتى لسه مصممه على الموضوع دا
– ي بابا انا عايزة اقدم حاجه ل بلدى وانا بحب الشرطه قوى
– خلاص ي بنتى ربنا يوفقك فى طريقك
شيماء وهى تقبل جبين والدها / ميرسى ي حبيبى هقوم اقول ل ماما واجهز واروح
ذهبت الى والدتها فى المطبخ
شيماء/ صباح الخير ي نوجه
الام/ صباح النور ي حبيبتى
اخبرت والدتها عن عملها فى الشرطه ودعت اليها الام بالتوفيق
شيماء/ هى شرى وشهاب فين
الام/ راحوا كليتهم
شيماء/ ربنا يوفقهم هتصل واطمن عليهم وانا فى الطريق هروح اجهز عن اذن حضرتك
الام/ مع السلامه ي بنتى ربنا معاكى
*****************************
عند نور فى المنزل
نور/ خلاص ي بابى قولتلها وزمانها دلوقتى فى مكتب حضرتك مستنياك
الاب/ طيب والله العظيم البت دى بميت راجل وبيعجبنى طريقه تفكيرها
نور/احم احم فينك ي مامى تيجى تسمعى بابى وهو بيمدح فى صحبتى
– مامتك هى فين مامتك دى دا انا بشوفها فى البيت صدفه
– انا اتكلمت معاها كتير قوى فى الموضوع دا بس مفيش فايده
– ي بنتى خلاص مبقاش ليه فايده الكلام المهم هتعملى ايه النهارده
– هروح الكليه وهعدى على شريهان ونقعد مع بعض
– تمام بالتوفيق هروح شغلى انا بقى سلام
– مع السلامه وذهبت الى غرفتها لتجهز نفسها للذهاب الى كليتها
**************************
بعد فتره من الزمن وصلت شيماء الى مركز الشرطه وسالت على مكتب اللواء صدقى وظلت جالسه فى انتظار وصوله
بعد ربع ساعه وصل اللواء الى مكتبه ودخلت خلفه
بعد السلامات والكلام فى الحياه العامه
صدقى / ها ي شيماء جاهزة لشغل معانا ولا
شيماء/ طبعا ي اونكل جاهزة جدا
صدقى/ احنا هنا فى الشغل مفيش اونكل
شيماء/ حاضر ي فندم
صدقى وهو يمسك بدق على زر الهاتف وتحدث مع شخص ما
بعد فتره دق الباب واذن صدقى للشخص بالدخول
شاب فى اوائل الثلاثينات بملامحه الشابه ورائحه البرفان القويه وشعره الاسود الغزير وملامحه الرجوليه
شاب/ تمام ي فندم
صدقى/ اتفضل اقعد ي ادم
-احب اقدمكم لبعض حضره الظابط ادم وشيماء متدربه معانا هنا وانت اللى هتدربها ي ادم
ادم/اكيد ي فندم تشرفنا
شيماء/ الشرف ليا
صدقى / قولى ل ادم على موعيد محضرات وظبطى الموعيد على حسب جدولك
شيماء/ حاضر ي فندم
صدقى/ يلا بقى انا عايز شغل جامد
ادم و شيماء/ ان شاء الله ي فندم
خرجوا من المكتب واتجهوا الى مكتب ادم وجلسوا ليتحدثوا فى العمل
ادم/ قوليلى بقى جدول موعيدك
شيماء/ انا كل يوم بكون فى الكليه من 9 الى 1 الا الجمعه والثلاثاء
ادم/ تمام يبقى شغلك هبيدا من 2 الى 6 /7 اقصى حاجه ماعدا الجمعه دى اجازة ليكى والثلاثاء هيكون على حسب الشغل
شيماء/ تمام كويس متشكره قوى ي فندم
ادم/ بصى بقى احنا نتعامل على اننا صحاب يعنى نتكلم بدون ألقاب تمام
شيماء/ اوك تمام
*****************************
عند نور وشريهان فى الكليه
نور/ بت ي شرى شايفه البنت والولد اللى هناك دول
شرى/ اه شيفاهم مالهم
نور/ شكلهم حلو قوى تحسى انهم مخلوقين لبعض
شرى/عقبال ما اشوفك انتى كمان من نصك التانى
– هو فى دا الواحد هيطق من الانتظار
– ي سلام مين بيتكلم ي بنتى انتى كل يوم يجى عريس يتقدملك وانتى ترفضى
– ي بنتى انا عندى حاجات كتيره قوى لسه معملتهاش
– ي نور انا نفسى اشوفك انتى وشيماء كل واحده فيكوا مع خطيبها وانا مع سليم خطيبى ونخرج مع بعض والتلاته يكونوا صحاب زينا
– متستعجليش كله بأوانه صحيح سليم اخباره ايه وهيرجع امتى من السفر
– قدامه حوالى شهرين ويرجع لان عقد العمل بتاعه هيخلص كمان شهرين ولما يرجع هنتجوز علطول
– ربنا يرجعه بالسلامه
شرى بشغف / اميييييييييين
نور / ربنا يسعدك ي حبيبتى ويقرب البعيد
********************************
بعد فتره كانت نور فى المنزل
كانت جالسه لمتابعه التلفاز جاءت والدتها وجلس بجوارها
الام/ ايه ي نور موراكيش حاجه النهارده ولا ايه
نور/ لا مشورايش حاجه لو وجودى مضايق حضرتك قوليلى وانا
اقوم اطلع اوضتى
الام / ايه الاسلوب اللى بتتكلمى بيه معايا دا احترمى نفسى انا مامتك
نور/ ههه مامتى مامتى ازاى حضرتك ولا مرة حسيت فيها انك امى
كل هم حضرتك فى الحفلات والخرجات وصحباتك وانا وجوزك ولا لينا وجود فى حياتك
الام/ عايزانى اعمل ايه يعنى انتى بتروحى الجامعه و والدك بيروح شغله عايزينى اقعد فى البيت اكنس واطبخ واكون خدامه ليكوا
نور/ لا طبعا ازاى اميره هانم تطبخ وتكنس برستيج حضرتك ميسمحش بكده دا حتى ضوافرك تبوظ
الام/ انتى بنت قليله الادب
نور/ معلش بقى اصل انا ملقتش حد فاضى يربينى عن اذن حضرتك
الام وهى ممسك بذراع ابنتها / استنى هنا انا لسه مخلصتش كلامى
نور/ بس انا خلصت كلامى خلاص عن اذنك
تركتها وذهبت الى غرفتها تبكى اغلقت هاتفها وجلست وحيده على سريرها
اما شيماء عادت الى المنزل وكان فى انتظارها مفاجاه لم تتوقعها
