رواية حبيبي اغلي من عمري الفصل الثالث 3 بقلم شيماء حسين
جهزت شيماء واخبرت والدها عن خروجها مع نور وبعدها ذهابها الى الجامعه والى العمل وانها ستعود الى المنزل الساعه 6/7
الام/ شيماء عايزاكى
شيماء/ نعم ي ماما
الام/ عارفه دكتور عماد اللى انا متابعه معاه
شيماء/ اه ماله ي ماما حضرتك تعبانه ولا حاجه
الام/ لا حبيبتى اطمنى هو طلب ايدك من والدك
شيماء/ انا مبفكرش فى موضوع الارتباط دا دلوقتى
الام / لامتى
شيماء/ لوقت ما اخلص كليتى
الام/ وانتى فى اخر سنه
شيماء/ انا مبفكرش فى الارتباط دلوقتى
الام / لو فى حد فى دماغك قوليلى ي حبيبتى انا ماما
شيماء/ ي ماما بليز متتغطيش عليا
الام / خلاص ي بنتى براحتك بس خليك فاكره ان صبرى ليه حدود
شيماء وهى تقبل والدتها / احبك وانت متعصب يلا هنزل انا بقى سلام
خرجت الى نور واستقلت السياره بجانبها
شيماء وهى تحتضن صديقتها/ نونو وحشانى ي قلبى
نور/ انتى كمان
نور/ المهم انتى عامله ايه
شيماء/ مش كويسه خالص
نور// ليه مالك
شيماء/ فى وحده صحبتى زعلانه منى وانا معرفش ليه
نور/ وانتى ايه عرفك انها زعلانه منك ممكن تكون زعلانه ومتضايقه من حد تانى
شيماء/ ايوااااا هو دا زعلانه من مين بقى
نور/ تعالى ندخل المطعم دا ونتكلم
شيماء// اوك يلا بينا
بعد طلب الفطار
شيماء/ هاا قوليلى بقى مالك
نور/ تعبانه قوى ومخنوقه
شيماء/ من ايه
نور/ اتخانقت امبارح مع ماما و المشكله ان مفيش حااجه بتاثر معاها
شيماء/ طيب واونكل عامل معاها ايه
نور/ هيعمل ايه اونكل يعنى بيجى من الشغل متاخر ويقعد فى المكتب وينام فيه
شيماء/ لدرجه دى العلاقه وصلت لكده
نور/ واكتر وحياتك انا ساعات بقضى يومى كله بره علشان مروحش البيت
شيماء/ تفتكرى ان دا حل مناسب
نور/ اعمل ايه
شيماء/ حاولى تقربى منها احكيلها عن اللى بيحصل معاكى فى اليوم حتى لو كلام ملهوش فايده بس حاولى تفتحى طريق للكلام
نور/ هحاول
شيماء/ تمام واانا هحاول اخلى ماما تتكلم معاها بطريقه غير مباشره
نور/ تمام المهم قوليلى انتى مالك شكلك ميطمنش
شيماء/ يوسف
نور/ يادى يوسف انتى ي بنتى غاويه تعب قلب
شيماء/ غصب عنى ي نور مقدرش انساه حاولت كتير بس مفيش فايده
نور/ ي حبيبتى هو قالك قبل كده انه بيحبك
شيماء/ ملوش لزوم يقول انا قلبى بيقولى انه بيحبنى
نور/ ههههه اه فعلا والدليل انه بيكلم اهلك كلهم الا انتى
شيماء/ حد قالك انى معرفش الكلام اللى انتى بتقوليه دا
نور/ حبيبتى لازم تنسى وتعيشى حياتك
شيماء/ انسى انسى ايه ي نور يوسف دا حياتى مقدرش اعيش يوم واحد من غير ما افكر فيه عايزانى انسى انه كان بيوفر من مصروفه علشان يجيبلى مراجعات كان بيذاكر المنهج مرتين مره ليه والمره التانيه علشان يدرسنى
ولا انسى انه كان بيوصلنى الدروس كل يوم ويفضل قاعد مستنى لما اخلص علشان يوصلنى البيت تانى وتلمست السلسله التى بعنقها ولا انسى يوم ما جابلى السلسله دى اليوم دا عمرى ما انساه
يوم سفره مع اهله كان جالس هو وهى
شيماء بحزن / خلاص هتسافروا
يوسف/ للاسف انا مش عايز اسافر واسيبك اااا قصدى اسيبكوا بس شغل بابا
شيماء/ طيب انت ممكن تقعد هنا واونكل وطنط يسافروا
يوسف/ ياريت بس بابا مصمم انى اسافر معاه المهم انتى خدى بالك من مذكرتك انتى فى ثانويه
شيماء وهى تمد له علبه ضغيره / اتفضل
يوسف/ ايه دا
شيماء/ افتح وشوف
يوسف بعدما فتح العلبه وكانت عباره عن ميداليه مكتوب عليها جو و مصحف صغير
يوسف/ الله حلوين قوى
شيماء/ علشان تفضل فاكرنى علطول
يوسف/ تعالى معايا
شيماء / اجى معاك فين
يوسف / تعالى بس
شيماء/ يوسف بطل جنان الطياره هتفوتك
يوسف/ ملكيش دعوة تعالى
ذهبوا الى محل مجوهرات واختار لهاا سلسله شيك قوى على شكل قلب صغير
شيماء/ الله حلوة قوى
يوسف/ اوعدينى انك متقلعهاش
شيماء/ من غير ما اوعدك عمرى ما هقعلها
يوسف/ طيب يلا علشان هنتاخر وممكن يقلقوا
شيماء/ يلا
الواقع
نور/ بس دا مش دليل على حبه ليكى علفكره ممكن بيحبك زى اخته
شيماء/ بس المهم انا بحبه ومش عايزة حاجه تانى يلا بينا هنتاخر على المحاضره
ذهبوا الى محاضرتهم
***************************
نروح مكان تانى بعيد شويه عن هنا (امريكا) ليوسف و سليم (خطيب شرى )
سليم / ايه ي جو مالك
يوسف/ طيارتى الاسبوع الجاى معرفش اعمل ايه ي سليم محتار قوى
سليم / محتار فى ايه ي ابنى انت خلاص كونت نفسك بنفسك روح واخطبها وخلصنا
يوسف/ انت رايك كده وهى ممكن توافق
سليم / من خلال كلامك اكيد هتوافق
يوسف/ ي خوفى
سليم / متقلقش انت اول ما هتشوفها هتكرر هتعمل ايه هتوحشنى ياض والله
يوسف/ والله وانت كمان ما ترجع معايا
سليم / لسه شهرين والعقد بتاعى يخلص وهرجع اتجوز علطول
يوسف/ هههههه اكيد طبعا انت دلوقتى عايز الشهرين دول يعدوا هواء
سليم/ اه والله نفسى اغمض عينى وافتحها الاقيهم انتهوا
يوسف / ي سلام على الحب وعمايله
سليم/ الحال من بعضه ي صحبى
يوسف/اه ي سليم مقدرش اوصفلك بحبها قد ايه
سليم / ربنا يجمعنا ي رب كلنا
يوسف / امين ي رب العالمين
(يوسف وسليم اصدقاء من ايام الطفوله والد والده سليم متوفيين فى حادث وسليم عمره 6 سنين وعاش حايته مع عائله يوسف اتعرف على شرى وحبها وخطبها من اهلها وسافر معاهم الى امريكا لانه يعمل مهندسا فى نفس الشركه التى يعمل بها والد يوسف)
*************************
نروح عند نور وشيماء
نور/ يااااه محاضرة غلسه قوى
شيماء/ اه والله انا برضو محبتش المحاضره بتاعتى شكلنا هنسقط
نور/ بس انتى قولى ي رب
شيماء/هههههه يلا انا همشى بقى علشان الحق اروح الشغل
نور/ اوك وانا هروح ل شرى اقعد معاها وهى بترسم واحاول اتعلم منها
شيماء/ وربنا انتى صايعه
نور/ مفيش احلى من الصياعه
شيماء/ يلا باى هكلمك بليل
نور/ قشطه باى
وذهبت كل واحده منهم الى طريقها
