رواية حبيبي اغلي من عمري الفصل الثاني 2 بقلم شيماء حسين
الفصل الثانى / ليه هو ده اشمعنا ده ارتحت له
عادت شيماء من العمل ودقت الجرس
تذهب شريهان الى لتفتح الباب لها
شيماء/ مساء الخير ي شرى
شريهان لم تجاوبها وذهبت من امامها بسرعه
شيماء وهى تغلق الباب خلفها / البت دى مالها
ذهبت الى الصالون وكان الجميع جالس
شيماء/ السلام عليكم
لا يوجد رد نظرت الى الهاتف الذى فى يد والدها والسماعات فى اذنيه ويتحدث من شخص ما
شيماء وهى تحدث والدتها / هو بابا بيكلم مين ي ماما
الام/ دا عمك نور الدين ومراته وابنه
شيماء بفرحه عارمه / بجد دول وحشينى قوى
الاب/ انت كمان ي حبيبى وحشنى قوى كده ي واد متسالش على عمك اللى مربيك ماشى ي جو
يوسف / وحضرتك كمان ي عمى وحشنى بس اعمل ايه بقى الشغل
الاب/ ماشى ماشى اهى شيماء جت من الشغل
يوسف بسرعه / طيب ي عمى معاك بابا عايز يكلم حضرتك معلش بقى لازم اروح شغلى مع السلامه
الاب بستغراب / مع السلامه ي ابنى
الاب ل ابنته / خدى ي شيماء كلمى عمك
شيماء بفرحه / الو ازيك ي عمو عامل ايه وحشنى جدا
العم/ وانتى كمان ي روح عمو وحشانى جاااااااااامد
شيماء/ كل دى غيبه ي عمو مش كفايه كده بقى
العم/ قريب ي حبيبتى هتلاقينى عندك
شيماء بفرحه / بجد
العم/ اه ي قلبى بجد
وفضلت تتحدث مع عمها وزوجته لفتره ليست بقصيره
بعد ان اغلقت معهم ذهبت الى غرفتها
حاولت الاتصال بنور وجدت هاتفها مغلق فكرت فى الاتصال على هاتف المنزل ولكن الوقت متاخر وبدات فى التفكير فيم فعله يوسف عندما علم بوجودها وادعائه بانه مشغول ولا يوجد مجال لتحدث معها
شيماء لنفسها/ ياااااه ي يوسف لدرجه دى مش عايز تكلمنى او تشوفنى انا عملت فيك ايه لكل دا خمس سنين غربه مشفتكش غير مره وحده وكلمتك مرتين بس وبعد كده كل لما تعرف انى هتكلم فى التلفون تقفل وتقول انك مشغول يعنى كل الحب اللى انا حساه ناحيتك دا ايه اكيد مش كذبه انا قلبى بيقولى انك بتحبنى بس ليه الطريقه الغريبه دى فى معاملتك معايا
وبدات فى تذكر الماضى
لما كانت فى 2 ثانوى وهو فى 3 كليه
كانت جالسه على البحر وكان هناك مجموعه من الشباب بيغلسوا عليها بالكلام
احد الشباب/ يالهوى ي ناس على الجمال مقدرش انا على كده
الشاب الاخر/ جمال ربانى اصلى
واقتربوا منها نهضت من مكانها واعطتهم ظهرها ولكن احدهم امسك بيدها
شيماء/ سيب ايدى ي حيوان
يوسف من خلفهم وهويمسك بيد الشاب / شيل ايدك ل اكسرهالك
الشاب/ يلا ي بابا روح العب بعيد
يوسف/ لا انا هلعب فى وشك وبدا يضرب فى الشباب
يوسف بلهفه / شيماء انتى كويسه
شيماء وهى ممسكه بيدها / اه كويسه
يوسف/ شكل ايدك بتوجعك لازم اوديكى لدكتور
شيماء/ مالوش لزوم ي جو
يوسف/ لا ليه يلا بينا
شيماء/ انا ايدى كويسه جدا خلاص بقى
يوسف/ طيب يلا علشان اوصلك وراكى مذاكره كتيره انتى فى 2 ثانوى ي هانم يعنى تمهيد ل 3 ثانوى
شيماء/ ما احنا كنا كويسين
يوسف/ يلا ي بت قدامى
شيماء/ متقوليش ي بت
يوسف/ طيب يلا ي اميرتى
شيماء/ ايوه كده ورايا
يوسف /يلا ي قدرى
دخلت شريهان لتقطع عليها اللحظه
شريهان/شيمو اخبار شغلك الجديد ايه
شيماء/حلو قوى بجد استمتعت بيه جدا
شرى/ بجد انا مبسوطه قوى لفرحتك دى
شيماء/ ربنا يخليكى ي شرى قوليلى كلمتى عمو وطنط و جو قصدى يوسف
شرى / اه كلمتهم بس انا مستغربه انتى ويوسف مبتتكلموش ليه مع بعض دا وانتوا صغيرين كنتوا مع بعض على طول
شيماء بحزن/ انا بوصل فى الوقت اللى هو بيكون رايح فيه شغله مبعرفش اكلمه وبعدين عادى فيش كلام بينى وبينه عادى
شرى/ معرفش حاسه فى حاجه
شيماء/ فى ايه ي شرى سبينى بقى عايزة اذاكر لانى هصحى الساعه 5 فلازم انام بدرى عن اذنك
شرى/ اوك براحتك انا هروح ارسم سلام
شيماء وهى تمسك بيد اختها / شرى متزعليش منى
شرى بدموع/ شيماء انتى بعيده عنى قوى مبتتكلميش معايا زى الاول وحساكى مخبيه عنى حاجات كتير
شيماء/ لا ي قلبى مش مخبيه عنك اى حاجه بس انا مبقتش فاضيه زى الاول وانتى كمان وراكى سليم وكليتك
شرى/ متنسيش ان انا الكبيره يعنى فاهمه انتى بتفكرى ازاى
شيماء/ هههههه دول هم 5 دقايق
شرى/ كبيره ولا
شيماء/ لا كبيره
وبدات كل واحده منهم فى مذاكره محاضراتهم ونام الجميع بعد قضاء يوم طويل وشاق
اليوم الثانى يستيقظ الجميع فى استعداد تام لهذا اليوم
تدخل الام غرفه بناتها
الام/ شرى شيمو قومى ي حبيبتى انتى وهى اتاخرتوا على الكليه
شرى وشيماء / لسه بدرى ي ماما
الام/ خمس دقايق وتكونوا جاهزين يلا
شيماء/ فى ايه ي نوجه متعصبه ليه
شرى/ شكل بابا مزعلها
شيماء/ قوليلى بس عمل فيكى ايه وانا اكيد اكيد مش هجبلك حقك
الام/ يلا ي بنت منك ليها بلاش كلام كتير
شيماء ل شرى/ عندك كليه انهارده ولا كالعاده صايعه
شرى/ لا هروح بس انا عندى محاضرات متاخر النهارده
شيماء/ تمام انا هقوم اتصل على نور اطمن عليها لا موبيلها مقفول من امبارح
شرى / اوك تمام وهنا يرن هاتفها
شيماء بخبث / مين بيتصل ي شرى
شرى/ دا سليم
شيماء/ اه سليييييم
شرى وهى ترد على هاتفها / السلام عليكم
سليم / وعليكم السلام حبيبى وحشانى جدا جدا جداااا
شرى قلبت طمطمايه / اه ي سليم شيماء جنبى
سليم / يالهوى ي ناس نفسى اشوفك دلوقتى وانتى طمطمايه
شيماء وهى تاخذ الهاتف من اختها / ازيك ي سولى عامل ايه
سليم / احسن منك ي اختى
شيماء/ بقى كده ماشى انا غلطانه انى بطمن عليك
سليم/ حد قالك انى عايزك تتطمنى عليا
شيماء/ فعلا انا غلطانه طيب اقفل بقى
سليم/ نعم ي اختى انا متصل على خطيبتى اكلمها اديهالى يلا
شيماء/ لا انسى معندناش بنات بتكلم شباب غريبه
سليم / ماشى ي شيماء والله ل اطلع عليكى كل اللى بتعمليه دلوقتى فينا دا بس لما تتخطبى
شيماء/ هههههههه متقدرش خد شرى معاك
شيماء وهى تهمسل اختها / يلا اسيبك انا بقى علشان تعرفى تتكلمى براحتك وخرجت بره الغرفه
شرى/ الو
سليم / ياه صوتك وحشنى قوى
شرى/ ي سلام دا هم 5 دقائق
سليم / انتى اصلا علطول وحشانى
شرى/ وانت كمان ي سليم
سليم / كلها شهرين وهنكون مع بعض علطول
شرى / ان شاء الله هيعدوا على خير
سليم / ان شاء الله
وذهبت الام الى غرفه ابنها الاصغر
الام/ شهاب قوم ي حبيبى وراك محاضره
شهاب/ صباح الخيري نوجه
الام/ صباح الورد ي حبيبىى انت الوحيد اللى بتريحنى فى البيت دا
شهاب/ احم احم طيب اقول ايه انا بقى بعد الكلام الجامد دا
الام/ متقولش حاجه قوم يلا النهارده ورانا حاجات كتير ومتنساش تجيب معاك حاجات من السوبر ماركت
شهاب/ حاضرحاضر انا قولت الحنيه دى كلها وراها حاجه
الام/ ههههه قوم ي واد تركته وذهبت الى المطبخ لتباشر عملها
********************
عند نور فى المنزل
الداده/ نور ي حبيبتى فى تلفون عشانك
نور/ مين ي داده
الدادة / دى شيماء شكل موبيلك فيه حاجه لانها بتقول رنت عليكى وكان مغلق
نور/ اوك تمام الو ازيك ي شيماء عامله ايه
شيماء/ عامله ايه تخيلى كده انا عامله ايه سيادتك قافله موبيلك ليه
نور/ عادى فصل شحن ومخدتش بالى منه
شيماء/ تمام قومى البسى حالا هنخرج نفطر بره ونتكلم شويه
نور/ معلش ي شيماء خليها يوم تانى
شيماء/ ساعه لو ملقتكيش قدامى هاجى اجيبك من شعرك بلبس البيت انتى عارفانى
نور/ تمام هلبس وهعدى عليكى
شيماء/ ايوه كده ناس مبتجيش غير بالعين الحمرة سلام ي مزتى
نور/ سلام
