رواية حبيبي اغلي من عمري الفصل الثامن 8 بقلم شيماء حسين
الفصل الثامن / يا غنوة مبتكملش
بينما كانت شيماء جالسه مع ادم فى السياره رن هاتفها وكان المتصل والد نور
شيماء / الو ازيك حضرتك ي اونكل
صدقى / الله يسلمك نور عندك
شيماء بستغراب / عندى فين هو انتوا مسافرتوش
صدقى / لا نور اتخانقت مع مامتها فى النادى وحكى لها كل ما حدث
بس كده ومشيت بقالها 3 ساعات انا قولت اكيد جتلك
شيماء بقلق/ متخافش ي اونكل انا عارفه هلاقيها فين وهبقى اتصل على حضرتك اطمنك
صدقى/ معلش ي بنتى هتعبك معايا
شيماء/ لا تعب ولا حاجه نور زى اختى واغلقت معه
ادم/ خير ي شيماء فى ايه
شيماء / مفيش ي ادم وحده صحبتى متخانقه مع اهلها وانا هروح اشوفها راحت فين
ادم/ طيب انا ممكن اوصلك مكان ما تحبي
شيماء/ مش عايزة اتعبك معايا
ادم/ تعبك راحه عايزة تروحى فين
شيماء / ودينى على البحر
********************
كان صدقى جالس مع زوجه الثانيه (ثريه)
ثريه / اهدى ي حبيبى اكيد هتلاقيها
صدقى/ انا السبب انا السبب
ثريه/ لا صدقى الذنب مش ذنبك دا ذنب والدتها
صدقى/ احنا هنضحك على بعض ي ثريه انا اهملت بنتى وبدل ما اقف جنبها روحت و…
ثريه / كمل سكت ليه روحت واتجوزت
صدقى / اسف ي ثريه مقصدش
ثريه وهى تغادر / ولو قصدك مبقتش فارقه اطمن ان شاء الله هتلاقييها
صدقى / امين ي رب العالمين
*************************
وصلت شيماء الى البحر وكانت نور هناك بالفعل
شيماء/ كنت متاكده انى هلاقيكى هنا
نور بدموع/ شيماء انا محتجاكى قوى
شيماء وهى تحتضنها/ وانا جنبك ي حبيبتى
نور/ تخيلى ماما تضربنى قدام الناس اللى فى النادى
شيماء/ بس انتى ي نور غلطى ازاى تقوليله الكلام دا كله
نور/ انا عارفه انى غلط بس انا اتوجعت منها قوى يعنى جمعيتها اهم منى
شيماء/ ما احنا قولنا تحاولى معاها وحده وحده هى هتاخد وقت علشان تتغير
نور/ غصب عنى لقيت نفسى بقولها كده
شيماء/ خلاص ي قلبي حصل خير وانتى هتروحى تعتذرى ليها وتطمنيها عليكى
نور/ لا انا النهارده هقعد فى اى اوتيل
شيماء / اوتيل ايه ي نور انتى اتجننتى هتباتى النهارده عندى يلا قومى
نور/ ربنا يخليكى ليا ي قلبي
وهنا رن هاتف شيماء وكان المتصل يوسف
شيماء /الو
يوسف / انتى فين ي شيماء
شيماء/ انا قاعده مع نور على البحر
يوسف (ياااه بتكدبى عليا ي شيماء دا انا شيفك بعينى وانتى معاه فى عربيته ) / طيب واغلق الهاتف فى وجهها
ظلت تنظر الى الهاتف من بعد ما اغلق الهاتف فى وجهها
نور/ فى ايه ي شيماء
شيماء/ هااا لا مفيش يلا علشان اتاخرت على البيت
نور/ مين اللى وصلك دا
شيماء/ دا ادم اللى بيشتغل معايا
نور/ اهاا اوك يلا بينا
***********************
ذهب ادم الى منزل صديقه يدعى كرم
كرم / اهلا ي دومه وحشنى ياض
ادم/ وانت كمان
كرم / ايه سبب الزياره السعيده
ادم/ انا قررت اخطب
كرم/ لا اخيرا وقعت فى الحب ي دومه
ادم/ مين جاب سيره الحب
كرم باستغراب/ امال ايه
ادم/ عادى البنت عاجبه ماما ومتعلمه ومحترمه والاهم انها حنينه على ماما
كرم/ يعنى انت هتتجوز البنت لانها حنينه على مامتك
ادم/ انا كل همى انى اطمن امى لانها رافضه تعمل العمليه قبل ما اتجوز والبنت محترمه جدا
كرم/ طيب والحب
ادم/ حب ايه ي كرم دا كلام روايات انا اخدت قرارى وكلمت باباها خلاص
كرم / بكره تندم ي صحبي على القرار دا
ادم / لما يجى بكره يبقى يحلها ربنا
***********************
وصلت شيماء ونور الى منزلها بعدما اخبرت والد نور انها معها وستعود الى المنزل فى الغد بعدما ترتاح وقابلوا شهاب
شهاب/ ايه دا نور عندنا ي مرحبا ي مرحبا
نور بابتسامه / ازيك ي شهاب
شهاب/ من لما شوفتك بقيت كويس
نور/ هههههه بكاش
شهاب/ بقولك ايه ي نور انا عندى ليكى عريس وسيم بصراحه مستخسره فى حد غيرك
نور/ مين دا ي سيدى
شهاب وهو يعدل من لياقه قميصه / اهوت قدامك
نور/ وانا موافقه
شيماء/ احم احم طيب بالنسبه ل ملوكه ايه
شهاب/ هى فين ملوكه دى مش حاسه بيا خالص ف قولت اخدها من قصيرها اتجوز نور اهو الواحد يتفشخر بيها قدام الناس
شيماء/ طيب امشى ياض من هنا
شهاب/ طيب طيب متزقيش انا اصلا كنت ماشى سلام ي خطيبتى
نور/ سلام
شيماء وهى تعطى نور بيجامه / خدى ي نونو البسى البجامه دى وتعالى نقعد انا وانتى وشرى فى البلكونه ونرجع ايام زمان هروح احضر القعده لوقت ما تلبسى
(البجامه كانت عباره عن توبي رصاصى حملات بينك فى اسود وعليه رسمه ميكى موس وبرمودا
ذهبت الى الصالون حيث تجلس والدتها واختها
شرى/ ايه ي شيماء نور نامت
شيماء/ لا بتغير هدومها علشان تقعد براحتها
الام/ ربنا يهديكى ي اميره هتضيعى بنتك وجوزك من ايدك
شيماء / ماما بليز متفحيش الموضوع قدام نور احنا عايز نطلعها من الجو اللى هى فيه
الام/ من غير ما تقولى ي بنتى انا مكنتش هقولها حاجه
خرجت نور اليهم وهى مرتديه بيجامه شيماء
شرى / وااااااو البيجامه شكلها حلو قوى عليكى احسن من لما بتكون على شيماء
نور/ لا طبعا على شيماء احسن
شيماء بغرور / طبعا عليا احسن
********************
كان يوسف ووالده وعمه جالسين فى جنينه المنزل
والد شهاب / عندى خبر هيفرحكوا قوى
والد يوسف/ خير
والد شهاب / فى عريس متقدم ل شيماء وبصراحه والولد اخلاق وابن ناس
يوسف حس ان الدنيا بتلف بيه
والد يوسف / بجد الف مبروك
والد شهاب/ انا اصلا مفتحتش معاها الموضوع
والد يوسف / ليه يعنى البنت فى اخر سنه ليها وزى ما بتقول الولد مؤدب ايه المانع
والد شهاب/ هى رفضت قبل كده عرسان كتير ومن غير سبب مقنع
والد يوسف / طيب ايه رايك يوسف يكلمها هم صحاب وهتحكيله كل اللى جواها ولا ايه رايك ي يوسف يوسف يوووووووسف
يوسف بشرود/ هاا نعم ي بابا بتقول حاجه
والد يوسف/ لا انت مش معانا خالص ايه ي ابنى روحت فين
يوسف/ ابدا ي بابا حضرتك قولت حاجه
الاب/ اه بقولك تكلم شيماء فى موضوع العريس اللى متقدم لها هى هتحكيله كل اللى هى حساه
يوسف (عايزنى اسال حبيبتى عن رايها فى عريس متقدم لها ) / …………
الاب/ فى ايه ي يوسف انت مش مظبوط خالص
يوسف / مفيش حاجه ي بابا
الاب/ خلاص هتكلمها
يوسف بالم(هدوس على قلبي ) / حاضر ي بابا هكلمها
*************************
عند شرى ونور وشيماء
شرى / بقولكوا ايه ي بنانيت ما تيجوا ننزل تحت مع بابا وعمو ويوسف الجو حلو قوى
نور / اه ياريت ونادى طنط وشهاب كمان
شيماء/ هههه انتى نسيتى ان شهاب خرج ومش هيرجع دلوقتى
نور/ اه صحيح انا كنت ناسيه طيب يلا بينا
شرى ل شيماء / يلا بينا وانتى ي اخت هتنزلى كده بالهوت شورت دا ولا هتغيرى
شيماء / اكيدلا طبعا هغير
نور/ ههههههه سبيها مبينه عودين الكبريت بتوعها
شيماء/ هاهاه ظريفه ي بت الحال من بعضه ي اختى
نور ل شرى / طيب بزمتك ي شرى عودين الكبريت ولا لا
شرى / بصراااحه اه
شيماء/ لا والله انتوا هتتريقوا عليا
نور/ لا ي حبى احنا مبنتريقش احنا بنقول الحقيقه
شرى / تعرفى ي بنت انتى محظوظه قوى على الاقل عريسك هيشيلك يوم فرحك اما انا سليم بيقولى لو مخستيش مش هشيلك
نور/ والله معاه حق يعنى هيشيل دبه دا العمود الفقرى بتاعه هيتكسر
شرى بزعل / هو انا فعلا دبه
شيماء/ ي بنتى انتى جسمك مناسب لا هو تخين ولا رفيع
نور/ فعلا انتى الوحيده االلى فينا جسمك مناسب
(شرى كانت تشبه عارضات الازياء لا هى تخينه ولا رفيعه وطولها167سم اما نور وشيماء ف هم شبه اعواد الكبريت فعلا على راى نور وطولهم قريب من بعض نور 164سم وشيماء 156سم
شرى / طيب يلا ي اختى انتى وهى علشان ننزل
البنات / يلا بينا
هبطوا جميعا لاسفل
وجلسوا فى جو اسرى كانت نور تفتقده بشده
والد يوسف بهمس لابنه / يوسف خدها وفاتحها فى الموضوع دا الوقت المناسب
يوسف بالم / ح حاض حاضر
يوسف/ شيماء لو سمحتى عايز اتكلم معاكى لوحدنا ممكن
نور بهمس ل شيماء / ايوة ي عم محدش قدك شكلك هتعملى فرحك مع اختك
شيماء / اسكتى بقى لحد يسمعنا
وذهبت معه باتجاه الطاوله وهى فى قمه السعاده
