رواية حبيبي اغلي من عمري الفصل العاشر 10 بقلم شيماء حسين
الفصل العاشر / كل شى راح وانقضى
عند ادم كان فى غرفه والدته
ادم/ ايه الحلاوة دى ي ست الكل هو انتى العروسه ولا ايه
الام/ ههههههه بطل بكش ي ادم
ادم وهو يانكج والدته / شكلى هغير راى واخطبك انتى ي مزه
***********************
عند شرى وشيماء
شرى / ي بنتى اقعدى هحطلك ميك اب خفيف
شيماء / لا مش عايزة ميك اب
شرى / ليه ان شاء الله هى دى مش قرايه فتحتك كفايه قوى اننا وافقنا انك تلبسى طقم عادى ومرضتيش كمان تلبسى فستان
شيماء/ بقولك هى فين نور
نور من خلفهم / انا جيت اهوت
شرى / تصورى ي نورمش راضيه تحط ميك اب
نور / روحى انتى ل طنط ساعديها وانا هتصرف معاها
بمجرد خروج اختها بدات الدموع تتساقط من عينيها
نور/ مينفعش كدا احنا قولنا ايه
شيماء ببكاء / مش قادره اتخيل انى هلبس خاتم واحد غيره
نور/ مينفعش ترجعى فى قرارك دلوقتى واقلعى السلسله دى
شيماء / لا مش هقلعها
نور/ لازم تمحى كل الماضى علشان تبدأ حياتك الجديده مع ادم اقلعيها يلا
شيماءبدموع / انا هلبس الكوليه دا عليها ومش هتبان
نور/ ماشى اما اشوف اخرتها معاكى ايه وبطلى عيااااط
اتت الام فى تلك اللحظه
الام بخضه / فى ايه ي بنتى بتعيطى ليه
نور / تصورى ي طنط بتقول اننا هنوحشها من بعد ما تتجوز بتفكر من دلوقتى فى الفرح
الام وهى تحتضن ابنتها / ي حبيبه قلبي دى مجرد خطوبه يلا امسحى دموعك وتعالى انتى ونور لان ادم ومامته والعائله كلها بره
نور بعد ذهاب الام/ يوسف بره لازم تكونى قويه فاهمه
شيماء وهى تمسح دموعها / فاهمه
خرجت الفتيات الى حيث يجلس الجميع فوقعت عيناها عليه من دون قصد ظلت تنظر اليه لفتره وتحدثوا بلغه العيون التى لا يفهمها غيرهم
(ليه ليه ي يوسف ليه تكسر قلبى بالطريقه دى )
(غصب عنى انا محبتش اكون انانى )
(وانت بالطريقه دى مش انانى انا دلوقتى هتخطب لغيرك ويا عالم ممكن كمان اتجوز وانت قاعد تتفرج عليا )
(هتكونى مبسوطه معاه صدقينى )
(خدنى من هنا صدقنى هاجى معاك )
قاطع تفكيرهم صوت والده ادم وهى ترحب بها وبعد عده دقائق طلبوا من ادم وشيماء الجلوس معا للتحدث قبل قراءه الفاتحه وتوجهوا الى البلكونه
ادم / ازيك ي شيماء
شيماء/ الحمد لله
ادم / حابه تعرفى ايه عنى
شيماء/ انا عايزة اعرف حاجه واحده بس انت ليه عاييز ترتبط بيا
ادم (مكنتش متوقع السؤال دا) / اظن لنفس السبب بتاعك
شيماء/ هو انت تعرف السبب بتاعى ايه
ادم / لا بس اللى انا متاكد منه لايمكن يكون حب لانك شخصيه بتفكر بعقلها مش بقلبها
شيماء (هو انا لو زى ما انت بتقول كان دا يبقى حالى )/ انا برضو حابه اعرف علشان نكون على نور من اولها
ادم / تمام انا عايز اخطبك لان انتى محترمه وبتعاملى والدتى وكانها ولدتك وان انتى الانسانه اللى هكون مامن معاها على اسمى ومركزى ممكن كلامى دا البعض يفتكره جنون بس انا مبعترفش بحاجه اسمها حب
والاحترام اللى هيكون بينا كفيل انه يخلى علاقتنا ببعض مستمره وخاليه من اى شوائب واوعدك انى هراعى ربنا فيكى
شيماء / تعرف انك طمنتنى بكلامك دا كنت خايفه انك تطلب منى حاجه اكتر من مقدرتى
ادم / بس لسه فى حاجه مهمه جدا بعد الزواج ان شاء الله والدتى هتعيش معانا
شيماء/ اكيد طبعا اطمن مامتك هى مامتى وهشيلها جوة عينى
ادم/ تمام اتفقنا عندك اساله تانيه
شيماء/ لا
ادم / تمام يلا بينا وخرجوا اليهم فى الصالون واخبروهم بالموافقه
واتفقوا على ان الخطوبه هتكون بعد امتحان شيماء بيوم ويكون خطيب شرى رجع من السفر
*************************
عدى اسبوع الامتحاتات بكل ما فيه من اضرابات (شهاب – ملك – شرى – شيماء- نور ) وكانت طول الفتره دى لم ترى فيها شيماء يوسف غير مره او مرتين وهو خارج الى عمله (فهو يعمل فى نفس القسم اللى هى وادم بيشتغلوا فيه وكانت مفاجاه ليهم كلهم لانها جت صدفه ) وكانت تتحدث هى وادم كل يوم يطمان عليها وكانت المكالمه لم تتعدى 5 دقائق وشرى وسليم دائما على اتصال دائم والحب بينهم اما نور فعلاقتها بوالدتها مازالت كما هى لا يوجد بها اى تغيرات وجه اخر يوم فى الامتحان وكانت البنات خارجه من الامتحان
شرى / يااااااااااااااااااه اخيرا الواحد هيتخرج من ام الكليه دى بقى
شيماء/ اه انا كنت فقدت الامل خلاص
نور/ بقولكوا ايه تعالوا نروح مطعم محترم و ناكل اى حاجه ونروح نشترى فساتين لبكره
شرى / تصدقى فكره حلوة قوى اصلا هنلف كتير قوى
شيماء / دا انا كنت ناسيه الموضوع دا خالص
شرى / والله انا شاكه ان الخطوبه دى مش بتاعتك وحده غيرك كانت زمانها دلوقتى بتحضر لخطوبتها من شهرين
شيماء / هو انا هبله زيك
نور/ خلاص خلاص بطلوا خناق يلا بينا ورانا يوم طويل
وذهبوا الى المطعم وتناولوا طعامهم وذهبوا الى المول ليحضروا الفساتين
وبعد حوالى خمس ست ساعات اختارت نور فستان دهبى طويل كب وعليه فصوص من اعلى ومن على خصرها
وشرى اختارت فستان احمر طويل مفتوح من الجنب بحماله واحده وعليه حزام من على الخصر
اما شيماء فختارت فستان وردى من طبقه الشيفون والحرير كت وعليه حزام من على الخصر (هو حلو بس انا مش عارفه اوصفه )
شيماء /اوووه انا نسيت موبيلى فى المطعم اللى كنا فيه
شرى / نعم ي اختى وانتى لسه فاكره دلوقتى انا رجلى وجعتنى من كتر اللف
نور/ معلش ي شرى تعالى نروح معاها تجيبه
شرى / لا روحى انتى وهى انا هفضل هنا
شيماء ونور معا / لا لازم تيجى
شرى بنص عين / بت انتى وهى فى ايه
نور / مفيش ي شرى تعالى بس
وذهبوا الى المطعم على حوالى الساعه 8 مساء وكانت الاضواء خافته للغايه
شرى /ايه دا هم قفلوا ولا ايه
شيماء وهى تحرك شرى الامام / لا مبيقفلوش دلوقتى تعالى تعالى
وعندما وصلوا الى منتصف المطم اضاءت الانوار وكان المكان ملئ بالشموع وبالورود مرسوم قلب مكتوب عليه (بحبك ي شرى ) واشتغلت الموسيقى .
شرى بفرحه / سلييييم
سليم وهو يقبل يدها / ايوة سليم ي روح وقلب سليم
شرى / حمدلله على سلامتك انت رجعت امتى
سليم / النهارده وكلمت شيماء واتفقنا اننا نعملهالك مفاجاه وهى اللى حجزت المكان
شرى / كل دا علشانى انا
سليم/ دا قليل عليكى انا لو اطول اجبلك النجوم لحد عندك
شرى / كفايه انت عليا انت عندى بالدنيا كلها
شيماء ونور من خلفهم/ احم احم نحن هنا
شرى وهى تحتضنهم / ربنا يخليكوا ليا
سليم / يارتنى كنت شيماء ونور علشان اخد حضن زى دا
شرى قلبت طماطم / ……….
شيماء / اللى يشوفك دلوقتى ميشوفكيش وانتى رافضه عايزة تيجى معانا
سليم بيغمز ل شيماء ونور / ايه ي بنات
نور وشيماء باستعباط / ايه
سليم / مش كنتوا هتروحوا المول تجيبوا منه حاجات لبكره
البنات/ لا احنا جبنا كل حاجه
سليم / متاكدين
البنات/ ايوه متاكدين
سليم/ طيب يلا ي حلوة انتى وهى روحوا اقعدوا على التربيزة اللى هناك دى مشوفش وش اى وحده فيكوا
***************************
على التربيزة
نور / شكلهم حلو قوى مع بعض
شيماء/ ااهااا شرى محظوظه جدا ب سليم
نور/ اخبارك ايه مع ادم
شيماء/ الحمد لله ادم انسان كويس جدا
نور/ يعنى بدائتى تحبيه
شيماء/ انا قلبى لشخص واحد بس ولايمكن هيدق لحد غيره
نور/ طيب دا مبيضايقش ادم
شيماء/ احيانا بيزعل بس بيرجع تانى
نور / الحب ساعات بيكون سبب سعادة صاحبه واوقات تانيه بيكون سبب تعاسته
شيماء/ دا بيتوقف على الشخص اللى تختاريه ربنا يرزقك بشخص زى سليم وادم بس تكونى بتحبيه وهو بيحبك
نور/ لا انا بعد اللى شوفته لايمكن افكر فى موضوع الحب دا
شيماء / كان غيرك اشطر دى حاجه بتيجى من غير استاذان بس االمهم يكون القلب دق ل شخص الصحيح
فضلوا قعدين فى المطعم وبعدين ذهب كل واحد منهم الى منزله والافكار
تتسارع مع بعضها
***************************
ذهبت نور الى منزلها وجدت والدتها فى انتظارها
الام/ حمد لله على سلامتك
نور/ الله يسلمك
الام/ ايه اللى معاكى دا
نور / دا فستان جبته لخطوبه شيماء
الام/ ورينى كدا ايه القرف اللى انتى جيباه دا طبعا الذوق البيئه دا اكيد ذوق البنت اللى انتى ماشيه معاها
نور/ مامى لو سمحتى اانا مش عايزة اتخانق الفستان وعجبنى وخلاص بقى انا زهقت من الزعيق كل يوم
الام/ ياترى بقى الهانم عامله الخطوبه فين
نور/ فى فندق (…….)
الام/ والله بقى ناس زى دى تعمل خطوبه بنتهم فى مكان غالى زى دا اكيد العريس غنى والبنت ضحكت عليه
نور/ لا ي مامى هى مش ضحكت عليه ولا حاجه هو بيحبها (شيماء مقالتش لنور على الحديث اللى دار بينها وبين ادم يوم قراءه الفتحه لان دا كان طلب ادم ان الكلام ميخرجش من بينهم هم الاثنين )
الام/ انا هاجى معاكى بكره الخطوبه دى
نور/ معقوله اميره هانم تنزل من على عرشها وتحضر فرح بنت عدوتها
الام (هى فعلا غريبه بس انا هورى عز الدين ازاى يفضل وحده زى اللى اسمها نجلاء دى عليا اانا ويرفض انه يتجوزنى ) / انا عايزة ابداء صفحه جديده مع كله
نور بعدم تصديق / والله طيب عن اذنك هطلع اوضتى
تركت والدتها وذهبت الى غرفتها لتنال قسطا من الراحه فغدا يوم طويل وشاق
**********************
وصل سليم والبنات الى المنزل وسلم على الجميع وجلس معهم فتره تزيد عن ساعتين واستاذن هو ويوسف وجلسوا مع فى الحديقه
سليم / طمنى عليك
يوسف / ادينى عايش
سليم / انت اللى عملت كده فى نفسك
يوسف / ابوس ايدك ي سليم انا فيا اللى مكفينى انت السبب اصلا
سليم / انا السبب فى ايه بقى
يوسف / انت اللى قولتلى زمان متكلمهاش فى الموبيل ومتعلقهاش بيك لوقت ما تكون نفسك وهى لو ليك هتفضل مستنياك بقيت بكلم كل اللى فى البيت الاا هى كنت بموت علشان اسمع صوتها بس الوعد اللى انا قطعته على نفسى كان منعنى لحد ما هى حبت واحد تانى وخطوبتها عليه بكره وانا قاعد بتفرج عليها
سليم / وانا برضو اللى قولتلك روح فاتحها فى موضوع ادم متحطش غلطك عليا انا انت اللى غلط وانت اللى هتتحمل غلطك
يوسف/ بس دا غلط كبير قوى مقدرش استحمل
سليم / ربنا يعينك عليه وانت لو بتحبها بجد اتمنى ليها الخير
يوسف / انا هفضل جنبها لوقت ما اتاكد انها مبسوطه معاه هختفى من حياتها
***********************
كانت تتحدث مع ادم عبر الهاتف
ادم / جبتى الفستان لونه ايه
شيماء/ لونه وردى
ادم / اكيد هيكون شكله حلو عليكى
شيماء / ميرسى
ادم / اكيد هتلبسى كعب
شيماء/ اه اكيد
ادم/ ياريت بقى يكون 10/15 سم علشان تبانى جنبى
شيماء/ لا متخافش هبان
ادم / تمام هسيبك انا بقى علشان تنامى اكيد وراكى حاجات كتيره بكره وهكلمك برضو بكره الصبح
شيماء / اوك تمام مع السلامه
ادم / سلام
ونام الجميع والحزن مخيم على المعظم فالغد يعتبر يوم الحكم على قلبين بالاعدام
