رواية حبيبي اغلي من عمري الفصل الثاني والعشرين 22 بقلم شيماء حسين
عاد سليم من عمله وكانت شرى جالسه امام التلفاز
سليم / مساء الخير
شرى / مساء النور حمد لله على السلامه ي حبيبى
سليم / الله يسلمك اخبارك يومك ايه
شرى / عادى مقضياه فى البيت وعديت على ماما الصبح هقوم اجهزلك الاكل
سليم / لا متتعبيش نفسك انا طلبت اكل من بره هقوم اغير هدومى
شرى / ليه ي سليم ما انا عملت اكل ليه المصاريف على الفاضى
سليم / حبيبتى دور الزوجه الموفره مش لايق عليكى انا متعود منك على الهبل اما الوضع اللى انتى فيه دا لا
شرى تضربه بخفه / بقى انا هبله مااشى
سليم وهو يضع يده على مكان الضربه / اااه ي مفتريه
شرى / تستاهل
وهنا رن جرس الباب فتوجه سليم ليحضر الطعام
سليم وهو يضع الطعام على الطاوله / يلا حضرى السفره بلاش دلع
شرى / حاضر مش تتأخر والا هأكل واسيبك
سليم / لو جدعه اعمليها
************************
فى اليوم التالى استيقظت شيماء وتوجهت الى منزل والدها
الام / شيماء انتى بتعملى ايه هنا
شيماء / ايه المقابله دى ي ماما
الام / انتى مبقلكيش مده متجوزة ازاى تطلعى من البيت
شيماء / هو بابا وعمو وطنط فين
الام / باباكى وعمك راحوا يتمشوا شويه وخديجه راحت عند والده ملك اه صحيح امبارح قرينى فاتحه ملك وشهاب
شيماء / بجد مبروك واخيرا
الام / تعالى نروح المطبخ ورايا شغل كتير
شيماء/ مجبتيش حد يساعدك فى البيت ليه حضرتك وطنط مش هتتحملوا شغل البيت
الام/ اظن ان دا مش الموضوع اللى انتى جايه علشانه
شيماء / فعلا انا جايه اسأل حضرتك على حاجه نور قالتهالى جمله مفهمتهاش ممكن حضرتك تفهميهالى
الام/ جمله ايه
شيماء/ قالتلى انتى خطافه رجاله زى مامتك
الام / نور قالتلك كده
شيماء/ كنت فكراكى هتدافعى عن نفسك
الام / ادافع عن نفسى ليه انتى جايه تتهمينى ولا جايه تسالينى
شيماء/ انا جايه اعرف الحقيقه ايه اللى حصل بين حضرتك وطنط اميره زمان
قصت والدتها الحكايه بأكملها
الام / دا كل اللى حصل
شيماء / علشان كده مكنتيش بتوافقى انى اختلط بيها وكنتى بترفضى انى اروح ازور نور فى بيتها
الام / فى الاول كنت مفكره اميره هى اللى خلت نور تقرب منك وتنتقم منى من خلالك بس بعد ما عرفت نور عرفت انها غير اميره خالص
شيماء / بس دلوقتى طنط اميره هتستخدم نور فعلا نور دلوقتى تعتبر شخص عايش من غير روح كل الناس اللى بتحبهم بعدوا عنها
الام / انتى عرفتى ان صدقى كان متجوز ومراته التانيهعايشه دلوقتى معاهم فى البيت
شيماء بصدمه / ايييييه مش ممكن انا همشى دلوقتى اوك وسلميلى على الباقى اوك سلام
خرجت من منزلها وذهبت الى منزل ادم سيرا على الاقدام واثناء سيرها رأت محل لملابس المحجبات وكانت جميله فى الغايه لم تشعر بنفسها الا وهى داخل المحل
وعات الى المنزل بعد ذلك
*****************************
كان يوسف جالس مع سليم فى منزل سليم
يوسف / انا عندى مأموريه بكره ومعرفش هرجع منها ولا لا
سليم / ليه التشائم دا ي ابنى هى دى اول مره
يوسف/ لا مش اول مره بس انا مش مطمن المره دى شحنه كبيره
سليم / انت قدها ي كبير
يوسف / بس انا عايز اروح اشوفها
سليم / مين
يوسف / هيكون مين يعنى
سليم / انت مجنون هتعملها مشكلها كبيره وبعدين خلاص اللى بينكوا انتهى وانساها بقى
يوسف ( انت مش فاهم حاجه انا هروح يعنى هروح ) / معاك حق
سليم / ايوة كده بطل الجنان بتاعك واعقل وروح نام احسن
يوسف / طيب يلا سلام وسلملى على شرى
*********************
كانت نور جالسه فى النادى هى و والدتها
الام / انا لو عارفه ان جواز باباكى هيخليكى تيجى معايا هنا كنت قولتله يعملها من زما
نور / يعنى حضرتك مش زعلانه لان بابى اتجوز عليكى
الام / وازعل ليه كده كده هرجعلى تانى
نور / هو حضرتك مبتحبيش بابى
الام / مفيش حاجه اسمها حب عندك باباكى اول ما اتجوزنا كان بيقولى عمرى ما هزعلك وهفضل شايلك فى عينى وعمرى ما هبص لوحده غيرك وبص واتجوز كمان
نور / حضرتك اللى غلطانه لانك اهملتيه
الام / سيبك من الموضوع دا المهم فى وحده صحبتى هى وابنها جايين بعد شويه مش عايزة تصرفاتك المجنونه دى
وهنا اتت السيده هى وابنها يدعى وليد وبعد السلامات جلسوا هم الاربعه معا
وليد ل نور / بقالك كتير مجتيش النادى
نور / ظروف اصل انا مش فاضيه كل شويه اجى هنا
وليد / ليه وراكى ايه
نور / ورايا شغل
وليد / ليه انتى محتاجه فلوس
نور / انا بشتغل لانى عايزة اشتغل مش علشان محتاجه فلوس
والده وليد ل والده نور / الولاد شكلهم اخدوا على بعض والخطه هتمشى
والده نور / ياريت انا مطمناش واحد احسن من وليد ل نور
والده وليد / خلاص من دلوقت نور بقت مرات ابنى بس انتى فاتحتيها فى الموضوع
والده نور / لسه انا حبيت انها تقابل وليد وتقولى رأيها فيه بكل صراحه وبعدين افاتحها
والده وليد / ان شاء الله نفرح بيهم قريب
والده نور / امين ي رب
وانتهت القعدة وتوجه كل واحد الى منزله
عدت الايام وعادت والده ادم من المستشفى بعد نجاح العمليه وقضاء فتره فى المستشفى وتمكن يوسف من القبض على رجل الاعمال صاحب شحنه المخدرات وتم ترقيه وعاد ادم الى عمله بعد الاجازة الطويله واصبحت العلاقه بين نور و وليد قويه (مجرد اصدقاء ) وعاد شهاب وملك من تدريبهم وحددوا معاد الخطوبه فى يوم كان ادم وشيماء فى المنزل
شيماء / ادم عايزة قولك على حاجه مهمه
ادم / قولى
شيماء / يوسف جالى من فتره هنا وانت فى المستشفى مع مامتك
فلاش
كانت ذاهبه الى غرفتها فوجد من يسحبها من يدها ويدع يده على فمها
شيماء بدهشه / يوسف انتى بتعمل ايه هنا انت اتجننت
يوسف / انتى بجد
شيماء / نعم ي اخويا
يوسف / انتى لبستى الحجاب
شيماء / ايوة انت بتعمل ايه هنا وانت ازاى تسمح لنفسك انك تمسكنى كدة
يوسف / اسف انا خفت تصرخى وحد يسمعك
شيماء / امشى ي يوسف وجودك هنا غلط
يوسف / انتى مبترديش عليا ليه
شيماء / لان انا دلوقتى ست متجوزة
يوسف بعصبيه / متنرفزنيش
شيماء / انا مش بنرفزك انا بقول الحقيقه ويلا امشى من هنا ولو عايز تيجى تبقى تيجى من الباب زى الضيوف العاديين
يوسف / يعنى انا ضيف
شيماء / امال انت ايه يوسف بالله عليك امشى لان مرات اخو ادم موجوده فى البيت
يوسف / ماشى همشى انا بس كنت حابب اشوفك قبل المأموريه
شيماء / انت عندك مأموريه
يوسف / ايوه ادعيلى
شيماء (ربنا معاك وترجع بالسلامه ) / حاضر
يوسف / بقيتى قاسيه قوى سلام
باك
شيماء ل ادم / دا كل اللى حصل
ادم / طيب انتى بتقوليلى ليه
شيماء / احنا اه جوازنا صورى بس لازم احترمك فى وجودك و غيابك
ادم / يا بخت يوسف بيكى
شيماء / هنفذ الخطه الطلاق امتى
ادم / من بكره بعد خطوبه شهاب وملك بأستخدام اسمهان
شيماء / اه صحيح ايه اللى مخلى اسمهان تكرهنى وتكرهك بالطريق دى
ادم / هى كانت عايزانى اخطب اختها الصغيره اسماء ولما ادهم اخويا فاتحنى فى الموضوع مكنتش بفكر فى موضوع الجواز ف قولتله انا لو هفكرفى الجواز هتكون اسماء اول واحده هى اخدت الكلام دا على انه وعد منى بالجواز منها ف لما عرفت انى اتجوز قالت انى كنت بلعب بأختها وهتفضل وراكى لحد ما تخليكى تطلقى منى واحنا هنلعب على الحته دى
شيماء / تمام كده انا فهمت
ياترى شيماء وادم هيعملوا ايه
