رواية حبيبي اغلي من عمري الفصل الثالث والعشرين 23 بقلم شيماء حسين
كانت عائله شهاب مجتمعه بأكملها فى المنزل وملك و والدتها لاختيار الفساتين
شهاب ل ملك / ملوكه شوفى الفستان دا
ملك / حلو بس انا مش عايزة الاستيل دا عايزاه كب
شهاب / عايزاه ايه ي اختى
ملك / كب انتى مش عارف يعنى ايه كب
شهاب بعصبيه / اه اصل انا معايا ابتدائيه بقولك ايه الفستان هيكون محترم
شرى / والله وطلعلك صوت ي شهاب الله يرحم ايام ما كنت بتلبس من لبسى انا وشيماء زمان
ملك / ايه دا بجد انت كنت بتعمل كدا
شهاب / انا لا طبعا ولا اه ي ماما
الام / اه طبعا ي حببى كنت بتعمل كده
ملك/هههههههههه
شهاب / انتى بتضحكى على ايه
يوسف / ما تضحك زى ما هى عايزة انت هتحاسبها اضحكى ي ملوكه براحتك
ملك وهى بتطلع لسانها ل شهاب / ميرسى ي جو
شهاب وهو بيقلدها / ميرسى ي جو
والد شهاب / واحنا نخلص من يوسف وشيماء تطلعوا انتوا
والده شهاب / القعده دى ناقصه شيماء تكون معانا
شرى / فعلا دى وحشانى قوى ايه رايكوا نخيارلها فستان ويكون هديه مننا ليها
سليم / والله فكره
شرى وقد اختارت فستان زهرى طويل ضيق من عند الصدر ونازل على واسع وحملات وعليه بلوروة نص كوم (لا احد يعلم بانها اتحجبت )
شرى / الفستان دا هيكون تحفه عليها
يوسف / لا الفستان دا مينفعش وحده محجبه
الام / ايه اتحجبت مجبتليش سيرة بالموضوع دا
يوسف (اعمل ايه دلوقتى )/…………..
سليم ليتقذ الموقف / هى قالتلى وانا قولت ل جو وكنا عايزين نعملها مفاجاه ليكوا بس يوسف بوظها
شرى / انا نفسى اشوفها اكيد شكلها هيكون حلو بالحجاب
سليم / عقبال ناس ما تلبسه هى كمان
شرى / احم احم اا هى فين ريما
الام / سافرت عندها شغل بس حاله مش عاجبنى
ملك / فعلا انا شوفتها كان شكلها تعبان قوى
يوسف/ تلاقيها تعبانه من الشغل ولا حاجه
الام / يمكن يلا نكمل اللى احنا بنعمله
*******************
كانت نور جالسه هى و وليد فى حديقه منزلها
وليد / تعرفى انا كنت مفكرك متكبره ومبتعرفيش تهزرى وتتكلمى زينا بس دلوقتى
نور / كمل كمل
وليد / لقيتك بنت طيبه جدا وجميله قوى مقصدش الشكل انتى طبعا جميله بس اقصد فى الروح و فى دمعه محبوسه فى عينك طول الوقت ياترى هى رافضه تطلع ولا مش عارفه تطلع
نور / انت عرفت كل دا احنا مبقلناش كام يوم مع بعض شكلك بتفهم الناس كويس
وليد / لا والله دى اول مره فى حياتى افهم حد بالطريقه دى يمكن انتى اللى كتاب مفتوح علشان كده فهمتك
نور / وانت كمان ي وليد طيب قوى وصديق بجد
وليد / صديق بس
نور / مش فاهمه قصدك ايه
وليد / متحطيش فى بالك قوليلى بقى هنخرج فين بكره
نور / امممممم اى مكان تختارى انت
وليد / عايزك تلبسى احلى فستان عندك بكره اوك
نور / ليه احنا هنروح فين
وليد / مفاجأه
**********************
فى حفله الخطوبه كان الجميع على تربيزة العائله
والده شهاب / ادم وشيماء اتأخروا قوى
شرى / انا اتصلت عليها وقالتلى وصلوا زمانهم جايين
دخل ادم وشيماء فى هذه اللحظه القاعه وسلموا على الجميع
شيماء ل شهاب وملك / الف مبروك ي حبيبى مبروك ي ملوكه
ملك وشهاب / الله يبارك فيكى
توجهوا الى حيث يجلس الجميع وبدأت رقصه السلو
شيماء ل ادم / دومه تعالى نرقص
ادم بنرفزه / هو انا فاضى للرقص والكلام الفاضى دا
شيماء / فى ايه ي ادم انا كل ما اطلب منك حاجه تتنرفز عليا
ادم / ما انتى بتطلبى حاجه تنرفز انا هقوم اطلع بره
شيماء / يبقى احسن برضو
الام / فى ايه ي بنتى انتو بتتخانقوا ليه
شيماء / انا زهقت ي ماما ادم بقى بيتعصب على حاجات هايفه وبصراحه انا زهقت
الام / ربنا يهديكوا هى مامتك فين ي جو
يوسف / ماما قعده مع والده ملك
الام / انا هروح اقعد معاهم
بعد ذهاب الجميع لم يتبقى غير يوسف و شيماء
شيماء / عملت ايه فى المأموريه
يوسف/ ياااه اخيرا سألتى على العموم الحمد لله العمليه نجحت وبقيت رائد
شيماء / مبروك انت تستاهل كل خير
يوسف / الله يبارك فيكى حلوة المسرحيه اللى عملتيها انتى وادم دى
ادم وقد سمع هذه الجمله عندما اتى / ايه رأيك انفع اكون ممثل
يوسف / تنفع ي دومه
شيماء / نور ؟؟
ادم نظر الى حيث تنظر
شيماء / مين اللى معاها دا
يوسف / دا وليد صاحبنا
ادم ل شيماء / انتى اللى عزمتيها
شيماء / لا ممكن تكون شرى او شهاب
عند نور و وليد
نور / هو انت تعرف شهاب
وليد / شهاب صحبى
نور / صحبك ازاى
وليد / ايوة يلا بقى تعالى نسلم على شهاب ويوسف
نور / لا انا همشى
وليد / يلا وتوجهوا الى حيث يجلس الجميع
وليد وهو بيسلم على يوسف / ازيك ي جو وحشانى ياااض
يوسف / وانت كمان ي وليد
وليد / احب اعرفكم على نور ودوا يبقى
نور / عارفاه ازيك ي يوسف
يوسف / الله يسلمك ي نور انتى اخبارك ايه
نور وهى تنظر الى ادم وشيماء / تمام
شيماء / ازيك ي نور
نور ل وليد / ممكن نروح نقعد على تربيزة تانيه
وليد / اوك يلا هشوفك تانى ي جو بااى
يوسف / باااى
ادم / انا همشى
شيماء / استنى انا هاجى معاك
ادم ل يوسف / متقلقش كلها كام يوم وترجعوا لبعض تانى
يوسف/ خليها على الله
انتهت حفله الخطوبه وعاد الجميع الى المنزل
****************************
فى اليوم التالى بدايه خطه ادم وشيماء ذهب ادم الى العمل
شيماء ل اسمهان / انا عايزاكى تساعدينى
اسمهان/ فى ايه
شيماء / عايزاكى تمشى الشغالين وانتى كمان شوفيلك مكان تقعدى فيه النهارده
اسمهان / نعم
شيماء / انا هعمل خطه علشان اطلق من ادم وعايزاكى تساعدينى
اسمهان / اشمعنا انا
شيماء / لانك عايزة كده هتسعدينى ولا لا
اسمهان / اوك
شيماء /الساعه كمان ساعه تكونى هنا وابقى سخنى ادم
بعد مده كانت شيماء قعده فى الصالون وماسكه مبرد الاضافر
والده ادم / فين الشغالين
شيماء / اديتهم اجازة
والده ادم / ومين اللى هيطبخ وينضف انتى
شيماء / انااا مبعرفش اطبخ حضرتك موجوده وقدها
والده ادم / دا انا بقوم من على السرير بالعافيه
شيماء / معلش كله يهون علشان خاطر ولادك
والده ادم وهى تتوجه الى المطبخ / طيب تعالى سعدينى
شيماء /سورى انا لسه عامله ضوفرى وممكن تتبهدل
تركتها وتوجهت الى المطبخ وبدأت فى عمل الاكل على حوالى الساعه 1 اتى ادم من العمل واسمهان ايضا
ادم ل شيماء / ماما فى اوضتها
شيماء / مامتك فى المطبخ
اسمهان / الدكتور قال ممنوع انها تعمل اى مجهود
ادم / بتعمل ايه فى المطبخ
شيماء/ بتعمل الاكل
ادم / وانتى معملتهوش ليه اتشليتى
شيماء/ احترم نفسك
ادم وهى بيشدها من شعرها / انا هوركى الاحترام اللى على اصوله
اسمهان / ايه ي ادم مينفعش انك تضربها بالطريقه دى هى غلطت اه بس العقاب ميكنش كده
خرجت الام على صوت خناقتهم / فى ايه ي ابنى
ادم / لو سمحتى ي امى اطلعى من الموضوع دا
الام / مينفعش ي ابنى اللى انت بتعمله دا
شيماء / سيب شعرى ي حيوان
ادم وهو يضربها بالقلم / انتى عايزة تتربى من اول وجديد قدامى على فوق يلا سحبها وتوجه الى الغرفه
اسمهان ل الام / اتحسدوا
شيماء ل ادم / ابقى خف ايدك شويه
ادم / هههههه معلش استحملى
شيماء / ربنا يستر واروح بيتى سليمه
************************
عند نور وليد
وليد / نور انا عايز اقولك على حاجه
نور / خير ي وليد
وليد / نور انا بحبك وعايز اتجوزك
نور بصدمه / ايه
وليد / زى ما سمعتى احنا بقالنا فتره كبيره نعرف بعض مكنتش متوقع انى ممكن احب فى يوم من الايام انتى مبتتكلميش ليه
نور / اقول ايه
وليد / قولى اللى انتى حاساه ادينى فرصه ولا انا مستهلهاش
نور / وليد انا ………..
وليد / انا هديكى مهله تفكرى فيها وردى عليا اوك
نور/ اوك
وليد / هسيبك انا بقى سلام
بعد رحيل وليد اتت والدتها وجلست معها
الام / ايه ي نونه مخرجتيش مع وليد ليه
نور فى عالم تانى خالص / ………
الام /نوررررررر
نور / هاه بتقولى حاجه ي ماما
الام / مالك ي نور وليد قالك ايه
نور / قال عايز يرتبط بيا
الام بفرحه / بجد دا احلى خبر سمعته فى حياتى
نور / بس انا لسه موافقتش
الام/ وايه اللى يمنع وليد غنى ومؤدب ومفيهوش عيب
نور / بس انا مبحبوش ي ماما
الام / انتى اكتر وحده عارفه ان مفيش حاجه اسمها حب فكرى بقعلك ي نور
تركتها لتدخل فى تفكير عميق
