رواية ليل المستبد الفصل التاسع 9 بقلم اسماعيل موسي
وصل وريث عيلة مدكور الوحيد ،صرخ جاسر، فارس مدكور ،امسك عصاك وصارع مثل الرجال، يحب جاسر فخر الدين الفخر أكثر من نفسه، ورغم انه هذم كل شباب القريه هذه الليله الا انه رغب ان تكون نهايتها دراميتكيه ،فهزيمة الد اعدائه امام الناس بعد أن قضى على سيرتهم تمنحه السعاده.
لكن فارس رفع عكازه رغم ضعفه ،الدماء التى تجرى فى عروقه لازالت باقيه.
سعل فارس وهو يرفع عصاه، وتلقى اول ضربة من جاسر فخر الدين فترنح جسده.
صرخ جاسر، اثبت ياد، انا عارف ان ضربتى قويه بس انت راجل مش ست ؟
استجمع فارس قوته وضرب جاسر الذى تلقى الضربه بعصاه
لا شاطر والله، جدع ياد ،طيب قابل يا حيل امك
حرك جاسر العصا ،وضرب عدت مرات متسارعه ورا بعضها
ضربات قويه وجسد فارس ضعيف غير قادر على المقاومه
سقط فارس على الأرض وسعل دم.
صرخ جاسر بفخر قوم يا راجل، دا حتى بيقولو ان رجالة عيلتكم قويه وعندها كرامه
مالك كده عامل ذى الكلب مستنى الضربه التانيه ؟
حاول فارس ان ينهض لكن عصا جاسر التى ضغضت على جسمه منعته من الوقوف.
انت فعلا كلب يا فارس والكلب بيعمل ايه معى سيده ؟
لما يرمى ليه حتتة العضم بيجرى يمسكها ويرجعها لسيده
القى جاسر عصاه على الأرض
هات العصايه ببقك يا فارس قصدى يا كلب !
صمت فارس، توقف عن الحركه، قلت هات العصايه يا كلب!
صرخ جاسر وركل فارس فى معدته اكتر من مره حتى كسر ضلوع صدره ،ازحف يا كلب وهات العصايه ورى كل اهل البلد مين سيدك، مين جاسر فخر الدين.
زحف فارس، امسك العصا بفمه ،زحف مره اخرى يناهض الألم الذى شمل كل جسده ،زحف حتى اوصل العصا ليد جاسر.
استدار جاسر حول نفسه بنرجسيه، دلوقتى مش فاضل غير ضربة النصر
رفع جاسر فخر الدين عصاه ونزل بها على ظهر فارس مدكور
توقفت العصا قبل أن تصل جسد فارس
صدتها عصا أخرى من يد رجل غريب، يد قويه منعت العصا من الوصول إلى طريقها.
الراجل إلى يستقوى على انسان ضعيف ميبقاش راجل
صرخت ليل بصوت رجل.
مين انت؟ صرخ جاسر فى غضب
همست ليل __مجرد راجل غريب ميرضاش بالظلم
صرخ جاسر ،طيب يا غريب متعرفش إيه إلى بيحصل للى للحيوان إلى بيقف بين الأسد وفريسته ؟
بلاش كلام كتير يا جاسر، مش اسمك جاسر برضه ؟
ارفع عصاك والساحه تحكم بينا.
بين الحشود ارتفعت نغمه تانيه ،فيه غريب بيتحدى جاسر فخر الدين، شخص واقف قدام الكبير.
امتلأت الشرفات بالنساء، والأطفال تزاحمو يدفعون الكبار لرؤية المعركه
واحاط رجال جاسر بالحلبه
صرخت ليل، هو انت خايف من الهزيمه يا جاسر ؟
جامع رجالتك المسلحين حوالين الحلبه عشان يحموك ؟
جاسر فخر الدين مش محتاج حمايه يا غريب ،يا رجاله
كل واحد فيكم يروح على مطرحه
مش عايز شخص فيكم يظهر غير لما أقضى على الجدع ده وتشيلو جثته ترموها فى الترعه.
أطلقت ليل ابتسامة ساخره وتلقت اول ضربه من جاسر
شعرت ليل بثقل الضربه
رغم تدريباتها لم تتخيل ان يد جاسر قويه لتلك الدرجه
ثم تلقت ضربه أخرى وأخرى قبل أن تعيد الضربه بضربه
فكرت ليل لو النزال طال اكتر من الازم هيكون مصيرها الهزيمه والفضيحه
درست حركات قدم جاسر وأدركت أن حركة قدماه بطيئه
غروره وثقته المفرطه تؤثر على قرارته، جاسر يريد كل ضربه ان تكون مثاليه كأنه يمثل فيلم او مسرحيه.
استخدمت ليل سرعتها ،حركت قدماها وضربت أكثر من ضربه فى اماكن مختلفه، فوق تحت فوق، ضربه جانبيه
ثم ضريه فى القدم وصلت لجسد جاسر.
بعدها استعدت للدفاع مع الحركه كى تنهك جاسر
كلما تلقت ضربه تحركت وجاسر يلف ويدور خلفها
وصوت العصا يشق ظلام الليل والناس تراقب قوة جاسر المهولة والغريب الذى يكافح للهرب من ضرباته.
لهث جاسر من التعب وبطأت حركته مثلما خططت ليل
وقفت فى مواجهته وتلقت ضربه بضربه والعصا تحكم
رفع جاسر عصاه ثم بكل قوته ضرب ضربة قويه جدا
رغم ان ليل تلقتها بعصاها الا ان الضربه حركتها من مكانها
والصقتها بالرجال حول الحلبه
قابل القوه يا ولد صرخ جاسر بانتشاء ،فاكر نفسك هتقف قدام جاسر وتنتصر ؟
شعرت ليل بألم فى ساعدها ،الضربه التانيه وصلت كتفها
وشعرت بالألم
لكنها لم تصرخ، عرفت ان صرختها ستكون سبب هزيمتها
وقفت بثبات انتظرت ضربة جاسر التاليه
عندما وصلتها الضربه تدحرجت على الأرض وتلقتها على ظهرها ثم بكل قوتها ضربت ساق جاسر ضربه قويه
جعلته يترنح ويعرج ثم قبل أن يستعيد نفسه ضربت قدمه الأخرى.
زأر جاسر، اطلق حشرجه مثل وحش الغابه ،لكن ضرباته التاليه كانت ضعيفه غير مؤثره
بينما كانت ليل تعاين الأضرار فى كتفها وظهرها بحثت عن هدنه.
راحت تصد الضربات وتهرب خلال الحلبه حتى مضى الوقت
صرخ صاحب العرس اخيرآ بعد أن انتصف الليل
انتهى النزال يا جاسر، العريس لازم يطلع غرفته مع عروسته
لا هازم ولا مهزوم.
لكن الناس لم تكن مستعده للتعادل ،الادرينالين ارتفع داخل النفوس
ثم كيف لغريب ان يحضر بلدهم ويقف آمام أقوى رجل فيها ثم يرحل بلا هزيمه ؟
العاشر من هنا
